ניקלשבורג - בת מלך דעבאטע ווינקל

אזוי ווי עס איז צאמגעפאלן די געשפרעכן צווישן די צוויי צדדים נאך וואס אונז אלע האבן זיך נעבעך פרובירט צו איינרעדן אז אפשר וועט מען מצליח זיין צו מאכן א שלום וויל איך אביסל אראפלייגן די השתלשלות הדברים פון די לעצטע פאר וואכן

אזוי ווי שוין כמה פעמים געשריבן איז דא דזאזשמענט אויף בת מלך פון צוויי הונדערט טויזנט דאלאר וואס דארף דעקן די קאסטן פון די לאויער פון קהל ניקלשבורג אויף דאס וואס זיי האבן געדארפט פייטן צוריק צובאקומען די בילדינג און היות בת מלך האט נישט קיין געלט האבן זיי געבעטן די פאפירן פון די מוסד צו זעהן ווי די געלט איז וואס ווי באקאנט ווילן זיי עס נישט ארויסגעבן ווייל די לאויער פון ניקלשבורג איז בחזקת מסור וואס האט אסאך מאל געפרעגט קשיות אין קארט בחזקת מסירה (אפציעל אהן רשות פון ניקלשבורג נישטא ווער עס זאל לאכן) און ממה נפשך אויב ענטפערט מען נישט אויף אלע transactions פון די מוסד קענען זיי קומען שרייען אז דא ליגט די גניבה און אויב ענטפערט מען יא איז א סכנה פאר.... וד"ל ווייל אלעס ווערט אפגעשריבן ביי א רעפארטער און רוב מאל גייט אלעס צום דזשאדש און ער האט א חוב צו הייסן עס אינוועסטיגעיטן רח"ל

איז געקומען אפאר וואכן צוריק ווען מ'האט געדארפט אריינגעבן די ביכער די עסקנים זענען געווען טויט דערשראקן וואס גייט יעצט זיין מ'האט געטרייט צו פארהאנדלען מיט ניקלשבורג אז מ'איז גרייט צו געבן ביכער פאר א אקאונטענט אבי נישט פאר די רשעות'דיגע לאויער און עס איז נישט געווען מיט וועם צו רעדן פון איין זייט פארהאנדלט מען משוגע שטארק און פון די אנדערע זייט שרייט די לאויער אז עס איז נישט דא קיין פארהאנדלונגען און אויב מ'געט עס נישט אריין גייט ער קלאגן אין קארט רח"ל און אויך איז מען געגאנגען פרעגן א שאלה פון רבנים צו מ'מעג געבן די ביכער צו עס איז נישט מסירה דאס אליין אז מ'געט עס איבער און א חשובער רב האט געפסקענט אז עס איז ייהרג ועל יעבור אפילו אויב מ'גייט ח"ו אין תפיסה

למעשה איז געקומען פרייטיג און מ'האט מחליט געווען אז מ'גייט נישט אריין געבן די ביכער ווייל פאקטיש פארהאנדלט מען דאך יא סאו עס איז מעגליך אז ביז א טאג צוויי גייט מען זיך דורכקומען סאו הייסט עס נישט קאנטעמפט אף קארט (אזוי האבן זיי געמיינט) און אויך על פי פסק הרב אז מ'מעג עס נישט אריינגעבן און אזוי האט טאקע פאסירט מ'האט נישט אריינגעגעבן די ביכער

און די זעלבע צייט האבן די עסקנים געבעטן פון אמ"ש זאל גיין איבערבעטן די רבי כדאי עס זאל צוהעלפן צו די געשפרעכן למעשה האט מען געעפנט די טיהר און געזאגט אז די רבי איז נישט עוועיעבל און זיי האבן איבערגעגעבן אז זיי ווילן איבערבעטן און זענען אוועקגעגאנגן

אויך און די זעלבע טאג איז געווען די פסק וועגן אור תורה אז זיי זאלן גיין צו הרב גאלדמינצער און אויך האט די דזשאזש נישט מסכים געווען אז מ'זאל שוין אנפאנגען צו אויספרעגן די זעקס מענטשן וואס זיי קלאגן אהן ווייל מ'האט זיך נאכנישט געטרייט אראפצוזעצן מיט זיי פארהאנדלען און אזוי אויך האט ער געראטן אז מ'זאל זיך אראפזעצן מיט בת מלך אויך ווייל זיי זעען דאך וויאזוי איך האב געפסקנ'ט ביי אור תורה סאו במילא פארהאנדלט'ס אויך מיט בת מלך

אויך האט די באנק בכלל נישט אנגענומען די טענה פון ניקלשבורג אז מ'האט זיי באגנבעט און ווילן ווייטער אוועקנעמען די בנינים פון זיי
במילא פון די גאנצע השתלשלות הדברים האט זיך אמ"ש מיט די עסקנים זיך נעבעך נאאיוו איינגערעדט אז רשעות האט א גרעניץ און אז זיי גייען נישט גיין ווייטער מיט אזא שענדליכע זאך ווי גיין צו קארט פארמסר'ן אז מ'האט נישט געפאלגט נאכדערצו ווען מ'האלט טיף אינמיט פארהאנדלען
(און א זייטיגע מאדנע קאמישע נאטיץ האט א שטיק צייט צוריק ר' יצחק מאנדל געשריבן א וזאת למודעי אז אויב זיי רעגן אויף די דזשאדזש איז זייער אייגענע אחריות אבער עס איז נישט געשטאנען דארט אז ניקלשבורג מעג אליין גיין צו קארט און זאגן אז זיי האבן נישט געפאלגט (קען זיין עס וועט ארויסקומען בקרוב נאך א היתר 😂 😂 😂 ))

נישט מער און נישט ווייניגער מאנטאג אינדערפרי איז כלל ישראל אויפגעשטאנען צו א נייער שרעקליכער מציאה אז א רבי בישראל דורך זיינע געמיינע שלוחים האבן אריינגעגעבן א קלאגע און געריכט אז היות אמ"ש האט נישט געפאלגט די דזשאדזש זאל איהם די קארט רח"ל פסקנען פאר קאנטעמפט אף קארט וואס און דעים ווערט אריינגערעכנט סיי געלט שטראף און סיי תפיסה אזוי ווי זייער לאויער האט אליין געשריבן און די proposed order to show cause און נאכדעם האט עס די דזשאזש אויסגעפילט מיט די אנדערע אינפארמעישן

אין די זעלבע צייט זענען זייערע לאויערס אנגעגאנגען מיט זייער טעראר אקעגן די נייע סקול עטרת בנות און זיי האבן געשיקט א סאבפינע פאר בת מקרא וואס מ'האט דארט געדינגען די פלאץ פאר דעי קעמפ פון ווי מ'האט זיי באצאלט און זיי האבן נישט געענטפערט האבן זיי אויך געקלאגט און קארט (למעשה טענה'ן זיי אז זיי האבן עס נישט באקומען און אז זיי גייען זיך צושטעלן סאו ביזדערוויל איז די קלאגע אפגעשטיפט געווארן) אויך האבן זיי טעראריזירט די לאויער פון ווי ער באקומט באצאלט און ער האט אויך נישט געוואלט ענטפערן און זיי האבן איהם אויך געקלאגט למעשה זעהט מען אז ביי זיי איז כיון שעבר ושנה נעשה לו כהיתר און מ'שטעלט זיך נישט אפ פאר גארנישט אפילו מיט די ערגסטע עבירות אזוי ווי די מעשה פון די שיכורים מיט די תיקון חצות

עס איז געקומען יום המר דינסטאג פרשת שופטים און מ'איז געגאנגען אין קארט די דזשאזש איז געווען מלא כעס אויף אמ"ש היתכן ער האט נישט געפאלגט די דזשאזש און נישט געגעבן די פאפירן און האט געשריגן אז ער זאל וויסן אז ער קען ח"ו גיין אין תפיסה פאר דעים און אויך האט ער געשריגן אויף די לאויער אז היתכן די האסט געקענט געבן די עצה פאר דיין קלייענט אז ער זאל נישט פאלגן און דו האסט איהם געגלייבט אז עס איז דא פארהאנדלונגען בשעת ווען די ניקלשבורגער לאויער האט געשיקט א גאנצע צייט אימעילס אז עס איז נישט דא פארהאנדלונגען (א ריזיגע ליגנט ווייל עס איז יא געווען פארהאנדלונגען) און די לאויער האט זיך ארויסגעדרייט און געזאגט אז ער האט נישט געגעבן די עצה און אויך אז ער פארטרעט נישט אמ"ש פערזענליך אקעגין די קלאגע נאר די מוסד בכלליות למעשה האט די דזאזש ארויסגעגעבן איהר פסק אז זי געט יעצט א קלארע נייע דעיט פאר פרייטיג אז ביז דעמאלטס מוז מען געבן די פאפירן אהן קיין תירוצים און אויב נישט וועט ער דארפן פערזענליך באצאלן 2000 דאלאר פאר יעדן טאג וואס ער געט עס נישט אריין וואס דאס אליין איז קלאר מסירת ממון ישראל ביד עכו"ם רח"ל היה לא תהיה און חוץ פון דעים האט זי געסקזשולט א דעיט אויף שפעטער וואס דעמאלטס וועט מען דן זיין אויף די אישו פון די פארהאנדלונגען צו עס איז יא געווען צו נישט און זי האט קלאר געווארנט אז אויב וועט מען זעהן אז ער האט במזיד נישט אריין געגעבן די פאפירן גייט ער גיין אין תפיסה רח"ל היה לא תהיה און זי האט איהם געראטן אז היות ער האט א קרימינאל טשארזש אקעגין איהם און זיין לאויער זאגט אז פארטרעט איהם נישט פערזענליך זאל ער הייערן א נייע לאויער

למעשה אפילו נאך די פסק אז ממוז אריינגעבן די פאפירן איז די לאויער פון ניקלשבורג נאכאלץ ביזי מיט דעים אז עס איז קיינמאל נישט געווען פארהאנדלונגען און ווען איינער פון די פארהאנדלער האבן אריינגעשיקט א בריוו אז ער האט פאקטיש יא פארהאנדלט און לויט דעים קען אמ"ש זיך ראטעווען פון תפיסה רח"ל מיט די תירוץ אז וועגן דעים האט ער געמיינט אז ער דארף נישט פאלגן איז די רשעות'דיגע לאויער נאכאלץ ביזי אז היות ער האט נישט געפיילט די פאפיר אויף די e-file system זאל עס די קארט נישט אהנעמען און אויך האט ער ווייטער געלייקנט אז ער האלט זיך ביי זיינס אז עס איז נישט געווען קיים פארהאנדלונגען פון דא קען מען זעהן א משהו פון די רשעות פון די לאויער וואס לייקנט אפענע פאקטן אבי צו יענעם לייגן און די ערד

די רבנים און עסקנים האבן זיך ווידער אריינגעלייגט מיט גרויס אייפער צו פארהאנדלען מיט ניקלשבורג אז זיי זאלן ארויס פון קארט און מ'זאל נישט דארפן געבן די פאפירן וואס וועט זיין א גרויסע סכנה (אינטערסאנט אז ניקלשבורג פארשטייט עס נישט אבער די רבנים יא) קיינער האט נישט געוואלט נעמען די אחריות אז מ'מעג געבן די פאפירן אפילו ר' ישראל האגער וויל אויך נישט עס זאל פאקטיש געגעבן ווערן

די רבנים האבן ווייטער פארהאנדלט שעות ארוכות איז מען געזעצן זיך דורכקומען מיט ניקלשבורג און זעהן וואס מ'קען זיך מפשר זיין איך בין נישט אזוי באהאוונט און די אגרימענט וואס האט געדארפט זיין אבער עס איז שוין געקומען צו א מצב אז די רבנים זענען שוין געווען כמעט זיכער אז די שרעקליכע מסירה גייט זיך בעזהשי"ת אויפהערן און מ'גייט סיינען א אגרימענט און דעים איז אויך געווען אינוואלווד אז מ'גייט געבן פאר ניקלשבורג א סומע געלט אלס לא יחרץ און זיי גייען אויפגעבן די מסירה די פארהאנדלונגען האט זיך געשלעפט און געשלעפט און עס קומט שוין ווידער צו גיין פרייטיג ווען די לעצטע דעדליין איז דא סאו וואס טוט מען ???

אמ"ש איז געגאנגן צו א גרויסע קרימינאלע לאויער און איהם פרעגן וואס מ'קען טוהן די לאויער האט איהם שרעקליך מייאש געווען און האט איהם געזאגט אז אויב פאקטיש גייט נישט זיין קיין אגרימענט (וואס אמ"ש האט א גאנצע צייט געטענה'ט אז לויט ווי ער קען ניקלשבורג משנים קדמוניות גייען זיי קיינמאל נישט איינגין אויף די פשרה זיי ווארטן נאר אויף א תירוץ זיך ארויסצודרייען און זאגן ניין ! נאר ווילאנג זיי האבן די שטעקן פון קאנטעמפט אף קארט ענזשויען זיי פשוט צו זעהן ווי מ'בעהט זיך ביי זיי ווי משוגע זיי פילן זיך וויכטיג אבער למעשה וועלן זיי עס נישט סיינען אזוי ווי עס איז שוין געוען ביי זאקס וואס זיי וואלטן כמעט געקענט בלייבן מיט די מוסד און זיי האבן עס נאכאלץ אפגעווארפן אויף די עצה פון זייער לויער) און ער געט נישט אריין די פאפירן זאל ער זיך אפילו נישט איינרעדן אז ער האט צייט ביז די נעקסטע קארט הירינג נאר די דזשאזש גייט איהם אויפפיקן מאנטאג און לייגן גלייך אין תפיסה ביז ער געט נישט ארויס די פאפירן און אפילו נאכדעם קען ער זיצן נאכאמאל פארן זאגן ליגנט און מאכן ליצנות פון די קארט אז מ'האט פארהאנדלט מ'האט זיך געטענה'ט אפאהר שעה אז עס וועט זיין סאך ערגער אויב מ'געט אריין די פאפירן ביז די לויער האט עס אנגעהויבן צו פארשטיין און האט געגבן א שטיקל עצה וואס דאס וועט בס"ד ראטעווען אז ער זאל נישט גיין אין תפיסה (דאס האט פאסירט דאנערשטיג נאכט מיר וועלן באלד צוריקומען צו דעים)

למעשה האבן די רבנים שווער געארבעט דאנערשטיג און די נאכט אריין און מ'האט שוין געמאלדן פאר אמ"ש אז ער זאל האלטן זיין פאון לעבן זיך ווייל מ'גייט איהם רופן אינמיטן נאכט ער זאל קומען סיינען פיהר אזייגער פארטאגס האט אי"ל זיך אנגערופן אז די רבי איז שוין נישט עוועיליבל און ער האט צוויי דעטאלן אין די עגרימענט וואס ער קען נישט געבן קיין הסכמה אהן די רבי סאו עס איז געבליבן אז מ'גייט חתמ'נען מארגן פרייטיג אויב די רבי וועט מסכים זיין (און פארשטייט זיך בדרך הטבע די לויער וואלט עס קיינמאל נישט צוגעלאזט אזוי ווי ער האט געשריגן אין קארט אז ער וועט קיינמאל נישט מסכים זיין אויף קיין עגרימענט און ער מוז באקומען די פאפירן און אי"ל איז דארט געשטאנען און האט נישט מוחה געווען אז ער וועט יא מסכים זיין און פון דא זעהט מען אויך אז די גאנצע פארהאנדלונגען איז נאר געווען א שפיל און זיי האבן געקענט באשטיין אז אמ"ש זאל פאקטיש ווערן אין קאנטעמפט)

לאמיר געדענקען אז פרייטיג ביי 5:00 אזייגער אויב איז נישט דא קיין אגרימענט און מ'האט נישט אריינגעגעבן די פאפירן איז אמ"ש אויטאמאטיש עכט אין קאנטעמפט אף קארט און קיין שום תירוץ וואלט איהם נישט געהאלפן

פרייטיג אינדערפרי אמ"ש דארף אריינפארן און שטאט אויף שבת און ער ווארט אז די אגרימענט זאל ווערן באשטעטיגט (און אויך האלט ער אינמיטן צו טוהן וואס די לויער האט איהם געהייסן וויל ער מוז זיך פראטעקטן נישט צו זיין און קאנטעמפט) און מ'שלעפט די צייט און די רבנים רעדן זיך שוין איין אז אט אט גייט מען שוין חתמנען האט מען געזאגט פאר אברהם משה אז ער זאל קומען חתמנען די אגרימענט און ער קען אריינפארן אין שטאט און מ'וועט איהם לאזן וויסן ווען ניקלשבורג האט געחתמ'ט ער איז געקומען און געחתמ'ט און אויך געחתמ'ט שטרי בירורין אז אויב איז דא נאכדעם טענות וועט מען גיין צו הרב בעלסקי (אגב אמ"ש קען געוואונען א פארמעסט אלס א איד וואס האט געחתמ'ט די מערסטע שטרי בירורין צו שליטן א קעיס) אויך האט מען אריבערגעברענגט צו רבנים א באנק טשעק מיט די סומע וואס מ'דארף געבן פאר ניקלשבורג און פאל די אגרימענט ווערט באשטעטיגט

למעשה עס שלעפט זיך ווי משוגע מ'בייסט זיך די נעגל מ'ווארט אויף די אקעי פון ניקלשבורג עס ווערט שוין כמעט פינף אזייגער און עס איז צרות ווי א בארג האט מען נאך פיהר אזייגער אקטיוויזירט די עצה פון די לויער וואס איז געווען אז היות מ'האט שוין א שטיק צייט צוריק אפיעל'ד די פסק פון די דזאזש נאר למעשה ביזדערווייל קען מען נישט זאגן אז מ'האט נישט קיין געלט און במילא האט מען געדארפט צושטעלן די פאפירן האט ער געזאגט אז מ'זאל גיין מאכן א באנד פאר צוויי הונדערט טויזנט דאלאר און עס אריין לייגן און די סיסטעם און זאגן אז אונז זענען גרייט צו באצאהלן די געלט און די געלט איז גרייט אויב די אפיעלס קארט געט די פסק אז מ'דארף זיי באצאלן אבער ביזדערווייל גייט נאכנישט די געלט צו זיי במילא איז צום האפן מיט גרויס סייעתא דשמיא אז די אפיעל וועט יעצט באקומען א תוקף און די פסק וועט באקומען א סטעי צוליב די אפיעל און אנשטאט די פאפירן האט מען דאך די געלט ושלום על ישראל איז ממש א קורצע צייט פאר פינף אזייגער האט מען e-filed די motion אין קארט און די אויבישטער זאל האלטן זיין רעכטע האנט אז די דזשאזש זאל עס אהנעמען ושלום על ישראל

דא האט די באלאן וואס הייסט שלום פארהאנדלונגען געפלאצט ! וואס הייסט דו שלעפסט ארויס די קוילן פון מיין רעוואלווער ??? דו צושטערסט די קאנטעמפט אף קארט וואס איך האב אזוי שווער געארבעט עס זאל אריינגיין אין קראפט און אזוי ארום ראטעווען מיינע בנינים ??? איך האלט אינמיטן פארהאנדלען (ליין: שלעפן די צייט) און די גייסט אינטער מיין רוקן ווען איך בין שוין געווען זיכער מיט מיין נצחון ??? און נאך און נאך שטותים וואס מיר וועלן הערן און די קומענדיגע טעג פון די ניקלשבורגע חסידים

אפאר מינוט נאכדעם קאלט די רבי בכבודו ובעצמו אריין צו די רבנים מיט קולי קולות היתכן מ'געט אריין א קלאגע אקעגין איהם בשעת מען האלט אינמיטן פארהאנדלען (ליין: שלעפן די צייט) אזעלכע באנדיטן איך גיי מער קיינמאל נישט פארהאנדלען ועוד ועוד און דא האט זיך עס ליידער געענדיגט אנשטאט צו האבן געחתמ'ט א טאג פריער און אלעס וואלט געווען דערנאך בשלום האט מען געשלעפט די צייט מ'האט כסדר געקוקט אויף די אינטערנעט צו אמ"ש טרייעט זיך צו דעפענדען צו נישט און נאכדעם ווען מען וויסן ווי מ'שטייט מיט'ן גאן צום קאפ און אזוי ווייטער זיך מאכן ווי מ'האלט אינמיטן פארהאנדלען און יעצט האט שוין ניקלשבורג נאכאמאל די זכיה צו שרייען ווי א קאזאק הנגזל אז זיי זענען נרדפים און מ'פייניגט זיי אומזיסט און זיי ווילן פארהאנדלען (נישטא ווער עס לאכן)

לסיכום הענין דארף מען נאך אסאך מתפלל זיין צו שוכן מרומים אז אברהם משה בן פייגא ליבא זאל ארויסגיין מאפילה לאור גדול און די דזשאזש זאל אהנעמען די טענה און איהם באפרייען עס גלייבט זיך זייער שטארק אז ניקלשבורג וועט זיך יעצט ארויסווייזן מיט זייער אמת'ע געמיינע פרצוף און טרייען ווייטער וואס זיי קענען שלעכטס טוהן היה לא תהיה הקב"ה ישמרנו ויצילנו ולמלשינים אל תהי תקוה

גלייכצייטיג גרייט זיך כלל ישראל צו ארויסקומען מיט א מעכטיגע פדיון שבוים אקציע צו קענען אויסצאלן די הלוואה פון צוויי הונדערט טויזנט דאלאר וואס די געטרייע עסקנים האבן געשאפט און די לעצטע מינוטן דאנערשטיג ביינאכט און מ'דארף עס שוין צוריקבאצאהלן דעטאהלן וועלן מן הסתם מפורסם ווען און די קומענדיגע טעג

זאל די אויבירשטער שומר ומציל זיין גאנץ כלל ישראל און אלע מוסדות התורה פון אלעם שלעכט'ס און ולמלשינים אל תהי תקוה און מ'זאל זוכה זיין צו די גאולה שלימה בב"א