ניגוני שבת קודש

י-ה אכסוף אין ישיבת הר עציון אר"י


י-ה אכסוף = לחיים -אהרן הלוי (שרעקליך ווארעם!)


איינער קאממענט דארט: This song is so holy that it gave me goosebumps the first few times I heard it at Shabbos tables. Thank you for posting it. I shared it around facebook 🙂.

חיליק פראנק שפילט די ברסלב'ע אשית חיל


קארלבאך - אשת חיל

רחם בחסדיך - מישקאלץ אדמו"ר. אגב פון וואו שטאמט דער ניגון ?

כל מקדש - קארלבאך

אשת חיל - אסאך האבן זייער ליב דעם ניגון. ניגון איז פון בן ציון שנקר

אזמר בשבחין - ברסלב

א-ל אדון - חיליק פראנק ועוד. שיין לעבעדיג און הארציג.

זר זהב

רחם בחסדיך - מישקאלץ אדמו"ר. אגב פון וואו שטאמט דער ניגון ?

אויב געדעינק איך גוט איז עס א ויזניצע ניגון

א דאנק

דאס שבת ליד

פון דא

פארוואס זאגן אזויפיל אידן ביים זמר ברוך קל עליון "ואם יצא אדם חובת היום" מיט א צירי? ס'נערווירט. מיט א קמץ טייטש עס מער ריכטיג דעם ווארט.

און וויפיל דא ווייסן דעם טייטש פון "על ידי כהניו מגר מתקוממיו"?

ווארעם איז ניטאמאל א הגדרה פאר דעם געזינגעכץ

יא געזען אמאל דאס קליפ. איך האב געמיינט אז דעפרעסטע סטיל קומזיצן האט זיך אנגעהויבן ווען איך בין געווארן 18... סגעווען אמאל די זעלבע וועלט, אין כל חדש תחת השמש. ווער איז דער היימישער ביים סוף?

ער זעהט נישט אויס ווי א היימישע, קוק ביי 2:06 וועסטו זעהן זיין גאנצע געשטעל, דאס איז נישט היימיש ב.פ. וויליאמסבורג וכדומ'

זר זהב

פארוואס זאגן אזויפיל אידן ביים זמר ברוך קל עליון "ואם יצא אדם חובת היום" מיט א צירי? ס'נערווירט. מיט א קמץ טייטש עס מער ריכטיג דעם ווארט.

און וויפיל דא ווייסן דעם טייטש פון "על ידי כהניו מגר מתקוממיו"?

אינטערעסאנט, יעדע וואך האב איך אינזין נאר די פשט פון די דאזיגע ווערטער. קען זיין ווייל ס'איז אזוי פרעמד און כ'האב עס אמאל נאכגעקוקט. מגר איז מלשון ותמגר. ס'רעדט פון די חשמונים וועלכע האבן מורד געווען אין די יונים.

גוט געזאגט. דער מ"ם פון מגר איז א חלק פונעם ווארט נישט א שימוש.

זר זהב

יא געזען אמאל דאס קליפ. איך האב געמיינט אז דעפרעסטע סטיל קומזיצן האט זיך אנגעהויבן ווען איך בין געווארן 18... סגעווען אמאל די זעלבע וועלט, אין כל חדש תחת השמש. ווער איז דער היימישער ביים סוף?

מיין הארץ שטורעמט און דו ריפסט עס דיפרעסט? ס'איז געפיל ארויסגערענגט דורך די שפראך פון נגינה, ס'איז אן ערהאבן אויסדריק פון אחדות און ברודערשאפט און געמיינזאמע השתוקקות וגעגועים. דאס איז א בילד פון א גרופע פאראייניגט אין איין זעהל און טרינקן פון א ברינעם צו שטילן די פאראייניגטע דארשט. די סאמע עסענץ פון חיות זעהט מען דא.

איך פארשטיי וואס דו זאגסט, איך אבער לייג עס אראפ לויט וויאזוי איך בין דורך מיינע בחורישע יארן וויזע ווי קומזיצן.

שלום עליכם חב"ד

ויהיו רחמיך מתגוללים - אלי ביער

ענדליך! כ'בין שוין לאנג בארד געווארן פונעעם צור משלו ניגון, ס'טאקע שיין ווארעם אבער כ'דארף א טשעינדזש. ענדליך געטראפן עפעס דיפרענט...
גיימיר עס זינגען. איינער איז "אין"?

ס'זינג זיך ספעציעל גוט נאכן עסן חריף און חמס

זייער א הארציגער שיינע ניגון בני היכלא (ווארקע/אמשינאוו) געזונגען דורך ברוך וויזעל, אהרן הלוי'ס ברודער

דא איז דער ליובאוויטש'ער בני היכלא, י"א אז דער בעל התניא האט עס מחבר געווען וי"א ר' הלל פאריטש'ער.

לטעמי איז עס א חידוש פון א ניגון, עס איז נאר א שאד אז כ'טרעף נישט יעצט ווי איינער זינגט עס ריכטיג, מיט די ווערטער און די קנייטשן.

די אויבנדערמאנטע שלום עליכם וואס ווערט געזונגען אין די אלגעמיינע אידישע וועלט האט פארפאסט א קאנסערוואטיווער ראביי מיטן נאמען הרב ישראל גולדפארב אין א פרייטאג נאכמיטאג אין יאר 1926 זיצענדיג אויף די טרעפ פון קאלאמביע יוניווערסיטי, און האט גארנישט מיט חב"ד.

זעלבע ניגון מיט א חן וואס דארף נישט מוזיק

קאן מען לייגן די זאכן אויף קאפי קאם. דאס צו קענען ריכטיג דאנלאדען?

זר זהב

פארוואס זאגן אזויפיל אידן ביים זמר ברוך קל עליון "ואם יצא אדם חובת היום" מיט א צירי? ס'נערווירט. מיט א קמץ טייטש עס מער ריכטיג דעם ווארט.

און וויפיל דא ווייסן דעם טייטש פון "על ידי כהניו מגר מתקוממיו"?

די זעלבע זאגען ביי אמן יהא שמי רבא... יתברך אויך מיט א צירי און נישט מיט א פתח

א שופר-איז-א-שופר: די ערשטע 2 וועלכע זענען פון זמירות לשבת, איז סתם א וועלטס טעות. אבער די דריטע, ביי קדיש צו זאגן יתברך מיט א צירי, איז בפירוש אקעיגן וואס דער שו"ע אורח חיים ביי הילכות קדיש זאגט (משנה ברורה) אז מ'זאלל זאגן יתברך מיט א פת"ח. אויך די אנהייב, יתגדל ויתקדש זאלל מען זאגן מיט א ציר"י. נישט מיט א פת"ח...!

זר זהב

פארוואס זאגן אזויפיל אידן ביים זמר ברוך קל עליון "ואם יצא אדם חובת היום" מיט א צירי? ס'נערווירט. מיט א קמץ טייטש עס מער ריכטיג דעם ווארט.

און וויפיל דא ווייסן דעם טייטש פון "על ידי כהניו מגר מתקוממיו"?

א. אין בריסק זאגען זיי איבער דער 'ואם יצא' צוויי מאל!

ב. דא גייט אויף די חשמונאים, וואס די יוונים הייסען צפיר העיזים, און די כהנים די חשמונאים האבען זיי 'ממגר' געווען. (אויף טייטש פון 'מגר' איז דא א באקאנטע מעשה פון דער באבובער רבי)

כ'מיין אז אין באבוב זאגט מען ואם יצא אדם מיט א צירי.

איסר האיטלקי: אויב דער באבוב'ער רב, דער קדושת ציון האט אזוי געזאגט איז עס אין ארדענונג צו זאגן מיט א ציר"י...!

ביי געוויסע האט מען אויסגעלאזט דעם אדם, און געזינגען נאר ואם יצא חובת היום