עקסטרעמע קנאים פלאנן היינט נאכט מאנטאג א מחאה קעגן קאשוי/חבד

היינט נאכט דארף פארקומען א פארברענגן אין מאנסי פאר היכל מנחם חב"ד. זיי האבן געדינגען די סכה פון די קאשויער ביהמ"ד אויף סוזען דרייוו בנשיאות האדמו"ר רבי אליעזר חיים בלום שליט"א. די קנאים האבן געזען די אדווערטייזמענט פון היכל מנחם, האט עס זיי געכאפט אין שאק. הלמאי אז אפילו די קאשויער האבן זיך דערקייקלט פאר אפאהר דאללער צו פארדינגען זייער סכה פאר די חבד'סקער מסיונערין, וואס זיי זענען די גרעסטע ציונים ביי די פרומע אידען (כלשונם)?

האבן זיי פראבירט לייגן דרוק אויף די הנהלת הביהמ"ד צו מבטל זיין גי פארברענג. אבער די גבאים ווילן עס נישט מבטל זיין. קודם האבן זיי געזאגט אז זיי האבן נישט געוויסט אז דאס איז פאר חב"ד. אבער די קנאים האבן מברר געווען (וויאזוי?) אז זיי האבן יא געוויסט במה מדובר. נאך אלע לחץ איז נישט געלונגען צו פועלן אויף די גבאים צו מבטל זיין די פארברענג.

די קנאים פלאנען אויף היינט נאכט א גרויסע מחאה קעגן קהילת קאשוי און קעגן די חבד'סקער מסיונערן (כלשונם).
א ליסטע פון האטליין וואס זענען מפרסם די מחאה:
5597261287
2124441117
9512623722

עס מוז באטאנט ווערן אז די יערליכע פארברענג אין מאנסי, איז שוין פארגעקומען אין די גרויסע סכה פון קהל ויואל משה סאטמאר, און אין די סכה פון פאפא. דאס יאר האבן זיי געדינגען די קאשויער סכה, וואס דאס האט ארויסגערופן די צארן פון די עקסטרעמע קנאים.

א גוטן מועד

איך וויל מיטטטיילן עטליכע נקודות וואס אך האב מברר געווען איבער יום טוב.

חב"ד האט קלאר געזאגט פאר קאשוי אז זיי דינגען עס פאר זייערס א פארברענג.
קאשוי האט געהאלטן אז זיי מעגן פארדינגן זייער סכה פאר חב"ד.
ווען די שערוריה איז געווארן באקאנט, זענען עטליכע קנאים געקומען צו רבי אליעזר חיים בלום-אדמו"ר מקאשוי (אין שפיטאל לרפו"ש) אז ער זאל נישט אריין לאזן חב"ד. ער האט בשום אופן מסכים געווען. האבן זיי מפרסם געווען אז זיי גייען מאכן א מחאה. זענען חתנו רבי אליעזר חיים געקומען בעטן אז מען זאל צוריק געבן די געלט פאר חב"ד, און אפילו צוצאלן הוצאת הדפוס פאר נייע צעטלעך און אויב דער נייע סכה קאסט מער זאל מען דאס אויך באצאלען. וואס פעלט אונז אויס דער מחאה. האט די קאשויער רבי געזאגט אז ווען איך ווייס פון פריערד אז עס גייט זיין א גראטשקע וואלט איך עס נישט פארדינגען, אבער איין מאל איך האב פארדינגען מוז איך עומד זיין בדיבורי און איך בשום אופן גיי איך נישט צוריק ציען.

איינער פון די טענות וואס מען האט געזאגט פאר קאשויער איז אז זיי מאכן זייער רבי פאר משיח. האט ער געזאגט איך זעה נישט קיין פראבלעם מיט דעם, אלע קינדער פלעגן שפילן אז דער איז משיח יענער איז משיח, ולא שמעתי אז מען זאל שרייען אויף קינדער אז מען טאר נישט.

דער אילאוויטש (אויך א קאשויער אייניקל) וואס האט אהנגעפירט די פראטעסטן האט מען נישט אריין געלאזט אין די שטעטל פירן די הקפות, אלס די חוצפה פון די מחאה.

כששמעתי כל זה, איז נתעורר געוואר ביי מיר א שאלה וואס דער אלטער קאשויער רב ז"ל האט געהאלטן בנוגע חב"ד. האב איך מיר אינטרעסירט ביי זיינע אייניקלעך. איינער האט מיר געזאגט אז גער שארפסטע סטעטמענט איז געווען אז דער לובאוויטשער רבי וואקט אויף א שארפע מעסער. יענער טענה'ט אז די וועלט איז זיך טועה ווייל דער זיידע האט געהאלטן מיט סאטמאר לגבי די שיטה מיינט מען אז ער האט אלעס געהאלטן ווי סאטמאר.

א צווייטע אייניקל האט מיר געזאגט אז ער איז אמאל געווען אין א קאר צוזאמען מיט די זיידע און מען האט פראבירט צו בארעדן דער לובאווישטער רבי. האט ער נישט געלאזט רעדן. ער האט געזאגט, זאג מיר וועלכע עבירה איז ער עובר. ווילאנג דו קענסט מיר נישט זאגן אז ער איז עובר אויף אן עבירה, טאר מען אים נישט בארעדן.