הכתרה פון ענגלישן קעניג

דער קרוינונג פון דעם קעניג, טשארלס דער דריטער.

אזא זאץ שלעפט אונז צוריק, אומוועלענדיג, צו דעם ווייטן פארגעסענעם אמאל. עס דערמאנט אונז די צייטן וואס אונז קענען נאר פון די דיקע, אלט-אידיש-געשריבענע, ביכער וועלכע שילדערן מיט גאפט, דער גלאררייכן אמאל און די אידישע צרות און מיטמאכענישן פון יענער פארגעסענע צייטן וועלכע אין פארגלייך צו די היינטיגע גזרות קוקן די שפעטערע אויס ווי א שפילצייג.

דער בריטישע מאנארך אדער דער קעניג פון גרויס-בריטאניע און צפון אירלאנד, איז אן איבערגעבליבענע שראפנעל פון די אמאליגע מאנארכיעס, זייערע רייכטום און מאכט. קוקענדיג אויף איהם, צוזעענדיג די כבוד און פראכט וועלכע ווערט פאר איהם אפגעראכטן, עפענט זיך א קליין שפאלט אינעם פארשטויבטן פענסטערל וועלכע קוקט צום ווייטן פארגאנגענהייט ווען דער קעניג איז געווען אין שפיץ פונעם פאלק, אינעם צענטער פון די רעגירונג און העכער דאס געזעץ.

די בריטישער מלוכה ווערט געפירט מיט א פאנאטישע פונקטליכקייט לויט די אלטע טראדיציאנעלער מנהגים און לעבנסשטייגער. אלעס אינעם ענגלישן פאלאץ האט א וועג וויאזוי עס ווערט געפירט, יעדער זאך האט א פלאץ און א צייט, אלעס איז אויסגערעכנט און מיט א סדר. און ווער רעדט נאך ווען עס קומט צו אזעלכע היסטארישע צערעמאניעס און פאראדעס, ווערן די טראדיציאנעלע פראצעדורן און ריטואלע איבונגען פארגרעסערט און פארמערט צו דער קלימאקס. אלעס ווערט געפירט מיט א פונקטליכן סדר און יעדער זאך וואס פאסירט האט א שטוינענדע ארדענונג.

זיך אומצוקוקן און צוזען וויאזוי זאכן ווערן געפירט אין אט די היסטארישע צערעמאניעס, איז איבערהויפט העכסט אינטערעסאנט און באצויבערנד.

דער קרוינונג קומט נאכדעם וואס זיין מאמע, דער פריעדיגע קעניגן, עליזעבעט דער צווייטע, איז געשטארבן און ער, וועלכע איז געווען דער דירעקטע יורש צו דעם טרוין, איז גלייך געווארן קעניג, נאכדעם וואס דער טרוין קען נישט בלייבן ליידיג לויט די ענגלישע געזעצן. דער טאג פאר דעם אפציעלן קרוינונג איז באשטומט געווארן שוין פאריאר סוף זומער נישט לאנג נאך דער טויט פונעם קעניגן און זינט דאן האבן זיך שוין אנגעהויבן די צוגרייטונגען און העפטיגע הכנות צום גרויסארטיגן קרוינונג.

דער קרוינונג אליין וועט פארקומען אינעם היסטארישן קירכע אין וועסטמיניסטער וואו טשארלס וועט זיין דער 40'סטע ענגלישע קעניג געקרוינט צו ווערן אין דעם ארט. דער קרוינונג ווערט אויסגעפירט דורך דער ארכיבישאפף פון קענטעבערי וועלכע טוט באשווערן דעם קעניג, זאלבט איהם מיט ספעציעלע אויל און דערנאך טוט אן דער קעניגליכע קרוין אויף זיין קאפ. דער קרוין מיט וועלכע דער בריטישע קעניג ווערט באקרוינט איז באקענט אלס אדווערט'ס קרוין און ציעט שוין א היסטאריע פון הונדערטע יארן. דער קרוין וועלכע איז געמאכט פון טייערע גאלד און דיאמאנטן איז זייער שווער צו האלטן אויפן קאפ און דעריבער גלייך נאכן קרוינונג טוישט מען דער קרוין צו דער לייכטערע אימפעריאל קרוין. דאן ווערט ער באצירט מיט עטליכע טייערע צירונגען און סימבאלישע געצייג און ער נעמט אין האנט דעם בריליאנטן שרביט צוזאמען מיט דעם ארב וועלכע איז א קריסטליכע צייכן פון מאכט און הערשאפט.

נאכן ווערן געקרוינט ווערט דער קעניג געפירט אין זיין קעניגליכן קאראטע געטריבן דורך באצירטע פערדן, צו זיין פאלאץ, מיט א פאראדע אויפן העכסטן קעניגליכן פארנעם, אין באגלייטונג פון די העכסטע פערזענליכקייטן און געערטע מיניסטארן און באגלייט מיט א מיליטערישע ארקעסטער.

דער גאנצע צערעמאניע וועט געדוירן בערך צוויי שעה ביז ווען עס וועט קומען צו אן ענדע.

טשיף ראביי מאכט א ספעציעלע תפלה

זיין בוגד'ל וועט זיין דארט?

לויט ווי עס הייסט יעצט וועט זיין זון הערי זיין אנוועזענט און זיין ווייב מעיגען וועט פארבלייבן אין קאלעפארניע.

דיכטער

לויט ווי עס הייסט יעצט וועט זיין זון הערי זיין אנוועזענט און זיין ווייב מעיגען וועט פארבלייבן אין קאלעפארניע.

נישט קאנאדע?

ווען מען הערט קול בחצרות הערט מען איבער מענטשן מיט מער פאוער א יעדן טאג.

ס'קומט אריין די נייעס אז די קרוינונג פון טשארלס III וועט זיין קורצער און מיט ווייניגער פאמפ ווי זיין מאמע'ס קרוינונג און די קרוינונגען פון די בריטישע מאנארכען פון די פארגאנגענע פאר הונדערט יאר, צווישן אנדערן וועט די בערפארשטייענדע מעמד געדויערן בלויז 1 שעה אין פארגלייך צו זיין מאמע'ס קרוינונג וואס האט געדויערט 3 שעה, און קעניגן וויקטאריע'ס 5 שעה. ווי אויך וועלן די באטייליגטע אדעללייט קומען מיט "נארמאלע" קליידונג אנשטאט די טראדיציאנאלע קליידונג, א רחמנות אויף די אדעללייט וואס ווארטן שוין זיבעציג יאר צו קענען אנטוהן זייערע קרוינעלעך אין פאבליק, די איינציגסטע מאל וואס זיי פלעגן דאס קענען טוהן פלעגט זיין ביים קרוינען א מאנארך, יעצט האט מען דאס פון זיי אויך צוגענומען. איין זאך וואס די אדעללייט וועלן יא פארדינען פונעם גאנצן געשעפט אז אנדערש ווי ביז היינט וועלן זיי ביי דעם בעפארשטייענדן קרוינונגס צערעמאניע נישט דארפן שטיין אין א רייע זיך צו בוקן צום קעניג, נאר דעם קעניג'ס קינדער און אייניקלעך וועלן זיך דארפן בוקן. אינטערעסאנט נאר אז די פארשווענדערישקייט און פאמפ פון די בריטישע קרוינונגס צערעמאניעס קומען אין גרויסנטייל פון די פארשריפטן פונעם היינטיגן קעניג'ס פארגייער, טשארלס II, וואס האט עס פארשריבן אין יאר 1661 קורץ נאך זיין צוריקקער פון גלות אין פראנקרייך (וואו ער האט באקומען א געשמאק אין די פארשווענדערישקייט פונעם הויף פון קעניג לואי XIV), יעצט קומט זיין אייניקל וואס טראגט זיין נאמען און איז עס מבטל..

מחונך

ווען מען הערט קול בחצרות הערט איבער מענטשן מיט מער פאוער א יעדן טאג.

די מענטשן איבער וועם מ'רעדט אין קול בחצרות האבן מער פאוער פונעם בריטישן קעניג.

א יעדער רבי'לע וואס זיין ווייב פירט א פלעיגרופ האט מער פאוער ווי אים מיט זיין מאמע צוזאמען.

נישט ריכטיג ער האט בעצם מער פאוער, נאר די ענגלישע מלוכה האט זיך געלערנט א לעסאן ביי טשארלס נישט צו טוהן וואס מען מעג....
אבער בעצם האבן זיי בעקיפון אסאך כח

קענסט אפשר געבן איין ביישפיל פון פאוער וואס ער האט מער פון א צווייטן? פאוער וואס ער האט ווייניגער פון א צווייטן ווייס איך, צ.ב. ער טאר נישט זאגן א פאליטישע מיינונג, איך און דו מעגן יא, אבער מאכט וואס ער האט מער פון א צווייטן האב איך נאכנישט געהערט.

טעארעטיש קען ער וועטאען געזעצן (אפילו ער טוט עס נישט, אויב געדענק איך גוט האט עס די קעניגן געניצט 3 מאל דורך'ן לעבן)
למעשה די האוז אף לורדס קען די קעניג אריין שטעלן וועם ער וויל, (און ער קען אויך פייערן, כאטש מטוט עס נישט) וויפיל ער וויל און א יעדע געזעץ דארף דארט אדורך גיין, סאו טעקניקעל קען ער אדורך פירן וואס ער וויל

דער סיבה פארוואס דער ענגלישער מאנארך טוט גארנישט ווייל אויב וועט פארדרייען זיין כוח פון טעאריע צו פראקטיק, וועט די רעגירונג מעלדן אז די פלעי האט זיך געענדיקט.

פארוואס האט ער מבטל מנהג געווען די גאנצע פאמפע?

מחונך

דער סיבה פארוואס דער ענגלישער מאנארך טוט גארנישט ווייל אויב וועט פארדרייען זיין כוח פון טעאריע צו פראקטיק, וועט די רעגירונג מעלדן אז די פלעי האט זיך געענדיקט.

וועט ער עס וועטאאירן... כ'מיין, לכאורה האט די רעגירונג נישט די מאכט דאס צו אפשטעלן.

Nanach

טעארעטיש קען ער וועטאען געזעצן (אפילו ער טוט עס נישט, אויב געדענק איך גוט האט עס די קעניגן געניצט 3 מאל דורך'ן לעבן)
למעשה די האוז אף לורדס קען די קעניג אריין שטעלן וועם ער וויל, (און ער קען אויך פייערן, כאטש מטוט עס נישט) וויפיל ער וויל און א יעדע געזעץ דארף דארט אדורך גיין, סאו טעקניקעל קען ער אדורך פירן וואס ער וויל

די פארשטארבענע קעניגן האט נאר אויסגענוצט איר וועטא מאכט איין מאל ווען ס'האט זיך געהאנדלט פון א געזעץ וואס איז געוועהן נוגע צו איר ווען פארלימענט האט געוואלט אוועקנעמען א טייל פון איר סימבאלישע מאכט... אין אנדערע פעלער האט זי געשטערט געוויסע געזעצן ווען דער פרעמיער מיניסטער האט איר געבעטן... דאס איז גארנישט אנדערש ווי אין אמעריקע וואו דער פרעזידענט האט א וועטא מאכט, נאר דארט דארף מען הייסן דעם מאנארך אונטערצושרייבן דעם וועטא... אויב וואגט זיך טשארלס III אויסצונוצן זיין טעארעטישע מאכט קען מען איהם אפילו אנקלאגן מיט מרידה במלכות, פונקט ווי מ'האט געטוהן מיט זיין פארגייער טשארלס I אום יאנואר פון 1649. (דעמאלטס האט מען אויך אינגאנצן מבטל געוועהן דעם מאנארכיע, און פאר 11 יאר האט ענגלאנד נישט געהאט קיין קעניג, ביז טשארלס II האט מסכים געוועהן צו זיין וואויל און פארלימענט האט איהם געלאזט צוריקקומען פון גלות.)

די גאנצע מלוכה איז בערך ווי קינדער שפילן חדר און איינער איז מנהל. טעארעטיש, מוזן זיי אים פאלגן, אבער מען קען אייביג מחליט זיין אז מען שפילט מער נישט.

מוזט פארשטיין וואס מיינט א Lord

דער קעניג האט נישט קיין שום פאקטישע כוח צו שטעלן א לארד. עס איז נאר אין טעאריע. אויב גייט ער עס טוען גייט די רעגירונג אים עפענען די אויגן און צונעמען פון אים אלעס. אפילו זיינע פאלאצן. עס איז דא א קאמפליצירטער הסכם צווישן די מאנארכיע און די רעגירונג וואס עס באלאנגט פאר וועמען. אבער דער גרעסטער וויץ איז אז די גאנצע מאנארכיע באלאנגט פאר די רעגירונג! עס איז בלויז אן אקט פון עטלעכע אקטיארן צו ברענגען געלט פאר די רעגירונג. דער פראבלעם איז אז די בריטישע המון עם האט עס נאכנישט געכאפט.

מחונך: די ענגלישע רעגירונג און דאס פאלק זענען זייער שטארק אריינגעלעבט אין טראדיציע. להבדיל אזוי ווי אידן. זיי טוען אלעס אזוי ווי זייערע עלטערן און זיידעס האבן געטון פאר הונדערטער יארן.

אויך איז מעגליך אז זיי ווילן נישט ארויסגיין פון זייער קאמפארט זאון און אויסטרייען נייע זאכן. דער היפוך פון דעם אמעריקאנעם ספיריט פון רעוואלוציאנערישקייט.

ערעב בערל. ריכטיג. אבער ווען מען טוט אדורך די היסטאריע פון די ענגלישע מלוכה און מען טוט אדורך וואס זיי זענען היינט, זעט מען אז דאס איז א "דזשאב" וואס נאר א ריכטיגער ליידיקגייער וועט אננעמען. אפילו זיצן אין קאווע שטיבל און אויסדריקן א מיינונג, אפילו אונטער א ניק, טאר ער אויך נישט.

מחונך

דער קעניג האט נישט קיין שום פאקטישע כוח צו שטעלן א לארד. עס איז נאר אין טעאריע. אויב גייט ער עס טוען גייט די רעגירונג אים עפענען די אויגן און צונעמען פון אים אלעס. אפילו זיינע פאלאצן. עס איז דא א קאמפליצירטער הסכם צווישן די מאנארכיע און די רעגירונג וואס עס באלאנגט פאר וועמען. אבער דער גרעסטער וויץ איז אז די גאנצע מאנארכיע באלאנגט פאר די רעגירונג! עס איז בלויז אן אקט פון עטלעכע אקטיארן צו ברענגען געלט פאר די רעגירונג. דער פראבלעם איז אז די בריטישע המון עם האט עס נאכנישט געכאפט.

עס איז מער פון דעם. טראדיציע און נאכמער גאווה איז זייער גרויס ביי די ענגלישע. די מלוכה דערמאנט זיי וועגן זייער אלטע היסטאריע ווען זיי האבן קאנטראלירט א האלבע וועלט

מחונך

דער קעניג האט נישט קיין שום פאקטישע כוח צו שטעלן א לארד. עס איז נאר אין טעאריע. אויב גייט ער עס טוען גייט די רעגירונג אים עפענען די אויגן און צונעמען פון אים אלעס. אפילו זיינע פאלאצן. עס איז דא א קאמפליצירטער הסכם צווישן די מאנארכיע און די רעגירונג וואס עס באלאנגט פאר וועמען. אבער דער גרעסטער וויץ איז אז די גאנצע מאנארכיע באלאנגט פאר די רעגירונג! עס איז בלויז אן אקט פון עטלעכע אקטיארן צו ברענגען געלט פאר די רעגירונג. דער פראבלעם איז אז די בריטישע המון עם האט עס נאכנישט געכאפט.

פארוואס זאגסטו אזוי? די קעניגן האט אריין געשטעלט א שיינע פאר. די וועג צו ווערן א לארד איז אדער בירושה אדער ווען די מאנארך שטעלט אריין און עס איז אנלימיטעד.
דאס איז חוץ מזה וואס די פריים מיניסטער דארף אפגעבן דין וחשבון פארן מאנארך וועכנטליך (וואס אויב די ווילסט וויסן וויפיל השפעה עס האט, טראכט ווי שווער עסקנים/לאביעסטן ארבעטן פאר א עפאוינטמענט מיט א פאליטישען)

קען מען זאגן אז איך האב מער power פונעם קעניג טשאלס דער דריטער?

ס'הייסט, מיין ווייב און אלע קינדער ציטערן פאר מיך איך פארפיר מיט מיין נארסיסטישע טענראמס און קיינער פון זיי וואגט זיך נישט מיך נישט צי פאלגן.

דער תירוץ איז עס איז דא אזאך וואס הייסט דיפלאמאטישע power אדער the power of words
און ווייל עפעס א רבי'לע האט אפאר צענדליק צו אפאר הינדרעט שוואנצנים וואס פאלגן זיינע קאפריזן, איז דער ענגלישע קעניג נאך אסאך מער מאכטפול מיט זיינע באגרעניצונגען און צערמאניאלע פליכטן

מחונך

ערעב בערל. ריכטיג. אבער ווען מען טוט אדורך די היסטאריע פון די ענגלישע מלוכה און מען טוט אדורך וואס זיי זענען היינט, זעט מען אז דאס איז א "דזשאב" וואס נאר א ריכטיגער ליידיקגייער וועט אננעמען. אפילו זיצן אין קאווע שטיבל און אויסדריקן א מיינונג, אפילו אונטער א ניק, טאר ער אויך נישט.

מחונך: מאן יימר?. נאר דער פאקט אז זיין גאנץ לעבן איז פראגראמירט. חוץ וואס ער האט משרתים און יוצר משרתים. אפילו זיינע קליידער וואס ער טוט אן טעגליך איז דא א באדינער וואס איז ממונה אויף דעם.

Nanach

פארוואס זאגסטו אזוי? די קעניגן האט אריין געשטעלט א שיינע פאר. די וועג צו ווערן א לארד איז אדער בירושה אדער ווען די מאנארך שטעלט אריין און עס איז אנלימיטעד.

און וויאזוי מיינסטו האט זי באשלאסן וועם אריינצושטעלן? די פרעמיער מיניסטארן איז ארויפגעקומען צו איר מיט א צעטל און איר געזאגט, "מאדאם, שרייבט דא אונטער אז איר באשטימט יואלי ציטראענעבוים אלס לארד", און זי האט ערפילט אירע "royal duties" און ברייטהארציג אונטערגעשריבן.

Nanach

דאס איז חוץ מזה וואס די פריים מיניסטער דארף אפגעבן דין וחשבון פארן מאנארך וועכנטליך (וואס אויב די ווילסט וויסן וויפיל השפעה עס האט, טראכט ווי שווער עסקנים/לאביעסטן ארבעטן פאר א עפאוינטמענט מיט א פאליטישען)

ווען זי איז א פשוט'ע רייכע לעידי קען זי דינגען א לאביאיסט סייוויסיי... קענסט זאגן סתם אזוי אז בילליאנערן האבן אסאך פאליטישע מאכט, און ס'וועט זיין אמת אויך...

למעשה גערעדט, אז מ'רעדט שוין פון די אייראפעאישע "constitutional monarchies", מיין איך אז די איינציגסטע אייראפעאישע מאנארך מיט עכטע מאכט איז דער פרינץ פון ליכטענשטיין. https://www.youtube.com/watch?v=rTiLTnWM7vQ&t=496s

דאס איז דאך ידוע אז די בריטישע מאנארכן זענען געווען זייער מאכטפול, אין אלע דורות. ווייל בריטאניע איז דאך געווען איינס פון די גרויסמאכטן. סיי מיליטעריש. און אויך אין קאמערס (האנדל) און אינדוסטרי.

מיין שאלה איז ווען האט זיך עס געטוישט אז די מאנארכן האבן פארלוירן זייער (עכטע) מאכט. און זענען נאר געווארן אויספיהרערס פון צערעמאניעס

ענגלאנד איז אייביג געווען א לאנד געפירט דורך לארדן אזוינע פריצים וואס האבן אויפגענומען דעם קעניג און א יעדע קעניג האט זיך זיך געמיזט זיך רעכענען מיט זיי אדער עכ"פ געפעלן פאר זיי, א באוויסטע קאפיטעל איז דער מאגנא קארטא אין יארע 1215 וואס האט ארויפגעלייגט באגרעניצונגען אויף John דער ערשטער א ברידער פון ריטשארד די לייבהארץ וואס האט אנגעפירט די לעצטע פון די קרייץ צוגען

הכתרה פין קעניג וועד זיין שבת דע טשיף ראביי וועד שלאפן אין פאלאץ נישט נכשל ווערן אין חילול שבת

@שמן למאור . איך דארף א היתר עס צי קענען מיטהאלטן לייוו.

שערי יושר

@שמן למאור . איך דארף א היתר עס צי קענען מיטהאלטן לייוו.

מלך פורץ גדר ואין מלך בלא עם..

אולי פיקוח נפש

מודעות לקראת די גרויסע שבת

קהילת נשמת ישראל טוהט צים זאך, געיבט א פיינע קידוש