קאווע שטיבל'ס עולם הבא גאראנטי - אומזינסט!! שרייב זיך איין

איך גיב אייך דא אן איימאליגע געלעגנהייט צו ווערן א בן עולם הבא גענצליך אומזינסט. איך פארשטיי אז איר וועט אוודאי מיך אויסלאכן און איר וועט זאגן אז איך בין גוט משוגע. אבער שטעלט אייך אפ פאר איין רגע און פרעגט זיך אליין, וואס אויב עס איז יא אמת? וואס וועט איר טון אויב למעשה, אויף יענע וועלט און איר וועט זעהן אז צוליב אביסל סקעפטיסיזם אדער צוליב דעם וואס עס האט אייך נישט געפאסט, האט איר אנגעוואוירן אייער טייל אין עולם הבא? אלזא טייערע חברים, איר דארפט נישט טון מער ווי זיך איינשרייבען דא אין דעם אשכל און אזוי זיך פארזיכערן א חלק לעולם הבא.

איין תנאי, ווען מ'וועט אי"ה אנקומען דארט וועט יעדער זיך דארפען מגלה זיין פאר מיר (איך וועל פארשטייט זיך ווייטער האלטען ענקערע עכטע נעמען פאר א סוד) און אזוי וועט מען פארמיידען דאפעלטע ניק'ס פון נעמען מער פון איין חלק.

יעדער וואס וויל האבן א חלק אין עולם הבא זאל זיך איינשרייבן אין די אשכול בעפאר ר"ח אדר א' תשע"ו.


.

@אחד העם, כ'פארשטיי נישט. @געוואלדיג, איך טייל עולם הבא. ווילסט נישט איז נישט אבער האב נישט קיין טענות שפעטער. קאצקע, האסט א גוט קעפל, כאפסט שנעל. 🙂 דערווייל זעה איך אז ס'איז נאר אנאנים און איך.

.

איך ווייז גארנישט אויף. איך פארשטיי אז קלוגע מענטשן ווייסן אז עס איז כמעט נישט דא א טשאנס אז עס וועט געשעהן. אבער דו מוזט מודה זיין אז עס איז דא עפעס א מעגליכקייט אז עס איז אמת און וועט יא געשעהן. דו וואלסט נישט געשוואוירן ביי א ס"ת אז ס'וועט נישט געשעהן.


.

נו אוודאי! פארשטייט זיך אז דו האלטסט אז עס איז א פאנטאזיע. מיינסט האסט עפעס אנטדעקט אמעריקא? אבער קענסט דאך נישט זיין הונדערט פראצענט זיכער אז ס'איז טאקע א פאנטאזיע. איז דען נישט דא עפעס א מעגליכקייט, כאטש איינס פון צוויי הונדערט מיליאן טשאנס אז וואס איך זאג וועט יא געשעהן? פארוואס וואלסטו גענומען דער טשאנס ווען עס קאסט דיר גארנישט אויסער אביסל זיך ברעכן דער pride?

@נאך א מיינונג, איך זעה אז דו גלייבסט אז עס איז דא עפעס א טשאנס...

@יעקב מענטש, איך בין נישט דא צו קאנווינסען קיינעם. אויב גלייבסטו אז ס'נישט דא דער מינדעסטע טשאנס, דאן שרייב דיך נישט איין.

מבקש, איז עס נישט א בושה צו זעהן וויפיל האבן זיך איינגעשריבן פאר געלט און ווי ווייניג פאר דער טשאנס צו זיצן און נהנה זיין מזיו השכינה?

@אחד העם, דו רעדסט אין צו שווערע קאודס פאר מיין נארישע שכל.


.

@אנאנים, ביסט גערעכט אז דאס איז נישט קיין דמיון צו דיין אשכול (איך האב גראדע הנאה געהאט פון דיין איינפאל) אזויווי דו שרייבסט טאקע אין דיין תגובה און נאך מער פון דעם ואכמ"ל. דער דמיון איז צום לאטערי אין אלגעמיין. דער טשאנס אז מיין גאראנטי איז קראנט איז נישט קלענער (במובן הניכר) ווי די טשאנס צו געוואונען דעם לאטערי. אלזא בלייבט נאר איבער צו פארשטיין פארוואס דער עולם כאפט זיך נישט צו דערצו, ספעציעל ווען עס קאסט גארנישט.


.