"שיר החסידים" געווינט "שושנים" פאעזיע פארמעסט!

!I thought so

מעג מען שוין וויסען די נעמען?

איי איי איי, שמחו ואמרו,
פיוט הזייגער, גיי פגר, גרויסע צולייגער
שמחו ואמרו, ונצחו.

קען מען זען אז די געטראפענע טאטעס זענען נישט געווען אינגאנצן דום. דער דעמאקראטישע סיסטעם ארבעט גוט, עס האט געווינען א פאעם וואס האט אלעס אין זיך.
פאעט
חידוש
פארשטענדליך פאר יעדן.

פיינע נייעס!

שיר החסידים איז גאונ'יש אין זיין סימפליסיטי, און אין זיין עמיולירען א פארצייטישע ליד.

כל הכבוד!

לא נתקבל האט גערעדט צו פילע וויילער, זייענדיג אן אקטועלע טעמע אויפ'ן סדר היום.

כל הכבוד!

בית הכבוד איז פאני אויף צום קוילערן, און עס האט זיך הפנים אטאמאטיש געשטימט דערפאר.

כל הכבוד!

שאון השעון איז דער מלך השושנים, אבער האט זיך קוים באוויזען אריינצוקוועטשן מיט די געוואונערס. שוין, דעמאקראטיע...

און כל הכבוד!

איז ווידער געווען ארום 100 וויילער.

איך שעם מיך 😳

לויט מיין מיינונג זענען געווען מער געלונגענע פאעמעס ווי שיר החסידים, אבער קען זיין אז איך פארשטיי נישט צו פאעזיע... 😉

בכל אופן בין איך דאנקבאר פאר די גוטע פריינט אין קאווע-שטיבל פאר'ן שטימען פאר מיין פאעמע. יעצט דארף איך זיך ברעכן קאפ וואס צו טון מיטן הונדערטער...

פלאוויוס, דו האסט מחבר געוועהן אויך דער חלק שני?

קודם געב מעשר. האלט מען שוין ביי $90

מזל טוב פלאוויוס. דיין פאעזיע איז ווירקליך גין גאלד און האט געווינען א פארמעסט קעגן צענדליגער גאונישע פאעזיעס.

פישל'ע העררינג

פלאוויוס, דו האסט מחבר געוועהן אויך דער חלק שני?

דו מיינסט די ליטווישע ווערסיע? נישט איך. איך בין א חסיד! כ'האב אבער הנאה געהאט פון יענער ווערסיע אויך.

מזל טוב!!
און ביי דער געלעגנהייט וועלן מיר זיך אויך באדאנקען פאר דיינע מער פשוט'ע טאג-טעגליכע תגובות וועלכע זענען מלא תוכן און שכל. איך האב שוין אסאך נהנה געווען דערפון!
נאר אויף שמחות...

פישל'ע העררינג

שאון השעון איז דער מלך השושנים, אבער האט זיך קוים באוויזען אריינצוקוועטשן מיט די געוואונערס. שוין, דעמאקראטיע...

און כל הכבוד!

די גאנצע חילוק איז געציילטע וואטוס. עס קען געמאלט זיין אז ווען רוב פון די פופציג שטימעס וואס האבן געשטימט פאר שאון השאון און די אנדערע געווינער וואלטן נאר געהאט איין אויסוואל וואלטן זיי געשטימט פאר שאון השאון אליינס. און אנדערע ווערטער אז מען מאכט ווען פרישע וואוט פון די פיר געווינער וואלט אפשר שאון השאון געווינען. נחמא פורתא פאר דיר פישעלע (פאר דיין דיסעפוינטמענט).

בחיבורו זמן בזבזתי / אמנם לא פספסתי

כי שאון השעון / ניצח בגאון!

פארשטיי איך נישט פארוואס פונקט די משכיליש גענויגט שטיקל האט אזויפיל אנגעצויגן צו זיין די סאמע געווינער באט איי געסס ווי עטליכע האבען שוין אנגעמערקט אז די אנטי סיסטעם סענטימענטן שפילט דא א גרויסע ראלע.

קאן זיין כ'פארשטיי נישט צופיל צו פאזיע אבער לדעתי הקטן ליגט אין שאון השעון פילפאכיג מער טאלאנט.

נעגאשיעטער דו שרייבסט הערליכע פיוטים אבער דו מעגסט דיך אביסל צולערנען צו נעגאשיעטן.

איך האב געשטימט פאר לא נתקבל
ווער איז די מחבר?

לא נתקבל איז דייקא יא געווארן נתקבל.
חוברתי אני, הצמא ברווי הקפה, הערשי.
יישר כח פאר אלע וועלכע האבן געשטימט פאר לא נתקבל, הן פריימעריס והן גענעראל.
מזל טוב צו פלאוויוס צום געווינס פון שיר החסידים, און מזל טוב צו די אנדערע געווינער.
נישט נאר מיר האבן היינט געווינען. דעמאקראטיע האט געווינען, די עמך האט געווינען, אידיש האט געווינען, פשטות האט געווינען, קאווע שטיבל האט געווינען.

וואס הייסט קאווע שטיבל האט געווינען?

צד השווה פון אלע געווינערס:

לשון הקודש אין די קעפלעך!

א געווינס פאר די הייליגע שפראך...

בית הכבוד פאעמע האב אני הקטן געשריבן בשם דעם בית הכבוד. שכח פאר די אלע וועלכע האבן געשטימט און געשאפט די שריפטליכע צווייג הנקרא "פאעזיע" א נייע באדייטונג, און אנטשולדיגט פאר די אלע וועלכע האבן זיך געשפירט געטראפן.

אמג! ס'קומט שוין פאר מעמדים! לעבן מיר שוין אין פאוסט קאווע שטעטל צייטן?

פאליציי ווערן געזען שלעפן באריקאדן

"און די געווינער איז" איך האב עס איינגעטיילט לויט די מספר הלייקס זעהט אויס נאך אלעמען האבן די מערסטע נאך הנאה געהאט פון @גנדי שטיקל

#6 אוי חנוכה אוי חנוכה / גנדי / 36

#4 א בריוול פון דעם בית הכבוד / רוח קדים / 35

#1 אמרתי / ובנתה העיר / 34
#31 לא נתקבל / הערשי / 34

#11 טב למיתב ארמלו מלמיתב טן דו / אפטעמיסט / 32

#3 א גוט ווארט / יין שרף / 31
#8 ימי בינה / פישל'ע העררינג / 31
#15 הארץ סטרונעס / רויטע וואנצעס / 31
#16 ראדני / מאראנצןזאפט / 31
#18 שאון השעון! / נעגאשיעיטאר / 31
#28 און ג-ט האט געשוויגען / יאיר / 31

#26 שיר החסידים / פלאוויוס / 30

#5 הארץ צווייפלענישן / מאטי / 29
#7 שובה/השיבני / מצטמק ויפה / 29

#2 נהי בכי תמרורים, נהי / אפטעמיסט / 28
#10 או חברותא / יואב / 28
#19 געזעץ פון שילוש / ראובן / 28
#22 העלע געדאנקען / נהורא נפישא / 28

#17 סטארבאקס / הציץ ונפגע / 26
#23 והמבין יבין... / מוזיקאנט / 26
#27 ארטאדאקסיע, פאראדאקסיע / מאטי / 26

#12 מיין בקשה, איך בעט / יין שרף / 25
#14 רכבת מעצבנת / הציץ ונפגע / 25
#20 דאגה בלב / מצטמק ויפה / 25

#13 נר לכל אחד ואחד / איך אויך / 24
#21 ערבוביא! / מנחם / 24
#29 אלו ואלו נשרפין / אנאנים / 24
#30 יתגדל / בן תמליון / 24
#32 תוקד בקרבי / אנאנים / 24

#24 דרא דייסא ודירה / רויטע וואנצעס / 23

#9 גיבורים ביד חלשים / לעיקוואד / 21
#33 א יווני קומט! / נח געציל / 21
#35 ביני ובינך... / קינד_אן_קייט / 21

#25 וכשאני לעצמי / קינד_אן _קייט / 20
#34 מעשה שיהיה! / גימפל / 20

#36 וכל ישראל מראין באצבע! / שפתים ישק / 19

שושנים # איינס / ישמעאל הכהן / 5

דאס וואלט געווען אן אויסגעהאלטענער וועג ווען אלעס וואלט אריינגעקומען אויפאמאהל. באמערקט די לייקס פארווייניגערן זיך בדרך כלל לויט ווי שפעטער אינעם פארמעסט.

וכל ישראל מראין באצבע האט באקומען נאר ניינצן לייקס? איינס פאר די ווייניגסטע??
עס איז דאך געוואלדיג!

ישראל קאפקע

וכל ישראל מראין באצבע האט באקומען נאר ניינצן לייקס? איינס פאר די ווייניגסטע??
עס איז דאך געוואלדיג!

ס'איז אויף די נער'ישע זייט, לדעתי.