המטה למאבק בעוני ובדחקות

די יהדות החרדית האט זיך לעצנסט ענדליך אויפגעוועקט ברוך השם!!
איך מיין אז די לעצטע יאהר קען מען באצייכענען אלס די חרדישע ספרינג, אדער בעסער געזאגט חרדיזם ספרינג,
מען האט אפגעהאלטן א מעכטיגע טאטאלע זיג קעגן די אינטערנעט, און לעצטע וואך אין בארא פארק האט מען ענדלגילטיג דערשחט'ן דעם יצרא דעריות.
דעריבער מיין איך אז די צייט איז געקומען צו ארויסגיין אין מערכה קעגן די שרעקליכע פירצה וואס האט זיך אריינגעכאפט במחנינו אז מענטשן זענען זיך מורה היתר לכתחלה צו זיין א נצטרך לבריות.
ברוך השם אז דאהי איז עס נאכנישט אזוי געפערליך אבער אין ארץ ישראל איז עס נורא ואיום, און צוביסלעך כאפט זיך עס אריבער דאהי, צוליב די כוללים באבל, דעריבער בין איך דא מפרסם א קול קורא וואס איז געחתמ'ט געווארן דורך הונדערטער רבנים הרוצים בעילום שמם.

ואנו אין לנו אלא דברי חז"ל קילורין לעיניים "פשוט נבילה בשוק ואל תצטרך לבריות".

אינדערצייט וואס אינטערנעט איז א ספק איבער די הארבקייט [כמה רבנים אין בני יואל האלטן אז זיצן צוזאמען מיט קלויזענבורג איז ארגער], איז אויף עניות דא א בפירושע מאמר חז"ל עניות מעבירה את האדם על דעתו ועל דעת קונו

איך שטיי איך איך ווינדער מיר אסאך מאל, מילא די איזראעיליזס גייען נאכגעלט, ני ניט געפעראליך מיר האבען זיי אויסגעלערנט די לעצטע 400 יאר אז זיי טארען נישט ארבעטען און די גרעסטע מצוה פאר א בן חוץ לארץ איז צי שיקען געלט קיין ארץ ישראל, אמת אינטער די תירוץ אז אלע דארט זענען כולל יונגעלייט און תורתם אומנתם און ממש אויסער די ד' אמות של הלכה האבען זיי גארנישט, מילא זענען די איזראעיליס געוואוינט געווארען צי דעם און עס איז געווארען א טבע שני אז זיי זענען פטור פון נושא זיין בעול פרנסת הבית, און דער חוץ לארצדיגער איז פשוט מחויב זיי צי שפייזען
ביי אינז איז דאס אויך געווארען א טבע שני אז פאר עניי ארץ ישראל מיז מען געבען געלט, איי פארוואס? אבער אזוי איז עס

אמת אז טאקע אמאל איז געווען אסאך דערהויבענע לייט וואס זענען געפארען קיין ארץ ישראל זיין די שלוחי דציבור צי עוסק זיין בתורה ועבודה יומם ולילה, א בחינה פון עשרה בטלנים פון יעדע געגענט, פון גאליצע רוסלאנד פולין אונגארען ראמעניע און אזוי ווייטער, דאס איז טאקע זייער חשוב, אז אידען מעצמינו ומבשרינו פון אינזער שטעטעל פארען קיין ארצינו הקדושה צי לערנען יומם ולילה און עוסק זיין נאר בתורה, טאקע דאס איז אינזער חוב צי אויסהאלטען און זיי שיקען געלט, אבער וואס טיט זיך מיט די אנדערע שווערע טויזענטע בטלנים וואס האבען נישט געארבעט און אויך נישט געלערנט??? קיינער האט אין דעם נישט אריינגעטראכט א רגע, און כאטש עס איז געווען און איז נאך דא אין ארץ ישראל געניג און נאך קוועלער פון ווי צי פארדינען א דאלער און היבש מער פון א דאלאר, פון ווי די ירושלמיים וואלטען רוהיג געקענט אויסהאלטען זייערע אייגענע עשרה בטלנים, אבער משום מה האט קיינער פון חוץ לארץ נישט געזאגט פאר די ירושלמיים "גייטס ארבעטען"
כהיום איז ארץ ישראל זייער א גיטע עקאנאמיש פלאץ, עס איז זייער גרינג צי מאכען געלט דארט עכ"פ אויב מען וויל, עס הערשט א שפע אין יעדע ביזנעס, און אין א געוויסע זין איז שוין גרינגער פאר א ארץ ישראלדיגע יונגערמאן צי דעקען זיין חודש ווי פאר א בארא פארקער און וויליאמסבורגער יונגערמאן, וואס כידוע איז די מצב הפרנסה אין ניו יארק פאר יונגעלייט בכלל נישט אזוי גלאנצעדיג, די רענט איז משוגע הויעך, די הוצאות צירייסען די טאשען איידער מען האט עס אויפגענייט, און די חיסרון כיס איז אויף גאר א הויכער אופן, אבער די ארץ ישראלדיגע יונגעלייט וואס גייען ארבעטען דארט, איז זיי זייער גרינג צי דעקען די חודש
און עס איז קלאר אז כהיום וואלטען די ביזנעס לייט אין ארץ ישראל קלאר געקענט דעקען פון זייער אייגען טאש אלע כוללים וישיבות וואס איז דא אין ארץ ישראל, עס איז דא דארט געניג און נאך געלט, א שפע וואס איז שוין יארען נישט געווען
מילא איז געקימען די צייט וואס מיר זאלען זאגען די ישראלים, זיצט אין שטיב און גייט ארבעטען, מיר האבען אייך אויסגעהאלטען געניג יארען, און ווען איר פארט ציריק נעמט מיט א רבי מאיר בעל הנס פישקע פון "כולל ירושלים בבארא פארק" לעניי בארא פארק והגלילות, און ווען די פישקע איז פיל שיקט עס ציריק, מיר קענען עס ניצען

יעצט לאמיר זיך נעמען צי די בנשקלעך, וואס מילא די איזראעיליזס לעבען כאטש א שפארזאמע לעבען נאכען שנארען, קליינע דירות קליינע השגות, אבער די בנשקלעך דאהי איז עפעס א מכה שלא כתובה בתורה (אפשר יא מכת צפרדע), יעדער וואס ווערט געמאכט פון א טאטע מאמע (היינט איז שוין געניג נאר אויב די טאטע אדער די מאמע) שטאמען פון די בלויע בליט פאמיליעס איז דער תינוק הנולד פטור פון אלעם, פטור פון ארבעטען פטור פון דאווענען לערנען זיין א מענטש, אלעס, די גבירים שטיפען זיי אן מיט געלט אז זיי זאלען קענען לעבען אין פאלאצען לעבען א שווענדערישע לעבען אן קיין שום חשבון בשעת ווען די מיטעלמעסיגער יונגערמאן דעקט קוים די חודש,
פון ווי נעמען זיי די געלט? אדער פון שנארען אדער פון די מוסדות, נעמט א ביישפיל יעדע מוסד אין ניו יארק וואס שלעפט מיט געלט, עכ"פ רובם ככולם זענען מוסדות וואס א "בית כק מרן שליטא" לעבט אויף די חשבון פון די מוסד, פארשטייצעך אז קיין געלט צי צאלען די מלמדים בלייבט נישט איבער
אבער דאס איז נאר אויפען שפיץ גאפעל

דער חלק אז אינגעלייט ארבעטערס קומען גוט אויס אין א"י מיטן חודש איז לפי ידיעתי נישט ריכטיג. מען מוטשעט זיך פיל מער דארטן ווי אין אמעריקע. בפרט אז מיר האבן פיל א העכערן לייף סטייל, מיט פלייש יעדע נאכט און באקוועמערע הייזער וכדומה.

אן ארץ ישראל'דיגע איד איז געגאנגען נאך געלט אין בית מדרש אין ירושלים. שטעלט אים אפ א ירושלמי און פרעגט היתכן די לייגסט דיך ארויף אויפ'ן ציבור? פרעגט דער שנארער צוריק :און וואס טיסטי? איך, ענפערעט ער, וואס הייסט, איך ארבעט געהעריג איך פאר קיין אמעריקא און לאנדאן

עס איז נישט קיין וויץ איך גלייב באמת אז ווען די אלע ענערגיע וואס מ'איז משקיע אין אנטערנעט צניעות קברים וכולי וואלט גענוצט געווארן אויף צו טרעפן א לעזונג צו די הימל-שרייענדע דחקות וואס הערשט ביים היימישען ציבור אין ארץ ישראל וואלט מען געקענט אויפקומען מיט לעזונגען

מ'קען זאגן פארקערט אויכעט. ווען דער עולם וואלט געארבעט אין עס וואלטן נישט געווען אזויפיל ליידיגגייער, וואלט נישט געווען אזויפיל כינוסים איבער צניעות/קברים/אינטערנעט

ר' איש עברי: ייש"כ פאר ברענגען דעם "אידעאליסטישן" קול קורא פון די רבנים החשובים הרוצים בעילום שם. הלואי וואלט עס געווען אזוי און מ'וואלט געקענט מקיים זיין אלעס וואס שטייט דארט. אבער לצערינו, איז אייביג פאראן ( דאהי און אין ארץ ישראל/אייראפע) פארדרייטע ברואים און קרומע פארשוינען וועלכע האבן זייערע פארדרייטע און פאלשע אינטערעסן מיט וואס משוגע צו מאכן דעם עולם. און די בעסטע זאך איז אנצוהענגען און אריינלייגן זייערע דיעות עקומות ומעשים מגונים אין די תורה און אידישקייט. א חוץ וואס א פאר נישט געזונטע יחידים וועלכע דארפן דאס ארומפאהרן איבער די וועלט (און נישט איינזיצן אינדערהיים מיט די ווייב און קינדער) אלס "כסות עיניים" פאר זייער "לייפסטייל". איינער איז א גרויסער און בארימטער שרייבער. א צווייטער (וועים איך קען פערזענליך( גייט ארום איבער די וועלט שנארן געלט, בעת זיין שטוב אין א"י צופארט אין אלע בחינות. 😕 😎 🙄 😂 😛 😳 😢 😞 😮

איך גלייב אז אלע קענען די ווארט וואס מזאגט אויף די ירושלימע נקיי הדעת.
ווען די רב פון די ערליכע אידן הגה"צ הרב ר' יושע לייב דיסקין זצוק"ל איז נפטר געווארן, האט מען אין ירושלים אויסגערופן א ביטול מלאכה.
די ביטול איז געבליבן אין קראפט עד עצם היום הזה.
לשנה האחרת קבעום יו"ט אין חוץ לארץ, זייט דעמאלט טוט זיך א פארעריי און א שנארעריי, וואו אלע ירושלימע שנארער מאכן א יו"ט אין חו"ל.

עוד מישהו

איך גלייב אז אלע קענען די ווארט וואס מזאגט אויף די ירושלימע נקיי הדעת.
ווען די רב פון די ערליכע אידן הגה"צ הרב ר' יושע לייב דיסקין זצוק"ל איז נפטר געווארן, האט מען אין ירושלים אויסגערופן א ביטול מלאכה.
די ביטול איז געבליבן אין קראפט עד עצם היום הזה.
לשנה האחרת קבעום יו"ט אין חוץ לארץ, זייט דעמאלט טוט זיך א פארעריי און א שנארעריי, וואו אלע ירושלימע שנארער מאכן א יו"ט אין חו"ל.

אן ענליך ווארט האב איך געהערט פון א בדחן ביי א חתונה. אז ס'איז ידוע אז אין ירושלים ארבעט מען נישט. ווייל בשעת די לווי' פון ר' יוסף חיים זאנענפעלד ז"ל איז ארומגעפארן א קאר און האט אויסגערופן ביטול מלאכה. און דערווייל איז נאכנישט ארומגעפארן א צווייטע קאר וועלכע האט אויסגערופן אז מ'זאל זיך צוריק נעמען ארבעטן..... 🙄 😕 😎 😂 😂 😂

וויצן אין א זייט, איש עברי האט אנגעהויבן זייער א וויכטיגע נושא, איך בין מסכים צו יעדע ווארט וואס ער האט געשריבן, כדי צו מחזק זיין די זאך, וועל איך ברענגען א לינק צו אן אשכול, וואס רעדט פון מענטשן וואס ארבעטן נישט און צו וואספארא שיגעון עס קען אלס אריינטרייבן א מענטש.

<a class="postlink" href="/topic/3649">http://www.kaveshtiebel.com/viewtopic.php?f=24&t=3649</a>
<a class="postlink" href="http://2.bp.blogspot.com/-9rb9xLGs1-Q/UvcyuSkPGjI/AAAAAAACKEg/uP8cxIvySks/s1600/%D7%9E%D7%95%D7%A9%D7%9B%D7%99%D7%9D+%D7%91%D7%96%D7%A0%D7%91.jpg">http://2.bp.blogspot.com/-9rb9xLGs1-Q/U ... %D7%91.jpg</a>
די צווייטע איז א בילד פון די וויידל שלעפערס.