משה גבאי אינטערוויו אין משפחה

עס איז זייער מאדנע אין אומפארשטענדליך וואס די געלויפעניש פון צד מהרז"ל צו די איזראעלי מידיא לעצטנס איז, ביידע גרויסע חרדישע היברו מאגאזינען משפחה אין בקהילה האבן דעם יו"ט גרויסע ברייטע "זעלטענע" אינטערוויאס מיט מהרז"ל ומשב"קו, אין דאס איז שוין נאך וואס מהרז"ל האט ברבים געלייקנט אז ער האט סיי וועלכע באציאונגען מיט די שבועונים, אזאך וואס ער קען אצינד נישט לייקענען, וויבאלד בקהילה האט בילדער ווי דער שרייבער קוויטעלט זיך ביי אים,

אבער נישט דאס וויל איך יעצט ארויסברענגען.

איך וויל נאר ארויסברענגען איין זאך וואס ווינדערט מיר זייער, אין מסתם אויך יעדעם וואס קען נאר א טראפקעלע סאטמאר פאליטיק היסטאריע.

וואס איז געווען די אמת'ע ציהל פון משה פריעדמאן ביים אינטערצינדן דעם גרעסטן חרדישן מחלוקה אין היינטיגן יאר הונדערט? יעדער איינער ווייסט זייער קלאר וואס די פלאן איז געווען, ס'נישט געווען קיין שום סוד, דער משב"ק האט דאס פאר יעדעם דערציילט מיט שטאלץ, דער פלאן איז געווען צו מאכן פון ר' אהרן א רויזעלע מיט א ישראל'טשע (מיינענדיג הרבנית רויזעלע ע"ה מיט האדמו"ר ר' ישראל'טשע וויזניצער שליט"א וואס זענען ביידע פארטריבן געווארן משולחן אביהם בבזיון גדול נעבאך) דער משמש פלעגט כסדר מצייר זיין פאר זיינע ציהערער וויאזוי ר' אהרן וועט האבן א בעיסמענט'ל אין פלעטבוש אין וועט זוכן מנין.

און דאס איז נישט זאכן וואס מ'דארף גלויבן און פערטיג, דאס איז זאכן וואס יעדער האט געקענט מיטהאלטן, ווער געדענקט דען נישט די דורכגעפאלענע אויספלאנירטע אינוואזיע אויף ב"פ קרית יואל און אזוי אויך בני ברק, איז עס דען געווען א סוד? ניין.

אצינד ווען ער וויל איינשטעלן דעמעדש קאנטראל אין פארשענערן זיין אימעדש בכל קצוי תבל, האט ער "באוויליגט" צו געבן א ערשטמאליגן אינטערוויו, ווי ער דערציילט אזוי באגייסטערט פארן (באצאלטן) שרייבער (די באשרייבונג איז אויך געווען אריינגערעכנט אינעם פעקעדש דיל) אז ממש ער האט געדארפט אויספירן דעם רצון פון ברך משה זצ"ל אין אריינשטעלן א לאקאלן רב אין וומ"ס, גלייך ווי אלע אנדערע שטעט וואס האבן געהאט זייערע לאקאלע סאטמאר'ע רבנים, אין טראץ אלע שוועריקייטן איז ער געווען גרייט צו כאפן די אלע פיילן, אין ער בארימט זיך דארט ווי צופרידן ער איז אז סאטמאר איז אזוי שיין צוטיילט, ווייל ביידע זענען דאך אזוי גרויס עניוועי, סא ס'וואלט נישט געווען מעגליך פאר איינעם צו פיהרן אלעס.

דאס אלעס איז זייער אינטערעסאנט אין איינגענעם צו הערן פאר פרעמדע פארשטיפטע אידן אדער די נייע דור אשר לא ידע את יוסף. אבער מיר אידן וואס געדענקן נאך די אמת'ע פלענער, און אמת'ע השחתה פון דעמאלטס פרעגן מיט ווינדער, משה גבאי ווי שעמסטו זיך נישט צו פארקויפן אזאלכע אפענע געבאקענע שקרים, יא, אמת דיין פלאן איז טאקע נישט געלונגען, אין סאטמאר האט זיך צוטיילט, אנשטאט בלייבן איינס אונטער מהרז"ל ווי דיין אריגינעלע פלאן האט געלויטעט, אבער וואס פארקויפסטו אזאנע גראבע ליגענטס אז דאס האסטו באמת געוואלט אין דאס איז געווען דיין ציהל? ווייסטו נישט פון די מאמר חז"ל מילתא דעבידי לאיתגלי' לא משרדי אינשי , די זעלבע קען מען פרעגן אויף נאך אלע צענדליגע אפענע שקרים וכזבים אין דעם אינטערוויו.

די זעלבע קושי' פרעגט זיך אויפן משפחה מאגאזין, וואס דארף צו הייסן א קראנטע מאגאזין, פארוואס נעמען זיי נישט די מינדעסטע מיה נאכצוקוקן אביסל היסטאריע בעפאר זיי פובליצירן אזא קאנטריווערסיאלע ארטיקל?

וואס משה'ס פלאן איז דעמאלס געווען ווייס איך נישט. אבער איך זע נישט וואס ער ענטפערט שלעכט יעצט אחרי ככלות הכול ווען מ'האלט שוין דא, דהיינו די שווערע קריג יארן זענען שוין מאחורינו, ענטפערט ער אז סאטמאר האט זיך זייער שיין אהערגעשטעלט זייענדיג צוטיילט און צווייען, און ביידע וואקסן און בליען מיט אומגלויבליכע הצלחות.

דער נקודה צי דער ברך משה האט געהאט במחשבה תחילה צו צוטיילן סאטמאר פאר זיינע צוויי זוהן צי נישט איז דאך סייווי נישט מאסגעבנד. עס שטעלט זיך ארויס אז די טויזענטער אידן וואס זענען אויף צד מהרי"י וואלטן קיינמאל נישט פארבליבן אין סאטמאר ווען מהר"א איז ווען דער שליט יחיד, אלזא האט דער צוטיילונג בלויז גרעסער געמאכט סאטמאר.

כללו של דבר איז ווי דער ברך משה אליינס האט געזאגט פאר ר' עזריאל גליק: איך האב צוויי קינדער וואס זענען ראוי לאותו איצטלא. רבנות און שטעט קען איך טיילן, חסידים וועלן זיי זיך אליינס ברויכן נעמען. און אזוי איז דאס טאקע. וועסט בדרך הטבע נישט קאנווינסן אן אהרוני צו ווערן א חסיד פון ר' זלמן לייב, וכן להיפך.

וועגן די קראנטקייט פון "משפחה" איז א דבר פשוט אז ווען זיי הערן פון משה גבאי'ן אזא סטעיטמענט זענען זיי נישט מחויב צו בודק זיין וואס 'אבי גערעדט' פון קאווע שטיבל האט צו זאגן. אויב וויל ר' אהרן זאגן פארקערט, דאכט זיך אז ער האט נאך די נומבער פון "משפחה" פון די צייטן וואס ער האט דארט געשאנקן אונטערוויו'ס, און ער קען געבן זיין ווערסיע.

שיינע ענטפער גראדע, אבער מיין פראבלעם איז נישט אז ס'האט זיך אזוי אויסגעשטעלט אז מהרז"ל האט געדארפט נעמען אינטער זיין שוץ די אלע וואס האבן מיט זיין טאטע קיין שייכות נישט געוואלט האבן, אדרבה זיי האבן אים מצער געווען אין געטשעפעט ווי נאר מעגליך, אויך רעד איך בכלל נישט וויאזוי ס'האט זיך למעשה אויסגעשטעלט די צוויי פארטייען.

איך רעד פון דעם וואס דער משב"ק וואס דארף צו זיין א איש האמת און א קארעקטער פערזענליכקייט, האט די העזה צו קומען ברבים לייקענען זיינע מעשים

מיין מיינונג

כללו של דבר איז ווי דער ברך משה אליינס האט געזאגט פאר ר' עזריאל גליק: איך האב צוויי קינדער וואס זענען ראוי לאותו איצטלא. רבנות און שטעט קען איך טיילן, חסידים וועלן זיי זיך אליינס ברויכן נעמען. און אזוי איז דאס טאקע. וועסט בדרך הטבע נישט קאנווינסן אן אהרוני צו ווערן א חסיד פון ר' זלמן לייב, וכן להיפך.

דער רבי דער ברך משה האט געמאכט א גוטע טיילונג, ער האט געגעבן אלע זיינע חסידים פארן עלטסטען זון און אלע זיינע שונאים פארן דריטן זון

Shreiber stop living in fantasy land i am not saying that a lot of sonim from bm went to zalmen leib but come on did the bm have that many sonim???

די שונאים ניגון האט זיך גוט געהערט תש"ס און תשס"א, היינט 14 יאר שפעטער הערט זיך דאס גאר נאריש ווען יעדער ווייסט אז ביידע רבי'ס האבן טויזענטער חסידים וואס וועלן גיין פאר זיי אין פייער. ר' זלמן לייב איז נישט געפארן קיין ארץ ישראל מיט 2 אהאלב טויזענט שונאים פון ר' אהרן. ער איז געפארן מיט זיינע חסידים.
בכלל טענה'ן די "שונאים" אז זיי זענען נישט געווען קיין שונאים פארן ברך משה, זיי זענען געווען שונאים פאר ר' אהרן, און היות דער ברך משה האט געשטופט ר' אהרן'ס וואגן זענען זיי געווארן "שונאים".

טענעדיג זיך מיט אן ארוני זאגט ער מיר אז אין גוטע צייטן פון ב''מ האט ער אלס ארויסגעוויזן אז ער וויל נאר ר' אהרןנען רופט זיך דארט אן איינער ''הו קעירס וואס דער ב''מ האט געוואלט דער עולם האלט געוואלט אין פרטיג אין דאס זעהט מען היינט באשיינפערליך וואס דער דער ב''מ האט יא אדער נישט געוואלט איז בכלל נישט רעלעוואנט

דאס איז נישט זיין ערשטן אינטערוויו. מיר אין קאפ ליגט קלאר אן איטערוויוא וואס ער האט געגעבן עטליכע יאר צוריק פאר איינע פון די מאגאזינען. 100 אחוז.

פארן ענגלישן שעה טובה (ווער געדענקט נאך ווען ס'האט עקזעסטירט?)

יא, פאר "שעה טובה". אבער ס'איז אינו דומה פאר ווער ס'קען די צוויי צייטונגן. שעה טובה האט סתם געמאכט א כאפ לאפ דזשאב, און משפחה האט געמאכט א פראפשענעל ארבעט, געהעריג אראפגעקומען רעדן מיט משה אין אפיס וכו'.

גערעכט, שעה טובה איז דעמאלס צייט ארויסגעקומען אויף ענגליש אויך. אבער אין די עברית'ישע איז אויך געווען.

א שאד איך קען נישט לעזן היברא

לויט ווי מען ברענגט אים נאך דא זעט אויס ווי ער סטיקט איבעראל צו דעם זעלבן מעסעדזש. און אבי גערעדט איז נישט גענוג אלט צו געדענקן דעם ברך משה׳ס דאמאלסדיגע דרשות ווי ער איז קלאר געפארן כסדר אינעם זעלבן ריכטונג. אזוי אויך די צוואה רעדט בלויז פון ווילי. און די זאליס האבן קיינמאל נישט פרובירט צוצונעמען קרית יואל, הגם ווען ר׳ אהרן איז געגאנגען אין קאורט קעגן טאטן האבן זיי אים יא געדראעט מיט אזא זאך.

דעת תורה
fyi ר אהרן איז נישט געווען אין קארט קעגן ברך משה

אני הצעיר אלס א חסיד מהר"א האב איך באמת קיינמאל קיין שום פראבלעם געהאט אז ביידע רבי'ס האבן א מיליאן חסידים, אז ביידע רופן זיך סאטמאר רבי, ווער בין איך דען צו איינטיילן יענעם וועמענס חסיד צו זיין, אויב אזויפיל טויזענטער סאטמארע אידן ווילן ענדרעש ר' זלמן לייב, זאל זיין פאר סיי וועלכער סיבה, איז מען מחויב עס צו רעספעקטירן סיי אלס נימוס און סיי ע"פ תורה,

אבער,
מיין גרויסע פראבלעם וואס איך האב יא מיט ר' זלמן לייב'ן און משה גבאי עד היום הזה און מיט רעכט, אז די פארברעכערישע גזילה וואס זיי האבן געטאן, די אלע סאטמארע בנינים אין וומ"ב בעזעצט ער בגניבה וגזילה, ווילסט זיין א סאטמארע רבי געזונטערהייט אבער גנב'ע נישט יענעמס נכסים,

גאלד איף פארשטי דיין ווייטוג אבער ביזט נישט גערעכט

עס הייסט נישט געגנבט ווייל אויב פארשטייסטו אז זיי זענען רעכטיג צו האבן א מיינוג אויף די הנהגה דענצאטלס קומט זיך זיי בילדינגס, ווייל לשיטתך זענען זיי סטאמרא פונקט ווי דיר, איי וועסטו פרעגן ווטאס איז דאס צונעמען בילדינגס זיי וואלטען געדארפט איבערלאזען אפאר פאר ענק, נו אויף דעם איז די תירוץ מאנרא, בארא פארק, וכו' וואס אין אנדערע ווערטער איז עס א פעיר דיל.

איך וואלט ארויסגעברענגט דיי ווערטער אביסעל אנדערש, אז איך רעספעקט יענעמס מיינונג מיטן וועלן אן אנדער מנהיג אבער וואס איס געוען דאס רדיפה וואס מען האט געשינדען ר' אהרן'ס בליט כמכט ממש רציחה?

smart טייערע איך האלט גראדע יא אז ס'הייסט גע'גנב'ט, אפי' אויב אפשר וואלט ר' זלמן לייב זיך געקומען בנינים ע"פ דין, איז ער נאך אלס א גנב מדאורייתא פאר יעדן אינטש וואס ער באזעצט, פארוואס? ווייל גאנץ אנהויב ווען ער האט איינגענומען די נכסים פון די הייניטיגע ארונים, האבן די ארונים תיכף אן קיין צעגערייען אויסגעשריגן געוואלד "פלניא גזלנא!!", מ'האט געשיקט 3 הזמנות לדי"ת מיט א סירוב, גערופן אין קארט ביז אלבעני, די גאנצע וועלט, קינד און קייט האבן געזעהן ווי די ארויסגעווארפענע שרייען "לעינינו עשקו עמלנו", וואס איז געווען ר' זלמן לייב'ס אנטווארט "לכתחלה"? איך האב ענק אויפן בוידעם, דער רבי (ברך משה) איז בעה"ב קיין שום בי"ד קען זיך נישט אריינמישן, קיינער פארשטייט נישט תהלוכי הקהלה, וכו', זיך פארגלייזט די אויגן "ערכאות!!", "די גרעסטע קהלה", "רח"ל!!" וכו' וכו' וכו', צוליב אטער דעם איז ער א גנב, ווייל א מענטש וואס כאפט פון יענעם באלימות, מאפיאנעריש און טוט כלערליי דריידליך זיך צו ארויסדרייען לעמוד לדין איז ע"פ הלכה א מוחזק בגזילה,
משא"כ אין מאנרא, וואס האבן די ארונים דען געזאלט טאן? ר' זלמן לייב האט קיין איין איינציג מאל תובע געווען מאנרא פון ר' אהרן, מיטאמאל אין זייערע צייטונגען האבן זיי קיינמאל געהעריג געקלעימט אדער געשילדערט ווען און וויזוי פונקטליך מ'האט עס פון זיי צוגעגנבעט, הערשט שפעטער זענען זיי אויפגעקומען מיט א קאפשטיק אז "אויב" די ארונים ווילן וומ"ב וויל מיר אונז מאנרא, דאס הייסט נישט אז ס'קומט זיך דיר ע"פ דין, דאס מיינט "בלעק מעילן",

דעמאקראטיע

טענעדיג זיך מיט אן ארוני זאגט ער מיר אז אין גוטע צייטן פון ב''מ האט ער אלס ארויסגעוויזן אז ער וויל נאר ר' אהרןנען רופט זיך דארט אן איינער ''הו קעירס וואס דער ב''מ האט געוואלט דער עולם האלט געוואלט אין פרטיג אין דאס זעהט מען היינט באשיינפערליך וואס דער דער ב''מ האט יא אדער נישט געוואלט איז בכלל נישט רעלעוואנט

און די האלטסט נאך אז דו ביסט נישט קיין שונא פאר'ן ברך משה זצ"ל???

גאלד, אויב איך פארשטיי דיר גוט איז דיין ראיה אז עס איז גע׳גזל׳טע בנינים ווייל די זאליס האבן נישט געוואלט קיין דין תורה, שטימט? דאס מיינט אז אויב עס קען זיין א סיבה פארוואס די זאליס זאלן נישט וועלן קיין דין תורה אפילו זיי פילן באמת יא גערעכט, פאלט אוועק די גאנצע ראיה, שטימט?

ווער האט א לינק ביטע

איך מיין אז זיי האבען עס נישט אן ליין, אפשר קען איינער דא ארויף שטעלען א קאפי

אפי' הרה"ח ר' משה שיחי' פרידמאן קען זיך נישט איינהאלטן פון זיך אנליינען מיט די בלויע א.ג. גמרא'ס...

איך האף עס איז נאר א דזשאוק. משה פרי"מ אליין לערנט די בלויע גמרא? זיכער ס'יז בלוי? און ער אליין? מדארף שיקן צו א לאבראטארי פעסט שטעלן. אפשר איז עס א אנדערע ספר. און אויב איז עס ער זאל מען גוזר תענית זיין.
גיוו מי ע ברעיק. דער שיכור וואס איז ביי רובא דרובא ברך משה'ס חסידים דער נער פון שטאט. שוין צעהן יאר וואס ער לויפט לעקן יעדען ראצער מיט אלע לעפקעס וואס האבן אים פונקט ווי זיי האבן געהאט דעם רבי'ן און פון אים אליין רעדט מען דא.
איך ווייס נישט אויב איינער חוץ זיין לעקערס לייענען זיינע בויך דריקענישן וואס ער שרייבט יעדע שטיק צייט אין נישט היימישע אויסגאבעס. מהסתמא ברויך ער עס טון פאר זיין גילטי קאנטשעס.

גראדע ר' משה גלייכט נישט קיין אלקאהאל, איך פארשטיי נישט וויזוי דו רופסט אים אן שיכור. און דאכט זיך אז ר' משה האט נאך קינדער אין שטוב חתונה צו מאכן, איז וויאזוי נעמטסו די אחריות אים אנצורופן "א נער" ס'קען אים שאטן ביי שידוכים און אפשר אין די ביזנעס, מענטשן וועלן נישט טראסטן א נער אא"וו. ביטע כ'בעט דיר פארמעק דיין תגובה, האטס דען אזעלכע ברייטע פלייצעס? פליז פאררעכט עס בעוד מועד.

זר זהב

גראדע ר' משה גלייכט נישט קיין אלקאהאל,.

עמרם כהן טענה'ט אז יא,

איך האב שטארק געלאכט פון דעם אינטערוויו, ווי דער פרובירט זיך אראפצומאלן אלס דער חרדי'שער פירער פון דאס יהדות החרדית אין ארה"ב. יעדער פון ביידע צדדים רעספעקטירן אים און ווען מען שלאגט זיך אין מאה שערים מיט די משטרה איז דער ערשטער טעלעפאן קאל מאכן די מוחים צו משה פרידמאן.

עס קוקט מיר אויס ווי ער איז אויף א רייזע צו צעמענטירן זיין געזוכט אין די היסטאריע ביכער פאר אונזערע קינדער...

אזוי ווי אריק האב איך גאר געלאכט ביי דעם אינטערוויו, דער מענטש חלומ'ט אריין אדער האלט אז דער עולם איז פשוט אומוויסענד... דער שרייבט דארטן חלומות וואס ער וואלט ווען געהאט שטארק חשק אז ס'זאל זיין אזוי

גאלד

מיין גרויסע פראבלעם וואס איך האב יא מיט ר' זלמן לייב'ן און משה גבאי עד היום הזה און מיט רעכט, אז די פארברעכערישע גזילה וואס זיי האבן געטאן, די אלע סאטמארע בנינים אין וומ"ב בעזעצט ער בגניבה וגזילה, ווילסט זיין א סאטמארע רבי געזונטערהייט אבער גנב'ע נישט יענעמס נכסים,

געדענקט איר נאך, ווי תש"ס - תשס"א, האב די ארונים נישט אויפגעהערט צו "שרייען" בכל מיני קולות, אז די זאליס זענען די "יחידים" המשתלטים על ה"ציבור"???

און דאס איז געווען די גאנצע סיבה פארוואס מען גייט אין בי"ד, קארט וכו'. אן די טענה קומט זיך זיי גארנישט אין וויליאמסבורג.

גייט דורך עטליכע יאר, ביידע ווערן רבי'ס. און ס'שטעלט זיך ארויס קליפ און קלאר אז ר' ז"ל איז קלאר נישט דער יחיד המשתלט על הציבור. אדרבה, ער האט גאר די רוב, עכ"פ אין ויליאמסבורג, אן קיין צווייפל.

קענסטו מיר מסביר זיין פארוואס ר' ז"ל איז בגניבה אין יעדע אינטש פון די וויליאמסבורגע מוסדות בשעת רוב עולם איז מיט אים?

1, מהיכי תיתי אז דאס וואלט געווען דער יסוד הטענה
2, מהיכי תיתי אז רוב עולם איז מיט איהם, געדענק די שאלה איז ווער האט דאס רוב וואס זענען בארעכטיגט צו תובע זיין,
3, און דער עיקר סיבה פארוואס ליידער איז ער גנב מדאורייתא אפי' את"ל ער וואלט געזיגט ביי א בי"ד איז ווייל ער אנטלויפט פון א בי"ד כשר אזוי ווי בני ברק און בארא פארק,

ממילא, לענינינו ווילסט זיין סאטמאר רבי, געזונטערהייט, האסט טויזנטער חסידים געזונטערהייט, איך רעספעקט עס און איך געב די פולע בארעכטיגקייט, אבער פארוואס לא תגנוב, פארוואס זיצן אין יענעםס בנינים,

אזאלכע שטותים

כאב זיך דערמאנט נאך עפעס וואס האט מיך געמאכט אויספלאצן ביי דעם אינטערוויו, ער שרייבט דארט אז עס נעמט דעם גבאי צו דאווענען שחרית איבער 3 שעה, ווייל מענטשן שטייען אין די רייע זיך דורכצורעדן מיט אים עניני שידוכים, שלום בית און ביזנעס....

אריק

כאב זיך דערמאנט נאך עפעס וואס האט מיך געמאכט אויספלאצן ביי דעם אינטערוויו, ער שרייבט דארט אז עס נעמט דעם גבאי צו דאווענען שחרית איבער 3 שעה, ווייל מענטשן שטייען אין די רייע זיך דורכצורעדן מיט אים עניני שידוכים, שלום בית און ביזנעס....

וועם נעמט לענגער די רייע די רבי אדער די גבאי?

זר זהב

גראדע ר' משה גלייכט נישט קיין אלקאהאל

ממילא איז אלעס וואס ער זאגט און טוט איז ניכטערערהייט...?

זר זהב

גראדע ר' משה גלייכט נישט קיין אלקאהאל, איך פארשטיי נישט וויזוי דו רופסט אים אן שיכור. און דאכט זיך אז ר' משה האט נאך קינדער אין שטוב חתונה צו מאכן, איז וויאזוי נעמטסו די אחריות אים אנצורופן "א נער" ס'קען אים שאטן ביי שידוכים און אפשר אין די ביזנעס, מענטשן וועלן נישט טראסטן א נער אא"וו. ביטע כ'בעט דיר פארמעק דיין תגובה, האטס דען אזעלכע ברייטע פלייצעס? פליז פאררעכט עס בעוד מועד.

lol

דעת תורה

זר זהב

גראדע ר' משה גלייכט נישט קיין אלקאהאל,.

עמרם כהן טענה'ט אז יא,

עמרם כהן טענה'ט אז משה גלייכט אלקאהאל, און היסטאריע ווייזט אז עמרם כהן גלייכט בלוט, ודו"ק.

Pdf please

דער אינטערוויוער באקרוינט יעדע פון די 2 סאטמער'ס אלץ די גרעסטע אין די חסידות וועלט: "שעדיין כל אחת מהן לבדה גדולה יותר מכל חצר אחרת בעולם החסידי"

גור איז גרעסער ווי ביידע (עקסטער, פארשטייט זיך)

גור איז גרעסער ווי ביידע צוזאמען.
איך רעד וועגן חסידים, נישט וועגן טעלפאן בוך...

וואס הייסט, פון וואו נעמסטו דיין אינפארמציע?

סאטמאר איז קיינמאל נישט געווען ארום 'חסידות', טישן אדער די אנדערע שוואנצערייען. די אלע וואס געפונען זיך אינעם טעלעפאון ביך אפשר נישט אלע אבער רוב דרבו ציילן זיך אלס אנהענגער פון שיטת רבינו ויואל משה, און דאס = סאטמאר.

איז נאריש צו שרייבן אז גור איז גרעסער פון ביידע סאטמאר צוזאמען. כ'גלייב ניטאמאל אז זיי זענען גרעסער פון איינע

זר זהב

סאטמאר איז קיינמאל נישט געווען ארום 'חסידות', טישן אדער די אנדערע שוואנצערייען. די אלע וואס געפונען זיך אינעם טעלעפאון ביך אפשר נישט אלע אבער רוב דרבו ציילן זיך אלס אנהענגער פון שיטת רבינו ויואל משה, און דאס = סאטמאר.

ס'ווענדט זיך ווען און פאר וועם,
בימי רבינו זצוק"ל איז סאטמאר זיכער געווען איבער א רבי, קלאר, אינה"נ א שיטה אויך, אבער אלימלא סאטמאר וואלט נישט געהאט עפעס א איינגארטיגע שיטה, וואלט סאטמאר פונקט אזוי געווען סאטמאר בלויז צוליב דער רבי, דער צדיק אמת וואס טויזנטער מענטש האבן געזוכט זיך צו מדבק זיין אין איהם, גיין צו זיין טיש, זיך מתאבק זיין לעפר רגליו, וכדומה,

נאך זיין הסתלקות תשל"ט איז שוין א אנדערע מעשה, די אלע וואס האבן נישט אזוי געגליכן דעם נייעם רבי'ן דער ברך משה, האבן אנגעהויבן אדאפטירן א נייע מהלך אז סאטמאר איז לעולם קיינמאל געווען איבער א רבי, און איינער וואס איז א חסיד אמיתי פון דער נייער רבי, צו זאל זיין דער ברך משה צו ר"א אדער רז"ל, איז גאר קיין סאטמארער, ווייל דאס איז בניגוד סאטמאר, אבער דאס איז קלאר פאלש, אינה"נ איך קען פארשטיין אז ס'זענען דא אסאך וואס האלטן זיך טריי צו די שיטה פון סאטמאר רבי זצ"ל אבער האבן גארנישט איינגעלייגט מיט די ממלא מקומות, קען אפשר אויך אנגערופן ווערן א סאטמארער, איך זעה א דערהער, ווייל למעשה האט סאטמאר א אייגנארטיגע שיטה, און דער רבי'ס גאנצער מטרה איז זיכער געווען צו מגדל זיין א דור וואס גייט לויט דעם שיטה אפגעזעהן ווער דער רבי וואס זיצט בראש איז, אבער למעשה איז סאטמאר געווען א חסידות אויך, ער האט געפירט טיש, געפראוועט מענטשן, געבויט זיינע בתי מדרשים ומוסדות פאר די דורות הבאים, אלימלא וואלט עס ממש געווען בלויז א שיטה צו א באגריף, וואלט ער ווען זיך נוהג געווען ווי סיי וועלכער דענקער צו שרייבער מיט א געוויסער שיטה, מחבר געווען זיינע ספרים, און בלויז געהאלטן דרשות איבער זיין שיטה, און זיך געזיצן ווי א סיוויליען מענטש אליינס און א אפארטמענט מיט זיין רביצין, ותו לא, אלא מאי איז דא געווען נאך א ענין און סאטמאר, דער ענין פון אמונת צדיקים, דיבוק צדיקים, וכדומה,

newkave

גור איז גרעסער ווי ביידע צוזאמען.
איך רעד וועגן חסידים, נישט וועגן טעלפאן בוך...

אנטושלדיגט, וויפיל קינדער האבן זיי אין די מוסדות??
הא? אפשר קרוב צו די זאליס...

דו ווייסט וויפיל בחורים גור האט און זייערע ישיבות?

זיי האבן עוורידזש חתונה איבער א יאר שפעטער...