דער גאלדענער אדלערליטוואק; נאכן קוקן דעם קליפ און דו האסט געזען וויפיל רשעות ואכזריות דארט ליגט, ביזט שוין מודה וויפיל בלוט מ'גיסט "למען החסידות" און נישט סתם ווייל מ'האט זיי אזוי אויסגעלערנט??
דער גאלדענער אדלער: ס'איז לכאורה דא 2 ערליי חסיד'ישע גרופעס. די ערשטע, וואו מ'דינט נישט קיין פערסאנאליטי קולט, נאר מ'איז זיך און אלעס מקריב למען השיטה (הקדושה). אבער דער פערזאן וועלכער איז געווען דער מייסד השיטה, און דער פערזאן וועלכער פיהרט ווייטער דעם מעסעדזש, זיי זענען צווייט-ראנגיק אין וויכטיגקייט, זייער גדלות און תפארת קומט נאר דורך די שיטה/מעסעדזש. נאכדעם איז פארהאן א גרופ אדער גרופעס וואו ס'איז פארקערט, ס'איז נישט דא קיין צענטראלער מעסעדזש, נאר דער פיגור וועלכער שטייט אין שפיץ פון די גרופ, ער איז דער וויכטיגסטער מענטש, צו ווייל מ'האלט אז ער האט אייגענע גדלות, אדער ער האט אונטער זיך א ייחוס פון דורות גרויסע מענטשן בעלי מופת ורוח הקודש.(אזוי גייט די לעגענדע.)
א חסידות/קהילה ווי סאטמאר לכל ענפיה באלאנגט צו די ערשטע גרופ. די גאנצע מחלוקת דארט איז נאר אויב דער פיהרער פון איין פראקציע געט איבער דעם מעסעדזש גוט אדער נישט...!
לעומת זה. סקווער, ראחמיסטריווקא, און די גאנצע טשערנאבלער גזע, ביי זיי איז דער פיהרער דער צענטראלער און פארהייליגטער פיגור, וועמענס הנהגה ווערט נישט געפרעגט אדער אפגעפרעגט מיט קיין כל שהוא. די מינדעסטע אקציע פון וועלן פארשטיין אדער מסופק זיין אין די ריכטיגקייט און גערעכטקייט פון דעם מנהיג ווערט פארשריגן און אונטערדריקט.
חסידות גור באלאנגט אויך צו די צווייטע גרופ. קיינער וועט זיך נישט טרויען צו פרעגן אדער אפפרעגן דעם באפעל פונ'ם מנהיג, אפילו מ'פארשטייט עס נישט, און ס'גייט אקעגן לאגיק און מענטשליכקייט, און די תוצאות זענען די וועלכע מיר זעהען...!