דער אויספאסטן טראמא

דרייווט ווי א חיה אויפן וועג
חלש'ט פאר טשיז קעיק
ס'זעהט שוין אויס ווי טעג

שרייט אויף די קינדער
עסט זיי ווי רינדער
משיח! געשווינדער

טיפעט ווי א שטיר
דארשטיג פאר ביר
פארהאקט די טיר

ביי ויחל אנגעצויגן
שמו"ע אפגעפלויגן
ראגעלעך פאר די אויגן

די נאזלעכער אפן
א פריע מעריב געטראפן
מ'גייט שוין באלד שטאפן

די צינג ארויס ביז'ן קנעפל
כאפט א פילע האנט פון קרעפל
און א גאלאן דזשוס פון עפל

שטאפט ווי א סוטה
רייניגט אפ ווי א גויטע
א מידע און א טויטע

א חורבן אינעם ועשו לי
אוי, איך דארף א tea
די פאסיק אן אויפצו

שוין גענומען א טאם
שוין געקייט גאם
אבער ס'נאך ושכנתי בתוכם

דער סיגוף זיך ערשט אנגעהויבן
דער קאפ ווי א זקן ממרא געבויגן
אוי, צו וואס דער גלות טוט טויגן

דער אויספאסטן טראמא
ביים עסן אויסגעלאזט א קאמא
און יעצט שפילט אן Action/Drama.

די אויגן שטארצן ארויס פון די נאזלעכער, בעת דער מאגן זעלבסט איז פארדייט אין די קישקעס. שוויץ פון אנגוסט און הונגער, פארקלעבן די פיאות צום בארד, אזש די ברעקלעך פונעם אטאקירטן קוכל, וועלן פיין קלעבן. דער מאגן פילט ווי א באלאן וואס איז נארוואס גענצליך אויסגעלאפן פון לופט און ליגט פארוועטשט אויפן ערד. די נשמה דראפעט אינעם טריקענעם ושט צווישן די מאגן און די האלז, און די הארץ קלאפט ווי טשערנאבעל בעפארן אויפרייס.

ווארטן מיר מיט אנגסט צום אויספיר.

<!-- l --><a class="postlink-local" href="/topic/1268">viewtopic.php?f=25&t=1268</a><!-- l -->