מיין אנקום צו קאווע שטיבל

שאלות און קשיות פלעג איך אייביג פרעגן
פארוואס אונז טארן נישט און זיי מעגן
פארוואס אין אלעס זענען אונז דערקעגן
פארוואס קלויבן מיר אט דער דאזיגער וועג פון אלע וועגן
פון מיינע קשיות, רויט פון כעס זיי פלעגן
כ'האב נישט פארשטאנען, וואס טוהט עס אזוי אויפרעגן

אזוי פלעג איך מיר קוקן אין שפיגל
ווען איך בין אונטער שלאס און ריגל
יעדע טריט און שריט מוז האבן א זיגל
אויב מ'וויל פליען, שניידט מען אפ דאס פליגל
ווייל מיר זענען פון דאס ריין איבערגעבליבענע קריגל
מיר ווייסן נישט פון גארנישט, נאר צו לייגן אויפן ביהמ"ק א ציגל
מיטן עוועלוציע אינאיינעם וועלן מיר בלייבן עסן לאקשן קוגל

געווען איז עס מיט א שטיק צייט צוריק
אלעס האט זיך אנגעפאנגען מיט א נארישע קליק
איך האב געגעבן א אויבנאויפדיגע בליק
און מער האב איך שוין נישט געקענט צוריק
גלייך דערויף האב איך אויפגעמאכט א ניק
און אנגעפאנגען שרייבן אביסל איבער מאטעמאטיק
מיינענדיג אז עס וועט זיין א גוטע שטיק
אבער כ׳האב צוריק באקומען א פליק
קיינער האט דערויף נישט געגעבן קיין קוק

אויף די פאר'אידיש'טע ענגליש - אין אנפאנג - געבראכן די ציין
ביז כ׳האב מיר צו דעם צוגעוואוינט ווי א ווערימל אין חריין
פאר מיין ווייב האב איך געזאגט אז דאס פלאץ איז ריין
פאר מיינע פריינד האב איך דערציילט אז עס איז שיין
איך מיין אז דער אמת איז קיין איין
אבער פון דאס פלאץ וועל איך קיינמאל נישט גיין
כאטש פארוואס? וועל איך קיינמאל נישט פארשטיין
דער מלאכ׳ל אויפן קאפ קלאפט און שרייט: לייען!

זייער שיינע גראמען, אולי שמאעזיע, אבער קיין פאעזיע...

כוכב

זייער שיינע גראמען, אולי שמאעזיע, אבער קיין פאעזיע...

נאך טויזנט מאל איבערקלערן
האב איך מיר געלאזט הערן 
אלעס וואס טוהט מיר באדערן
בשעת מיינע אויגן פליסן טרערן
קומט דא א לשון-קודש׳דיגע שטערן
און טוהט אלעס איבערקערן
זאל איך פון איהם לאזן הערן?
ניין. ווייל דעמאלס וועט פון מיר גארנישט ווערן

@פארוואס? פארוואס? טוט אים טרייבן,
זיין נפש לאזט אים נישט שטיין בלייבן,
ביז אין די קליינע נומערן און ליינס,
וויפל איז האלב פון איינס - איינס,
פון א אומוויסענד חסידיש קינד,
ביז אפאר יאר זייער געשווינד,
א מאטימאטישע חכם און פראפעסער,
מורם מכל עם פון יעדעם גרעסער,
מיט פאעזיע דער פארוואס טוט שטופן,
ער וועט יעדעם בקרוב איבערהיפן,
ווייל א נפש א אויסנאם,
דערגיין פון יעדע זאך איר טעם,
פארוואס איך נישט, פונקט ווי יענער,
צום סוף את עלית, ער קען בעסער און שענער.

אדום אדום ווערט ער אנגערופן רויט
דו האסט פארשטאנען צו מיין נויט
האסט מיר געראטעוועט פון טויט
שמחה זאלסטו אייביג האבן ווי א שיכור׳ער לוט

פון פרעגן @פארוואס? ווי וועלעך אנקומען?
צו דען וועט עפעס אמאל שטומען?!

אבער פון זיין פארמאכט וועלעך דאך ליידן
אלזא, עגמת נפש קען מען נישט פארמיידן

א גרינגער מהלך איז צו טוהן ווי מ'וויל
פארן פארמאכט'ן שכן זיך האלטן שטיל

אנשטאט פון שרייען "אוי וויי ס'איז אן עקל"
פארן סיסטעם נישט געבן קיין דעקל