איך פיהל

איך שפיר
רויע געפיהל

איך שפיר
מיר

איך שפיר
קאליר

איך שפיר
דיר

איך פיהל
ס'איז א שפיל

איך פיהל
ס'איז א פערטיגע דיעל

איך פיהל
דער האנט פון גבריאל

איך פיהל
ווייל איך פיהל

די הארץ זי ברומט
די נפש שווימט

די נשמה פלאקער
די תאוה אקער

שטריכן פון סוד
ליכט פון הוד

אטאמ'ן פון וואונדער
אבות און קינדער

אוי, די ווערטער ארים און שוואך
די טינט גשם פון א רוחני צו א זאך

עמער לאזן דא די פעדער
וואס מוטשעט ווי א פגר

צוריק לויפן אין זיך צונויף שמועסן
עפעס טיפער פון שפראך צו זוכן.

איך שפיר
אפן די טיר

איך שפיר
פון תפיסה א שפאציר

איך שפיר
שלום מרדכי מיר זענען מיט דיר

איך שפיר
לחיים וואדקא און ביר

איך שפיר
די אהבה אן א שיעור

איך שפיר
יעדע סטרונע א ריר

איך שפיר
מער ווי עס קען פארנעמען די פאפיר.