הדר וקבלוהו מאונס
43 פאסטס אין ארכיוו · אשכול #3673
הדר וקבלוהו מאונס
כלל ישראל גרייט זיך אויף א מעמד הדר קבלוהו. וואס איז שלעכט מיטן ערשטן קבלה ווייס איך נישט. ביי מתן תורה האט מען געברויכט א הדר קבלוהו ווייל ביים ערשטן מאל איז עס געווען כפה עליהם ה'בַּארג כ'פֶעסל האט מען געברויכט מאכן א הדר קבלהו מרצון מתוך משתה ושמחה ושכרות. הגם דארט איז מיר אויך נישט קלאר וואס האט אויסגעפעלט א הדר וקבלהו לויט ווי מיר פסק'נען איז דאך כופין אותו עד שיאמר רוצה א בריסקע מהודר'דיגע רצון איז וואס פעלט אויס נאך א רצון. אבער גיי פרעג קשיות אויף אגדתא. אבער דא ביי אונזער קבלת התורה איז די קשיא מרפסין איגרא, דער ערשטע מאל איז דאך געווען מרצון גמירא וא"כ וואס פעלט אויס א חזר ונשנה בערבות מואב.
ועוד קשה בשלמא אנשים באו לשמוע את דבר ה' ברמה, אבער טף למה באו? וואס פעלט אויס צו עפענען די אויגן פון די תינוקות שלא טעמו טעם חטא. מיר שטאלצירן דאך כסדר בראש כל חוצות איבער אונזערע געלונגענע פארמאכטע חינוך. קינדער ווייסן נישט פון קיין לא תרצח און פון קיין לא תנאף. פון א מאלעסטער ווערט מען געוואר ווען ער קריכט ארויס פון אונטערן באנק. און פון טומאת שינה ווערט מען געוואר אין א שלש סעודות תורה אויף חטא הידוע אדער דורך איינע פון שיק'ס קונטרסים. איז מה נשתנה המעמד הזו אז מען אינטערדוסט אונזערע אפרוחים שלא נפתחו עיניהם צו די גאנצע געמיינהייט וואס אינטערנעט און טעכנעלאגיע האט צו פארקויפן??
איז אויף די ערשטע קשיא, קען מען זאגן אזוי. די ערשטע אסיפה איז געווען א כה תאמר לבית יעקב, אן אמירה רכה. מ'האט גערופן אזעלעכע רעדנערס ווי וואקסמאן און שיינער זאלן רעדן אויף די 'ביוטי' פון א תורה'דיגע לעבן אן קיין אינטערטעמענט. פארן מאנטריאלע רב האט מען מזהיר געווען חלילה נישט צו רעדן דברים קשים. און שוין דער דאקטער פון מאונט סייני און דער לויער פון ריווער דעיל איז געווען אימפרעססעד, 'האו נייס'! האט ער געזאגט פאר זיין ווייבל.
אבער יעצט אז די געסט זענען אהיים, די מאדערנע פעטער איז נישט אין תחום שבת, פאנגט מען אן צו רעדן צו אונז דברים קשים כגידים. מען פאכעט מיט א רצועה של עור, מען זאגט אונז אם שמוע תשמע בקולנו מוטב ואם לאו ראו המקל התלוי על הכותל, סופכם להלקות במקל זו. ווי ס'שטייט דארט ביי די מעשה פונעם בן מלך: מעשה בבן מלך שקלקל הרבה וכל זמן שאוהבו של מלך אצלו, לא רצה המלך להענישו שהיה מתבייש הרבה מאוהבו, כיון שנסתלק אוהבו עמד המלך וכפת בנו כעגל והתחיל להלקותו מנה אחת אפים.
איך שפיר אז דאס אלעס איז בדרך דרוש. מ'דארף דאך זאגן א פשט לפי פשוטו של מקרא, נאר לפי דרשת הרב חיים יושע האלבערשטאם שליט"א איז פארענטפערט ביידע קשיות בחדא מחתא. ר' חיים יושע זאגט אזוי אויסער די געוואלדיגע ריווח וואס די תינוקות של בית רבן וועלן האבן פון זעהן אזא גרויסע צאל אידן ארומגענומען מיט אש להבה'דיגע גייסט אקעגן דעם נגע המשחית המכלה בשר נפש רוח נשמה, און ווי אויך הערן די דרשות פון די באגאבטע בעלי דרשנים וואס דאס אליין איז אין לשער וואספארא רושם עס וועט מאכן אויף זייער אינגע הערצעלעך, וועלן מיר אין איינוועגס שטעלן א שומר חינם אויפן טאטען און מאמען. אז דער טאטע וועט ארויסנעמען דעם איי פאון וועט דער אינגל שרייען, ילמדנו רבינו איי פאון זה מי התיר לך? און אז די מאמע וועט ארויסנעמן איר בלעקבעררי. וועט דער אינגל פארפירן, וכי חילוק יש בדבר, אם אנשים נצטוו, נשים מי פוטרן?
איז פארשטיי מיר שוין וואס מען דארף א צווייטע הדר קבלוהו וויל די ערשטע מאל איז עס געווען מרצון און די צווייטע מאל גייט עס זיין מאונס. אונס זו אינו יודע מה הוא, עד שבא ר' חיים יושע ופרש הדברים כשמלה. איי וואס פעלט אויס אונס אז דער רצון איז דא? דער תירוץ איז פשוט ווייל וואס קומט דען צו צו א איסור מאונס. אלע יארן האט מען געוואוסט אז אן קיין כפיה דתית האלט זיך נישט קיין אידישקייט. און בכלל א זאך וואס עס קומט געצווינגענערהייט האט אסאך א שטערקערע חשיבות ס'איז א קלארע גמרא, גדול המצווה ועושה ממי שאינו מצווה ועושה. און לפי הנ"ל פארשטיי מיר שוין אויך די צווייטע קשיא טף למה באו, ווייל אן זיי האבן מיר נישט קיין חתונה. ס'בלייבט נאר שווער פארוואס רופט מען די טאטעס מען קען ווען רופן נאר די קינדער. ויש ליישב בדוחק.
איך פאנג שוין אן חושד צו זיין אז דאס וואס רש"י זאגט אין פרשת ויקהל טף למה באו בשביל ליתן שכר למביאהם איז נאר א דרוש. דער אמת'ע פשט איז ר' חיים יושע'ס פשט. משה רבינו האט מורא געהאט אז אויב וועט נאר רופן די מענער וועלן זיי פארקויפן לאקשן פאר די פרויען און קינדער. אזוי אז די פרויען און קינדער קומען אויך ווען דער טאטע וועט זאגן עה, דאס מעג מען, אדער דאס, דאס איז דאך א לכתחלה, וועט זיך דער קליינער יענקלע אויפשטעלן און זאגן אבא וכי לא כך כתוב בתורה ?
אז איך וועל גיין די וואך צום 'מעמד אדיר איום ונורא בצר לי לך אקרא' וועל איך בל"נ אייך איבערגעבן א שטיקעלע באריכט.
שלו' עליכם בנימין!!
ועוד יש לומר, טף למה באים, אנציפילען דאס פלאץ.
איך בין זייער נייגעריג, די מוסדות וואס לאזן נישט די קינדער גיין צום גרויסן תהלים זאגן אין עשרת ימי תשובה ווייל זיי האבן מורא די קינדער גייען זיך טרעפן חלילה מיט 4 סלייס קאפלעך - וועלן זיי יעצט יא שיקן די קינדער?
אונזער פרעזידענט פרענקלין האט זיכער א ניצוץ פון דוד המיילך. יעדע מוצאי שבת גיט ער אונז געשמאקע חמין צו צובייסן צום קאווע.
כה לחי
מסתמא גייט מען עדזשאקעטן די קונדער ווי אזוי ציניצען די אינטערנעט. פון וועלכע סייטס מ'דארף זיך אכטונג געבן.
אדערווייז זע איך נישט פארוואס זיי זאלן דארט זיין.
איז דאס א שטיקל הודאה אז די מוסדות זיכן מחנך צו זיין די קינדער לאו דוקא אין די גייסט פון רוב עלטערן?
בענדזי כ'מיין אז ביז גאנץ גערעכט (נישט קיין ווערטל) אז די קינדער שטייען אויף די טאטעס, עיין ערך ארץ ישראל..
שוין יארן וואס די מוסדות פאמפען אז זיי לייגן אריין כוחות אין די קינדער לגבי די מצוה פון כיבוד אב ואם, אבער מען זעהט ליידער נישט קיין שום פירות פון די איבערמידליכע ארבייט, ווייל די קליינע מחוצפים ווערן נאר ערגער מיום ליום ומחודש לחודש.
יעצט וועט מען דעמאנסטרירן ברבים ווי מען לייגט אריין אין די קינדער א הערצה און כבוד צו די עלטערן.
הוגהועוד יש לומר, טף למה באים, אנציפילען דאס פלאץ.
ופשוט הוא.
קרעדיט: זיידעטשקע.
וואסי טאקע פשט פון דעם?
איחוד הקהלות איז אריין אין די ליין פון כיבוד אב?
פאר ווער ס'איז נייגעריג:
איך בין פייער פאר די כינוס!
מכמה וכמה טעמים וואס איך גיי נישט דא אלע דיסקוסירן (און איינס ווייל זייט דער פאריעריגער כינוס האב איך ב"ה k9 - א הצלה פורתא פאר אלע איבלען פון דער אינטערנעט).
בעיקר ווייל איך שוין זלמן ווידער, ער מוטשעט זיך מיט וואלד פייערן און קארבן מאנאקסייד צו ציען דעם גאטשע בענדל.
קומט אזא וואך, און ער איז זיך מחי' צוזאמען מיט זיינע צוהערער, ס'דא פון וואס צו מאלן.
איחוד הקהילות.
מאראנצןזאפטפאר ווער ס'איז נייגעריג:
איך בין פייער פאר די כינוס!
מכמה וכמה טעמים וואס איך גיי נישט דא אלע דיסקוסירן (און איינס ווייל זייט דער פאריעריגער כינוס האב איך ב"ה k9 - א הצלה פורתא פאר אלע איבלען פון דער אינטערנעט).
בעיקר ווייל איך שוין זלמן ווידער, ער מוטשעט זיך מיט וואלד פייערן און קארבן מאנאקסייד צו ציען דעם גאטשע בענדל.
קומט אזא וואך, און ער איז זיך מחי' צוזאמען מיט זיינע צוהערער, ס'דא פון וואס צו מאלן.
א בחינה פון כדאי איחוד הקהילות לסמוך עליהם בשעת הדחק..
די קינדער קיקען ארויס צו א כינוס אויפן בעיסבאל פעלד, ווי מ'וועט אנאסירן א וואן סטרייק ענד יוא אר אוט רול. אין די חדרים און אויף די געלע באסעס שפילן נאכאנאנד די "
נעם מיך ארויס צום באלי שפיל" ניגון און די קינדער זינגן דאס נאך פאר די טאטעס:
נעם מיך מיט צו די איחוד שפיל,
נעם מיך ווי ס'איז דא א ציבור פיל,
קויף מיר א זאזא מיט א גיטע השגחה,
לאמיר הערן די בנים על אבות הלכה,
איך בין א באלי אין די מוסד'ס געים,
צו פלאצירן מיין אדמו"ר אין די האלל אוו פעים,
טאטי! איין סטרייק און דו ביסט אויט,
דורך לייגן עלטערן טו שעים
והיה כבלע.
דער מעמד דארף ענדערש הייסן קבעוהו לדורות
א יאר יערליכע אסיפה {עמיר זעהן ווילאנג} קומט צוגיין, אויסגערענכט אויף "סיון" מען זאל קענען ענדיגן דעם כינוס מיט א פייערליכען סעקולענער ניגון,
א פלאץ ווי די רבנים קענען זיצן אויף א מעכטיגען אויבן אן, נישט ביי זיך אין בעסמעדרעש פאר א פאר אידן נאר טאקע במקהלות רבבות עמך בית ישראל,
אויב שוין יא זיך צאמקומען יאר יערליך וועל איך ענדערש גיין צו מעט לייף צום סיום הש"ס.
אויס מענטשדער מעמד דארף ענדערש הייסן קבעוהו לדורות
א יאר יערליכע אסיפה {עמיר זעהן ווילאנג} קומט צוגיין, אויסגערענכט אויף "סיון" מען זאל קענען ענדיגן דעם כינוס מיט א פייערליכען סעקולענער ניגון,
א פלאץ ווי די רבנים קענען זיצן אויף א מעכטיגען אויבן אן, נישט ביי זיך אין בעסמעדרעש פאר א פאר אידן נאר טאקע במקהלות רבבות עמך בית ישראל,
אויב שוין יא זיך צאמקומען יאר יערליך וועל איך ענדערש גיין צו מעט לייף צום סיום הש"ס.
קִיְּמוּ וְקִבְּלוּ...וְלֹא יַעֲבוֹר, לִהְיוֹת עֹשִׂים... הַיָּמִים הָאֵלֶּה כִּכְתָבָם וְכִזְמַנָּם בְּכָל שָׁנָה וְשָׁנָה
יעצט פאלט מיר איין. HOW COME ביי חנוכה האבן די חכמי הדור נישט קובע געווען א יום טוב, ערשט נאך א יאר ווען זיי האבן געשפירט אן איתרעותא דלתתא, כידוע פון חסידישע ספרים. און דא, די פון עיקבתא דמשיחא, ווייסען שוין די חכמי הדור פון פאראויס, אז מ'גייט שפירען א דערהויבענקייט!?
נקודה למחשבה.
נעכטן זעה איך א פרומער אידל אין בעסמעדרעש, ער רעדט אויף אלע באקן אז ס'גייט א רויעך. איך גיי צו אויסהערן וואס ער פארקויפט, והנה, ער רעדט מיט התלהבות פון די קומענדיגע "הדר קבלוה" ביג עווענט, ער שרייעט אז מען מוז גיין, ס'איז א געוואלדיגע זאך, א.א.וו. ממש ס'רינט שפייעכץ פון זיין מויל, און דער עולם שטייט ארום און מען הערט אים אויס, טייל מיט א ערנסטקייט, אנדערע מיט א האלבן שמייכל..
ווען ער האט געענדיגט און אפגעאטעמט, האב איך גענומען די קוראזש, און כ'פרעג אים: זאג מיר באמת, וואס איז דער ציהל פון די אסיפה? קענסט מיר מסביר'ן?
וואס הייסט? - נעמט ער זיך געוואלדעווען מיט קולות - מען וועט די כלים עוקר מן השורש זיין, דו וועסט נאך זעהן, אונזערע אייניקלעך וועלן נאך אמאל לאכן פון זייערע זיידעס און נישט קענען משיג זיין אז זיי האבן געהאט אזא זאך ווי "טעקסט"! פונקט ווי אסאך פון אונזערע זיידעס האבן געהאט TV, אנדערע פלעגן קויפן טעגליך שמוציגע צייטונגען, און ב"ה די רבנים האבן דאס מבטל געווען אזש היינט-צו-טאגס א איד וואס טוט די אלע זאכן קוקט מען אן ווי נעבעך רח"ל, אט גענוי אזוי וועט אויסקוקן אין אפאר יאר ארום די אלע כלים!.... אודאי נעמט עס נישט איין וואך אדער איין חודש, די מערכה וועט געדויערן א 5-10 יאר, אבער צום סוף וועסטו זעהן ווי אונזערע קינדער און אייניקלעך וועלן נישט קענען גלייבן אז אן ערליכער איד האט געהאט אזעלכע געמיינע כלים...
איך ווייס נישט צו פלארייד וואסער איז קעטשי, אבער איך האב שנעל אוועקגעוואקט פון דעם אידל, ווייל למיחש מיהא בעי.
הדא הוא דכתיב, וואו נעמט מען אביסעלע שכל.
שמעקעדיג
איך ווייס נישט צו פלארייד וואסער איז קעטשי, אבער איך האב שנעל אוועקגעוואקט פון דעם אידל, ווייל למיחש מיהא בעי.
שמעקעדיג!
אבער איך ווייס נישט ווי איר האט געוואקט, ווייל ווי איר גייט קען דאס אייך טרעפן
א געפיהל.
שמעקעדיגנעכטן זעה איך א פרומער אידל אין בעסמעדרעש, ער רעדט אויף אלע באקן אז ס'גייט א רויעך. איך גיי צו אויסהערן וואס ער פארקויפט, והנה, ער רעדט מיט התלהבות פון די קומענדיגע "הדר קבלוה" ביג עווענט, ער שרייעט אז מען מוז גיין, ס'איז א געוואלדיגע זאך, א.א.וו. ממש ס'רינט שפייעכץ פון זיין מויל, און דער עולם שטייט ארום און מען הערט אים אויס, טייל מיט א ערנסטקייט, אנדערע מיט א האלבן שמייכל..
ווען ער האט געענדיגט און אפגעאטעמט, האב איך גענומען די קוראזש, און כ'פרעג אים: זאג מיר באמת, וואס איז דער ציהל פון די אסיפה? קענסט מיר מסביר'ן?
וואס הייסט? - נעמט ער זיך געוואלדעווען מיט קולות - מען וועט די כלים עוקר מן השורש זיין, דו וועסט נאך זעהן, אונזערע אייניקלעך וועלן נאך אמאל לאכן פון זייערע זיידעס און נישט קענען משיג זיין אז זיי האבן געהאט אזא זאך ווי "טעקסט"! פונקט ווי אסאך פון אונזערע זיידעס האבן געהאט TV, אנדערע פלעגן קויפן טעגליך שמוציגע צייטונגען, און ב"ה די רבנים האבן דאס מבטל געווען אזש היינט-צו-טאגס א איד וואס טוט די אלע זאכן קוקט מען אן ווי נעבעך רח"ל, אט גענוי אזוי וועט אויסקוקן אין אפאר יאר ארום די אלע כלים!.... אודאי נעמט עס נישט איין וואך אדער איין חודש, די מערכה וועט געדויערן א 5-10 יאר, אבער צום סוף וועסטו זעהן ווי אונזערע קינדער און אייניקלעך וועלן נישט קענען גלייבן אז אן ערליכער איד האט געהאט אזעלכע געמיינע כלים...
איך ווייס נישט צו פלארייד וואסער איז קעטשי, אבער איך האב שנעל אוועקגעוואקט פון דעם אידל, ווייל למיחש מיהא בעי.
גוט גוט, ווען דער נישט דער נער איז מיינס וואלט איך אויך געלאכט,
אבער לאמיר זיך מתבונן זיין א מינוט, אמת אז די מערכה ארבייט נישט דערווייל אזוי ווי מען האט געוואלט. אבער מי פתי צו גלייבען אז און א פאר צענדליגער יאר ארום וועט בלייבען א שריד ופליט פון כלל ישראל און פאל אויב מען מאכט נישט עפעס? עפעס א גדר דארף לכולי עלמא געטיען ווערן, איך האב אלץ געטעראכט אז איינער דא וועט אויפקימען מיט א פאזעטיווע אדייע ווי אזוי צו צוימען די שעדליכקייט פון אינטערנעט, און ווי אזוי צו פירען א בעסערע מערכה.
איך רעדט נישט פון די מענטשן וואס באדערט פארוואס אינטערנעט איז 20 יאר שפעט און זיי וואלטן זיך געפרייט אלמלא אז זיי וואלטן שוין געקענט זיין קרבנות דערפון, איך רעדט פון מענטשן וואס ווילען יא האבן יודשע קינדער, אבער זיי בייזערן זיך כסדר - מעגליך מיט רעכט - אויף די מערכה, צו זיי האב איך פראגע; ווי איז דיין פלאן? האסט עפעס א פארשטענדליכע מהלך? אדרבה.. לאמיר הערן און מעגליך עס וועט עפעס ווערן דערפון.
אשר על כן, אז מען האט נישט קיין פלאן, גייט מען מיט'ן קאפ אין וואנט??? מ'פלאשט אראפ שווערע טויזענטערס צו מאכן אסיפות אין די וועלט אריין וואס העלפט ווי טויטע באנקעס.
פאר די פאריעריגע אסיפה האט מען געספענט איך ווייס נישט וויפיל געלד, אבער א מיליאן זיכער. לאמיר מאכן א ארגענעזיציע וואס האט משגיחים וואס קענען סיי ווען אראפקומען צו דיר אין אפיס און קוקן צו די האסט א גוטע פילטער (אזוי ווי כשרות משגיחים) און ווער ס'סיינט זיך ארויף ביי זיי באקומט 50-100 דאלער א חודש...
איך זאג דיר צו ביז איין וואך האסטו טויזענעטער סובסקרייבערס. (פלאס וועט עס באסטן די עקענאמי - מען וועט דארפן האבן צענדליגע משיחים) פון וועט די ארג. האבן געלד??? די זעלבע פלאץ פון ווי זיי האבן יעצט געלד, בכלל וועט זיכער זיין גרויסע נדבנים.
וואס זאגט עטץ?? איך בין משוגע?? אדער ... גוט משוגע???
די עצה איז צושטעלן גוטע פילטערס פאר צוגעגנגליכענע פרייזן, און ווי מיין טענה איז אלעמאל, ווער ס'וויל זינדיגן וועט זינדיגן אן א קאמפיוטער אויך, עריות איז נישט געבוירן געווארן ביי די קאמפיוטער עפאכע, די אינטערנעט איז נאר א אמצעי, און ס'איז דא אנדערע אמצעים אויך, אבער אטו ברשיעי עסקינן, ס'איז נפשן של אדם מחמדתן, מען זיצט ביים פתח של זונות א גאנצן טאג, און אז מען האט א ליידיגע מינוט קומט דער יצה"ר און זאגט אים, כאפ א בליק א מינוט, ומשם ואילך איז א געניץ ביזן שאול תחתית.
דערפאר אבער ווען א מענטש לייגט מתחלה א פילטער, ער שפארט אפ דעם פתח של זונות, אויב איז ער נישט קיין מזיד, איז עס א גוטע שמירה, דו דארפסט אבער זען נישט צו מאכן שוועריקייטן פאר דעם מענטש אז ער זאל בדוקא נישט וועלן לייגן קיין פילטער, ויסנדיג אז דער פילטער גייט אים נערווירן איבערן טאג.
איי וועסטו טענה'ן, מענטשן זינדיגן נאך אלץ, נו אלא מאי, פארדעם לעבסטו אין אזא מין וועלט ווי ס'איז דא א בחירה, און ווען ס'איז בידך אפצושטעלן דער ענין פון חטא וואלט שוין משיח לאנג געקומען, דיין אויפגאבע איז נישט איינצושפארן דעם מענטש און שטיין אים על המשמר ער זאל נישט זינדיגן, דיין אויפגאבע איז אין מעורר צו זיין.
ננקוט לדוגמא לשון הרע, מען איז עובר מיט דעם כמה וכמה עשין ולאוין דאורייתא, אפשר דארף מען גרינדן א ארגון "שמירת הלשון" וואס זאל אנהאקן יעדעם איינעם צום אפיס פונעם וועד וואס שטייט תחת פיקוח הרבנים, אז מען זאל קענען הערן יעדעס ווארט וואס דער מענטש רעדט, אז אויב חלילה ער ווערט נכשל אין לשון הרע וועט מען אים אפיר נעמען, וואס איז? אזוי פאני? די ווייסט וויפיל צרות ועקתין בישין לשון הרע ברענגט?
איז אויב דאס האלטסטו קען מען נישט טון, קען מען ביי אינטערנעט די זעלבע זאך אויך נישט טון.
אינטערנעט איז א פראבלעם, און מען דארף זיך קענען ספראווענען מיט די פראבלעם, און מען קען לעבן מיט די פראבלעם, מען דארף נאר וויסן ווי אזוי.
מיין דרשה לכבוד דער הייליגער כינוס
<!-- l --><a class="postlink-local" href="/post/112816">viewtopic.php?p=112816#p112816</a><!-- l -->
די וואך אין "דער בלאט" עדיטאריעל:
📎 IMG_20761.jpg
ביי די כיניס אין בארא פארק האט דע ווינער דיין ר' הערשיל האלפרין געזאגט אז ווער סעהאט אונטערנט זאל נישט ציגיין צום עמיד, העכסטנס זאל ער זאגען אז ער איז הייזעריג סאו אפשר געבב מיר זיך אלע א קאוד נאמען "די הייזעריגע"
אחינו בני ישראל ההייזעריגע?
א נייע פירוש אויף "צורד היהודים".
אין מאנסי איז די באונס געווען אויפן העכסטען פארנעם. די סאטמאר'ע מוסדות האט געסטראשעט ארויסצוווארפן די קינדער פון די טאטעס וואס נעמען נישט אנטייל
מעז יצא מתוק.
-
.
פארוואס איז אין ווילי קיין הדר קבלוהו נישט געווען?
טעראר/דיקטאטור אין מונטרעאל
דעס האט מען היינט אהיימגעשיקט אויף די פאסט צו אלע עלטערן. קיינער פארשטייט נישט, ווייל קיינער ביי אונז האט נישט קיין סעליולער טעלפוןס וואס איז קאנעקטעט. און קיינער האט נישט קאמפיוטערס אזוי ווי דער רבי האט געהייסן אפאר מאל.
📎 IMG_20130513_194443.jpg
שוין ווייטער די שלעכטע באשעפעניש פון נשים דעתן קלות, זיי טארן בשום אופן נישט האבן קיין טעקסט מעסעדזשעס, משא"כ די אויסגעארבעטע אפגעהיטענע מענער, זיי מעגן יא...
ס'געפעלט מיר די נאמען "מעמד המשכת הדורות", איך פיר זיך צו מאכן דעם מעמד המשכת הדורות ביי מיר אינדערהיים, מער ווי איין מאל א יאר.
הקטןפארוואס איז אין ווילי קיין הדר קבלוהו נישט געווען?
הדר קען נאר זיין ווען מען האט שוין איינמאל מקבל געווען...
אלע עצות פון פילטערס וכדו' ווייס מיר דאך ווי מ'קומט אן דערמיט. פרוביר צו מאכן יודישקייט אינטערעסאנטער, מער קאלירפאל, זאכן וואס וועט אינטערעסירן מער דאס עולם.
פארוואס דרייען זיך קליינע בחורלעך מיט אינטערנעט פאנס? אז דו וועסט אים אפשר נישט דערלאנגען א פסק פון א דריי פערטל שעה פארן נישט עסן לאנטש מיט א היט, אדער כיתה ט' יונגלעך נישט אסרן צו שפילן באלל ווי עסן חזיר פלייש וכו. ביי ישיבה גדולה בחורים ויונגעלייט אפשר וועט דאס מער אויפטון.
ערעב גוגל לאמיר גיין גלייך צום פוינט די חינוך היינט איז נאכנישט געווען זינט די וועלט שטייט! ! וואס פינקטלעך פארלאנגסטו מעזאל געבן א גלעט פאר א טראבל מעיקער? גענוג א בראך אז פעטש איז געווארן ערגער ווי מאלעסטן! די ספעשיל העלפ וואס מען געט היינטפאר שוואכערע קינדער איז נאכנישט געווען זינט די וועלט שטייט!
קודם כל מיין פוינט איז נישט געווען צו אונזער חינוך איז יא גוט אדער נישט. דאס איז קלאר אז ס'דא אסאך זאכן וואס מקען קאטן און אסאך זאכן וואס מקען זאגן אז אכשיר דרא. איך ווייס נישט וועלכע חלק פון די חינוך סגעפעלט דיר און וועלכע נישט. צו סזאל זיין טאטערינג אדער די טייטש ווערטער וואס מען איז בעסער מסביר פאר די תשב"ר היינט צוטאגס. אבער דאס איז קלאר און הכל מודים אז ס'דא גענוג זאכן וואס מקען בעסער מאכן און פרובירן צו מאכן יודישקייט אינטערעסאנטער. למעשה איז דאס מסתמא דער איינציגסטער וועג צו דראסטיש רעדוצירן די אינטערנעט פראבלעם אז דער עולם וועט מער ציען אויף דער זייט ווי ענדערשער מזאל נאך דער כינוס לייגן טויזענטער פילטערס און צוויי חדשים שפעטער עס אראפנעמען.
ריינעראשר על כן, אז מען האט נישט קיין פלאן, גייט מען מיט'ן קאפ אין וואנט??? מ'פלאשט אראפ שווערע טויזענטערס צו מאכן אסיפות אין די וועלט אריין וואס העלפט ווי טויטע באנקעס.
פאר די פאריעריגע אסיפה האט מען געספענט איך ווייס נישט וויפיל געלד, אבער א מיליאן זיכער. לאמיר מאכן א ארגענעזיציע וואס האט משגיחים וואס קענען סיי ווען אראפקומען צו דיר אין אפיס און קוקן צו די האסט א גוטע פילטער (אזוי ווי כשרות משגיחים) און ווער ס'סיינט זיך ארויף ביי זיי באקומט 50-100 דאלער א חודש...
איך זאג דיר צו ביז איין וואך האסטו טויזענעטער סובסקרייבערס. (פלאס וועט עס באסטן די עקענאמי - מען וועט דארפן האבן צענדליגע משיחים) פון וועט די ארג. האבן געלד??? די זעלבע פלאץ פון ווי זיי האבן יעצט געלד, בכלל וועט זיכער זיין גרויסע נדבנים.
וואס זאגט עטץ?? איך בין משוגע?? אדער ... גוט משוגע???
די צווייטע און דריטע אפשאנ'ס. חלמא טבא חזיתא חלמא טבא חזיתא....
