די מטרה פון די אשכול איז צאמצושטעלען א ליקוט פון אלטע בילדער פון צדיקים ואנשי שם. די עלטער די בעסער (פעינטינגס איז אויך גוט). אויב איז דא א תגובה אויף א בילד צו ס'איז אוטענטיש אדער נישט, אדרבה זאל מען מגיב זיין.
הרב רויטע וואנצעס אחוץ פון וואס כ'האב דיר געלייקט פאר'ן ברענגען די קליפ פון מרן החוזה, דארף איך דיר זאגען האסט מיר מחייה געווען און באין כאחד מיר געשטאכען און הארץ, די ערשטע מאל וואס איך זע דעם צורה פון דעם מלאך זיך רירען מקען זען זיינע תנועות, דער קאפ וואס איז אויסגשניצט פון רמבם און רשבא'ס דרייט זיך אויס צו דעם יונגען נשמת יהודי, און דער מויל וואס עס האט זיך געגאסן פון איר תורה, חכמה, מדע, פילוסופיה, פסקים און טיפזיניגע רפואה, רעדט צו א יונגאלע דברים של אהבה וחיבה, דער האנט וואס פון דעם האט זיך ארויסגעשריבען די טיפע שטיקלעך פון ספר חזון איש און מיט דעם מסיים און משלים געווען תורת הראשונים ליגט און די הענט פון א יונגען יידאלע, אבער די הארץ וויטאגט מיר כ'האב געוואלטאריינשפריגנגען אינעם ווידאו און שרייען רבי רבי שוין היינט א גאנצען טאג וואס איך מוטשע זיך פארשטיין א שורה פון דיין תורה, ילמדנו רבינו, רבי לייג צו נאך אפאר בריווען און קובץ אגרות ובדבריך הקילורין כזהר השמש ובהירין כעננים בשמים תאיר עיני וותבנה רוחי, לידע את הדרך אשר ילכי ואת המעשה אשר יעשה, ואיך להתמודד עם בעיות הזמן, נאך אפאר סימנים און אמונה בטחון וואלט אויך נישט געשאדט, און אזוי אויסגעבענדיג אלע מיינע בקשות, זע איך וואו די צווי דיימאנטין און זיין קאפ קוקען אויף מיר גאנץ שארפליך און מיט א האלבען שמייכעל זאגט ער צו מיר, גיי לערן מיינע ספרים וועסטו אלעס טרעפן דארט נישט דא קיין נושא וואס איך האב אויסגעלאזט אדער פארזען, הפך בה והפך דכולה בה...
פילם פון חזן יוסעלע ראזענבלאט אין ארץ ישראל שנת תרצ"ג. ער איז נפטר געווארן אין ארץ ישראל יענע יאר. פילם הייבט זיך אן 2:13 ס'הערליך שיין ווי יוסעלע זינגט א שטיקל אויף די פאסיגע מקום. למשל ביי קבר רחל זינגט ער רחל מבכה וכדומה.
דאס איז הרב זאב גאלד, מראשי המזרחי בארה”ב, צווישן אנדערע איז ער געווען רב אין די שומרי אמונה שוהל אין ב”פ, פון די מייסדים פון תורה ודעת ומחותמי מגילת העצמאות.
