דער ''קאווע שטיבל'' אשכול
נאך די גרויסע סוקסעס פון די אייוועלט אשכול פון קעגן די נעט וואס האט באוויזן אזוי קונצליך אפצומאלן די אייוועלט דינאמיקס און וואו דער הונט ליגט באגראבן, עפן איך א קאווע שטיבל אשכול, סתם להגדיל שמייכל ולהאדירה.
סגייט ארבעטן אזוי : מ'דארף פארשרייבן א quote און דער עולם זאל פרובירן צוצושטעלן ווער ס'וואלט עס ווען געשריבן. איך הייב אן מיט א גרינגע ובזה החלי:
די פשוטע מעטאפיזישע ערכים וואס קאנט האט מחדש געווען, און באמת האט עס מקורות פון פריער נאר איך האב נישט די צייט בעסער געזאגט די געדולד צו לינקען וואס ברענגען ארויס אז זיי וועלכע פיליזאפישע הנחה קען נישט אויפגעוויזן ווערן נאר בתורת סוביעקטיווע הנחות שלילית און וועגן דעם זוכט די או טי די געמיינדע אזוי שטארק זייער אנערקענונג ווייל זיי פרובירן צו שטעלן א קהלה בפני עצמו אז מ'זאל זיי אננעמען און נישט ווי די בלינדע ראסיזם וואס מיר ווערן אויפגעצויגן פון אלס קליין קינד וואס איז פול מיט נארישע איינזייטיגע און טפשותדיגע פרעזשורעס פון נאר זען זיך און נישט געבן פאר א צווייטן די מינדעסטע מענטשליכע פונדאמענטאלע הערכה וואס איך בין נישט יעצט אין די גוסטע זיך צו טענהן, כדרכם פון די וואס ווי ווייניגער זיי פארשטייען אלץ מער זיכער זענען זיי ביי זיך.
נו, ווער? דע וואן ענד אנלי...
יו גאט איט! אפטע, יעצט דארפסטו פארשטעלן א quote.
אקעי יעצט דארף איך נאכאמאל:
פאלאסטיין איז א צוזאמענשטעל פון א לאטייניש סלאוויש ווארט און דאס איז געברענגט געווארן דורך די ערשטע מוסלומענער וואס האבן זיך באזעצט אין לאנד וואס זענען כידוע געווען פאר די סוכנות.
דאס גיט פאר כאמאס א בארעכטיגטע ארגומענט באזירט אויף היסטארישע פאקטן און וועגן דעם זעט מען אז אמעריקא בייגט זיך רעכטס און די רעפובליקאנער האבן איבער גענומען ביידע הייזער וואס נעמט זיך צוליב א ברייטע אוצתופרידנהייו אויף די איבערגעטריבענע מאכט פון די ציוניסטישע לאביסטן
גאט איט. יעצט ישמעאל שטעל איינעם פאר.
אוי ניין 😳
זלמן זאפיר!
גאלד שרייבט נישט האספול.
יעצט שטעל דו פאר איינעם...
די גרינע גראז האבן זיך ארויסגעלאזט אין א טאנץ, שוין איינמאל א ריקוד, און די בלעטלעך זענען זיך נישט מייאש זיי מאכן א דדאכענע ווי די טלית שמחת תורה איבער די קינדער. ווייל ווען ס'שטינקט פון קאפ שמעקט די פוס, און ווען מיין זיידע האט געלערנט מאור עינים, האט ער געוואוסט וואס מיינט א אמת'ע חסיד, זיין הארץ און מח צוזאמגעדרייט ווי א ראבער בענד.
אין גראסערי זעט מען ווער סאיז א מענטש אדער א מאלפע, וואס בעטסטו טשעינזש, דו ווילסט די פאסקונדעס זאלן טרעפן די בייזע רוחות, יא יא שונאים האקטס און שעלטס, שטיקער עצבות פאלן ווי פארענטשעס און קראכטס פון קנאה, צעפראסקעט? , שוין איינמאל צעפראסקעט!!! אני משלם בכפליים, וואס נאר די אויבערשטער האט מיר געגעבן די אויסערגעוונליכע טאלאנט צו מאכן לאחאריייקעס, אויף א מוראדיגן אריגינעלע אופן וואס נאר די שונד שונאים פון עם הארץ צו א צדיק, ווייסט אז ווען כהאב געכאפט פעטש אין חדר האט עס מיר נאר געשטארקט צוזאמען מיט מיין שוואגער צו זען די שיינקייט פון פעליטאן און הומאראכארייקעס. געלויבט דער פון אויבן פון אונטן און אינדערמיט פאר דעם.
זייער גרינג....
ר' סענדער דער דייטש זכותו יגון [ואנחה] עלינו צוזאמען מיט ישראל מ. סופר המכונה מנשה פיליפ-פלאפ
אויב טוה איך קאפי/פעיסטן זיינע סמייליס דאן איז זיין נאמען קלאר ארויסגעשריבן 😉
צען מינוט און קיינער האט נישט צוגעטראפן??
ריכטיג איז איחוד.
סנדר דייטש איז בערל און לייקס איז פינטל.
כעעוורא הערטס אויף מיט די קארני סחורה אז עטס קענטס ניטש לאזט עס פאר מיר...
און ווער איז דאס?
אויף דיין צווייטער נקודה איבער דער אויטענטישקייט פון אבסטראקט פעמפער ווישערס און ווי ווייט ס'האט נישט קיין שייכות מיט מיסטיסיזם וועל איך צולייגן מיינע צוויי גראשן, הגם אין אמת'ן איז דאס ווייט פון א נייעם מושג און ווערט שוין אן א שיעור ארומגערעדט דורך חכמי העולם הן שבדורנו און נאך אפילו אזוי ווייט ווי ביז אריסטו'ס שוויגער אדער עליפארני'ס שפחה חרופה. איך מיין אז אפילו די וועלכע גלייבן נישט אין השארת הנפש וואלטן מודה געווען אז דאס איז געווען די סיבה פאר סעינט פאול אפצושאפן ברית מילה ביי אחינו הנוצרים און האט מיט בלומבערג'ס מציצה בפה ווי דער על הגאולה מיט הרב קוק. הרב טענדלער וואלט לכאורה נישט מסכים געווען אוייפצוגעבן דעם משזר לתורים וואס איז מתיר אפילו ווען די קעדאטשקעס מיינט דוקא אן שיך אזוי ווי ער ברענגט שוין אגב כלפי חלוצה ביי דער באקאנטער פישקאקווארדיינער יבמה פרשה וואס דארט האט זיך דער אמת קלאר אויסגעשטעלט לעיני השמש און נאכאמאל באשטעטיגט דאס וואס יודעי בינה בדורנו האלטן כלפי אינטעלעדשענט דיזיין כאטש ס'איז נישט קיין סוד אז דאס וואס דו שרייבסט איבער שיטת הרמב"ם אויף העליאוסענטריזם איז פונקט גוט פאר לופטיגע שובבים תורות. איך זע נאך נישט פארוואס אונז חסידים וואס זענען מקפיד צו גיין אין מקוה יעדן טאג בלויז ווייל א מעזעבוש'ער איד ר' ישראל האט אזוי געוואלט, זענען ווייניגער קאפ אין וואנט אריין ווי די בודיסטן וואס האלטן אז קידוש החמה ברויך מאכן צוזאמען מיט התרת נדרים איינמאל אין א יובל העשור אויב ס'רעגנט פאר זיבן וואכן נאכאנאנד. אדרבה! טרעף מיך א גדול וואס וואלט געזאגט אז פאנגעס אויף די פיס איז א חציצה, אדער אפילו א מום אויב איז ער א כהן. ס'איז טיפיקל אונז חרדים וואס ברויכן אייביג זוכן די שיטה וועלכע איז דאס מערסטע רחוק מן השכל. בקיצור, ס'איז אן אריכות דעם גאנצן ענין דא, און ס'איז נישט מעגליך דאס ארויס צו האבן סתם מיט ווארפן אזאנע חסידישע פשעטלעך. ס'פארלאנגט זיך צו האבן כאטש סיי וואספארא אהנונג איבער דעם קאזמאלאגישן חלק בכלליות, און אויך דעם טעאלאגישן טייל אויף וויפיל ס'איז נוגע דא. ס'איז ממש רחוק מן המציאות צו זאגן אז דער אבן עזרה און נאך ראשונים האבן געהאלטן אזוי, ס'איז פונקט גוט פאר רב וואויזנער'ס לעכערליכן פסק איבער דער אינטערנט. און כלפי דעם חלק הפסיכאלאגיע איז ממש א לצנות שאין כדוגמתו צו אהערברענגן די הגדרה פון דעם סאטמערער רבי בנוגע אינפערטיליטי. אפילו אויב זאל דאס נאר זיין טעארעטיש, איז דאס נישט קיין קלענערע טיפשות ווי צו גלייבן אז די זיידעס קומען אראפ צום מצווה טאנץ פון גן עדן. איך וואלט געזאגט אז דאס איז פשוט תלוי אין חסרון הבנה, עין ערך עסיג אום חודש תשרי, אדער איז אויך דא א בוך דערויף וואס איך געדענק נישט אויף דער מינוט די נאמען. אין קורצן טענה'ט יענער אז אויב זאל עוועלוציע טאקע נישט זיין מער ווי א פוסטע זייפן בלאז, וואלט א גלעזל קאווע קיינמאל זיך געטוישט צו א מער ליכטיגן קאליר אפגעזען וויפיל מילך דו זאלסט נאר אריינגיסן. ס'איז אפשר אן עקסטרעמער ביישפיל, אבער די עצם נקודה לייגט זיך שטארק אויפ'ן שכל אויב שטייצעך זאל זיין אז דאס שטיקל כרפס וואס מיר עסן פסח אויפדערנאכט איז טאקע ווייניגער ווי א כזית. אבער דאס איז שוין ממש א נושא פאר זיך, און איך וועל אפשר טאקע מאכן א באזונדערן ארטיקל איבער דעם אויב און ווען איך וועל האבן צייט.
צילינדער אין דאמבע,
פאסטווענד א צירקוס-מאלפע
דער בייזער בוימ-אייל, פארזיבלט?
זעברא, פארמערט אלגעברא
פנחס'ס צארן פאר'טומל'ען
שטרייטן דעם ארגמן,
קרייען טוט דער כרפס!
א דרייסטע דלפון
מעקעט ווי קוגעלעך
כוכב.
<!-- l --><a class="postlink-local" href="/post/212353">viewtopic.php?p=212353#p212353</a><!-- l -->
יעצט מאכסטו נאך כוכב'ן אליינס - - ווען ער פראבירט חוזק'ן פון שלום בערגער.
שיזל! רויטע האט זיך אויסגעלערנט האקן.
כוכביאיר!
יואביו גאט איט!
מיר קוקט דאס אויס ווי כוכב וואס מאכט חוזק פון יאיר.
מיר קוקט עס אויס ווי יואב וואס מאכט חוזק פון יאיר. ודוק.
כוכבצילינדער אין דאמבע,
פאסטווענד א צירקוס-מאלפע
דער בייזער בוימ-אייל, פארזיבלט?
זעברא, פארמערט אלגעברא
פנחס'ס צארן פאר'טומל'ען
שטרייטן דעם ארגמן,
קרייען טוט דער כרפס!
א דרייסטע דלפון
מעקעט ווי קוגעלעך
לייג א קאפירייט, שלום עט עס נאך אריינדרוקן אין זיין נעקסטע באנד.
