שושנים #17: סטארבאקס

איך גלייך די פאעמע פאר איר סטייל, אבער די תוכן הדברים איז אדער זייער טיף ולאו כל מוחא סביל דא, אדער סתם געוואלט אריינשניידן עטליכע פסוקים פון קהלת אין א גלעזל קאווע וואס איז גראדע נישט קיין שלעכטער איינפאל. דאס לעבן זייגט, אלעס איז הבלים ואין כל חדש תחת השמש.

סאומהאו כאפט מיך זייער די פאעזיע. סליינט זיך מיט א ריטהם און די שמעק פון א סטארבאקס געשעפט קיצלט אין די נאז.

זיסע פאעם, אבער גראדע איך ענזשוי יעדע מינוט אין סטארבאקס. אפשר שרייב איך א קאנטער פאעם.

די טיפקייט ליגט אין דעם וואס דער מחבר איז אין התפעלות פון זיין אנטדעקעניש! ער האט אנטדעקט אז... אין כל חדש תחת השמש, ומה שהיה הוא שיהיה, און אז די וועלט איז א ביטערע פלאץ. מ'כאפט?...

באטעם'טע נושא: 5 כוכבים

חידוש: אין כל חדש... אקעי, 3 כוכבים

אמת'קייט: 5 כוכבים

הסכמה ביים ליינען: 5 כוכבים

גראמען: 2 כוכבים

טיפקייט: 1 כוכב

אוועראלל: זייער ריכטיג און קלאר ארויסגעברענגט די געפיהל וואס מ'האט נאכ'ן לערנען די נייעס איבער א שאל קאווע.

דער פאום געפעלט מיר זייער. ס'איז געשריבן א רעסיט אויף יעדע מינוט מחשבה אינעם מצב.

עס ברענגט שיין ארויס די געדאנקען פון א מענטש וואס זיצט אין קאווע הויז (וואס איינע פון די שלעכטע גרויסע קאמפאניס וואס פירען אן אזעלכע קאווע הייזער הייסט פונקט סטארבאקס), זיפענדיג זיין הייסע קאווע און דורכגיין פארשידענע נייעס פון די טאג, וואס איז בעצם סתם פטימי מילין. וואלט ער געלערנט א פרק משניות אדער געליינט א פאעם אין דער צייט וואלט ער מער הנאה געהאט.. דער סטארבאקס קאווע + נייעס איז מסמל א געוויסע וועג פון צוגאנג צום לעבן וואס איז פאפולער היינט, פון קוקען אזוי אויף די וועלט פון דער זייט, דורך די גלאז ביים פענסי קאווע געשעפט אדער אויף זיין טייערע פאון, און נישט דורך זיין א חלק פון דעם. דאס זענען מיינע מחשבות.

אויך די פאעזיע איז מעשה ידיו להתפאר פון @הציץ ונפגע