אויב איך מעג צוזאמנעמען מיט מיינע ווערטער מעהר-ווייניגער די הלוך-ילך פון די לעצטע 42 הודעות אינעם אשכול איז כדלהלן:
צד א' (
@ליטוואק פון בודאפעסט,
@גאנצל, און
@ימים ידברו בשם
@BERLBALAGULEH):
הגראי"ל התנגד בכל כוחו לגיוס לצ.ה.ל. כמפורש אין זיין באקאנטען בריוו, און אזויי ווי רוב מניין ובניין פון אנשי ביתו ותלמידיו זאגן נאך פון עם, און פאלגן עם (און גייען נישט אין מיליטער) עד דורנו השפל הזה.
איי, ס'איז דא מענטשן וואס טענה'ן אז ער האט געהאלטען אנדערש (כמובא להלן צד ב') זיי זענען שקרנים, וואס האבן געהאט א ציל צו זיך אויפהענגען אויף איינער וואס האט מתיר געוועהן צו גיין, און פאר דעם ליגיאנערזירען זיי משמי'.
(ס'איז דא פון 2 סיבות צו מתיר זיין בשמו,
א' די וואס האבן געגייגנגען דארפן האבן אן-עלה-תאנה צו פארדעקן זייער שריט בתליה על אילן גדול,
ב' די לוחמי המערכה דארפען האבן איינעמס פיקטשער צו שרייבען דערויף מיט רויטע טינט "
אָשֵׁם-Guilty")
צד ב' (
@ימים ידברו,
און נאך אסאך יידעלעך וואס איך קען):
הגראי"ל הסכים אי בשתיקה אי בידיים במעשה ממש כהוראות דייקא יא צו גיין צו די נחל החרדי פראגראמען פון מיליטער, אזוי ווי ס'ווערט געברענגט דארך כמה וכמה עדויות פון מענטשן וואס האבן דערהאלטן אזעלכע הוראות,
און ראשי מערך הנחל וואס זענען אויך מעיד אז זיי האבן געהאט שטיצע פון עם.
איי, ער האט דאך געשריבען א בריוו שווארץ אויף ווייס, אז קיין שייכות פון עם צום נחל איז ניט פארהאנען,
און אויב ער האט געשוויגען איז דאס געוועהן ווען חייבי כריתות גייען יענטסמאהל איז: "אין לנו כח למנעו" ,אבער ווען פרומע גייען, אדער איינער איז מסית פרומע צו גיין איז א "עון בל יכופר"
און זיין גבאי האט געשריבען א לענגערע בריוו צום בן הראב"ד מיט הסברים אויף וואס האט ער געשוויגען און וואס אסר'ט ער בפה מלא.
דאס אלטץ איז נאר מן השפה ולחוץ, וועגן די שווערע פרעשור וואס עסקנים מתנגדי הגיוס האבן אונטער געלייגט קעגן דעם גדול המתיר וואס האט געמוזט זיך פארענטפערן און משנה זיין מן האמת.
דאס איז מעהר-ווייניגער תמצית הויכוח (וי"א ניצוח) ווייל די פאקטן זענען די בריוו און הוראות אנשי ביתו מצד א', און עדויות פון יחידים און ראשי הנח"ל און פרייע מידיע און די עקסטרעיימע רבני העדה"ח לדורותיהם מצד ב'.
אויפ'ן וועג צום
@נקודת-אמת פון אט דער סוגיא חמורה.
וועלן מיר זיך אפשטעלן וועגן די קנאות פון הרב שטיינמן ברוב ימיו, עד סוף ימיו שאז שינה את טעמו, וואס ר'
@ימים האט געשריבן
דא איז א חידוש שלא שמעתי מעודי,
הרב שטיינמאן איז נישט געגיינגען צו בחירות מסתמא משום ביטול תורה? פון וואנעט נעמט איהר די קישקישקריא?
בשעת ווען 'גאון יעקב' נעמט נישט קיין רעגירונג-פראגראמען עד היום הזה, לעבט די אנדערע ישיבה ארחות תורה וואס איז אסאך גרעסער און נעמט יא די אלע תקציבים.
דא האט איהר די וועב-זייטל פונעם Associations Registrar
ישיבת ארחות תורה ישיבת גאון יעקב, און דא האט איהר אין וויקי
ישיבת ארחות תורה ישיבת גאון יעקבמצורף בזה דף ד' פונעם גיליון כאיל תערוג 189 פר' משפטים-שקלים ה'תשע"ז 📎 ישיבת גאון יעקב עמ' 4 בגיליון 189.pdfיעצט, צום פוינט, אויב הרב שטיינמן וואלט געהאלטן אז ס'איז זענען דא געוויסע סארטן חרדים וואס זענען נישט מוכשר צו זיצן על התורה ועל העבודה יומם ולילה און בדרך ממילא דארף מען זיי שיקן צו די מיליטער,
א' וואלטן מיר געברויכט זעהן דארטן גרעסערע נאמבערס פון וואס מרכזי-ההצלה האבן אונז אויפגעוויזן שווארץ-אויף-ווייס-פאקטען,
ב' און וואס איז דא צו זיך שעמען מיט אזא שיטה?
ועוד והוא העיקר, פארוואס האט ער ווייטער אריינגעארבעט למעלה מכוחותיו אויפצושטעלן ישיבות און בעיקר כוללים וואס זייערע עיקר ציהל איז אז יעדער זאל קענען זיצן און לערנען אין כולל אן קיין חקירות ובדיקות עד היכן מסירות נפשו לתורה, אתמהה.
איצטער וועל איך דערציילן א מעשה וואס חלקים פון די מעשה האב איך אליין מיטגעהאלטען בשעתה,
אין ארץ ישראל איז פארהאן א מוסד וואס רופט זיך מעייני ישראל, דאס איז א מרכז פון חסידישע יונגעלייט פון היימישע קהילות וואס האבן זיך פארליבט אין תורת חב"ד.
(די געדאנק פון היכל מנחם פון רב אבערלענדער פון מאנסי אבער אויף אסאך א גרעסערער פארנעם)
זיי פארמאגן בתי מדרשים וכוללים ללימוד תורת חב"ד צוגעשטעלט פארן היימישען ציבור, און זיי פירן פארשידענע פראגראמען צו מפיץ זיין אט דער עניין.
די מוסדות ווערן געפיהרט דורך חסידישע-חב"ד'סקע יונגערלייט, בהכוונת ירושלימ'ע-חב"דסקע משפיעים, כדוגמת ר' חיים שלום דייטש, ר' יקותיא' פרקש, ר' זלמן גופין און נאך.
אין זייערע מרכז אין עיה"ק ירושלים (רח' אהלי יוסף, ארונטער שידלובצא, געגנט פון ביהמ"ד שבט הלוי, הרי"מ מארגענשטערן, און ישיבת עמק התלמוד)
האבן זיך געדרייט א געוויסע תקופה עטליכע א.ג. 'פייגעלעך' וואס האבן געזוכט זייערע וועג, און ס'איז געוועהן עטליכע יונגערלייט וואס האבן זיך איבערגעגעבן מיט זיי, און מיט זייערע שווערעקייטן,
איינער פון די עסקנים, (א וויזשניץ-מאנסיער חסיד במקורו, וואס דרייט זיך אויך אין די קהילה) האט ארויף-געברענגט א געדאנק, אז אנטשטאט זאל מען זיך דארפן פאר-פאהרן אין זייער מצב אין די געגנט,
א זאך וואס שטערט צו פאר'ן הפצת המעיינות, ווייל ס'פארהאן גענוג און נאך בחורים וואס גייען נישט וועלן זיך דרייען אין א מקום וואס ס'דרייען זיך אזעלכע חבר'ה, און בנוסף אז זיי האבן ניט וואס צו טוהן מיט'ן טאג דארטען.
איז עהם ביי געפאלן א געדאנק, אז ער וועט שטיין בקשר מיט'ן מיליטער אז ער וועט באגלייטען די בחורים דארטן און ער וועט זיין זייער '
מנטור' און פאר די בחורים וועט ער געבן א געפיהל פון 'שליחות'אז זיי גיין מחזק זיין אנדערע חבר'ה אין מיליטער מיט שמחה, אמונה וקיום המצוות, און מפיץ זיין מעיינות החסידות חוצה ממש כמאמר-אליהו-זכור-לטוב להבעשטה"ק זיע"א.
האט ער אפגערעדט מיט'ן משפיע ר' יקותיא' פרקש זיינע אלע פלענער, והדברים יושרו בעיניו, און ער האט געגעבן זיין o.k. צו וויטער אנגיין מיט'ן פלאן,
דער יונגערמאן איז געזעצן מיט גרויסע-חבר'ה פון די מיליטער, און האט אפגערעדט מיט זיי אלעס, ביז'ן לעצטע קליינטיגע פרט, (איך רעד פון א ארבעט פון עטליכע מאנאטן פון זיצונגען)
פאר ווען ס'איז געקומען למעשה, האט רב פרקש הנ"ל אריינגעברענגט בסוד העניין פאר זיין שותף אינעם הנהגת המוסד ה"ה ר' חיים שלום דייטש, און דעת רח"ש איז געוועהן אז פאר מ'טוהט אזא שריט דארפמען פרעגן א גדול בישראל, פון מנהיגי החרדים.
וישם פעמיו בני ברקה, צום באקאנטען-פיצעלען-הויז אויף רח' חזון איש 5, זיך איבערפרעגן מיט'ן גדול הדור איבער דעם ספק אין די מעשה אשר יעשה.
ער האט אראפגעליגט פאר'ן גראי"ל די מעמד ומצב פון די בחורים בגשמי וברוחני, ווי זיי שימלען פון בארינג און זיי פוסטעווען ארום, און זייערע שמירת המצוות, און די קאנסיקווענצען וואס קענען ארויס קומען לטובה פון זייערע געפיהל פון שליחות אין מיליטער.
ויען הגראי"ל ויאמר: לויט וואו דו לייגסט אראפ די מצב פון די בחורים, איז, אויף יעדער איינער פון זיי עקסטער, וואלט מיר נישט געבאדערט אז ער זאל גיין דינען אינעם מיליטער.
ברם, מיר טאהרן נישט שיקן, און געבן א געפיהל פאר א יעדע בחור אויף א יעדע מצב אז ער טוט א גוטע זאך מיט'ן אהין גיין.
ובמילא איני יכול להתיר לך לעשות כן, האט מרן זצ"ל געשניטן,
דער יונגערמאן איז צוריקגעקומען לשולחיו ובעיקר פאר'ן משפיע הרב פרקש וטענתו בפיו, איך ארבעט שוין ערך פון א האלבע יאהר אויף א פלאן, וואס האט געדארפט ווערן שיין אויסגעצאהלט (אלץ מענטור) פונעם מיליטער,
און יעצט איז אלעס טיף אין קרקע. האט ר' יקותיא' פרקש הנ"ל איהם אויסגעצאהלט כל הנ"ל פון זיין אייגענע טאש, און די בחורים, עטליכע זענען טאקע אליין געגיינגען דינען אינעם מיליטער (איך מיין אז נישט אינעם נחל נאר ביי די פרייע)
עטליכע דרייען זיך פארדראג"ט ארום דער וועלט. נעבאך.
איך ווייס נישט וואס איהר וועט ארויסלערנען פון די מעשה, אבער איך ווייס איין זאך,
רב שטיינמן האט נישט 'געבויט' דעם נחל חרדי, האט נישט 'געשיקט' קיין בחורים צום נחל החרדי, און עד-כדי-כך אפי' נישט געלאזט געבן שטיצע פאר א3/4 אפגעפאהרענער וואס גייט סיי-וואו גיין אהין.
די ריינע אמת אן קיין שום טראפ אחיזה אין א משהו פאליטיק-שקר וועלן מיר קיינמאל ניט קענען דערגרייכן, (נישט אין די פאקטן, נאר אין די סיבות פון יעדע צד צו טענה'ן כך או כך)
אבער ווער ס'קען זיינע תלמידים און בני ביתו, ווייסט אז זיי שיקן נישט קיין בחורים אין מיליטער, .
און איך וועל מסיים זיין מיט נאך א מעשה וואס איך האב געהערט פון א יונגערמאן א בנש"ק וואס לערנט מיט א בחור אין קרית צאנז אין שטאט נתניה בארצנו הקדושה.
ווער ס'קען די קלויזענבורגע מהלך הלימוד בישיבות, דארטן איז דא א שטארקע פראפעגאנדע און מצב פון כבוד התורה פאר בחורים וואס לערנען און פארהערן-זיך אויף וואס מער בלעטער גמרא.
צום פוינט, דער בחור אן אנטווערפענער צאנז-קלויזענבורגער חסיד וואס לערנט אינעם ישיבה, א גוטען קעפל אויפן פלייצע, האט זיך פארהערט 2,000 בלעטער גמרא און האט זוכה געוועהן לתואר "מורה מורינו"
(כלומר, אין א יעדע ביהמ"ד פון די קהילה וואס מ'וועט עם רופן עולה לתורה זיין, וואו אויך ביי די חתונה קארטל, א.א.וו. וועט ווערן צוגעלייגט צו זיין נאמען אט דעם טיטל הנ"ל)
דער בחור איז אהיימגעפאהרן קיין אנטווערפען און איז אריין צו די דארטיגע צדיק, מרן רשכבה"ג מפעשווארסק שליט"א, און האט דערציילט אז ער האט זיך פארהערט 2,000 בלאט גמרא,
אונזער ר' לייבוש האט עם פארהערט דא און דארט און דא און דארט, און דער בחור האט גע'יכול'ט, דעם רבי'ן איז נתפעל געווארן פון די בקיאות פונעם בחור'ל, און האט עם געפרעגט וואו ער לערנט,
האט די בחור געענטפערט אז ער לערנט ביים קרית-צאנזע-ישיבה אין נתניה,
האט עם דער רבי געפרעגט אויב ס'איז אמת אז מ'לערנט דארטען 2 שעה א טאג לימודי חול?
האט דער בחור געלייקענט פארשטייטזיך מחמת שלא-היה-ולא-נברא-ואפילו-משל-לא-היה.
און דא האט זיך דאס געענדיגט.
פרעג איך אייך טייערע חברים מלומדים, פאר וועמען וואלט איהר געגלייבט?
פאר עסקנים-לשם-שמים מהימנים וואס האבן אייך געברענגט די ביטערע פאקטן פון די ישיבה,
אדער פאר א בחור'ל א תלמיד פון ישיבה וואס איז מסתמא א נוגע-בדבר צו לייקענען די פאקטען.
הא?
ואידך פירושא זיל גמור.
בהצלחה.
📎 ישיבת גאון יעקב עמ' 4 בגיליון 189.pdf