סימנא מילתא היא

ווער קען אביסל מאריך אין די צוויי מהלכים פון די ראשונים אויף די גמ' אמר אביי השתא דאמרת סימנא מילתא יהא רגיל איניש למיכל ריש שתא קרא ורוביא כרתי..

טייל האלטן עס ארבעט באופן סגולה, טייל האלטן ס׳ארבעט אלץ תפלה.
אין דעם ווענדט זיך די צוויי גירסאות למיכל אדער למחזי, דאכט זיך מיר.

געשריבן זייער קורץ ווער קען מסביר זיין, צוצייכענען פליז דא.

איך פיר זיך צוליינען דעם "איד" ר"ה מער ווי סתם א שבת, סימנא מילתא צו זיין א א "איד" א גאנץ יאר.

דער של"ה שרייבט דערגעגן אז מ'זאל עס באטראכטן ווי א סימן, ווייל דאס גייט אריין אין גדר ווי אוב וידעוני, ער זאגט אז די סימנים איז א ענין מעורר זיין להתפלל

מ'קען נישט מתפלל זיין צו זיין א איד, דאס איז אין די מענטשנס בחירה

רעדסט צו מיר? כ'בין נישט מתפלל, בלויז פאר א סימן/סגולה.

ס'איז 2 גירסות אין די גמ' אליין אין מס' כריתות ה: איז די גירסא יהא רגיל איניש למיכל, און אין מס' הוריות יב. איז די גירסא יהא רגיל למיחזי.

דער של"ה הק' זאגט אז לויט ביידע גירסות איז דער עיקר צו מעורר זיין דעם מענטש ער זאל מתפלל זיין אויף די זאכן

ר' יעקב עמדין אין סידור זאגט אויך אז מ'זאל עס עסן און נאכדעם מתפלל זיין שהדיבור בפה עושה רושם כמו שאמרו חז"ל אצל החלומות שהולכים אחרי הפה.

ר' שלמה קלוגר אין חכמת שלמה אויפן שו"ע ס' תקפ"ג זאגט אבער אז מ'עסט עס צו ווייזן אמונה ובטחון אז הקב"ה וועט שיקן די זאכן. נישט אלס תפלה.

אקצר כי בא מועד. ויהי רצון שיחדש עלנו שנה טובה ומתוקה,

זר זהב

איך פיר זיך צוליינען דעם "איד" ר"ה מער ווי סתם א שבת, סימנא מילתא צו זיין א א "איד" א גאנץ יאר.

שטימט זייער גוט לויט די גירסא יהא רגיל "למיחזי".

כ'האב אויך געלייגט מילך אין די קאווע מער ווי געווענליך.
החותך
חיים
לכל
חי

סופו תיבות איז נאר מסוגל פרר סוף יאר.
ביז דעלמאטס וואס וועט זיין?

זר זהב

כ'האב אויך געלייגט מילך אין די קאווע מער ווי געווענליך.
החותך
חיים
לכל
חי

אויך בכסא ליום חגינו איז ר"ת חלב.

אה דאס איז שיין!
און אויך צופרידנגעשטעלט נולד מאחור'ן.

מילך, כדי שתמליכוני עליכם. ווי אויך איז עס גימ' 100 כנגד מאה קולות.
פאס אבער אויף יום כיפור נישט צו טרונקען קיין מילך נישט צו דערמאנען דעם חטא העגל.

גאלד

דער של"ה שרייבט דערגעגן אז מ'זאל עס באטראכטן ווי א סימן, ווייל דאס גייט אריין אין גדר ווי אוב וידעוני, ער זאגט אז די סימנים איז א ענין מעורר זיין להתפלל

לויט די של"ה האט נישט קיין פשט זיך צוריקצוהאלטן פון עסן ביטערע און זויערע עסן.

איך האב געהערט פון איינעם אמאל אז ער עסט אייס-קריעם ראש השנה, ווייל "I Scream" פאר א זיס יאר

קלוג און יונג

איך האב געהערט פון איינעם אמאל אז ער עסט אייס-קריעם ראש השנה, ווייל "I Scream" פאר א זיס יאר

כמיין סקומט פין רב בלומענקראץ זצ''ל. סאיז דא דו אלע זשאקס. רעזינ'ס סעלערי וכדו'. סהערט זיך ווי א דשזאק אבער באמת איז עס גארנישט אנדערש ווי די סימנים וואס חז''ל געבען.
שני י לראש ולא לזנב וואס מיינט דאס פשוט פשט?
מיין דרש איז מען זאל טראכטן ניצען דעם קאפ ,נישט סתם נאכגיין ווי די וויידעל טוט.

יעצט באמערקט סאיז דא אן אשכול אויף אלע דזאקס פון די סמינים <!-- l --><a class="postlink-local" href="/topic/1833">viewtopic.php?f=10&t=1833</a><!-- l -->

מיר האבן יעצט געטינקען עפל אין האניג. לשנה טובה ומתוקה'