דער עולם מישט דא אויס צוויי ווערסיעס פין די מאווי, עס איז דא אן אלטער פין פאר די קריג אויף אידיש, און דער נייער אויף ענגליש, דער רב וואס ווערט דא דערמאנט איז פין דער ענגלישער מאווי. און דער אלטער ווערסיע, איז דער וואס שפילט טעביע, דער זעלבער וואס שפילט ר' סענדער אין דער דיבוק.
עוד מישהוסתם א פרט וואס איז גאר א וויכטיגע טייל אין די בוך, טביה האט מיין איך 7 טעכטער אויב געדענק איך גוט, יעדער איינער טרעפט אן אנדערע סארט בחור, איין מיידל האט ליב די שניידער, איינע האט ליב א אידישע רעוואלוציאנער, איינע א גוי, און נאך איין מיידל עפעס אן עושר, איין מיידל נעמט זיך דאס לעבן. וואו אין די פילם ווערן דערמאנט די לעצטע צוויי. נאך א פרט וואס שלום עליכם האט געשריבן אין בוך, אסאך פסוקים פון תורה, וואו אויך פון דאווענען און לערנען. אין פילם רעדט מען נישט פון אזעלכע זאכן.
עס איז נישט קיין שום עוולה צו מאכען פין זיבען טעכטער דריי, זיבען טעכטער איז אביסעל צו פיל פאר א מאווי, אפילו ווען מען מאכט א יציאת מצרים שפיל ברענגט מען נישט אלע זיבען טעכטער פין יתרו.
און זיי ברענגען גאר אסאך "פסוקים" פין די תורה און אסאך מדרשים אין די מאווי, וואס קען אויך זיין צו פיל, ווייל אונז ווייסען ווען אונז וואטשען די מאווי אז די פסוקים זענען נישט געשטויגען נישט געפלויגען, און פארשטייען די איראניע וואס ליגט אונטער די פאלשע פסוקים און מדרשים, משא"כ די גוים און פרייע אידען וואס קוקען די מאווי ווייל זיי ווילען פארשטיין אידישקייט, הייבען נישט אהן צו וויסען אז די פסוקים זענען פאלש, און מיינען די אלע זאכען זענען טאקע פסוקים, רח"ל......
בכלל איז דא חילוקים פין דער אידישער און דער ענגלישער, וואס זיי האבען משנה געוועהן לפי רוח הזמן, דער עיקר חילוק צו דער טאכטער וואס האט חתונה געהאט מיט דער גוי קומט צוריק צום טאטען צו נישט.
לגבי דער עצם ענין פין די "משכילישער" ביכער, און פארוואס עס איז געוועהן א סכנה און היינט נישט, ווייל היינט ווען אונז קוקען מיר צוריק צו דער אמאהליגער לעבען אין די ביכער זעהט מען גארנישט שלעכט טאקע, אבער אמאהל ווען מען איז געוועהן אין דער אמאהליגער לעבען, אין דער פארקראכטער שטעטל, מיט דער גאנצע עניות און טפשות, און א בחור האט געליינט די ביכער, האט עס אים געגעבען א גאר שטארקער חשק צו גיין ווערען א פראפעסער אדער קאמאניסט אדער פארען קיין אמעריקא למר כדאית ליה, ודו"ק היטב.
