זאכן איך האס

די וואס דרייוון ארום אנגעטון מיט די היט און שמונה בגדים

די וואס ספעלן אמעריקע אמעריקא

די וואס לאזן זייער וואצאפ אלעמאל אן א פראפייל בילד

די וואס ביים זיך אויסטון אין מקוה געבן זיי אזא שטארקע שאקל אויס אין די לופטן דעם ר''ת הויזן

דער וואס פארקט די עסקעלעט דאבלפארק לויפט אריין אין גרסערי אין באצאלט מיטן פס קארד

די וואס האסן מענטשען.

שלשה הקדוש ברוך הוא שונאן המדבר א' בפה ואחד בלב והיודע עדות בחבירו ואינו מעיד לו והרואה דבר ערוה בחבירו ומעיד בו יחידי

קאווע טרינקער

די וואס האסן מענטשען.

אגב איך גלייך אויך נישט ווען מ'ספעלט מענטשן מענטשען 😉 😕

דער וואס שאקעלט זיך ווי א מטורף ביי די שטייעדיגע בית כיסא

און דער וואס בלאזט אריין זיין גאנצע חרון אף אין די מקוה האנטעך

יואלי וואלפסאן

קאווע טרינקער

די וואס האסן מענטשען.

אגב איך גלייך אויך נישט ווען מ'ספעלט מענטשן מענטשען 😉 😕

מר. וואלפסאן: איך וואלט אייך געראטן (אפשר האביך עפעס געספעלט וואס געפעלט אייך נישט...?) איהר זאלט זיך זעהן במוקדם האפשרי מיט א טעראפיסט/טערעפיסט. ווייל איך מיין אז איהר ליידט אויף או.סי.די. מעגליך אז איהר האט נאך א פאר אנדערע מיחושים אויך. דאס איז שוין פאר די פראפעסיאנאלע מענטשן פעסטצושטעללן. מעדקעיד און מעדיקעיר באצאללן פאר די טריעטמענטס און דיאגנאז. מיך פערזענליך שטערט נישט ווען איהר לופטערט אויס די ר"ת גאטשעס אין מקוה נעבן מיר. נאר נישט אין מיין פנים אריין...!

לא תשנא את אחיך בלבביך

ס'שוין גארנישט בלבבך, מ'קען זען די פארע פון די האס אין זיינע אותיות...

טויש דעם קעפל צו "זאכן" וואס איך האס

איך האב געהאט א געפיל אז ר' בערעלע גייט אריינקימען קלאר דא 😂

קל וחומר

לא תשנא את אחיך בלבביך

קל וחומר: וואדען זאלל ער טון?! זיך קריעגן מיט א יעדן...! ער'ט נישט פארטיג ווערן. ס'וועט זיין א לאנגע ליין...!

ראבערט מאזעס, א איד וואס האט פארפיגט איבער די קאנסטראקשן און דעזיין פון די פארשאלטענע FDR DRIVE.

שמעון וואלף

ראבערט מאזעס, א איד וואס האט פארפיגט איבער די קאנסטראקשן און דעזיין פון די פארשאלטענע FDR DRIVE.

פאר זיין בי קיו אי מיט די מערדזשינג לעינס פאר ענטערענס און עקסיטס וואס זענען דוקא אויף ענגעלס און קורווס וואלט איך אויך מקיים געווען דעם תשנא את אחיך.

אבער פאר די עף די אר, נישט. ס'דא בעסטע פרי רעסינג טרעק אויף די איסט קאוסט, און די בעסטע ניו קאר טעסט דרייו עריע.

שמעון וואלף און וואלווי: ס'איז דא נאך א סאך זאכן פארוואס און מענטשן וואס האסן ראבערט מאזעס. למשל. ער האט חרוב געמאכט גאנצע גאסן אין וויליאמסבורג כדי צו בויען דעם בי.קיו.אי. כאטש ער האט צוגעזאגט אז ס'וועט לויפן ביים ברעג ים און נישט אדורכהאקן אין מיטן וויליאמסבורג. אזוי האט ער געטון איבעראל. ער האט צוגעזאגט הרים וגבעות כדי צו בארואיגן דעם עולם. און נאכדעים האט ער אנגעפיפן. און געטון וויאזוי ער האט געוואלט אדער פארשטאנען...!

דא אין ברוקלין איז נישט די איינציגסטע פלאץ ווי ער האט געסקרויט די איינוואוינער. ליין די לינק פון שמעון וואלף.

אן אבל וואס דאווענט טעגליך פאר'ן עמוד, בערך 65 יאר אלט, וואס דארף טעגליך ללא שום יוצא מן הכלל שרייען הויך די ווערטער "צדיקים אנחנו" ביי תחנון כאילו ער איז היינט אויפגעקומען מיט דער וויץ.

שמעון וואלף

ראבערט מאזעס, א איד וואס האט פארפיגט איבער די קאנסטראקשן און דעזיין פון די פארשאלטענע FDR DRIVE.

ווער איך געוואויר אז דער איז גאר געווען א משומד רח''ל.

מענטשן וועלכע...

בוקן זיך ביי שמונה עשרה אויך האריזאנטעלי, און ביי "שהם משתחווים" — א 180.

דערוואקסענע וועלכע קלאפן ביי המן, אבער מיט אזא זויערן בדיעבד, א פארווע שאקל מיט'ן פוס, ווי ס'איז א חיוב פארבינדן מיט באדייטנדן שכר ועונש.

האבן א סיסטעם פאר די ציצית פעדים, אזוי אז אלע פיר געהענגלעך זאלן אריינפארן אין טאַש מיט בעיוטי.

זאגן "סאויט אכט."

שטינקן דינסטאג פארמיטאג פון העררינג.

עסן פרייטאג טועמיה ווייל מ'מוז, און פרעגן אנדערע צי מ'האט שוין געהאט, אנשטאט צי מ'וויל האבן.

זאגן "'ער' זאגט מיר," און ערשט נאכדעם מעלדן דער נאמען פונעם מאן דאמר, רוב מאל דורך אלטערנאטיווע אופנים.

כאפן אריין חמץ ערב פסח.

פורים האלטן זיי שוין עלף אזייגער פארמיטאג נאך דער סעודה, און קוקן א גאנצן טאג אויפ'ן זייגער צי מ'קען שוין דאווענען מעריב.

שניידן נישט די וואנצעס.

זאגן "מ'קען נישט," אנשטאט "לויט דער (אידישער) הלכה טאר מען נישט."

שטאלצירן מיט אידישע קעפ.

אינוועסטירן אין זייער אתרוג, און ווערן באליידיגט אויב עמיצער גיבט א פלייאינג פ*ק נישט צי ס'איז שיין, און נישט וויפיל געלט ער האט געצאלט דערפאר.

זענען מבינים אויף טאבאק.

קומען צו שאלעשידעס מיט'ן רעגן-שטריימל, אפגעזען דעם וועטער אינדרויסן.

רעדן ווען זיי זענען הייזעריג.

טוען זיך אן ישיבה-כאלאטן דווקא און בלויז ביים פאָרן אויף א נסיעה צו קברי צדיקים, תעניתים, אדער ביים בויען די סוכה.

קויפן עליות.

עסן די פיאות אין ספרים געשעפטן.

זענען פאר'תאווה'ט פאר די קניידלעך אחרון של פסח.

שיקן קאפיטלעך תהילים אויף וואטסעפפ.

פראבירן זיין שעפעריש מיט זייערע ערב ראש השנה געווינטשאכץ.

נעמען פערזענליך ווען אנדערע פארלעצן די כתיבה/גמר חתימה טובה/גוט-קוויטל ווינטשעריי-געזעצן.

שפילן שוואך ביי תעניתים.

טרייבן אוועק בחורים פון קופקעס.

זאגן ארויס "אם-ירצה-השם" אויף אן אופן אזא מ'זאל וויסן אז ס'באשטייט פון דריי באזונדערע ווערטער, און נישט איין ווארט.

גייען מיט א שאַל אינעם ווינטער אפילו אינדאָאָרס.

זענען מנדב עסן לעילוי נשמת ר' ישעיה'לע.

שלעפן מיט זייער הוט צו חתונות ביי וועלכע זיי גייען מיט א שטריימל, אבער בלייבן מיט דער בעקיטשע.

גיבן זאכן פון זייערע הויזן טאשן, ווען זיי זענען נאך ווארעם.

האבן אויף זייערע העמעדער שטיקער געל אונטער די ארעמס, און שווארצע פאסן ביים קאָלנער.

זאגן "פיר רעדער און ס'פארט, דאס איז אלץ וואס כ'ברויך האבן," און דרייוון העכסט-טייערע קארס.

אקערן זייער בארד מיט די פינגער.

פיצן נישט די ציין.

עסן שבת זכור פיר קוגלען פשוט צוליב עמלק'ן.

ניצן זייער פיאות אלס דענטעל פלאוס.
ניצן זייער ברילן אלס קיו-טיפס.

גאונות! @יואב

יואב: מקען אויפבויען גאנצע פשט'לעך און אריינלערנען פארשידענע פשטים אין דיין מאלטיפל טשאויס ליסט. איך דרש'ע סמוכין ביי א פאר שורות וואס דו רעכנסט אויס. למשל ווען איינער (אנטשולדיגט פאר זיין גראוס) סרח'ט פון הערינג דינסטאג און ווען איינער האט געלע ציין האט עס צו טון מיט נישט פוצן די ציין. וואס א סאך היימישע לייגן אריין אין אידישקייט. אבער ס'איז פשוט א פוילקייט. ווייל דער בעל דבר ווייסט דאך נישט אז זיין פיסק סרח'ט. און ווער שמועסט נאך ווען ער לאנט זיך נאך אן אויף יענעם און אטעמט איהם אריין אין די נאז זיין ריח ניחוח...!

חוץ מזה. האביך מיך געטראפן מיט בערך 20% פון דיין ליסט. אשר על כן זעה אז דו זאלסט נישט שטיין אין מיינע ד' אמות ווען דו באגעגנסט מיך אין ביהמ"ד. ניין. איך דארף נישט דיין טאביק. כ'בין עס מוחל. קענסט עס געבן פאר מיין שכן. זאלל ער מאכן א האטשו...!

איי געסס איך בין פון יואב'ס גרעסטע שונאים.

יו נאו וואט? אבי נישט קיין גרעסערע שונאים ווי עם..!

ווער ס'בארגט פון מיר מיין רויטע פארקער פעדער, און פיצט זיך די אויער, און נאכהער ווישט ער עס אריין אין זיינע קראגן פונעם כאלאטעל

און ווער ס'געט צוויי ציעס אין דע בארד, און די הארעלעך שאין להם לא כתף ולא נטף ווארט מען אין צווישען די גמ' בלעטער.

דאנאלד טראמפ
דשעראלד נאדלער
דעיוויד גרינפעלד
שרגא פרידמאן
קלמן האלברשטאם

דער ס'טוט זיך אויס זיין (נאכט) העמד מיט די העווי ארבלען, הארט פארן מקוה בור.

דער וואס ווישט אפ זיין נאסע נאז מיט זיינע ארבלען.

דער וואס קוועטשט אריין זיינע שווארצע פלעסטיק בריללן צו זיינע אויגן צו זעהן קלארער

דער וואס רייבט אויס זיינע ראביינעטעם גאטשעס אויף די שטיגן פון די מקוה בור (ווער ס'געדענקט נאך, כ'מיין שוין נישטא היינט)

א בריסקער וואס קוועטשט יעדע חית אונעם סידור

ס'מיר גוט....

איך בין אין אן ערענסטע דילעמא יעצט!

כ'וועל מיזן אויפגעבן אויף:

עסען הערינג מיט אייער קיכל דינטאג צופרי.

נאר געבן איין קלאפ ביי האמאן על אף איך פאסט און אויסגעמוטשעט פון ארבעטן.

פרעגן דוקא צו מ'וויל האבן טועמיה הגם ס'איז א גרעסערע טשענס אז יענער וועט זאגן ניין.

כ'וועל מיזן יעדער מאל קודם זאגן די 'מאן דאמר' און נישט 'ער'
אפילו יענער וועט אפשר אוועקלויפן.

אויפגעבן אויף די ענין פון עסען א סעודה ערב פסח (און לאזן די קינדער הונגערן?)

זיך שטארק וואטשן ווען מ'איז מעורר אויף א הלכה אז מ'זאל מקדים זיין אז לויט דער אידישער אולטרא ארטאדאקסישער געזעץ ביכל הנקרא בלשונם שו"ע איז דאס נישט אויסגעהאלטן אנשטאט זאגן גלייטיג אז 'מטאר נישט' און יענער פארשטייט גאנץ גוט וואס ס'מיינט.

נישט קויפן מער אזא שיינע אתרוג און אוודאי נישט זיכן קין קאמפלימענטס.

שמעקן וועלכע טאביק ס'קומט נאר אונטער די נאז.

נישט רעדן ווען איך בין הייזעריג

נאר גיין אייביג מיט א ישיבה-כאלאט, אדער מיט די דיקן רעקל אדער מיט א בלויזן העמד ביי תעניתים, פארן אויף מקומות הק'

עסען א קניידל בדיעבד (אזוי ווי איך פלעג קלאפן ביי המן).

נישט שיקן קיין דברי קדושה אויף וואטס עפפ.

נישט פארגינען יענעם א גוטן יאר דורך צו לייגן אפאר ברכות (אויב יענער גלייבט אין דעם).

אוי, ר' ישעיה'לעס סעודה... כ'מוז אויפגעבן אויף מיין פרישטאג 😢

עסען דריי אדער פינעף קיגלעך שבת זכור.
------------

זאל איך צוליב טון יואב'ס לייקערס אדער נישט?

בן אדם

זאל איך צוליב טון יואב'ס לייקערס אדער נישט?

בשום אופן. גיב נישט אוועק דיין לעבן פאר א צווייטן וואס דו קענסט ניטאמאל. עולם כמנהגו נוהג, און אויב געפעלט אים נישט, איז עס טאקע כמנהגו נוהג..
לעב נישט און א אייגן געמאכטן תפיסה, ווייל "ער" האט עפעס נישט ליב פון וואס דו טוסט.
איז עס נארמאל צו טוהן (כדוגמת סעודת ער"פ וכדו') דאן גאו אן! און אויב נישט (שמעקן פון פיש, נישט קיין חילוק יום שנכפל בו כי טוב צו ליל שישי) דאן טוה עס סתם אזוי נישט, אפילו בינו לבין קונו.
והנלענ"ד כתבתי.


(והגם שידעתי שכתבת בל' צחיקה, אבל שלא יאמרו הבריות... וכו')

יין שרף

בן אדם

זאל איך צוליב טון יואב'ס לייקערס אדער נישט?

בשום אופן. גיב נישט אוועק דיין לעבן פאר א צווייטן וואס דו קענסט ניטאמאל. עולם כמנהגו נוהג, און אויב געפעלט אים נישט, איז עס טאקע כמנהגו נוהג..
לעב נישט און א אייגן געמאכטן תפיסה, ווייל "ער" האט עפעס נישט ליב פון וואס דו טוסט.
איז עס נארמאל צו טוהן (כדוגמת סעודת ער"פ וכדו') דאן גאו אן! און אויב נישט (שמעקן פון פיש, נישט קיין חילוק יום שנכפל בו כי טוב צו ליל שישי) דאן טוה עס סתם אזוי נישט, אפילו בינו לבין קונו.
והנלענ"ד כתבתי.


(והגם שידעתי שכתבת בל' צחיקה, אבל שלא יאמרו הבריות... וכו')

האַס איך דען באמת הנ"ל? כ'גיב ווינציגער ווי א שיט צי ער גייט מיט א ישיבה-כאלאטל, א רעגן-בויגן ליילעך אדער א נאקעטן לייב מיט אביסל בלעטער און צווייגעלעך איבער פריוואטע ערטער. און זאל ער קלאפן נישט בלויז ביי המנ'ן, נאר אויך קלאפן דריי מאל אויף עמלק'ן, ביים מעביר סדרה זיין פרשת כי תצא. קוגל, טועמיה, ר' ישעיה'לע און ח"י רוטל, מיט'ן גאנצן הארץ. און אפילו אויב פיצט ער נישט די ציין, כל זמן ער אטעמט נישט אריין אין מיר, וועל 'ך נישט האסן.

די וואס ענדיגען אייביג צו "והנלע"ד כתבתי"...

דער גאלדענער אדלער

און ווער ס'געט צוויי ציעס אין דע בארד, און די הארעלעך שאין להם לא כתף ולא נטף ווארט מען אין צווישען די גמ' בלעטער.

ס'וווערט געברענגט אז מ'זאל מאכן א רשימה אינ'ם ספר דארט ווי מ'האלט. והנעל"ד כתבתי.

וואס האלטן אז חוזק מאכן פון עיני ישועה/תהילים כולל/גראפאלאגיע, איז כפירה.

וואס הייבן אויף די בעקישעס ווען מען זעצט זיך, כאילו דעמאלט ווערט עס נישט צוקנייטשט.

וואס לאזן נישט זייערע קינדער עסן אין שול ביים קידוש/אויספאסטן אבער זיי אליין האקן אויף אלע באקן.

וואס פרעגן זאכן וואס זיי ווייסן זיך צו מאכן בטלנותדיג.

וואס גלייבן אלעס וואס שטייט אויפן וואנט אין שול.

וואס לאזן איבער יעדן ערב שבת א בעג וועש הענגען.

מענטשן וואס זענען בצער ווען איין וואצעפ גרופע האט א תגובה וואס די אנדערע האט נישט, און מאכט זיכער עס צי קאפי פעסטן אויף אלע אנדערע גרופע'ס.

Sent from my VS987 using Tapatalk

יעדער האט געוויסע מענטשן וואס זיי האסן, געווענליך אזעלכע טיפ מענטשן וואס שטימען נישט מיט זייער פרעספעקטיוו אויף דער וועלט. אדער אמאל קאמפעטישאנס, ווי דער מדרש זאגט, כל אומן שונא את בני אומנותו. א איד דארף ארבעטן אויף זיך נישט צו האסן א צווייטן, און קענען פארנעמען אנדערע סארט מענטשן, כידוע מחז"ל כשם שאין פרצופיהם שוות כך אין דעותיהם שוות, די וועלט איז בכלל נישט אינטרעסאנט אויב יעדער וואלט געווען די זעלבע נאטור, מיר דארפן מער ארבעטן אויף "סבלנות" צו פארנעמען אנדערע סארט מענטשן, חסידות, השקפה, וכו'..

אבער וועמען איך האב באמת א הארד טיים צו פארנעמען, איז בעיקר איין סארט: די סעלפישע מענטשן. די וואס לערנען דעם "חייב אדם לומר בשבילי נברא העולם" כפשוטו וכמשמעו, און טראכטן נישט פון קיין צווייטן, נאר פון זיך, און נאכאמאל זיך. עס איז ממש נישט שיין צו זעהן ווי מענטשן פירן זיך אויף אזוי עגאאיסטיש, און האלטן ערנסט אז כל העולם לא נברא אלא לשמשני, געווענליך זענען זיי פון די נעמער'ס, מקבלים, אלעס קומט זיך זיי, אבער געבן פאר יענעם פאלט זיי נישט איין.... און אפילו פון דעם זענען פאראן אלע סארט ראנגען, פון מילד ביז עקסטרעם.

אפאר דוגמאות (אין מוקדם ומאוחר): אין איין ביהמ"ד ווי איך דאווען מזמן לזמן גיט מען פאפיר זיך אפצואווישן די הענט אנשטאט א נאסע האנטוך (שיין פון זיי!), געווענליך איז 2-3 פאפירלעך גענוג, מערסטנס 4. פארוואס זענען א טייל מענטשן מקפיד צו נעמען 8-9 שטיקלעך פאפיר, בפרט ווען עס מאכט זיך אז ס'איז פאראן א מאנגל? איך באטראכט זיי צומאל, זיי געבן א וויש, רוב פאפירלעך בלייבן טרוקן און ווערן געווארפן אזוי אין מיסט... אדער ביי א אנדערן שול איז דא אן עלטערער איד וואס ווען ער דארף א בלאז געבן די נאז, נעמט ער לכה"פ 5 טישוס, גארנישט ווייניגער! און טאמער ער איז פארקילט קען ער ארלעדיגן א קנאפע באקס אין איין שחרית.... זאג, ביי דיר אינדערהייט נעמסטו אויך מיט אזא ברייטקייט? דער גאנצער באקס טישוס איז טאקע בלויז פאר דיר?

אמאל איז עס נוגע ביי עסן/טרינקען. למשל עס איז שוין דא ווייניג גלעזלעך ביי די קאווע, אבער ער מוז למען ה' נעמען 2 אדער 3 קאפס און איבערגיסן, איי די אנדערע מענטשן בלייבן אן קאפס? אדער עס איז דא ווייניג מילך, אבער ער גיסט אן רחמנות ביז עס רינט איבער און דערנאך גיסט ער אראפ א ריזיגן גיס אין סינק אריין לבטלה.... איי אונטער דיר שטייט א איד וואס דארף ס'לעצטע ביסל מילך? דאס איז שוין נישט זיין דאגה. און נאכ'ן טרינקען וועט ער חלילה נישט לייגן זיין קאפ אין מיסט קאסטן; דאס קען דאך דער גוי טון פאר אים, טא צו וואס זיך מטריח זיין פאר גארנישט.

צומאל איז עס ביי א קידוש שבת, אדער א לחיים/תיקון שחרית אינדערוואכן. עס איז צב"ש פאראן 10 שטיקלעך קוכן, מיט 12 מענטשן וואס ווילן זיך דערכאפן דאס הארץ, אבער דו וועסט זיך צואיילן, שנעל אפענדיגן דאס דאווענען און גיין נעמען 2 אדער 3 שטיקלעך פאר דיר, ווייל דו ביסטאך הונגעריג... די תיקון איז דאך געווארן צוגעגרייט פאר דיר, בלויז פאר דיר! לך כי לך אף לך! און די מענטשן וואס לייגן נאך צאם די תפלין? זיי קענען גיין קויפן ביי פלאמ'ס אדער מאזערעלא... אדער שבת ביי א קידוש. דער בעל שמחה האט צוגעשטעלט קוגל, אדער הערינג, אדער גרעיפ דזשוס, און דער עולם איז ב"ה העכער ווי געראכטן, עס איז דא א שטיקל מאנגל... אבער דער סעלפישער חברה'מאן וועט נעמען 2 אדער אפילו 3 שטיקלעך קוגל, מיט 2 טעלערס הערינג, פון אלע 3 סארטן, מיט אלע מיני אייער קיכלעך, און זאל יענער פלאצן, הו קעירס... דער עיקר אז איך האב א פולע בייכל...

אדער איז עס אסאך מאל ביי של"ש. עס איז נישטא גענוג בילקעס, אדער ווייניג פיש אדער נישט גענוג סעלצער. אבער יענער וועט שוין אינמיטן הויכע שמו"ע ביי מנחה זיך ארייפאקן למען ה' 3 בילקעס אינעם בעקישע טאש, כדי ער זאל חלילה נישט פארבלייבן אביסל הונגעריג...

ביי דרייווערס מאכט זיך עס מער אפט. דער פארשוין האלט אז דער ראוד באלאנגט פאר אים. ער וועט אריינקאטן אנדערע דרייווערס, ער וועט גורם זיין ראוד-רעידזש, אז עס שטייען 30 קארס אויף די רעכטע לעין ארויסצוגיין פונעם BQE צו וומסב"ג, וועט ער זיך נישט שטעלן אונטער זיי, ער האט נישט קיין צייט פאר דעם, ער וועט פארן אין די דערנעבנדיגע לעין, און אין די לעצטע רגע זיך אריינשטופן צו זיין די ערשטע פון די 30... און אויב איז שווער זיך אריינצורוקן? זאלן אלע קארס פון די מיטלסטע לעין מאכן א שארט-סטאפ און ווארטן.

ווער רעדט נאך ווען ער וויל פארקן? אדער וועט ער דאבל-פארקן אויף א ביזי סטריט ביים געשעפט ווילאנג ער באקומט זיין אזוי-וויכטיגע קאווע, זאלן די אלע איבריגע דרייווערס פייפן מיטן הארן און אראפגיין פון זינען פון די אומדערטרעגליכע טרעפיק, וואס גייט עס אים דען אן... אדער אויב ס'איז אין קאנטרי אדער סיי וואו אין אפסטעיט אין א פארקינג לאט וועט ער זיכער מאכן צו פארקן שיעף און פארנעמען 3 פארקינגס, כאטש עס איז נישטא צופיל איבריגע סלאטס. אדער וועט ער פארקן זייער נאנט צו יענעמ'ס קאר, און עפענען די טיר מיט א קראפט, אז יענעמ'ס קאר זאל באקומען א קריץ אין טיר אדער א זעץ אין זיין שפיגל. יענער האט שאדן? נו, איז וואס.... ס'איז זיין פראבלעם, נישט מיינס...

אויב וויל איך יעצט האבן אנגעצינדן די היי ביעמס, זאל מצדי יעדער בלינד ווערן, איי קאדנט קעיר לעסס.

איך קום אמאל אריין אין מקוה, עס איז טוט זיך א געדרענג, אבער דער סעלפאק זיצט זיך אויסגעשפרייט מיט א רואיגקייט, און אנשטאט צו זיצן בצמצום און פארנעמען בלויז 2 הענגערס ווי אלע אנדערע, זיצט ער ווי א מחותן און פארנעמט 5-6 הענגערס, און לאזט יענעם זוכן אן אנדער פלאץ. ער וועט זיך חלילה נישט אביסל מצמצם זיין פאר צווייטן, וואס עפעס?! דער יעניגער וועט אויך אייביג איבערלאזן זיין גענוצטע האנטוך באותו מקום וואו ער איז געזיצן, נישט אמאל בטעות זיך מטריח זיין און עס אריינווארפן אין אמפער וואס איז באשטימט פאר די גענוצטע האנטוכער... און ווי פריער דערמאנט, קען ער בלאזן זיין נאז אינעם האנטוך, און אויסשאקלען זיינע בגדי התחתון...

מען האט אויך פריער דערמאנט איינעמ'ס מויל שמעקט פון הערינג; פאראן אזעלכע וואס האלטן נישט ריין דאס פיסק צוליב פוילקייט, דאס איז אויך זייער נישט שיין; אבער פאראן נאך ערגער: מענטשן וואס טראכטן פשוט נישט – ס'אינטרעסירט זיי נישט! – אז יענעם שטערט דיין ריח. צי איז עס נאך א טעלער הערינג, צי נאך דיין צופרי קאווע, צי ווען דו רייכערסט אין פובליק און דו בלאזט אריין די סעקאנד הענד סמאוק אין יענעמ'ס פנים אן קיין פראבלעם.... איך טו דאס מייניגע, אז יענער וויל, קען ער זיך פארשטאפן זיין נאז...

צי איז עס ווען א איד, זאל זיין אפי' א ת"ח, ברענגט פונעם שאנק אין ביהמ"ד צו זיין מקום קבוע א 6-7 ספרים צו לערנען פלייסיג, און עס פאלט אים נישט איין עס צוריקצולייגן אויפ'ן פלאץ.. עס איז דאך דא א פאקער פאר סיבה, ניין? די סיין "כל הנוטל ספר יחזירנו למקומו" זעהט ער אפילו נישט, און טאמער יא זעצט ער איין פשט אז דאס האט דער פוילער פאקער ארויפגעשטעלט, ווייל נרפים אתם נרפים, ער האלט נישט ביים ארבעטן... און חוץ די ספרים וועט ער אויך איבערלאזן אויף זיין פלאץ זיין ליידיגע פאום קאפ ווי ער האט געטרינקען (פאר אומזיסט) אפאר גלעזלעך קאווע, און געווענליך אויך זיינע אויסגעבלאזענע טישוס, און די זעלבע מענטשן וועלן טאקע מקפיד זיין אריינצולייגן זייערע אויסגעפליקטע האר אין די פובליק ספרים, זיי זענען דאך גאר פרומע אידן און געבן אכטונג נישט מזלזל צו זיין אין די הייליגע האר פון די דיוקנא קדישא... אויב אויפ'ן וועג ארויס פון ביהמ"ד איז ער דער לעצטער, און עס הענגט א צעטעלע "בקשה אויב גייט איר ארויס דער לעצטער פון שול פארלעשט די לעקטער און עירקאנדישאן, התורה חסה על ממונם של ישראל", איגנארירט ער דאס אויך.... לאמיך אפ. דאס באלאנגט פאר דעם שמש, וואס ווילסטו פון מיר....

און אזוי אן ענד אן...

אודאי איז דא אזא זאך ווי "חייך קודמין", און אז איך טרעף א טאץ קוגל און איין שטיקל איז פיין אויסגעבאקן איז גארנישט ראנג אז איך האב עס "ערשט געכאפט", אבער פון דעם ביז'ן זיין עקסטרעם סעלפיש איז פאלג-מיך-א-גאנג. דאס שפירן אז די גאנצע וועלט באלאנגט פאר מיר, איז א עקלדיגע מדה, און איז גורם אסאך שברי לב און עגמת נפש פאר אנדערע מענטשן. זיי זענען אויך אסאך מאל גורם א חילול ה'.

און ביז דערווייל, יא, האס איך די מענטשן. און איך דארף ווייטער ארבעטן אויף מיינע מדות צו קענען פארנעמען יעדן איד אפילו עס איז מיר נישט איינגענעם; אבער דערווייל האלט איך ווייט פון מיין תיקון המדות אין דעם הינזיכט.

אדער דע וואס לעקן אפ זייערע פינגערס, נאכן טינקען די קאקאש קעיק אין די שמאלץ הערינג, און מאכן זיכער אלע ארומיגע זאלן הערן און וויסען דערפון כאילו ס'איז א מצוה, און ווען זיי באמערקן אז ס'עקלדיג זאגן זיי נאך אין א דרך צחות, דע גאפל איז געווען היינט אין מקוה.

דער וואס האט געשטעלט דעם לייק באטן אנהייב פונעם תגובה. וואלט עס נישט געווען בעסער צו לייגן דעם לייק קנעפל ביים סוף פון תגובה אז ווען מען ענדיגט ליינען דארף מען נישט צוריק ארויפקלעטערן צו לייקן?

אייז קריעם

דער וואס האט געשטעלט דעם לייק באטן אנהייב פונעם תגובה. וואלט עס נישט געווען בעסער צו לייגן דעם לייק קנעפל ביים סוף פון תגובה אז ווען מען ענדיגט ליינען דארף מען נישט צוריק ארויפקלעטערן צו לייקן?

אויף Tapatalk איז טאקע דער לייק קנעפל ביים סוף

שמעקעדיג

און ביז דערווייל, יא, האס איך די מענטשן. און איך דארף ווייטער ארבעטן אויף מיינע מדות צו קענען פארנעמען יעדן איד אפילו עס איז מיר נישט איינגענעם; אבער דערווייל האלט איך ווייט פון מיין תיקון המדות אין דעם הינזיכט.

אז דו וואלסט זיי נישט געהאסט, פון ווי וואלט מען באקומען אזא פעסטע תגובה? די האס ווייטער, ווייל דו קענסט גוט אנלערנען דעם עולם אביסעלע לקח.

@יואב שוין נישט אזוי געלאכט זינט די לעצטע שמיטה.

אייז קריעם

דער וואס האט געשטעלט דעם לייק באטן אנהייב פונעם תגובה. וואלט עס נישט געווען בעסער צו לייגן דעם לייק קנעפל ביים סוף פון תגובה אז ווען מען ענדיגט ליינען דארף מען נישט צוריק ארויפקלעטערן צו לייקן?

דעס איז די פאוינט זיי ווילן זאלסט דיך אביסל אנשטרענגען און אזוי ווייזן דיין אפרישיעישאן נישט סתם געמאכט א לייק נאר דו דארפסט ארויפסקראלן

יואב דרייעסט זיך ארום און צייכנסט מיט א פען און פעיפער א גאנץ יאר?

וועגן דעם האב איך געבעטן דעם פותח האשכול צו טוישן דעם קעפל.
"טויש דעם קעפל צו "זאכן" וואס איך האס"

איך זע מער נישט דעם רעדאגיר קנעפל

גבאים - אחראים אלערט

אלץ פאר די קינדער.......

נאכן ליינען די אשכול מיין איך אז די חברי האשכול ברויכן מאכן ענדערש א רשימה פון וואס זיי האסן נישט. #האסן אטאקע

דאס אנכאפן די הענטל פונעם טיר מיט נאסע הענט

זיך שטעלן דרשנן ביי א שבע ברכות בליציגע "פילעזאפישע" געדאנקן וואס האט לגמרי נישט צו טוהן מיט משמח זיין חתן וכלה, נאר פאר זיין אטענשאן.

דער בעל דרשן הויבט אן "דער רמב"ם אין מורה ברענגט" ער זאגט נישט דע מורה נבוכים ברענגט, אדער אפילו דער רמב"ם ברענגט אינעם מורה נבוכים, נע ס'סאונד עפעס נישט גענוג פילעזאפיש, ס'פעלט פון די דענקערישקייט.

כד הוינא טליא געדענק איך נאך ווי די עלטערע אידן אין שאוער, פלעגן צוקומען בחור'ל אפשר זייפסטו מיר אפ דעם רוקן, דער זייפל פלעגט זיין אביסעל גרעסער ווי דע שטיקלעך געפילטע פיש וואס ר' יחזקאל שמש ע"ה פלעגט טיילן פון דע פאפירענע טעלערס, אזעלעכע דינע שטיקלעך ווייסע מיט פינקע, אמאל איז עס געווען ווייס און בלויע, ווענדט זיך וועלעכע ס'געווען ביליגער, ס'געווען טריקן ווי א פעפער און ווי מער מ'האט עס נאס געמאכט אלץ מער טרוקענער איז עס געווארן, און אט מיט דעם שטיקל זייף האט מען אפגעזייפט יענעמס איד רוקן, דע זייף איז כאטשיג צען מאל אראפגעפאלן.