הויפט זייט » פארברענגען » קאווע שטיבל » ליפא זינגט מיט פרוי

ליפא זינגט מיט פרוי

131 פאסטס אין ארכיוו · אשכול #6312

ידען » זונטאג אפריל 27, 2014 2:19 pm

· #197455

ליפא זינגט מיט פרוי

כאב מיך געווינדערט אז כאב נישט געזעהן קיינעם שרייבען דא וועגען ליפא שמעלצער האט געשפיעלט און געזינגען צוזאמען מיט א פרוי.

ליפא האט געשפיעלט די fidler on the roof און ער איז טויביה און א פרוי זינגט דארט צוזאמען מיט איהם אלץ זיין ווייב און זיי פרעגען זיך אויב זיי האבען זיך ליעב און נאך זאכן.

וואס זאגט מען דא צו עס?

מעג מען זינגען מיט א פרוי?

מעג א חסידישע זינגער זינגען מיט א פרוי?

ווער איז יענע פרוי וואס זינגט העכער און שטארקער ווי איהם?

ווער גייט איהם יעצט נעמען פאר א שמחה?

סאשי פיש » זונטאג אפריל 27, 2014 2:20 pm

· #197456

קודם א בילד.

יין שרף » זונטאג אפריל 27, 2014 2:21 pm

· #197457

ידען
ווער גייט איהם יעצט נעמען פאר א שמחה?

די זעלבע וואס האבן אים גענומען ביז איצטערט...

אפטעמיסט » זונטאג אפריל 27, 2014 2:23 pm

· #197458

וואו איז דאס געוועהן?

עפל סיידער » זונטאג אפריל 27, 2014 2:32 pm

· #197464

מעגליך ער טוט דאס מקרב צו זיין נדחי ישראל לעצטענס הערט מען פילע היתירים בנוגע צו מקרב זיין שוואכערע...

פלעין יודיש » זונטאג אפריל 27, 2014 2:47 pm

· #197472

איך מיין אז ס'איז באמת נישט קיין פרוי
נאר א זכר, בבחינת איד איד ווי איז דיין בארד

ארבעס » זונטאג אפריל 27, 2014 2:55 pm

· #197475

עס איז זיין ווייב

ידען » זונטאג אפריל 27, 2014 5:57 pm

· #197506

[ציטאט אראפגענומען]

יא. כאב עס אויף whatsapp

סיז נישט זיין פפרוי.

סמיילי » זונטאג אפריל 27, 2014 6:04 pm

· #197510

עס איז געווען און אר סי סי, קען זיין עס איז געווען א האוםווארק...

יואליש » זונטאג אפריל 27, 2014 6:54 pm

· #197523

ליפא האט געשפילט "טוביה דער מיליכיגער" אין א "פידלער אויף די ראף" פערפארמענס ביי RCC קאמיוניטי קאלעדזש ארט פערפארמענס סטודענטען, ווי ליפא איז אויך א סטודענט. די מוזיקעל האט אסך ניגונים געזינגן מיט פרויען. אנדערש פון די אריגינעלע שפיל, איז אונזער היימישע טוביה זייער נזהר געווען נישט אנצורירן קיין פרוי, און ס'איז געווען זייער מערקבאר. ס'האט אויך צוגעגעבן צו די אוטענטישקייט.

ס'איז פילייכעט איראניש ווי ליפא האט געשפילט טוביה די קערעקטער וואס זעהט זיינע דריי טעכטער "גליטשן" פון טראדיציע וואס ער האלט אזוי טייער און אינטעגראל צו זיין עקזיסטענץ. ווי באקאנט, קודם האט איין טאכטער חתונה מיט א דארפסמאן א שניידער אן א שדכן, טוביה אז בדיעבד מסכים. א צווייטע טאכטער האט חתונה מיט א רוסישע מאדערענע רעוועלוציענער, אבער פארט א איד, און טוביה איז ווייטער קוים אין צרות מסכים. די דריטע טאכטער האט חתונה מיט א גוי און א קאנפליקטע טוביה איז נישט מסכים אפי' בדיעבד און באטראכט איר אלס א געשטארבענע אין די משפחה, הגם די מוטער, פאר וועם טוביה האט דאס קדחת, איז פיל ווארימער און איר באנעמונג מיט די לעצטע טאכטער.

ליפא האט נארוואס געענדיגט זיין דריטע און לעצטע פערפארמענס, אין וואס ער האט אין א פארפלייצונג פון טרערן דערקלערט אז מ'קען נאר אזויפיל בייגן די טראדיציע איידער מ'ווערט גענצליך צובראכן, און ער האט געצויגן א שטרייך אין דער ערד ביי אסימילאציע (דאס איז די סקריפט פון די שפיל, נישט זיינע ווערטער).

אנדערש פון זיין בראדוועי שאוי, איז ליפא דא נישט געווען די דירעקטאר און האט נאכגעפאלגט א טראדציאנאלע שפיל מיט א טראדיציאנאלע סקריפט און מסתם אסך קאוטישינג און פראקטיצירונג. די חילוק איז געווען הימעל און ערד. ליפא האט אראפגעברענגט די דאך פונעם געפאקטע זאל. ער האט באקומען די געלעכטער און די געוויינעריי פון די ביישאויער.

פאר א חסיד ווי מיר איז נישט געווען שווער צו אידענטיפיצירן די חסיד אויפן סטעידזש, פון זיין זיך שאקלן ביים דאווענען און צינדן שבת לעכט, ביז זיין קלאטשן ביים מזרז זיין די טעכטער לקראת שבת. ווי אויך איז אריינגעפאלן די חסידיש-ענגליש גראמאטיק געציילטע מאל. פארענט פון מיר איז געזיצן א סאטמאר'ע מאמע מיט איר טאכטער און האבן זיך געשאנקן בליקען יעדעס מאל וואס דער חסיד האט זיך אריינגע'גנב'ט אין זיין שפראך.

די טאטעל פערפארמענס איז געווען א היט.

ונבנתה העיר » זונטאג אפריל 27, 2014 7:47 pm

· #197534

זיך אונטערזינגענ'דיג 'sunrise sunset' זאגט מיר א בחור מיט ds אז ער קען דאס פון ליפא, זינגט ער דאס אויף איינע פון זיינע רעקארדס אדער האט ער געזעהן א וידיאו פון די פערפארמענס?

איחוד פעלד » זונטאג אפריל 27, 2014 7:49 pm

· #197536

ווער איז געוועהן דער רב וואס טאנצט מצוה טאנץ?

בדרך אגב, עס איז כדאי צו זעהן דער אריגינאלער טעביע אויף אידיש.

יואליש » זונטאג אפריל 27, 2014 7:54 pm

· #197538

ונבנתה העיר
זיך אונטערזינגענ'דיג 'sunrise sunset' זאגט מיר א בחור מיט ds אז ער קען דאס פון ליפא, זינגט ער דאס אויף איינע פון זיינע רעקארדס אדער האט ער געזעהן א וידיאו פון די פערפארמענס?

די אורה אודיאו פסח שנת קידוש החמה האט געהאט דעם ניגון פון ליפא, sunrise sunset, צוגעפאסט צו נייע ענגלישע ווערטער. זייער שיין.

טיטאניק » זונטאג אפריל 27, 2014 8:00 pm

· #197539

קען איינער פילייכט ארויף לייגען א ווידאו?

יואליש » זונטאג אפריל 27, 2014 8:01 pm

· #197540

נאדיר, @ונבנתה, די Oorah ניגון פון קידוש החמה.

<a class="postlink" href="http://www.oorah.org/vsk2/audio/626/sunrise-sunset.aspx">http://www.oorah.org/vsk2/audio/626/sunrise-sunset.aspx</a>

ביבער » זונטאג אפריל 27, 2014 8:11 pm

· #197543

איך האב אמאל געזינגען די sunrise, sunset ניגון אויף ממקומך סגעווען א היט, די אינגעלייט האבן מיטגעזינגען בהתלהבות און די עלטערע האבן זיך געווישט די טרערן פאר נחת.

יואליש » זונטאג אפריל 27, 2014 8:16 pm

· #197546

ביבער
איך האב אמאל געזינגען די sunrise, sunset ניגון אויף ממקומך סגעווען א היט, די אינגעלייט האבן מיטגעזינגען בהתלהבות און די עלטערע האבן זיך געווישט די טרערן פאר נחת.

ס'ניגון זיצט זייער אומגעדולדיג אויפן ריטעם. שווער צו האבן א עמך עולם מיטזינגן און ארויסבאקומען די שיינקייט פונעם ניגון. א חלק פון די שיינקייט איז אויך די ווארעמע חופה, די געפיל פון עלטערן פון ובא השמה וזרח השמש וואס ווערט ארויסגעברענגט ביים שפיל, מיט וואס דאס ניגון איז געקניפט און געבינדן.

קאווע טרינקער » זונטאג אפריל 27, 2014 8:20 pm

· #197548

פאר אומוויסענדע ווי מיר, נאדיר די היסטוריה פון די מעשה/שפיל

דער פידלער אויפן דאך איז גאר א פאפולערער מוזיקאלישע פארשטעלונג און פילם געשפילט אויף דער ענגלישער שפראך, וואס איז פעסטגעשטעלט אויפן בוך טעוויע דער מילכיקער, געשריבן געווארן דורך שלום עליכם. דער ערשטער באשטראל פון דער פארשטעלונג איז געווען 1964 אין בראדוועי.

דער העלד פון די מעשה איז חיים טאפאל וועלכער שפילט אלס טעוויע (טביה). ער וואוינט אין אנאטעווקע, רוסלאנד, מיט זיין ווייב גאלדא און פינף טעכטער.

טעוויע שפיגלט אפ א תמימות'דיגער טראדיציאנאלער גא-ט'ס פארכטיגער יוד. דער עיקר וואס די מעשה ברענגט ארויס איז די טויש אין דעם לעצטן יארהונדערט, אז אנשטאט גיין צום שדכן (אין דעם פאל יענטע די שדכנ'טע - מאלי פיקאן) און דער טאטע זאל מאכן דער באשלוס וועמען די קינדער זאלן הייראטן, באשלוסן זיי דאס אליינס לויט זייער געפיל און וועם זיי גלייכן.

ביים ערשטן קינד, צייטל, וועלכע פארליבט זיך אין מאטל דער שניידער, גיט איר עס דער טאטע נאך נאכדעם וואס זי בעט זיך ביי אים אז זי וויל נישט הייראטן לייזער וואלף דער קצב ווי ער האט אפגעשמועסט. אזוי אויך ביי דער צווייטער טאכטער האדל וואס וויל הייראטן מיט פידשיק, א רעוואלוציאנער, גיט ער איר אויך נאך. אפילו זי וויל פארן קיין סיביר אים באזוכן און ער ווייסט אז מעגליך וועט ער זי מער נישט זען און זי וועט לכאו' נישט האבן קיין טראדיציאנעלע חתונה.

אבער ביי דער דריטער און זיין געליבטסטע טאכטער, חוה'לע, וואס פארליבט זיך אין פעטריק א גוי, קען ער שוין נישט איינשטימען מיט דעם און ער האקט אפ מיט איר.

די פילם ענדיגט זיך ווי מען פארטרייבט די יודן פון אנאטעווקע, און טעוויע פארט קיין ניו יארק, אמעריקע. לייזער וואלף קיין שיקאגא און יענטע קיין א"י.

דער פילם האט אסאך ווערטער וואס אן ערליכער יוד טאר נישט ארויסזאגן פון מויל, ווייל עס גרעניצט זיך מיט חוזק און חוצפה כלפי מעלה.

דער נאמען "אַ פֿידלער אױפֿן דאַך" איז באשיינט געווארן פון מארק שאגאלס געמעל.

ביבער » זונטאג אפריל 27, 2014 8:24 pm

· #197551

אמת סגעווען מער אז איך בין געווען סאלא און דער עולם (היודעים) האבן מיטגעברומט, ממש ווי ביי די חופה.

די אריגינאל.

http://www.youtube.com/watch?v=nLLEBAQLZ3Q

נאך א פשט » זונטאג אפריל 27, 2014 8:28 pm

· #197554

פלעין יודיש
איך מיין אז ס'איז באמת נישט קיין פרוי
נאר א זכר, בבחינת איד איד ווי איז דיין בארד

ביז יעצט איז נאר געווען ווי די בארד יעצט איז אויך ווי די איד
בבחינת לקינו בכפלים

ונבנתה העיר » זונטאג אפריל 27, 2014 9:16 pm

· #197568

פידלער אן די ראאף.

מנשה לוסטיג » זונטאג אפריל 27, 2014 9:36 pm

· #197570

<a class="postlink" href="https://yi.wikipedia.org/wiki/%D7%90%D7%A0%D7%90%D7%98%D7%99%D7%95%D7%95%D7%A7%D7%90">https://yi.wikipedia.org/wiki/%D7%90%D7 ... 7%A7%D7%90</a>

מנשה לוסטיג » זונטאג אפריל 27, 2014 9:39 pm

· #197572

מאלי פיקון, איז די שדכנ'טע, און ס'איז אינטערעסאנט ווי גוט זי טוט אויסשפילן אלץ אין יעדע מאווי ווי זי שפילט, איר ראלע דאס בעסטע.
ווי א שטייגער יידל מיטן פידל

געפילטע פיש » זונטאג אפריל 27, 2014 10:36 pm

· #197585

ידען

מעג מען זינגען מיט א פרוי?

אויב מ'האט מתיר געווען אינטערנעט, וואס איז ביהרג ואל יעבור, לצורך פרנסה, מיינסטו נישט אז די זעלבע וועט זיין לגבי זינגן מיט א פרוי, בצירוף מיט תרי קלא לא משתמעי, קומט אויס מדין ערבות, כדי די אידן אינעם אודיענס זאלן נישט הערן קיין קול אשה, איז ער מחוייב צו זינגן.

ידען
מעג א חסידישע זינגער זינגען מיט א פרוי?

נישט געוויסט אז חסידים אדער זינגערס האבן אנדערע הלכות.

berlbalaguleh » זונטאג אפריל 27, 2014 10:39 pm

· #197586

קאווע טרינקער: ייש"כ פאר ברענגען דעם "רעוויו" און בעקגראונד פון "פידלער", פאר די וועלכע זענען נישט באקאנט מיט דעם אריגינאלן בראדוועי פלעי. נאר איין קליינע הערה וואס איז כדאי ארויסצוברענגען: ביי דעם שידוך פון צייטל און מאטל, איז ביי דעם אריגינאלן שידוך מיט לייזער וואלף דער בוטשער, געוועהן די שדכנ'טע "יענטע"/מאללי פיקאן. און ס'איז געווען א "געלט'ס שידוך". און טוביה האט שוין אפילו געשיכור'ט מיט לייזער וואלף א גאנצע נאכט אלס זיין איידעם. נאר צייטל האט נישט מסכים געווהן צום שידוך... 😕 😎 😂 🙄 😳 😢 😞 😮

berlbalaguleh » זונטאג אפריל 27, 2014 10:46 pm

· #197592

מנשה לוסטיג
https://yi.wikipedia.org/wiki/%D7%90%D7%A0%D7%90%D7%98%D7%99%D7%95%D7%95%D7%A7%D7%90

לויט דעים פשט איז ליפא א "קרוב" מיט שלום עליכם. הגם ליפא שטאמט פון אונגארן און אנאטעווקע איז אין אוקריינא. אבער ביידע שטאמען פון טשערנאבלער חסידים...איך מיין ברוחניות האבן זיי אויכעט עפעס א שטיקל שייכות. ואידך פירושא , זיל גמור... 😎 😂 😎 😕 🙄 😈 😈 😛 😳 😢 😞 😈 😮

איחוד פעלד » זונטאג אפריל 27, 2014 11:56 pm

· #197613

ער האט זיכער געהאט אוירען שטאפערס נישט צו הערען די קול אשה פין דער פרוי וואס זינגט.

אבער אי קשיא הא קשיא, ווי וואגט ער זיך צו פרעגען א פרעמדע פרוי צו זי האט אים ליב?

און זי ענטפערט אים נאך אז זי וואשט זיינע וועש און קאכט און באקט פאר אים, הייסט עס ער האט זיך פארליבט אין זיין משרת?

מאטי » מאנטאג אפריל 28, 2014 12:02 am

· #197620

און ווי אזוי קען דער גלח אויף סליחות נאכט אין קיעוו זאגן "מיר קריסטן האבן דעם אמת'ן גלויבן, די זשידעס האבן א פאלשן גלויבן ".

מצטמק ויפה » מאנטאג אפריל 28, 2014 12:21 am

· #197632

עס איז א חרפה און א בושה וואו א היימישע אינגערמאן קען זיך אויפשטעלן ברבים, און טרעטן אויף א אפענע הלכה פסוקה אין רמב"ם, און אין שו"ע.
עס שרייט זיך דעם; אוי לדור שכך עלתה בימיו.

נב. חוץ אם היתה פנויה .

berlbalaguleh » מאנטאג אפריל 28, 2014 12:25 am

· #197638

מצטמק ויפה
עס איז א חרפה און א בושה וואו א היימישע אינגערמאן קען זיך אויפשטעלן ברבים, און טרעטן אויף א אפענע הלכה פסוקה אין רמב"ם, און אין שו"ע.
עס שרייט זיך דעם; אוי לדור שכך עלתה בימיו.

נב. חוץ אם היתה פנויה .

און חוץ אז אינז זענען נישט גורס דעם חרם דרבינו גרשום. אדער אז אינז האמיר א היתר מאה רבנים... 😕 😎 🙄 😂 😠 😛 😳 😉 😮

רויטע וואנצעס » מאנטאג אפריל 28, 2014 12:25 am

· #197640

די קליפ ביטע?

ארבעס » מאנטאג אפריל 28, 2014 12:25 am

· #197641

מצטמק ויפה
עס איז א חרפה און א בושה וואו א היימישע אינגערמאן קען זיך אויפשטעלן ברבים, און טרעטן אויף א אפענע הלכה פסוקה אין רמב"ם, און אין שו"ע.
עס שרייט זיך דעם; אוי לדור שכך עלתה בימיו.

נב. חוץ אם היתה פנויה .

אהא
אין קראקא איז בעסער געוועהן?
אין בודאפעסט איז בעסער געוועהן?
שאל זקניך ויאמרו לך

מצטמק ויפה » מאנטאג אפריל 28, 2014 12:26 am

· #197642

חרם דרבינו גרשום?!

איחוד פעלד » מאנטאג אפריל 28, 2014 12:29 am

· #197644

ליפא איז נישט "היימיש" זייט די רבנים האבען אים ג'אסר'ט.

berlbalaguleh » מאנטאג אפריל 28, 2014 12:31 am

· #197645

מצטמק ויפה
חרם דרבינו גרשום?!

יא! ביסט עפשער אן אינגערישער? וועסטו עס כאפן אין צוויי וואכן ארום! 🙄

איחוד פעלד » מאנטאג אפריל 28, 2014 12:34 am

· #197648

היינט זענען פנויות נדות, איז עס ממילא אסור.

berlbalaguleh » מאנטאג אפריל 28, 2014 12:41 am

· #197649

איחוד פעלד
היינט זענען פנויות נדות, איז עס ממילא אסור.

לאז עס צו ראביי אבי ווייס שליט"א פון ריווערדעיל. ער'ט שוין טרעפן עפעס א היתר! 😂 🙄 😮

רויטע וואנצעס » מאנטאג אפריל 28, 2014 2:39 am

· #197670

קרעדיט: @גנדי

ליפא זינגט מיט פרוי

http://www.youtube.com/watch?v=paOiP_lh0Es

יואליש » מאנטאג אפריל 28, 2014 6:34 am

· #197675

פשט פון דעם זמר איז, נאכדעם וואס טוביה ברעכט די נייעס פאר זיין פרוי גאלדא אז זייער צווייטע טאכטער האט "באשלאסן" חתונה צו האבן מיטן רעועלוציענער און לערער פערטשיק, און זיי חוזק'ן אפ פון די נייער אינגע דורות וועלכע האב באשאפן א נייע באגריף, "ליבע," קלערן זיי צווישן זיך, וואס טוט זיך מיט אונז, מיר, עלטערן וועלכע רעדן נישט שטענדיג פון ליבע, האבן זיך עפעס ווייניגער ליעב פון זיי די אינגע דורות וועלכע רעדן כסדר דערפון? אבער גאלדע איז איבעראשט איבער דאס עצם פראגע, קיינמאל בעפאר אויפגעברענגט אויף די ליפן, "דא יוא לאוו מי?"

דאס איז נוגע נאך היינט ווי אמאל. כשהאומות העולם מונין את חרידים איבער זייער באשיידענע לעבן אפגעטיילט פון די סעקולערע שטייגער, און פון די שידוך סיסטעם ווי מ'טרעפט זיך צום ערשט ביי די חתונה, קען זיך דאכטן אז ביי אונז וואקסט נישט ארויס ליעבע כשאיש ואשה זכו. דער אמת איז אונז און אונזער עלטערן האבן פונקט אזוי די מעגליכקייט זיך ליעב צו האבן, נאר ס'ווערט אויסגעדריקט אויף אנדערע אופנים. נישט ווער ס'איז שגור בפיו "איי לאו יוא" האט באמת ליבע.

נאדיר די ווערטער:

(Tevye)
"Golde, I have decided to give Perchik permission to become engaged to our daughter, Hodel."

(Golde)
"What??? He's poor! He has nothing, absolutely nothing!"

(Tevye)
"He's a good man, Golde.
I like him. And what's more important, Hodel likes him. Hodel loves him.
So what can we do?
It's a new world... A new world. Love. Golde..."

Do you love me?

(Golde)
Do I what?

(Tevye)
Do you love me?

(Golde)
Do I love you?
With our daughters getting married
And this trouble in the town
You're upset, you're worn out
Go inside, go lie down!
Maybe it's indigestion

(Tevye)
"Golde I'm asking you a question..."

Do you love me?

(Golde)
You're a fool

(Tevye)
"I know..."

But do you love me?

(Golde)
Do I love you?
For twenty-five years I've washed your clothes
Cooked your meals, cleaned your house
Given you children, milked the cow
After twenty-five years, why talk about love right now?

(Tevye)
Golde, The first time I met you
Was on our wedding day
I was scared

(Golde)
I was shy

(Tevye)
I was nervous

(Golde)
So was I

(Tevye)
But my father and my mother
Said we'd learn to love each other
And now I'm asking, Golde
Do you love me?

(Golde)
I'm your wife

(Tevye)
"I know..."
But do you love me?

(Golde)
Do I love him?
For twenty-five years I've lived with him
Fought him, starved with him
Twenty-five years my bed is his
If that's not love, what is?

(Tevye)
Then you love me?

(Golde)
I suppose I do

(Tevye)
And I suppose I love you too

(Both)
It doesn't change a thing
But even so
After twenty-five years
It's nice to know

פליקער » מאנטאג אפריל 28, 2014 9:48 am

· #197693

איך זעי נישט די פראבלעים מיט ליפא, ער האט דאך אן זיינע אריגינעילע שטיוול, עס איז זיכער נחע סרוח

געפילטע פיש » מאנטאג אפריל 28, 2014 10:04 am

· #197701

מצטמק ויפה
חרם דרבינו גרשום?!

חדר"ג קאי רק על חיתון, ולא על ביאת פנויה.

איחוד פעלד
היינט זענען פנויות נדות, איז עס ממילא אסור.

אסור וואס? צו זינגען מיט זיי? ביי אסור לאדם שיקדש וכו' שטייט נישט ובלבד שתהא טהורה.

סמבטיון » מאנטאג אפריל 28, 2014 12:21 pm

· #197735

די בעסטע איז די ארגינאלע פילם 'טעוויע די מיליכיגער' וואס איז אין יודיש, טייכן טרערן זענען געפלאסן פין מיינע אויגן, ווי דע מאמע זינגט דעם גאט פין אברהם, אוי סעלעכערט דאס הארץ...

מרדכי » מאנטאג אפריל 28, 2014 4:49 pm

· #197794

סמבטיון
די בעסטע איז די ארגינאלע פילם 'טעוויע די מיליכיגער' וואס איז אין יודיש, טייכן טרערן זענען געפלאסן פין מיינע אויגן, ווי דע מאמע זינגט דעם גאט פין אברהם, אוי סעלעכערט דאס הארץ...

ווי קען מען עס זעהן?

רויטע וואנצעס » מאנטאג אפריל 28, 2014 8:50 pm

· #197847

מרדכי
סמבטיון
די בעסטע איז די ארגינאלע פילם 'טעוויע די מיליכיגער' וואס איז אין יודיש, טייכן טרערן זענען געפלאסן פין מיינע אויגן, ווי דע מאמע זינגט דעם גאט פין אברהם, אוי סעלעכערט דאס הארץ...
ווי קען מען עס זעהן?

@מרדכי

http://www.youtube.com/watch?v=mNLKmVSC-m4

ידען » מאנטאג אפריל 28, 2014 10:25 pm

· #197862

האלאקאסט וועגען ליפא?

😲 😲

📎 image.jpg

ידען » מאנטאג אפריל 28, 2014 10:27 pm

· #197863

ווער איז די נישט מאראן וואס שרייבט עס?

און האט ניט קיין שום פראגע אז ליפא איז שילדיג אין די האלאקאסט?

מנשה לוסטיג » מאנטאג אפריל 28, 2014 10:31 pm

· #197865

אלע וואס האבן עני קריטיק אויף ליפא, זאלן וויסן, אז ווער ס'זיצט אויף אינטערנעט להנאתו, איז נאך מצד הגדול גאר א גרעסערע עבריין.

מצטמק ויפה » מאנטאג אפריל 28, 2014 10:32 pm

· #197866

מנשה לאמיר הערן פון אינטער די קוליסן, וואסהגייט פאר מיט איהם? האט ער טאקע נישט קיין פראבלעם מיט די תורה?

מנשה לוסטיג » מאנטאג אפריל 28, 2014 10:42 pm

· #197869

וואס גייט פאר מיט אונז? האבן מיר נישט קיין פראבלעם מיט אינטערנעט ואביזרייהו?

מצטמק ויפה » מאנטאג אפריל 28, 2014 10:46 pm

· #197870

מנשה לוסטיג
אלע וואס האבן עני קריטיק אויף ליפא, זאלן וויסן, אז ווער ס'זיצט אויף אינטערנעט להנאתו, איז נאך מצד הגדול גאר א גרעסערע עבריין.

און דער וואס איז בועל א נדה אום יום כיפור איז נאך א גרעסערע עבריין ........ הער אויף מיט די שטותים, ער האט געטוען א געוואלדיגע פארברעך וואס טאר נישט פארשוויגען ווערן, און קום נישט מיט קיין לאקשן אז ווען מען זיצט אויפ'ן געוועב טוט מען אויך א עבירה, אדער אז אין קראלע האט מען עס אויך געטוען..... בלא בלא בלא ... דאס אלעס פארענטפערט גארנישט.

ובזה נשלם דברי מחאה של מצטמק ויפה, למען כבוד שמים, פה קאווע שטיבל.