עס האט שוין געפלאצט

האט איהר שוין אמאל געהערט פונעם באקאנטן אויסדרוק דאס גלעזל האט זיך שוין איבערגעפילט!!! . די מעשה גייט אזוי פאר א שיינע פאר יאר צירוק האבן זיך אהער געצויגן צויי ארץ ישראל׳דיגע אידן שנארערס און אפשר אויך בעלי חובות און אנזעצערס ווי מען רופט עס היינט צוטאגס קיין וויליאמסבורג פונקטליך זייער היסטוריה בין איך נישט אזוי באקאנט און איך וועל עס איבער לאזן פאר אנדערע אבער וואס איך בין יא באקאנט איז אז זיי האבן זיך אריינגעלאזט און מסחר און אנגעהויבן צו דעוועלאפן פרוייקט נאך פרוייקט און מיטאמאל איז עס געווארן אזא גאנצע גדולה צו קויפן ביי זיי און געווארן אזא ברענד נעים . און די חברה האבן אנגעהויבן קויפן רעכטס און לינקס לאטס און ווי נאר זיי האבן עס אפגעקויפט איז געשעהן א איטערעסאנטע זאך אז עס איז געווארן ריזאונט און די חברה האבן אנגעהויבן ארויפשראפן די פרייזן פון די וויליאמסבורגע דירות און פשטות א גרויס חלק פון די הויכע פרייזן איז זיי צו פארדאנקען . . פאר א צווי וואכן צירוק בערך האבן די צוויי חברה גענימען א משפחה מיט קינדער און ארויס געשטעלט פון זייער דירה מיט די מארשעלס איז דאס שוין אמאל געהערט געווארן אזא זאך אז איין יוד זאל ארויס ווארפן א צווייטע יוד פון א דירה פארן נישט צאלן פאר א שטיק צייט און געהערט האב איך גראדע אז דע משפחה האט פונקט א האלבע יאר פארדעים פארלארן סעקשין אכט און נאכמער א וואך שפעטער גייען זיי און כשרן זיך זייער חזיר פיסלעך מיטן מנדב זיין א מקווה און די מאנטעינס ווער ברויכט עס
איז יעצט מיין פראגע מעג מען מסרן אזאכע חברה נישט אז עס איז נישטא מיט וואס איך מיין מען קען זיי אפשטעלן יעדן פרוייקט נישט אומזיסט ארבעט מען דארט זונטאגס .איך ווייס אז עס וועלן זיין אזעלכע וואס וועלן קומען און זאגן נע דער רעדט פון קנאה דער פארגינט נישט אבער למעשה דאס טוישט נישט די פאקטן

וויפיל האסטו מנדב פאר די משפחה?

גארנישט קודם כל איך קאן זיי נישט ועוד איך מאך נישט קיין מיליאנען פון ארויסגעפרעסטע געלט פון יודן

סתם אזוי מסר׳ן מאכט דיך פונקט אזוי ביליג ווי זיי, און די העלפסט נישט קיינעם. ענדערש לאזט זיי וויסן אז מען קען זיי מסר׳ן אויב וועלן זיי רשעותדיג צי זייערע ברודער.

ענדרעש נעם דער גאנצער אשכול אריין אין צימעס.

קיינער שרויפט נישט ארויף פרייזען, עס ארבעט מיט א מארקעט, געפעלט דיך נישט, פאר קיין רוסלאנד און כינע, דארט זענען פרייזען סטאביל.

גערעכט, א מורדיגע עוולה ארוסטראסקענען א משפחה פאר שבת,קום האט ער עם געלאזט ארוס נעמען די בגדי שבת, אום קלאסישע מאנטשן

איחוד פעלד

קיינער שרויפט נישט ארויף פרייזען, עס ארבעט מיט א מארקעט

גערעכט, עס ארבעט ווייל די סיסטעם הייסט וואוינען אין די ד' אמות פון די עלטערען.
אז דו ביסט גרייט צו צאלן אזא גרויסע פרייז, פארוואס זאל די בויער דאס נישט נעמען?

אבער ארוסווארפן א משפחה מיט די מארשאלס? צאלט ער נישט קיין רענט פאר פאן? ווען עס איז זיין רביס אייניקיל\ חסיד, אפילו ווען יענער האט ווען יא געלט וואלט ער דאס קיינמאל נישט געטון

כ'ווייס נישט די דיטעילס פין די מעשה ממילא איז שווער צי דן זיין, אבער בדרך כלל ארויסווארפען אינמיטען די גאס א משפחה איז א עוולה, די שאלה איז נאר וואס פינקטליך איז געווען פארדעם, יעדע דיטעיל קען טוישען די מעשה, אזא מעשה דארף געשריבען ווערען מיט אלע דיטעילס,

אין @איחוד פעלד ביסט לכאורה נישט גערעכט, אפילו ווי ס'דא א מארקעט איז דא אזא מציאות ווי ארויפשרויפען פרייזען, די שאלה איז נאר וואס די מציאות איז דא געווען, אבער סתם שרייען אז דא ארבעט אלעס מיט א מארקעט, אין וועם ס'געפעלט נישט זאל פארען קיין כינע..... נע סתם ווילדע רעטאריק,

נבלה נעשתה בווילאמסבורג!!
בושה תכסה פנינו אז אזא זאך האט געקענט פאסירן און אזא 'עיר החסד', און דו צייט וואס פאר יעדע נארישקייט איז מען מוחה, האט מען דא שופך געווען דם משפחה חשובה בישראל, ואין פוצה פה ומצפצף, פארקערט, מען געט זיי נאך כבוד און אלע צייטונגען.

בו בזמן וואס ווען 'גור' טוט זי זעלבע זאך אין 'בתי ווארשא' דרייט מען איבער די ווילאמסבורגע גאסען, ווען מען טוט עס דא אין ווילאמסבורג שווייגט מען.

זיי געבען צדקה מיט די אלע 'גרינע' וואס זיי באקומען פון אונז צוויי יאר פארן אנהויבען בויען, און אז איינער איז שולדיג אפאר אלפים ווארפט מען ארויס, ממש אזוי ווי די פארצייטישע פריצים האבען געטוהן (דער עולם ווייסט דאך אודאי אז רוב פריצים פלעגען נאר ארויסווארפען אויב מען האט נישט באצאלט פאר א יאר צייט, מיט דעם אלעם איז פיל די אידישע אגדה מיט לעגענדרע מעשיות וואס צדיקים האבען געטון צו ראטעווען די ארויסגעווארפנע אידען וואס זענען געבליבען אהן א דאך אויפן קאפ).

אלט'ס ווען מען מערקט אהן פאר אונזרע שטאטישע טאטעס אז זיי טוהן נישט גענוג פאר די קאמיונטי, ווייזען זיי צוריק אז זיי האבען 'ריזאנט' גאנצטע בלאקס פאר דירות, די עצם זאך פאר זיך איז דאך אויך הימל שרייענד, מען ריזאנט דאס מיט כוח הציבור אז וואס אז אפאר יחידים זאלען קענען ארויפרוקען די פרייזען און רייטען אויפ'ן ציבור?, אבל בזה ליידער החרשנו, אבער יעצט קומען די זעלבע חברה פאר וועם מען האט ריזאנט און זיי פילען זיך די טאשען מיט מליאנען (און באשרייבען זיך אין ישראלישע זייטלעך פון די פינף גרעסטע טייקונים) בעיקר א דאנק דעם ציבור און נאכדעם ווארפען זיי נאך ארויס איינעם אויפ'ן גאס ווייל ער איז זיי שולדיג אפאר אלפים.

ועוד, האבען זיי געהאט א 'היתר בית דין' צו גיין בערכאות תובע זיין יענע משפחה? אויב נישט, איז דינם כמוסרים כמבואר דינם בשו"ע ? (נא געטס אהער די אלע פאשקיוולען פון די לעצטע יארען פון די קהילה וואס גייט יעצט בויען א מקוה מיט די געלט פון די אזוי גערופנע 'נדיבים')

ובזה יצאתי ידי חובתי חובת המחאה, שלא יאמרו: "מדשתקי תושבי ווילאמסבורג שמע מינה דניחא להו". והשם הטוב יכפר עלינו.

חזור בכם חזור בכם טוט'ס תשובת המשקל לפני יום הדין

[דיסקלעימער: אלעס נאר געשריבען לפי ידיעת הפרטים וואס דרייען זיך אויפן גאס און וואס מען האט דא פריער געשריבען, מעגליך עס איז דא עפעס אונטער די גאנצע עסק ביש].

שאולדיספריםפאקער

איז יעצט מיין פראגע מעג מען מסרן אזאכע חברה?

ניין מען טאר נישט. ראשית, ווען מען נעמט זיך צו איינעם פארשטייט זיך אז עס שלעפט מיט אנדערע אומשולדיגע. והשנית, אפילו זיי אליינס טאר מען עפ"י הלכה אויך נישט.

נאר וואס דען אפאר צעטליך אויף די גאסען קען עס לכאורה מסדר זיין.

איינער האט ערשט האנטיגע אינפערמאציע? סתם פלאפלען לשון הרע איז דא אנדערע סייטס גענוג.

איחוד פעלד

ענדרעש נעם דער גאנצער אשכול אריין אין צימעס.

קיינער שרויפט נישט ארויף פרייזען, עס ארבעט מיט א מארקעט, געפעלט דיך נישט, פאר קיין רוסלאנד און כינע, דארט זענען פרייזען סטאביל.

דו רעדטס פון די ״מארקעט״ כאילו מ׳רעדט פון עפעס א קדוש מרחם אמו וואס קען קיין שלעכטס נישט טוהן.

פרייע מארקעט מיינט אז יעדער קען רעכענען וואס ער וויל פאר רענט אדער צו פארקויפען, די אלע זאכען וואס מאנכע האבען ליב צו זאגען ארויף שרויפען און באשולדיגען אפאר יחידים פארדעם, ווייזט אויף א קורצזיניקייט און נישט פולקאם דעוועלעפט מוח.

איך ווייס נישט קיין פרטים פין דער מעשה, אבער וווען איינער קויפט א הויז פאר כך וכך, און האלט עס פאר א זמן און דער פרייז גייט ארויף און פארקויפט עס פאר מער, שרויפט ער גארנישט, און דער וואס באשולדיגט אים פאר ארויף שרויפען איז ליידער צושרויפט.

קיינער קען נישט רעכענען פאר א הויז מער ווי מען וויל באצאלען, קאט דער נאנסענס.

נאר וואס דען?

עפעס טוהן די חברה וואס רעגט אויף מענטשען און פארדעם זוכט מען חטאים אויף זיי, ארויס ווארפען מענטשען וואס באצאלען נישט קיין רענט, און מותר על פי שו"ע, און נישט באצאלען רענט איז אן עבירה פין ביומו תתן שכרו. צו מען מעג גיין אין געריכט תומ"י איז נישט קיין דבר ברור אז נישט.

איחוד, אפילו אויב דו ביסט גערעכט, איז דאס דער אפטייטש פון 'לא חרבה ירושלים אלא על שהעמידו דבריהם על דין תורה'.

ליידער האב איך אסאך וואס אריינצורעדן אין דעם ענין, אבער איך גיי בלייבן שטיל.
אזויפיל קען איך יא זאגן, אויב מיינען די דעוועלאפערס - וועלכע שטערן מיט אלע כוחות אנדערע פון צו בויען מער עפפארדעבל דירות - אז מיט די אויסגעהארעוועטע אידיש בלוטיגע געלט וואס זיי גיבן פאר צדקה און יענע לעקן אים און מען חנפ'עט זיך צו די געלט גייט אים צוניץ קומען בעולם העליון, האבן זיי א ביטערן טעות.
(און יעצט פרעג מיך נישט ביטע פון וואו איך ווייס, איך האב קראנטע אינפארמאציע פון בי"ד של מעלה)

איחוד פעלד

פרייע מארקעט מיינט אז יעדער קען רעכענען וואס ער וויל פאר רענט אדער צו פארקויפען, די אלע זאכען וואס מאנכע האבען ליב צו זאגען ארויף שרויפען און באשולדיגען אפאר יחידים פארדעם, ווייזט אויף א קורצזיניקייט און נישט פולקאם דעוועלעפט מוח.

איך ווייס נישט קיין פרטים פין דער מעשה, אבער וווען איינער קויפט א הויז פאר כך וכך, און האלט עס פאר א זמן און דער פרייז גייט ארויף און פארקויפט עס פאר מער, שרויפט ער גארנישט, און דער וואס באשולדיגט אים פאר ארויף שרויפען איז ליידער צושרויפט.

קיינער קען נישט רעכענען פאר א הויז מער ווי מען וויל באצאלען, קאט דער נאנסענס.

נאר וואס דען?

עפעס טוהן די חברה וואס רעגט אויף מענטשען און פארדעם זוכט מען חטאים אויף זיי, ארויס ווארפען מענטשען וואס באצאלען נישט קיין רענט, און מותר על פי שו"ע, און נישט באצאלען רענט איז אן עבירה פין ביומו תתן שכרו. צו מען מעג גיין אין געריכט תומ"י איז נישט קיין דבר ברור אז נישט.

ארויפשראפן מיינט אזוי ווען איינער האט א לאט צו פארקויפן פאר מארקעט פרייז און עס קומען אפאר חברה און שלאגן פאר א פרייז פון סאך מער און אזוי גייען זיי צו אלע לאטס דאס טייטשט ביי מיר ארויפשראפן למשל לאמיר זאגן אז גאלדן פלאו גייט מארגן ארויף צו צעהן דאללער א מילך וועסטו אוי זאגן אז איינער וואס זאגט אז זיי שרויפן ארויף די פרייז פון מילך איז קורצזינוג אדער דארט וועסטו יא פאר שטיין און נישט זאגן פרייע מארקעט

רב איחוד פעלד עס זעהט אויס ווי די פארשטייסט אינגאנצן נישט צו קיין מארקעט .. אזאך אויף וואס עס איז דא א דימענד און עס איז נישטא אסאך און מען שיסט ארויף די פרייז דאס הייסט ארויפגעשראפט פרייזן און אויב די פארשטייסט נישט אזא פשוטע נקודה האב איך ניטאמאל וואס צו טענהנען מיט דיר

מיין מיינוג; איך קען נישט די פרטים, איך שרייב נאר לקיים אני את נפשי הצלתי: ר' ישראל וואלט נישט צוגעלאזט אזא אשכול.

בדחן

מיין מיינוג; איך קען נישט די פרטים, איך שרייב נאר לקיים אני את נפשי הצלתי: ר' ישראל וואלט נישט צוגעלאזט אזא אשכול.

אדרבה, עס איז אסאך מער ווי א דבר שנאמר באפי תלתא, פילע מענטשען האבען געזען פאריגע וואך פרייטאג אינדערפרי ווי עס קומען אהן צוויי מאווינג טראוקס מיט מארשאל'ס און ווארפען ארויס א אידישע משפחה אויפ'ן גאס, איך מיין ר' ישראל וואלט דאס נישט צוגעלאזט.

אויף וועלכע גאס?

ר' ישראל האט דערציילט:

"אמאל האב איך געזען אן עושר, וואס אן אלמנה האט געוואוינט אין זיין דירה אבער זי האט נישט געהאט אים צו באצאלן די ראטע. נאכן סטראשען עטליכע מאל, און די פרוי האט געוויינט אז זי האט נישט וואו צו וואוינען, האט דער עושר גערופן א בעל-מלאכה, ער זאל אראפנעמען די דאך פון די דירה, אזוי אז די אלמנה זאל מער נישט קענען פארבלייבן דארט וואוינען."

דערציילט ר' ישראל ווייטער:
"אלע מיינע יארן האב איך זיך געוואונדערט און געווארט צו זען, וואס וועט זיין דער סוף מיט אזא מענטש. איך האב טאקע דערווארט, ווייל יארן שפעטער האב איך מיטגעהאלטן ווי אזוי דער מענטש איז געביסן געווארן פון א ווילדע הונט, דער מענטש איז ל"ע משוגע געווארן דערפון און פארלוירן זיין גאנצע פארמעגן".

עד כאן דברי ר' ישראל.

איך דערמאן זיך די מעשה, זעענדיג די שמועס דא.

בדחן

מיין מיינוג; איך קען נישט די פרטים, איך שרייב נאר לקיים אני את נפשי הצלתי: ר' ישראל וואלט נישט צוגעלאזט אזא אשכול.

אהא, ארויס ווארפען א משפחה אויף די גאס דאס מעג מען, אבער חלילה אז איינער זאל וויסען דערפין.....
ווייל טאמער איינער וועט וויסען וועלען זיי דאך נעקסטע מאל טראכטען צוויי מאל פאר זיי טוען עס, אין דאס איז נישט גוט, מען דארף דאך ארויס ווארפען ווי מער אידען פין די הייזער, אבער פארציילען.... חלילה.....

איך וואלט געטענה'ט אז מען דארף ארויס שרייבען די נעמען אויך דא ברבים, מה נפשך האבען זיי עס געמעגט טוהן נו קענען זיי קומען אין אראפ לייגען זייער זייט פין די מעשה, טאמער האבען זיי טענות וואס בארעכטיגט זייערע שריט וועט דער עולם עס פארשטיין,

אין טאמער האבען זיי עס נישט געמעגט טוהן, זאלען זיי טאקע פארשעמט ווערען, וכל העם ישמעו ויראו, א צווייטער וועט שוין טראכטען צוויי מאל, ווייל ער וויל נישט אז די גאנצע שטאט זאל רעדען פין זיינע מעשים טובים,

סאשי פיש

אויף וועלכע גאס?

'וואלטען' לעבען מארסי

וואלטען אדער וואלעבאוט?

איך האב געהערט 'וואלטען'
אויך ווייס איך די שם המשפחה און איך גיי עס נישט מפרסם זיין למען כבודם (אזוי אויך ווערען געבעטען אלע טייערע חברים נישט מפרסם צו זיין די שם המשפחה פאר די גאנצע וועלט, די בזיונות און שפיכות דמים ביז אהער איז שוין גענוג פאר זיי).

איך בין ברור אז מ'האט זיי געגעבען צענדליגער התראה. נו פארוואס דארף די בל הבית מנדב זיין זייער רענט מער ווי עני אנדערע עושר פון שטאט?

ווייל אונזער גאנצע וואל כח איז נאר געגאנגען צו קענען ריזאנען אסאך שטחים פאר זייער וועגען מיט'ן אוסרייד אז זייערע פראיעקטן גייען כלומר'שט העלפען דעם ציבור. וואס האט דער ציבור הנאה געהאט פון זיי? חוץ העכערן די פרייזן פון קויפען דירות, און האלטען הויך די רענט פרייזן כדי יעדער זאל זיך מאכען חשבון אז עס לוינט זיך צו קויפען ביי זיי [ווער געדענקט נאך ווען 'דבר יום ביומו' האט אויפגעהערט אריינצולייגען פרייזען פון דירות פאר רענט, און פארוואס?]

איך וויל נישט דא אריינרעדן אינעם עצם נושא, היות איך בין בכלל נישט באהאווענט אין דער פרטיות'דיגע מעשה. איך וויל נאר אנרירען איין נקודה בכלליות

@איחוד פעלד מאכט א פשוט'ע נקודה, וואס מוטשעט זיך די עולם אזוי שטארק צו פארשטיין? איז די עולם טאקע אזוי ווייניג באהאווענט בתהליכי הביזנעס והריעל עסטעיט? לאמיך פרובירן צו ערקלערן.

לאמיר זאגן אז ס'דא א בנין פון 10 דירות פאר סעיל. אפאר אינוועסטארס בידען דערויף, איינער בידט 5 מיליאן, די נעקסטע בידט 5.4 מיליאן, א. א. וו. פלוצלינג קומט אן איין אינוועסטער און גיבט אריין א ביד פון 20 מיליאן דאלער. פארשטייט זיך אז ער געווינט די ביד און קויפט די בנין. יעצט מאכט ער זיך א חשבון, היות ער האט געצאלט 20 מיליאן פארן בנין מוז ער טשארדזשען לכה"פ 2 מיליאן פער דירה נאר צו קענען צוריק מאכן זיין קרן. ער לייגט ארויס א רעקלאמע אז ער האט שיינע 4 בעדרום דירות פאר 2 מיליאן דאלער, וויפיל מענטשן מיינסטו גייען קויפן דירות ביי אים? קיין איינער. די פארקויפער איז נישט דער וואס מאכט אפ די פרייז, די קונים שטעלן די פרייז. און די סכום וויפיל די אינוועסטאר האט באצאלט פארן לאט האט גארנישט מיטן פרייז פער דירה, it's all about supply and demand.

פארדעם וועט קיין איין געניטע אינוועסטער נישט באצאלן פאר א לאט מער ווי ער מיינט אז די קונים וועלן זיין גרייט צו באצאלן.

די איינציגסטע מאל וואס מען קען האבן טענות אויף די בילדערס און אינוועסטארס איז אויב מען ווייסט אז זיי האבן געמאכט א collusion נישט צו בויען דירות כדי צו האלטן די פרייזן ארויף, אדער אויב מען ווייסט אז זיי האבן ערהאלטן לאטס פון די שטאט אדער א נדבן פאר עפארדיבעל דירות און דערווייל מאכן זיי פראפיטס דערויף.

למעשה איז די דירות פרייז אין ברוקלין געטריבן לויט די מארקעט וועליו, און עס איז הויך צוליב די גרויסע פארלאנג. עס איז גאר לעכערליך צו באשולדיגען די בילדערס אויף עפעס וואס זיי קאנטראלן נישט.

אגב, בין איך די איינציגסטע עם הארץ וואס ווייסט נישט ווער "ר' ישראל" איז?

הוגה

אגב, בין איך די איינציגסטע עם הארץ וואס ווייסט נישט ווער "ר' ישראל" איז?

<!-- l --><a class="postlink-local" href="/topic/1179">viewtopic.php?f=7&t=1179</a><!-- l -->
<!-- l --><a class="postlink-local" href="/post/69717">viewtopic.php?p=69717#p69717</a><!-- l -->
<!-- l --><a class="postlink-local" href="/post/49820">viewtopic.php?p=49820#p49820</a><!-- l -->

ר' ישראל מאיר הכהן.

הוגה

איך וויל נישט דא אריינרעדן אינעם עצם נושא, היות איך בין בכלל נישט באהאווענט אין דער פרטיות'דיגע מעשה. איך וויל נאר אנרירען איין נקודה בכלליות

@איחוד פעלד מאכט א פשוט'ע נקודה, וואס מוטשעט זיך די עולם אזוי שטארק צו פארשטיין? איז די עולם טאקע אזוי ווייניג באהאווענט בתהליכי הביזנעס והריעל עסטעיט? לאמיך פרובירן צו ערקלערן.

לאמיר זאגן אז ס'דא א בנין פון 10 דירות פאר סעיל. אפאר אינוועסטארס בידען דערויף, איינער בידט 5 מיליאן, די נעקסטע בידט 5.4 מיליאן, א. א. וו. פלוצלינג קומט אן איין אינוועסטער און גיבט אריין א ביד פון 20 מיליאן דאלער. פארשטייט זיך אז ער געווינט די ביד און קויפט די בנין. יעצט מאכט ער זיך א חשבון, היות ער האט געצאלט 20 מיליאן פארן בנין מוז ער טשארדזשען לכה"פ 2 מיליאן פער דירה נאר צו קענען צוריק מאכן זיין קרן. ער לייגט ארויס א רעקלאמע אז ער האט שיינע 4 בעדרום דירות פאר 2 מיליאן דאלער, וויפיל מענטשן מיינסטו גייען קויפן דירות ביי אים? קיין איינער. די פארקויפער איז נישט דער וואס מאכט אפ די פרייז, די קונים שטעלן די פרייז. און די סכום וויפיל די אינוועסטאר האט באצאלט פארן לאט האט גארנישט מיטן פרייז פער דירה, it's all about supply and demand.

פארדעם וועט קיין איין געניטע אינוועסטער נישט באצאלן פאר א לאט מער ווי ער מיינט אז די קונים וועלן זיין גרייט צו באצאלן.

די איינציגסטע מאל וואס מען קען האבן טענות אויף די בילדערס און אינוועסטארס איז אויב מען ווייסט אז זיי האבן געמאכט א collusion נישט צו בויען דירות כדי צו האלטן די פרייזן ארויף, אדער אויב מען ווייסט אז זיי האבן ערהאלטן לאטס פון די שטאט אדער א נדבן פאר עפארדיבעל דירות און דערווייל מאכן זיי פראפיטס דערויף.

למעשה איז די דירות פרייז אין ברוקלין געטריבן לויט די מארקעט וועליו, און עס איז הויך צוליב די גרויסע פארלאנג. עס איז גאר לעכערליך צו באשולדיגען די בילדערס אויף עפעס וואס זיי קאנטראלן נישט.

אגב, בין איך די איינציגסטע עם הארץ וואס ווייסט נישט ווער "ר' ישראל" איז?

יא אבער בנידן דידן רעדט מען אז זיי לויפן ארום און קויפן אפ אלע לאטס כדי צו האבן די מאנאפאלי און ווען זיי רוקן זיך ארויף מיט א צעהן צו צוואנציג דאללער פאר א סקווער פיט מוז מען קויפן ווייל עס איז נישטא עפעס אנדערשט איך וועל איבער זאגן נאכאמאל די משל מיטן מילך איך זעה אז מען האט נישט פארשטאנען אז עס וועט נאר זיין איין קאמפעני מילך וואס איין טאג וועט ער אנהייבן בעטן צעהן טאלער פאר א מילך וועסטו אויך זאגן אז אזוי גייט די מארקעט והא ראיה דער עולם קויפט נא זיכער נישט נאר וואס דען מען קויפט ווייל מען האט ניט א ברירה איז יעצט וואס איז דא אנדערשט

איך קען נישט די מעשה דא, איך רעדט בכללות. א מענטש וואס קען אזוי ארויסווארפן א שטוב מיט קינדער מיט מארשלס איז אן אכזר א שלעכטער וואס מ׳דארף לייגן אין חרם, און נישט געבן קיין עליות, און מ׳דארף עם באגראבן אונטערן פלויט פונעם בית החיים. יעדע קהילה האט וואוילע יידן וואס צאלן אויס גראסערי חשבונות, חתונה זאלן, און דירה געלט. א לענדלאר דארף זיך אראפזעצן מיט די גוטע יידן און זיך דורך קומען כדי ס׳זאל נישט צוקומען צו אזא מצב.

דער פריץ האט אריינגעשליידערט מאשקע און זיין משפחה אין קעלער אריין, ער האט אפשר אויך געטענהט ״פרי מארקעט״. פעה!

Starbucks

איך קען נישט די מעשה דא, איך רעדט בכללות. א מענטש וואס קען אזוי ארויסווארפן א שטוב מיט קינדער מיט מארשלס איז אן אכזר א שלעכטער וואס מ׳דארף לייגן אין חרם, און נישט געבן קיין עליות, און מ׳דארף עם באגראבן אונטערן פלויט פונעם בית החיים. יעדע קהילה האט וואוילע יידן וואס צאלן אויס גראסערי חשבונות, חתונה זאלן, און דירה געלט. א לענדלאר דארף זיך אראפזעצן מיט די גוטע יידן און זיך דורך קומען כדי ס׳זאל נישט צוקומען צו אזא מצב.

דער פריץ האט אריינגעשליידערט מאשקע און זיין משפחה אין קעלער אריין, ער האט אפשר אויך געטענהט ״פרי מארקעט״. פעה!

כיהודה ועוד לקרא, נארמאל הערט קיינער נישט אויף צי צאלען דירה געלט פשוט פאר שוואוילטאג, אדער קומט עס פין א סוכסוך אין דיני ממונות וואס דאן דארפען זיי עס שליכטען ווי נארמאלע מענטשען טוען, אין אדער קומט עס פשוט ווייל לרש אין כל, ער האט נעבעך נישט, נו וואס זאל ער טוהן, אין רוב מאל פעלט פאר דעם לענדלאר נישט קיין ברויט אויפען טיש, נאר וואדען ער קוקט אן דעם טענענט ווי א קוה וואס געבט מילך, אין טאמער קומט שוין נישט קיין מילך, דאן ארויס דערמיט, איי יענער האט א שטוב מיט קינדער וואס דארפען א דאך איבערען קאפ, הו קעירס, נישט זיין דאגה, זאלען זיי וואוינען אין די סוער סיסטעם,

איטס זשאסט טובעד, מען ווארפט נישט ארויס א איד אין די גאס, טאמער האט ער נעבעך נישט צי באצאלען דאן נעם עס אראפ פין דיין מעשר געלט, אדער זיך א צווייטע וועג זיך צי א עצה געבען, אין רוב מאל אז מען זיכט טרעפט מען א וועג,

אין בכלל ניצען די מארשאל'ס איז סתם א נארישקייט, ווייל די גאס גייט שטינקען, אין א גוטע נאמען איז אויך ווערד אסאך געלט, סאו ס'געווען א שלעכטע מאוו סיי ברחניות אין סיי בגשמיות,

זיי לאזען נישט אז אנדערע דעוועלאפערס זאלען בויען ביליגע הייזער.

ווער וויל בויען פאר ביליג?

כאב נאכניש געהערט אזא זאך.

די וואס זאגען אז מען טאר נישט ארויסווארפען פארען נישט באצאלען, חוץ וואס זיי זענען נישט גערעכט הלכה'דיג, זענען זיי שלעכטע מענטשען וואס מן הסתם באצאלען זיי נישט קיין רענט אליין.....

אויב טאר מען נישט ארויסווארפען פאר נישט באצאלען, פארוואס זאל זיי ווער באצאלען? טאקע נאר צוליב יושר?

מען קען נישט ארויסווארפען אין איין מינוט, געווענליך ווען מען האלט שוין ביי דער מארשאל, איז עס שוין נאך א יאר נישט באצאלען. וועסטו מיר טאקע זאגען אז אין דער יאר האט ער נישט געקענט טרעפען א דירה פאר בחינם? ביי זיין שווער זיין טאטע, אדער סיי ווער?

מוז ער טאקע וואוינען דא?

וכו' וכו' וכו'.

און אוודאי קען איך נישט די פרטים פין דער מעשה, אבער פין דער סגנון הדברים דא זעהט אויס אז מען טענה'ט זיך אויף דער יסוד הדבר, און מאנכע ווילען מאכען א אנשטעל כאילי ארויסווארפען איינער וואס באצאלט נישט קיין רענט איז עובר אן איסור. ולא היא.

ועוד
אלע גויאשע דעוועלאפערס ארום וויליאמסבורג, סיי ביי מירטל און סיי ביי די סאוטס, בעטן אסאך מער ווי די אידישע מארקעט, און די איינציגסטע סיבה פארוואס די היימישע דארפען פארקויפן ביליגער פינעם עכטען מארקעט וועליו, איז ווייל מיר האלטן אן שלא ביושר א טעראר מיטן כח פין פאשקעווילן און מוסדות, אז מען זאל נאר פארקויפן פאר אידן.
אלזא ווי קען מען נאך האבן א חוצפה און טענהן, אז די דעוועלאפערס, וואס צאלן פאר די לאטס די עכטע וועליו, ווייל זיי בידען מיט גוים, אז זיי דארפען עס נאך פארקויפן פאר ביליגער פינעם "אידישען" מארקעט?

כ'ווייס נישט וואס טיצעך אין ווילי, אבער ווי ס'הייבט זיך אן א אידישע ישוב קומען דיוועלאפערס אין טרייבען ארויף די פרייזען, אין קרית יואל וואלט געקענט זיין ביליגער הייזער, אין אזוי ווייטער, יעדער זיכט צי מאכען א דולר, אין כמעט קיינער זארגט זיך נישט פאר דעם ארימאן,

ווען דער דברי יואל האט געוואלט בויען א שטעטל איז איינע פין די זאכען וואס ער האט געוואלט געווען אז אפילו א ארימן זאל קענען האבען א דירה, א אייגענע דאך איבערען קאפ, איז למעשה קומען אן דיוועלאפערס קויפען אפ די לאטס האלטען די פרייזען הויעך, איינער דעקט פאר'ן צווייטען, אין זיי ווייסען אז אידען האבען סייווי נישט ציפיהל ברירות, צים סוף וועט מען מיזען קויפען,

למעשה למשל איז אזא פלאץ ווי קרית יואל וואלט געדארפט זיין אזא זאך ווי פרייזען קאנטראל, אז א הויז טאר נישט קאסטען מער ווי א געוויסע סכום אויף א סקווער פיס, למעשה קענען חסידישע אידען נישט גיין וואוינען ווי ס'ביליג מ'איז אנגעוויזען אויף די מוסדות אין אנדערע קהילה'שע איינריכטונגען, ממילא מיז מען ברעגען עפארדעבל דירות צי זיי, מען וואלט נישט געטארט לאזען אז א פאר געלט גייציגע אינוועסטארס זאלען זיך קענען אנפילען די טאשען אויף די חשבון פין ארימע אידען וואס זיכען פשוט א דאך איבערן קאפ, אז א קהילה בויעט א שטעטל וואטען זיי געדארפט אויסאיבען א קאנטראל אויף די אינוועסטארס אז זיי מיזען זיך צישטעלען צי פרייזען קאנטראל טאמער זיי ווילען דא אינוועסטירען, ס'וועט גארנישט געשען אז ס'וועט זיין ביליגער, אינוועסטארס וועלען נאך אלץ פארדינען, אבער ס'וועט זיין הייזער פאר אידען,

ס'איז דא א ריזיגע אפארטמענט בנין אויף 48 קארנער 16עוו. די מעשה פון דעם אשכול שטימט אין איז זייער צוגעפאסט צו דער היסטוריה פון יענער בנין וואס איז דער אייגענטום פון א שיינע בנש"ק.
די לעצטע צעהן יאר אדער מער דינגט ער נישט ארויס פאר קיין שום איד, נאר בלויז גוים גמורים מעקסיקאנער וכיוצ"ב, דיין גויעשע דעליווערי בוי האט א ברירה צו צאלן רענט פאר יענעם בנש"ק.

דיסקלעימיר: איך נעם נישט קיין שטעלינג אין די מעשה

איך האב יעצט געהערט אז ער האט נישט געצאלט 2 יאר די רענט , רענט פאר א חודש איז =$3,000