וואו געפינט מען א סייט, אויף אידיש, פון אידישע ביכער אנליין?

איך זוך א סייט וואס שרייבט זיך אויף אידיש אדער אויף לשון קודש, נישט אויף איינגליש, וועלכער ענטהאלט ביכער אויף אידיש וואס מען קען לייענען אן ליין.
א דאנק פאראויס.

אריבער צען טויזענט יידישע ביכער דיגיטיליזירט.
<a class="postlink" href="https://archive.org/details/nationalyiddishbookcenter">https://archive.org/details/nationalyiddishbookcenter</a>

ישר כח. אבער איך זוך א סייט אויף אידיש, נישט אויף איינגליש. איך רעד און לייען קוים די איינלישע שפראך.

צווייטנס, איך זוך א סייט וואס מען קען דארט לייענען אומזיסט, נישט פאר געלט.

ערשטענס, איז עס יא אומזיסט, צווייטענס דארפסט נישט קענען קיין ענגליש בכלל קלאפ אריין דעם בוך וואס איר זיכט דא
<a class="postlink" href="http://www.yiddishbookcenter.org/books/search">http://www.yiddishbookcenter.org/books/search</a>

דער ספעציפישער בוך וואס איך זוך געפינט זיך צווישן די יזכור ביכער, און דארט שטייט אויף יעדן בוך BUY NOW. מיינט עס א ודאי אז מ'קען עס נאר קויפן, ווייל קיין שום אנדער אפציע איז דארט נישטא.

דא קענט איר בלעטערן הונדערטער יזכור ביכער בחנם
<a class="postlink" href="http://yizkor.nypl.org/">http://yizkor.nypl.org/</a>

און אויב האט איר א פראבלעם אז איר קענט נישט לייענען די ענגלישע ווערטער אין א סייט, קענט איר גיין צו translate.google.com, און אריינלייגן די URL פונעם סייט וואס איר ווילט זען אינעם באקסל דארט, און דאס וועט איבערטייטשן די גאנצע בלאט. למשל דא האט איר די ערשטע ליקט פון archive.org איבערגעטייטשט אין אידיש, און אין עברית.

שכוח געפילטע ס'ערשטע מאל איך הער דאס, נאר איין גרויסע פראבלעם דאס אז גוגל טרענזלעישן טויג אויף כפרות

צו יידיש איז עס שלעכט, עברית אביסל בעסער, אבער בעסער ווי גארנישט איז עס זיכער.

איך האב געטראפן! א געוואלדיגן ישר כח צו נהורא נפישא פאר די געטרייע הילף. איך זוך שוין יארן דעם פנקס יזכור פון מיינע זיידעס און עלטער זיידנס שטעטל. היינט האב איך געפונען. ווידער א ישר כח1