א מורא'דיגע קידוש ה' איז פארגעקומען -און אייגענטלעך גייט נאך אן- ווען תלמידי וחסידי סאטמאר האבן פריש ארויסגעוויזן זייער געטריישאפט צו אנדערע אידן און ס'האט געוויזן די איינגעבאקענקייט פון מידת החסד וואס רביה"ק דברי יואל זי"ע האט אנגעפלאנצן אין זיינע קינדער (תלמידים הנקראים בנים)
פאריגע וואך דאנערשטאג האט כ"ק אדמו"ר מ'סאטמאר שליט"א (מהר"א) געהערט די חורבן וואס די הוריקעין סענדי האט איבערגעלאזט אין געוויסע אידישע געגענטער ווי פאראקאוועי, בעיסוואטער און סיגעיט, ווי צום ווייטאג איז די פעדעראלע ארגענעזאציע "פימ"א" ניטאמאל אנגעקומען. האט זיך די רבי פארבינדן מיט אפאר געטרייע עסקני סאטמאר פון וויליאמסבורג און זיי געבעטן אז זיי זאלן פרובירן צו העלפן.
קודם האט זיך אנגעהויבן א עסן דרייוו, ווי עסקנים זענען ארומגעלאפן צו גראסערי'ס און בעקערייען און געבעטן מ'זאל מנדב זיין עסן פאר אחב"י הנתונים בצרה. ווי אויך האט מען צוזאמגעשטעלט געלט אז מ'זאל קענען קויפן פרישע און רייכע סאפערס פאר די אידן דארט.
מ'האט אראנדזשירט באסעס פון מוסדות סאטמאר וויליאמסבטרג וואס האבן געטראגן סענדוויטשעס און געהעריגע מיעלס. ווי אויך חלות, פיש, פלייש און אפילו קאמפאוט מיט מיני מעדנים לכבוד שב"ק. א גרויס חלק איז געקומען פון די סאטמארע בוטשער.
ווען די עסקנים זענען זענען אנגעקומען האבן זיי געזעהן די חורבן. צענדליגע הייזער אנגעפילט מיט איבער 6 פיס וואסער. תיכף האבן זיך די עסקנים אריינגעווארפן צו פארשאפן גרויסע פאמפס און דזשענערעיטארס צו קענען צוריקשטעלן די הייזער צו נארמאל ווי ווייט מעגליך.
די עסקנים -אנגעפירט דורך ר' יואל איצקאוויטש (וויליאמסבורג שומרים 50), ר' יואל לאנדא (מענדזשער אין מוסדות סאטמאר ב"פ), ר' יואל פריעדמאן, ר' יואל שפילמאן (מענעדזשער ת"ת סאטמאר וומב"ג - בנין לעוו)- האבן זיך אריינגעלייגט און געברענגט נאך אסאך עסקנים און שומרים מעמבערס און ארויסגעפאמפט די וואסער פון הויז נאך הויז ווי ווייט מעגליך, אינדערצייט אויפגעשטעלט א פלאץ ווי מ'האט סערווירט ווארימע נאכטמאלס און אויסגעטיילט קליידער (בעיקר פאר קינדער) אז זיי זאלן זיך האלטן ווארעם אין אזא קאלטע וועטער.
ווי איינער וואס איז דארט געווען האט מיר איבערגעגעבן האבן זיי ארויסגענומען די וואסער פון אריבער הונדערט הייזער און אפאר בתי מדרשים.
מוצ"ש זענען די עסקנים צוריקגעגאנגן און מ'ליידיגט נאך יעצט אויס דירות פון וואסער. אין די זעלבע צייט האט זיך דער שר העסקנים והשתדלנים הרב ארי' לייב גלאנץ אריינגעלייגט אז 'פימ"א' זאל דארט אנקומען און ארויסהעלפן מיט וואס מעגליך!!!
קוקט
דא פאר בילדער
ווי אויך האט זיך נעכטן אנגעשלאסן -איינמאל אלעס איז שוין געווען מסודר אין קרית יואל- די עסקנים פון קרית יואל, מיט די חברה מצילי אש, אנגעפירט דורכ'ן טשיף ר' יצחק בערנאטה, און אינטער די פירערשאפט פון. פון ר' משה לייב וויטריאל, פאבליק סעיפטי דירעקטאר
קוקט
דא פאר נאך בילדער
אשריכם עסקני סאטמאר! אשריכם אלע וואלאנטירס! נאר דער אייבישטער קען ענק באצאלן!
