אמונת צדיקים, אדער אמונת אדמורי''ם

כ'האב שוין לאנג געוואלט שרייבן אויף דעם נושא, כ'האב אלץ מורה אז ס'קען מיך (עצי) שטי''ם מאכן אויף אייביג, אבער איך מיין אז דא איז די פלאץ צו אויסליפטערן די אלע ענינים וואס מען קען נישט רעדן אדער שרייבן אויף קיין שום אנדערע פלאץ, אפילו עס קען זיין גאר א וויכטיגע ענין וואס קומט זיך צו ווערן ארויפגעלייגט אויפן טיש, וועל איך נעמען די מיה און שרייבן כיד השם הטובה,

איך וויל מקדים זיין, אז איך קום נישט אויסרייסן די גאנצע ענין פון אמונת צדיקים, איך גלייב אז עס איז אויך היינט דא אמת'ע צדיקים קדושים וטהורים, וכמאמר חז''ל, ראה הקב''ה צדיקים שהם מיעטין עמד ושתלם בכל דור, און כ'קען אויך די שטיקל תפארת שלמה אויפן פסוק ויאמינו בה' ובמשה עבדו, וואס ברענגט ארויס ווי וויכטעג אמונת צדיקים איז, און אפילו מ'פארשטייט נישט וכדומה, די שאלה איז נאר, ווער די צדיקים זענען...

ס'דא וואס זייער ציגאנג צום ענין איז דורך אוועקמאכן אלע תלמידי בעש''ט, ביז צו די בעש''ט אליין, שוין אפגערעדט אז די אלע 'אלעקסיי קפיצת הדרך מעשיות' גלייבן זיי נישט, נאר אפילו מקובל'דיגע מעשיות ווי למשל פונעם י''ג אורות, אדער מדריגת הצדיקים ווי גלוי אליהו, און שטארק אריינגעגעסענע מעשיות ווי דער ר''ר אלימלך פארברענט זיין האנט וכדומה וועלן זיי אויך אוועקמאכן כלאחר יד,
זיי וועלן אננעמען אז למשל די ראפשיצער רב, איז נישט מער געווען ווי עפעס א היינטיגע רבי'לע, וואס פארגלייבטע פארמאכטע חסידים האבן פשוט געגלייבט און א פיינע וואולע איד און פארציילט שיינע שטיתים וואס זיי האבן זיך איינגערעדט,

איך קען זיי נישט בלעימען פארן אזוי אננעמען, און כ'וועל שוין ציקומען פארוואס, אבער מיין ציגאנג איז אנדערש, און איך גלייב אז רובו ככלו פון באוויסטע רבי'ס ביז א דור צוריק, זענען געווען עכטע צדיקים בלתי לשם לבדו, נאר די לעצטע צענדליגע יארן האבן זאכן אנגעפאנגען צו אראפ פארן פון די רעלסן,

מיין טאטע זז''ג פלעגט אונז יעדע יאר חוה''מ סוכות נעמען איין נאכט פון מאנסי קיין בארא פארק, מיטציהאלטן די שמחות בית השואבות לרוב, אנגעפאנגען האט מען פארנאכטס, ביים שחרית פונעם סקולענער רבי'ן זצ''ל, (וואס פלעגט דאווענען גאר שפעט כידוע) דערנאך איז מען אריבער קיין ראכמוסטריווקא, דאן צו ביידע באבוב'ס דאן צו ר' משה וואלפסאן, דאן קיין מונקאטש, דאן קיין סטיטשין דערנאך קיין לעלוב 18,
געדנק איך ווי אלץ קליין קינד האבן אלע רביס ביי מיר געווען די זעלבע גרויס, וכמאמר החכם (??) מען מעסט נישט קיין צדיקים, ווען כ'בין אביסל עלטער געווארן האב איך געמאסטן די צדקות לויט די עולם און לויטן ווייסקייט פונעם בארד וכדומה,
אלץ בחור האב איך איינמאל אויפן וועג אהיים פונעם לאנגן נאכט געפרעגט מיין טאטע, זאג מיר ביטע, ווער איז די גרעסטע צדיק וואס מיר האבן היינט באזיכט? האט ער מיר געזאגט די פאלגנדע, איך גיי נישט מעסטן קיין צדיקים אבער מעגסט וויסן אז מיר זענען היינט געווען ביי צדיקים קדושי עליון וואס זענען כל כילו מיקדש פארן באשעפער און פאר זיין רצון, מיר זענען אויך געווען ביי פיינע ערליכע אידן, און אונז זעמער אויך געווען ביי שיינע שוי שפילערס,

די זאך איז מיר שטארק אריין און קאפ נישט יעדע ווייסע בעקעטשע מיינט א צדיק! (מען זאגט א ווערטל, פלייש איז נשתנה למעליותא לויט וואס מלייגט אים אריין אין, ווען מ'לייגט עס אריין און קרויט ווערט עס א האלאפטשע, ווען מלייגט עס אריין און טייג ווערט עס א קרעפל, און ווען מ'לייגט עס אריין און א קאלירטן באקיטשע ווערט עס א רבי,)

ס'דא היינט א גרויסע רבי וואס נאכן זיך סליוון האט ער פארלוירן אסאך, (פונט מיט חסידים) וואס איז פשט? ס'קען נאר מיינען איין זאך, ער פלעגט 'פרעסן' און היינט קען ער נישט איז ער געווארן דאר, מיט דעם אלעם זענען זיינע חסידים פארקויפט אז ער איז גרעסער פונעם בעש''ט

איך מיז דא ענדיגן און כ'וועל ממשיך זיין שפעטער, כ'האב נאך אסאך וואס צו שרייבן דא, אויב מ'וועט מיך לאזן

עצי שטים

געדנק איך ווי אלץ קליין קינד האבן אלע רביס ביי מיר געווען די זעלבע גרויס, וכמאמר החכם (??) מען מעסט נישט קיין צדיקים, ווען כ'בין אביסל עלטער געווארן האב איך געמאסטן די צדקות לויט די עולם און לויטן ווייסקייט פונעם בארד וכדומה

איך פלעג אמאל מעסטן לויט די מאס פרומקייט

רביה''ק זי''ע

עצי שטים

געדנק איך ווי אלץ קליין קינד האבן אלע רביס ביי מיר געווען די זעלבע גרויס, וכמאמר החכם (??) מען מעסט נישט קיין צדיקים, ווען כ'בין אביסל עלטער געווארן האב איך געמאסטן די צדקות לויט די עולם און לויטן ווייסקייט פונעם בארד וכדומה

איך פלעג אמאל מעסטן לויט די מאס פרומקייט

גאר א טיפע דערהער!

עצי שיטים: דיינע באמערקונגען און אבזערוואציעס זענען... כמים קרים על נפש עייפה...! ספעציעל דאס ווערטל וועגן פלייש. דאס האט מיך געמאכט שטארק לאכן. אדרבה. שרייב נאכמער און זיי מאריך ומרחיב את הדיבור איבער דעם גאר אינטרעסאנטן נושא...!

זייער שיין, עס איז וויכטיג צו געדענקען אז ווען מען רעדט פון א צדיק מיינט עס נישט קיין אדמור און ווען מען רעדט פון דעת תורה מיינט עס א רב נישט א רבי
עס איז באקאנט א מעשה פון סאטמארע רב ז״ל איינמאל האט ער געגעבן א שיעור אין א ליטווישע ישיבה און זיי זענען נתפעל געווארן פון די גאונות האט זיך איינער אנגערופן אז ער האט אלטס געמיינט אז עס איז דא צוויי יודן א תלמיד חכם און אן ערליכער יוד - א רבי. האט זיך סאטמארע רבי אנגערופן אז נאך אביסל גייט עס ווערן צוטיילט אין 3, א תלמיד חכם, אן ערליכער יוד, און א רבי,

לאמיר גיין ווייטער,
בערך פונעם בעש''ט ביז'ן צאנזער רב, האט די זוהן לאו דוקה איבערגענימען די רבי'סטעווע, נאר די חשובסטע תלמיד האט ווייטער געפירט די עדה הקדושה, ביז עס איז געטוישן געווארן, איך ווייס נישט פינקטליך די סיבה דערפון אבער אזוי איז געשען, און פון אנפאנג האט זיך עס גאנץ פיין אויסגעארבייט, בדרך כלל אז מ'וואקסט אויף און א הויז פון א קדוש עליון, מיטן אמאליגן דארף'ישע פארמאכטע לעבן, האבן די עפל געפאלן גאנץ נאנט צום בוים, און ס'איז געווענטליך געלונגען דעם קינדער אריבערנעמען מהלך (און חב''ד און נאך פלעצער איז עס מתחילה אזוי ציגעגאנגען)
נאכן קריג איז ציגעקומען צוויי זאכן, איינס, אז ס'איז געווארן אן אפענע וועלט, און צוויי, אז חסידות'ן זענען געווארן קאמפעניס וואס שטעלן צו סערוויסעס פארן עולם, זיי שטעלן צו א תלמוד תורה, מיידל שולע, ישיבה, שול, אמאל א בית שחיטה, מצוה בעקעריי, און זיי שטעלן אויך צו אן אדמו''ר, וואס די ארבייט פונעם אדמו''ר איז צו זיין סנדק, אפשערן די קינד, און זיין די מסדר קידושין, וכדומה, ער איז די פנים פונעם פארטיי, וואס פירט אמאל יא און אמאל נישט, אמאל מער און אמאל ווייניגער, וואס עס קימט פאר אונעם חסידות ( אזוי ווי ביידן אינעם ווייסן הויז)
ווי פלעגט נאר דעם יארמע רב (היינט יארמע ראש ישיבה) זאגן, פארוואס א רבי ווערט זיין זוהן א רבי, און א דיין'ס זוהן ווערט לאו דוקה א דיין, ...ווייל צו זיין א דיין דארף מען קענען...

און געוויסע חסידות'ן איז עס מער ווייניגער אפעציעל, מען לאכט פונעם רבינ'ס הייליגקייט, און מען ווייסט אז ער איז נישט מער ווי א פיינע איד וואס זיין טאטע איז געווען א הייליגע איד א קדוש וטהור, און ס'איז אויף אים ארויפגעפאלן די 'עול' צו פירן די חסידות, די פראבלעם איז אז און רוב חסידות'ן איז עס נישט אזוי, מען גלייבט אינעם רבי'ן ווי און גאט אליין און אמאל נאכמער, און דאס איז שוין אן ערנסטער פראבלעם, און ס'ברענגט צו ערנסטע פראבלעמען, און די ענין ווערט ערגער פון דור צו דור,

כ'וויל אריינהאקן, אז גראדע ביי רוב חסידות'ן, איז עס מער ווייניגער ב''ה נישט אז די רבי איז א באהאלטענע רשע, אדער פאפער ח''ו, נאר די רבי זיצט זיך און זיין אויסגעצאלטן גרויסע שיינע הויז, מ'ברענגט אים ווי ער וויל גיין מוט'ן שענסטן קאר, (נישט נאר די ריז'ינער רבי'ס, נאר אויך פון די צאנז'ע גזע, אתמה?!?) און א באגלייטונג פון צען גבאים, כאילו ער איז ווער ווייסט וואס, און בשעת מעשה קוקט מען נישט אהן קיין חשובע דיינים און חשובע אינגעלייט וואס פאקן איין דעם רבי'ן און ערליכקייט און אין צדקות צען מאל,

כ'רעד שוין נישט פון די 'צדיקים' וואס זענען די גרעסטע בעלי מחלוקת בימינו, און קריגן זיך ווי קליינע קינדער אויף נעמען פון שטעט און אונגארן, צו פוילן, אדער אזעליכע ענדליכע זאכן,
כוויל אנמערקן אז מחלוקת איז אויך געווען ביי גרויסע צדיקים, און ס'איז באמת למעלה מהשגתינו, ווייל זיי האבן געפאסט משבת לשבת, געדאווענט בהשתפחות הנפש שעות ארוכות, און זיך אויסגעטון צו העלפן א צווייטע איד, און דא שלאגט ער זיך, פיין כ'בין גרייט דאס אנצינעמען (הגם מ'קען זיין מחולק אויף דעם, קוק איך עס אהן אזוי, אז ס'איז העכער פון אונז קליינע מענטשעלעך)
אבער היינטיגע רבי'ס וואס חוץ מחלוקת טויג ער צו גארנישט, איז ער פינקט ווי מיין שכן א שיינער תלמיד חכם, וואס הרג'עט זיך מיט זיין ברידער, וועגן א שטיקל ירושה קרקע, גארנישט מער, דער רבי איז א פלעינע שיינע איד א תלמיד חכם ( אדער יא אדער נישט) א בעל מחלוקת,

ווען די רבי'ס וואלטן עכט געמיינט ארויסציהעלפן זייערע חסידים און געזיכט זייערע טובה, וואלטן זיי זיך אויפגעהויבן און געמאווט צו ביליגערע געגנטן, אז זייערע חסידים וואס גלייבן אזוי און זיי און קענען קוים דורכשטיפן די חודש, נאר צו קענען האבן די 'זכיה' צו וואונען נעבן דעם רבי'ן, זאלן האבן מער הרחבת הדעת, און קענען צאלן ווייניגער רענט, נאר וואס דען, די רבי איז גאנץ באקוועם ווי ער איז, און ער איז נישט גרייט אריינצישטעקן קיין פינגער און קאלט וואסער, צו העלפן זיינע אייגענע מענטשן,

כ'האב לאנג צוריק געהערט אויף קול הלשון, א געוואלדיגע שיעור פונעם פה מפיק מרגליות דעם חיסט'ן רבי'ן שליט''א, הרב גינזבערג, ווי ער רעדט פונעם נושא kids at risk און ער באשילדיגט די פאלשע רבי'ס, און די פאלשע חינוך און דעם (איך בין נישט מסכים צו אלעס וועס ער זאגט דארט, אבער ס'לוינט זיך צו אויסהערן)
כ'האב עס נאכגעזיכט צו קענען שרייבן דא, מ'קען עס טרעפן ביי 718-906-6400 דערנאך 3-4-8-1-1- (קודם דריי דערנאך פיר אא''וו) דערנאך איז עס אויף צוויי קעסטלעך, 55# און 56#,

איין זאך געדענק איך פון דארט, ווי ער לייגט אראפ ווי דעם אדמו''ר צינד חנוכה ליכט, און ציט סתם לאנג אויס די ברכה, לאו דוקה ווי ס'דא אסאך כוונת אר''י, זאגט ער אז באלט ווען ער גייט אריין און שטוב און ס'ווארט אים אפ די לאטקעס, נעמט נישט די ברכה אזוי לאנג, פון ווי ווייס איך? ווייל ווען נישט וואלט זיין באכעל נישט אויסגעזען אזוי, וד''ל

כ'וועל ענדיגן מיט א ווערטל, די הייליגע ראפשיצער רב האט אמאל ביים טיש ווען מ'האט געטיילט קאשע, גענומען אביסל דערפון און אויסגעגאסן אויף אזא רבי'לעס בעקיטשע, די רבי'לע איז געווארן ב'כעס און געשריגן ''פארוואס גיסטו אויס קאשע אויף מיין שיינע ווייסע בעקיטשע''? האט די ראפשיצער רב געענטפערט, ''אויף דיין ווייסע בעקיטשע האב איך שוין לאנג א קאשע (קשיא) ודפח''ח,

עצי שיטים: אז מ'רעדט פון צדיקים מוז עס נישט דוקא זיין אן אדמו"ר בן אדמו"ר. נאר ס'קען זיין א בעל בת'ישער איד אויך. ומעשה שהיה (איך מיין כ'האב עס שוין איינמאל פארציילט דא). וואס איך האב אליין צוגעזעהן. אלס באסדרייווער אין א געוויסע ישיבה אין בארא פארק איז מיר אויסגעקומען צו זיין דארט אין בילדינג פון די ישיבה פאר לאנגע שעות. האביך צוגעזעהן די פאלגנדע סצענע. אין קעיטערינג האלל וואס איז געווען אין בעיסמענט איז פארגעקומען א בר מצוה. פון א בחור'ל וואס זיין משפחה זענען אקארשט פריש געקומען פון ארץ ישראל. _ (בערך א האלב יאר). דער טאטע פן די משפחה האט געארבעט ביי א בעה"ב אין א פעקטארי. דער בעה"ב , א פארמעגליכער מענטש האט אויסגעצאלט די בר מצווה. ועוד. ער האט נאך אויסגעבארגט פאר די משפחה א (טייערע) ווידיאו קעמערע. אדורכגייענדיג דעם קעיטערער און דעם בעל שמחה האב איך אויפגעגכאפט דעם פאלגנדיגן דיאלאג. דער בעל שמחה האט פארלאנגט פון דעם קעיטערער עפעס עקסטרא. (כ'ווייס נישט פונקטליך וואס). האט איהם דער קעיטערער געזאגט היות דער בעה"ב באצאלט פאר די שמחה. און איך גיי טשארדזשן עקסטער פאר דעם מוזסטו רעדן צו איהם. דער בעל שמחה איז געגאנגען פרעגן זיין בעה"ב (אויב ער ערלויבט עס). געוויינליך. ווען א מענטש באצאלט פאר יענעם'ס שמחה. אויב יענער פארלאנגט נאך עפעס וועט ער ענטפערן מיט א בייזע שטימונג. אדער עפעס אונטער'ן נאז. יא. איך בין מסכים...! אבער דער איד, דער בעה"ב האט געענטפערט מיט אזא שמחה...יא...זיכער...ווי גלייך ס'וואלט געווען די שמחה פון זיין אייגן קינד...! האביך דאמאלס איינגעזעהן אז א צדיק מוז נישט דווקא גיין א געבלומטע בעקישע וואס זעהט אויס פונקטליך ווי די. קלייד פון זיין רעבעצין. נאר ס'קען זיין א בעלהבית'ישער איד מיט א נעקטיי אויך...!

זייער א שיינע מעשה ר׳ בערל, איך מיין אז איר מעגט מפרסם זיין דעם נאמען פונעם בעה״ב.

א יוד זאגט מיר אז ער איז א שוחט פרעג איך אים זייט ווען דו דרייווסט געווענטליך א באס, זאגט ער מיר וואס הייסט מיין זיידע איז געווען שוחט אין פעסט

קויפער

זייער א שיינע מעשה ר׳ בערל, איך מיין אז איר מעגט מפרסם זיין דעם נאמען פונעם בעה״ב.

ניין: איך דארף קודם בעטן רשות...!

נפה

א יוד זאגט מיר אז ער איז א שוחט פרעג איך אים זייט ווען דו דרייווסט געווענטליך א באס, זאגט ער מיר וואס הייסט מיין זיידע איז געווען שוחט אין פעסט

נפה: מיין זיידע איז אויך געווען א באס דרייווער, אין די שטאט זיטאמיר. ס'איז נאר נישט געווען דארט קיין באסעס. נאר א פערד און וועגעלע...!

יעצט, ס'דא אפאר חסידות'ן וואס זענען לאקי, און ס'איז געלונגען, און די אדמו''ר איז יא אויסגעשטיגן א איש קדוש, בלתי לשם לבדו, בלי שום פניות, און איך בין עדות צו אפאר פון די, וואס איך האב פראזענליך מיטגעהאלטן, ווי די רבי'ס רייסן אוועק פון זיך פארן באשעפער, און אויף זיי איז געזאגט געווארן, עמד ושתלם בכל דור,
ווי למשל, האדמו''ר מאמשינאב, און האדמו''ר מפשעווארסק, ואדמו''ר מראכמאסטריווקא, (ביידע) וואס האבן איבערגענימען די הנהגה פון זייער פאטער, און ס'שטעלט זיך ארויס אז ס'איז גוט אויסגעקומען
(נישט צו זאגן אז דאס איז עס, ס'איז דא נאך, איך כאפ אהן דיע צדיקים אלץ משול, ואידך פרישא זיל גמור, זייטס ביטע א מבין דבר מתוך דבר,)

איז אויב ביסטו פון די מזל'דיגע, און די ביסט און אזא חסידות, דאן אשרי לך ואשרי חלקך, זיי מחנך דיינע קינדער צו האבן די אמת'ע אמונת צדיקים, און מקיים זיין די הוה מתאבק בעפר רגליהם, און ניצן די רבי אלץ א מורה דרך, פארשטייט זיך מיט שכל, און פרעגן כסדר אויב מ'האט א שאלה וואס מ'קען נישט אליין ציקומען צום ריכטיגן תירוץ, צו באקומען א תשובה מיט סייעתא דשמיא, בלי שום נגיעות,

אבער אויב ביסטו פון די נישט אזוי לאקי חסידות'ן, און די רבי איז נישט מער ווי א שטרוי זאק, אדער אפילו ער איז גאנץ א פיינע איד, דאן זיי נישט מעביר את בנך למולך,
טראג זיי צי אנדערע צדיקים אדער משפיעים וואס זענען לאו דוקה רבי'ס, ווי למשל, ר' צ''מ זילבערבערג, אדער הרב מרדכי שטיינער, אדער צום סקולענער רבי'ן, מאך קלאר פאר זיי אז א רבי מיינט לאו דוקה א צדיק, און ווען מ'קוקט אויף 'אונזער רבי'ן ווי ער עסט די פיש, שעפט מען 'נישט' קיין יראת שמים
(יעדער קען טון וואס ער וויל, און אויב ווילסטו דערווייטערן דיין זוהן פון סיי וועלעכע אדמו''ר אדער ערליכע איד, איט''ס א''פ ט''ו י''ו, איך רעד נאר פון די וואס ווילן יא אז זייערע קינדער זאלן זיך דרייען ביי ערליכע אידן, זאלן זיי כאטש וויסן, ווער איז וואס)

ס'איז אפאר יאר צירוק אוועק א צדיק אמת ממש ,פונעם פריערדיגן דור, און זיין איינציגע זוהן, א שטיקל ליידיגייער און ביזנעסמאן, האט איבערגענימען די חסידות, און ער פירט עס ביד רמה, טאקע אנפאנג איז עס געווען א געלעכטער, אבער וויאזוי ס'גייט איז, אז די יונגווארג וואקסן אויף, און מ'פאמפט פאר זיי און זיי פאמפן ווייטער די זאך, ביז ער ווערט שוין באלט אויך א זקן האדמור'ם, זאל מען זיך נישט לאזן פאפן פון די אלע שטותים,

היינט איז אויך דא א קאפריז, אז ס'וואקסן ארויס יניקא'ס ווי שוואמלעך נאך א רעגן, און ביי דעם איז אויך דא דעם כלל, יעצט איז ער נאך א אינגערמאנטשיקל, וואס האט נאך פאן מיט זיין ווייב, וד''ל, מ'דארף זעהן וויאזוי עס וועט זיך אויסארבייטן, ביי טייל יניקא'ס האט זיך עס פיין אויסגעארבעט (כ'רעד פון וואס זענען שוין היינט אלט) און ביי טייל, זענען זיי נאך היינט יניקא'ס

תן לחכם ויחכים עוד

איך האב הנאה פון דיין טאטעס ווארט אז מ'מעסט נישט קיין צדיקים אבער מ'דארף וויסן אז אונז זענען געווען ביי צדיקים און ביי שאו שפילער....
איך האלט אז ווען דו געבסט נעמען פאר משלים הרגעסטו אפ דו גאנצע זאךף איך האב געזעהן ציווישן די ליסטע פון די צדיקים וואס דו האלסט יא, איז אויסגערעכנט אזעלכע וואס זענען נישט אינגאנצן סטאביל, און אגב די צדיקים פון פארן קריג האבן שוין דעמאלטס זיך אפגערעדט אויף די "היינטיגע" רביס וואס מאכן א חורבן, סאיז נישט קיין נייע פראבלעם.

תרמב: איך וועל מיך דינגען מיט דיר. אז די אלע וועלכע ער האט אויסגערעכנט זענען יא גרויסע און אמת'דיגע צדיקים. איך קען דיר פארציילן מעשיות (א טייל וואס איך האב אליינס צוגעזעהן)... נעם למשל דעם ראחמיטריווקא רבי'ן ( פון ברוקלין). ביי איהם האביך געזעהן אזא מין עניוות און פשטות וואס ס'לאזט זיך נישט באשרייבן. וויאזוי ער פלעגט אריינקומען צום טיש. ממש כאילו כפאו שד. אויסער די פיהל מעשי צדוקה וחסד וגמ"ח וואס ער האט געטון פאר אידן. ער איז געווען (אין די פריערדיגע יארן. אפשר נאך היינט אויך, לרפו"ש) כולו חסד און אהבת ישראל. (איך האב דאך דא נישט גערעדט פון דעם (העיליגן) שוואגער אין א קלעין שטעטל אין ראקלענד קאונטי.)...!

כתוב בתורה: השופט אשר יהיה בימין ההם. (כ'געדעינק נישט פינקטליך די לשון)

פרעיגט די גמרא, צי וועים דען זאל מען גיין, צי די שופט פון א דור ציריק, ער לעיבט דאך שוין נישט? אלא לומר לך שיפתח בדורו כשמואל בדורו.

די תורה האט שוין פארגעזעין די טענה אויף היינטיגע רבנים, איי ווי נעמט מען ציריק די אמאליגע צדיקים, אונזער יפתח איז געוועין א "בן זונה" (לדוברי עברית: תרתי משמע) און דאך כשמואל בדורו.

עס איז דא א לשון אין עובר אורח פון דער אדר״ת אז אל השופט אשר יהיה בימים ההם איז נאר צו פאלגען זיין פסק אבער נישט צו געבן כבוד
(איך האב עס נישט אונליין קען איך נישט ברענגען קיין לינק אבער עס איז אין די צווייטער האלב ספר)
ועיין רש״ש שם ראש השנה כה עמוד ב

קהל'ס נער

כתוב בתורה: השופט אשר יהיה בימין ההם. (כ'געדעינק נישט פינקטליך די לשון)

פרעיגט די גמרא, צי וועים דען זאל מען גיין, צי די שופט פון א דור ציריק, ער לעיבט דאך שוין נישט? אלא לומר לך שיפתח בדורו כשמואל בדורו.

די תורה האט שוין פארגעזעין די טענה אויף היינטיגע רבנים, איי ווי נעמט מען ציריק די אמאליגע צדיקים, אונזער יפתח איז געוועין א "בן זונה" (לדוברי עברית: תרתי משמע) און דאך כשמואל בדורו.

קהל'ס נער: דו ביסט גערעכט. קיינער זוכט נישט אז זיין רבי זאלל זיין אזוי גרויס ווי משה רבנו. אבער דער רעבע פון א קלעין שטעטעלע אין ראקלענד קאונטי איז דאך א גאנץ אנדערע פרשה. ס'איז נאך א חילוק פון הימל ביז ערד פון ראחמיסטריווקא רבי מיט זיין שוואגער דער העיליגער רעבע. ערעב ביציקל (וויאזוי מ'האט איהם גערופן אין סקווירא נאך די חתונה. ווען ער האט נאך געוואוינט אין העיליגן שטעטל. נעבן זיין גרויסן שווער זצוק"ל. איז אייביג געווען א געוואלדיגער ענוותן. שייף עייל . שייף נפיק ולא מחזיק טיבותא לנפשיה...!...!

קהל'ס נער

כתוב בתורה: השופט אשר יהיה בימין ההם. (כ'געדעינק נישט פינקטליך די לשון)

פרעיגט די גמרא, צי וועים דען זאל מען גיין, צי די שופט פון א דור ציריק, ער לעיבט דאך שוין נישט? אלא לומר לך שיפתח בדורו כשמואל בדורו.
די תורה האט שוין פארגעזעין די טענה אויף היינטיגע רבנים, איי ווי נעמט מען ציריק די אמאליגע צדיקים, אונזער יפתח איז געוועין א "בן זונה" (לדוברי עברית: תרתי משמע) און דאך כשמואל בדורו.

דאס מיינט אז מען זאל פאלגען דעם צדיק פונעם דור, נישט קיין CEO פון קיין קאמפעניס, נישט פון וואלמארט און נישט פון קהילתינו הקדושה,

תרמב

איך האב הנאה פון דיין טאטעס ווארט אז מ'מעסט נישט קיין צדיקים אבער מ'דארף וויסן אז אונז זענען געווען ביי צדיקים און ביי שאו שפילער....
איך האלט אז ווען דו געבסט נעמען פאר משלים הרגעסטו אפ דו גאנצע זאךף איך האב געזעהן ציווישן די ליסטע פון די צדיקים וואס דו האלסט יא, איז אויסגערעכנט אזעלכע וואס זענען נישט אינגאנצן סטאביל, און אגב די צדיקים פון פארן קריג האבן שוין דעמאלטס זיך אפגערעדט אויף די "היינטיגע" רביס וואס מאכן א חורבן, סאיז נישט קיין נייע פראבלעם.

די נעמען איז נישט די פוינט, איך האב געמיינט צו ברענגען משלים פון אידן וואס זענען אינגאנצן דא פארן באשעפער און פאר א צווייטע איד, קען זיין אז ס'דא פון די וואס איך האב אויסגערעכנט, וואס זענען ווי די רופסט עס נישט סטאביל, מעגליך אז עס איז אמת, אבער נישט דאס איז די נקידה, אפשר איז ער נישט אזוי שיין געביגלט ווי רבינו שליט''א, און ער מאכט נישט אזוי זיכער אז די פיקטשערס פון אים זאלן אזוי שיין אויסקוקען, אבער הצד השוה פון די אלע וואס כ'האב אויסגערעכנט, אז זיי זענען גאר דערהויבענע אידן, וואס לעבן א טפח העכער ווי אונז אלע, און אויך פון רבינו שליט''א,
אבער נאכאמאל, אויב ס'געפעלט דיר נישט אלע נעמען וואס כ'האב געשריבן, דאן מעק עס דיר אויס, און לאז איבער נאר וועמען דיר געפעלט, די פוינט בלייבט די זעלבע

עצי שטים

קהל'ס נער

כתוב בתורה: השופט אשר יהיה בימין ההם. (כ'געדעינק נישט פינקטליך די לשון)

פרעיגט די גמרא, צי וועים דען זאל מען גיין, צי די שופט פון א דור ציריק, ער לעיבט דאך שוין נישט? אלא לומר לך שיפתח בדורו כשמואל בדורו.
די תורה האט שוין פארגעזעין די טענה אויף היינטיגע רבנים, איי ווי נעמט מען ציריק די אמאליגע צדיקים, אונזער יפתח איז געוועין א "בן זונה" (לדוברי עברית: תרתי משמע) און דאך כשמואל בדורו.

דאס מיינט אז מען זאל פאלגען דעם צדיק פונעם דור, נישט קיין CEO פון קיין קאמפעניס, נישט פון וואלמארט און נישט פון קהילתינו הקדושה,

נא פון דעים רעד איך דאך, יפתח איז קיין צדיק ניט געוועין ווארעם געדרייט האט ער זיך מיט "אנשים ריקים" ווי ס'ווערט געברעינגט אין פסוק, ער איז געוועין א גרויסע טראבל מעיקער, האט געשפילט פאליטיק מיט פנחס בן אלעזר בן אהרן הכהן, געמאכט פון זיין טאכטער א קורבן (אויף דעים פעילט אויס א באזינדערע אשכול, וויאזוי מען קען מאכן א מענטש פאר א קרבן), געגאנגען אין מלחמה מיט שבט אפרים, בקיצור ער איז געוועין CEO פון .Israel & co, גארנישט בעסער ווי אונזערע מנהיגים.

@עצי שטים
אין די משנה שטייט אמונת חכמים, פון ווי נעמסטי אזא זאך ווי אמונת צדיקים?

שמעון וואלף

@עצי שטים
אין די משנה שטייט אמונת חכמים, פון ווי נעמסטי אזא זאך ווי אמונת צדיקים?

סא לויט דיך דארף מען האבן אמונת חכמים אין דארווין, פרויד, שפינוזה און איינשטיין?

קהל'ס נער: דעריבער זאגן מיר אמונת צדיקים. ווייל אמונת חכמים אליין אז נאכנישט גענוג. אזוי ווי די חכמים וואס דו האסט דא אויסגערעכנט. נאר אמונת צדיקים מיינט אזעלכע חכמים וועלכע זענען אויך צדיקים. ווי ס'שטייט אין פסוק..."ראשית חכמה יראת ה'."...אויך ווי די משנה זאגט (מס' אבות) ..."כל שיראתו קודמת לחכמתו חכמתו מתקיימת". וכו'...!

שמעון וואלף

@עצי שטים
אין די משנה שטייט אמונת חכמים, פון ווי נעמסטי אזא זאך ווי אמונת צדיקים?

די לשון אמונת צדיקים איז טאקע א שפעטערדיגע אויסדריק וואס תלמודי בעש''ט האבן געניצט,
אבער אפילו די לשון אמונת חכמים מיינט אויך צדיקים, מען פלעגט אמאל אנריפען די תנאים ואמורים מיט די לשון 'חכמים'

קהל'ס נער

עצי שטים

קהל'ס נער

כתוב בתורה: השופט אשר יהיה בימין ההם. (כ'געדעינק נישט פינקטליך די לשון)

פרעיגט די גמרא, צי וועים דען זאל מען גיין, צי די שופט פון א דור ציריק, ער לעיבט דאך שוין נישט? אלא לומר לך שיפתח בדורו כשמואל בדורו.
די תורה האט שוין פארגעזעין די טענה אויף היינטיגע רבנים, איי ווי נעמט מען ציריק די אמאליגע צדיקים, אונזער יפתח איז געוועין א "בן זונה" (לדוברי עברית: תרתי משמע) און דאך כשמואל בדורו.

דאס מיינט אז מען זאל פאלגען דעם צדיק פונעם דור, נישט קיין CEO פון קיין קאמפעניס, נישט פון וואלמארט און נישט פון קהילתינו הקדושה,

נא פון דעים רעד איך דאך, יפתח איז קיין צדיק ניט געוועין ווארעם געדרייט האט ער זיך מיט "אנשים ריקים" ווי ס'ווערט געברעינגט אין פסוק, ער איז געוועין א גרויסע טראבל מעיקער, האט געשפילט פאליטיק מיט פנחס בן אלעזר בן אהרן הכהן, געמאכט פון זיין טאכטער א קורבן (אויף דעים פעילט אויס א באזינדערע אשכול, וויאזוי מען קען מאכן א מענטש פאר א קרבן), געגאנגען אין מלחמה מיט שבט אפרים, בקיצור ער איז געוועין CEO פון .Israel & co, גארנישט בעסער ווי אונזערע מנהיגים.

די חילוק איז, אז יפתח איז געשטעלט געווארן אלץ שופט, דורכן באשעפער, (נבואה וכדומה) נישט אזוי ווי היינטיגע רביס וואס ס'פאלט צו זיי אריין א רביסטיווע, והשנית, אדמורי''ם האבן נישט קיין דין ווי א שופט וואס מען דארף פאלגן

זייער א געשמאקע אשכול, ווילאנג עס איז געשריבן מיט רעספעקט, אדרבה ואדרבה!

berlbalaguleh

קהל'ס נער: דו ביסט גערעכט. קיינער זוכט נישט אז זיין רבי זאלל זיין אזוי גרויס ווי משה רבנו. אבער דער רעבע פון א קלעין שטעטעלע אין ראקלענד קאונטי איז דאך א גאנץ אנדערע פרשה. ס'איז נאך א חילוק פון הימל ביז ערד פון ראחמיסטריווקא רבי מיט זיין שוואגער דער העיליגער רעבע. ערעב ביציקל (וויאזוי מ'האט איהם גערופן אין סקווירא נאך די חתונה. ווען ער האט נאך געוואוינט אין העיליגן שטעטל. נעבן זיין גרויסן שווער זצוק"ל. איז אייביג געווען א געוואלדיגער ענוותן. שייף עייל . שייף נפיק ולא מחזיק טיבותא לנפשיה...!...!

געוואלד רבי בערל איר האט פארגעסן צו שרייבן ווייס/וועיס נישט! עס שמעקט נישט גוט... לויף צום דאקטאר זאל דיר תיכף אונטערזוכן, נעם א קאלאנאסקאפי, און מאך זיכער אז דו ביסט בסדר ביז 120.

שמעקעדיג: איך וועיס...לאל אז איך האב פארגעסן...נו, אויף דעים ביסטו דאך דא מיר צו דערמאנען...יישר כח...!

ס'איז א רחמנות צו זעהן וואו די פאלטשע רשעותדיגע אדמו"רים האבן גענומען דעם עם חכם ונבון און פארפירט אזש א גרויס חלק ציבור זענן אזוי פארנערישט געווארן אז זיי גלייבן נעבך און שטותים והבלים אשר אין הדעת סובלתן.

ס'איז שוין העכסט צייט אויסצושרייען אז על הצדיקים מיינט מען נישט די קעדילעק פאהרערס און ועל החסידים מיינט מען נישט די פארענטשעס טאנצערס

Hadasim

ס'איז שוין העכסט צייט אויסצושרייען אז על הצדיקים מיינט מען נישט די קעדילעק פאהרערס און ועל החסידים מיינט מען נישט די פארענטשעס טאנצערס

ר' אהרן קאטלער איז אמאל געווען אין א חסידישן ביהמ''ד צו דאווענען מנחה, איז צוגעקומען א איד און זיך געוואלט רייצן מיט אים, האט ער אים געפרעגט, וויאזוי מעג די ראש ישיבה דא דאווענען, ס'דאך דא א חרם פון די תלמידי הגר''א קעגן די חסידים?
האט אים ר' אהרן געענטפערט, זיי האבן געמאכט א חרם קעגן 'חסידים' נישט קעגן קיגל עסערס

עצי שטים

שמעון וואלף

@עצי שטים
אין די משנה שטייט אמונת חכמים, פון ווי נעמסטי אזא זאך ווי אמונת צדיקים?

די לשון אמונת צדיקים איז טאקע א שפעטערדיגע אויסדריק וואס תלמודי בעש''ט האבן געניצט,
אבער אפילו די לשון אמונת חכמים מיינט אויך צדיקים, מען פלעגט אמאל אנריפען די תנאים ואמורים מיט די לשון 'חכמים'

קהל'ס נער

שמעון וואלף

@עצי שטים
אין די משנה שטייט אמונת חכמים, פון ווי נעמסטי אזא זאך ווי אמונת צדיקים?

סא לויט דיך דארף מען האבן אמונת חכמים אין דארווין, פרויד, שפינוזה און איינשטיין?

אמונת חכמים מיינט אמונת תלמידי חכמים, אז ווען זיי זאגן וואס די תורה מיינט אויף א געוויסע זאך זאל מען זיי פאלגן. קוקטס אריין אין די מפרשי המשנה.
אמונת צדיקים מיינט אז מ'דארף גלייבן אז צדיק גוזר והקב"ה מקיים וכמבואר בספר תולדות יעקב יוסף פרשת יתרו אויפ'ן פסוק וגם בך יאמינו לעולם, עיי"ש ותמצא נחת. מ'דארף נישט גלייבן אויף יעדע צדיק אז ער קען ליינען מחשבות און איז א יודע עתידות ובעל רוח הקודש.

דוד המלך ע"ה זאגט אונז שוין אין תהילים: אל תבטחו בנדיבים בבן אדם שאין לו תשועה. תצא רוחו ישוב לאדמתו ביום ההוא אבדו עשתונותיו. אשרי שקל יעקב בעזרו שברו על ה' אלוהיו.

ס'איז נישט פארהאן ביטחון אין מענטשן נאר און גאט ב"ה אליין.

אנדערע האבן שוין אנגעמערקט אז די בעגריף פון אמונת צדיקים האט נישט קיין שום מקור אין די ספרי קודש, די בעגריף וואס האט יא א מקור אין אונזערע ספרים איז אמונת חכמים וואס איז זייער א וויכטיגע זאך. אמונת חכמים מיינט נישט בטחון בחכמים ווייל יעדער מענטש קען מאכן א טעות, איינער וואס זאגט אנדערש איז א כופר אין א פסוק אין תהילים ״שגיאות מי יבין״ (בשם הרה״ק מצאנז). פון דער אנדערער זייט איינער וואס האט אינגאנצן נישט קיין אמונה אין חכמים לעבט אין צומישעניש אגאנץ לעבן. צ.ב. אז א גרויסע אינדשעניר האט געבויט א בריק דארף מען האבן אמונה אין זיין חכמה אז די בריק גייט נישט צופאלן, איינער וואס פעלט איהם דיעס אמונה זאל גאט שומר ומציל זיין. אז א קלוגער מענטש גיבט אן עצה דארף מען האבן אמונה אז ער רעדט נישט אין דער וועלט אריין, אוודאי דארף מען אלץ האבן אפענע אויגן און נישט גיין מיט׳ן קאפ אין וואנט ווייל יעדער מענטש קען מאכן א גרייז, אבער אז מ׳האט אינגאנצן נישט קיין אמונת חכמים קומט מען זייער ווייט נישט אן.

שטייט טאקע חכמה בגויים תאמין

Hadasim

דוד המלך ע"ה זאגט אונז שוין אין תהילים: אל תבטחו בנדיבים בבן אדם שאין לו תשועה. תצא רוחו ישוב לאדמתו ביום ההוא אבדו עשתונותיו. אשרי שקל יעקב בעזרו שברו על ה' אלוהיו.

ס'איז נישט פארהאן ביטחון אין מענטשן נאר און גאט ב"ה אליין.

וויאזוי לערנט איר פשט “ולדבקה בו” און "ובו תדבק" וואס חז”ל אין מסכת כתובות פרעגט איז דען שייך פאר א בשר ודם זיך צו באהעפטיגן צום אייבערשטען? נאר די תורה זאגט “הדבק לתלמידי חכמים ולתלמידיהם כאלו נדבק בו ברוך הוא”

דאס מיינט טאקע נישט קיין אדמורים, ספעציעל נישט קיין היינטיגע אדמורים- וואס אלעס איז בעסיקלי ירושה- און האט גארנישט צוטוהן מיט קיין “תלמידי חכמים”.
אבער זאגן אז קיין “שום מענטש” קען נישט דערגרייכן קיין העכערס און זיין הייליג???


פאר מיר איז אזא הייליגער איד ווי די אהבת ישראל און אסאך אנדערע פארצייטישע חסידישע רביס וואס מקען זעהן פון זייערע תורת אז זיי זענען געוועהן געהויבענע מענטשען-
א נחמה- אין א שרעקליכע קאראפטירטע וועלט, ס׳ווייזט אז א מענטש איז נישט קיין חיה וואס לייגט זיך אייביג פאר יעדען, נאר אז א מענטש קען דערגרייכן צו זיין א “געהויבענע מענטש”, “א אויסגעארבעטע מענטש” - וואס יענעמס צער איז פונקט ווי זיין אייגענע צער, דאס מיינט אז א מענטש קען דערגרייכן צו א העכערע מדריגה ווי א חיה פון וואלד...

מ'זאגט נאך פון צדיקי אמת, אז אין די סאמע זעלבע צייט וואס דער הייליגער מאור עניים און דער תורת חיים פון קוסוב זי''ע האבן זיך באשעפטיגט אין די ערשטע מצוה, האבן די זיידעס פון די היינטיגע פאליציי זיך אויך באשעפטיגט מיט די סאמע זעלבע מצוה, און א דאנק דעם שפירן מיר זיך היינט זיכער...

איך מיין אז ביים חרדי'שע געזעלשאפט הערשט נישט קיין ספיציפישע אמונה נאר א בכלול'שע געגלויבעכטס, מ'דארף גלייבן אלע סגולות און אלע מעשות און סתם משוגעת'ן.

זייער אסאך אידן זענען ''גלויביגע'' במלוא מובן המילה, מ'לייבט אלעס. רוף עס ''אמונת הכל ובכולם''. היני טעמי דאנטי וואקסין, והיינו טעמי דאמונת אדמורי''ם.

קאך_לעפל

מ'זאגט נאך פון צדיקי אמת, אז אין די סאמע זעלבע צייט וואס דער הייליגער מאור עניים און דער תורת חיים פון קוסוב זי''ע האבן זיך באשעפטיגט אין די ערשטע מצוה, האבן די זיידעס פון די היינטיגע פאליציי זיך אויך באשעפטיגט מיט די סאמע זעלבע מצוה, און א דאנק דעם שפירן מיר זיך היינט זיכער...

די תורת חיים איז געוועהן א איד?

די סיגעטער האבן דאך געשריגן אז די קאסובער (און שפעטער די וויזניצער) זענען “רומענישער ציגיינער” געמישט מיט אידן... זיי האבן דאך געשריגן אז די קאסובער שחיטה טאר מען נישט עסען!? און זיי האבן מערער געוועהן אויף די רבנות אין די שטאט סיגוט, די ערשטע רב אין סיגוט און לויט געוויסע די ערשטע חסידישע רב אין גאנץ מארמארוש הגה״צ ר׳ מנחם מענדל שטערן בעמ״ס דרך אמונה. מגדולי חסידי קאסוב. נאכדעם וואס רוב סיגוטער אידן און די גאנצע גלילות ארום זענען געווהן פייערדיגע “קאסובער חסידים” נאך זינט די צייטן פונעם מעזריטשער מגיד. די בעש”ט האט געזאגט פאר זיין תלמיד הרה״ק רבי יעקב קאפיל חסיד- די שורש פון די גזע קאסוב- וויזניץ “יעקב קאפיל, מארמארוש איז א שיין גארטן, היט עס אפ!” און לויט די וויזניצער גזע האט ער אמאל געזאגט “דיינע אייניקלעך וועלן אפהיטן מארמארוש”

דערהויבענע איד

איך מיין אז ביים חרדי'שע געזעלשאפט הערשט נישט קיין ספיציפישע אמונה נאר א בכלול'שע געגלויבעכטס, מ'דארף גלייבן אלע סגולות און אלע מעשות און סתם משוגעת'ן.

זייער אסאך אידן זענען ''גלויביגע'' במלוא מובן המילה, מ'לייבט אלעס. רוף עס ''אמונת הכל ובכולם''. היני טעמי דאנטי וואקסין, והיינו טעמי דאמונת אדמורי''ם.

עפעס זאגט ער!

היינט איז ליידער געווארן א מצב אז א מענטש (אולי) דערקלערט זיך א צדיק דורך עפענן א שוהל און שטעלן א סיין, דערנאך שרייט ער, איך בין א צדיק און יעדער איז מחויב צו גלייבן אין מיר.

אבער דער אמת איז אז אמונת צדיקים מיינט נישט אז מען איז מחויב צו גלייבן אז איינער איז א צדיק.