היינט איז א גרויסער טאג ביי אונז חסידים און תלמידים פון רביה"ק מסאטמאר זי"ע, עס איז די 33סטער יומא דהילולא פון אונזער גרויסן רבי'ן זי"ע.
גייענדיג אויפן ציון הק' און דרייענדיג זיך אין קרית יואל המעטירה, קומט מיר אויף אבזערוואציע'ס און איך בין נייגעריג צו הערן אייערע אבזערוואציע'ס צו זענען זיי אויך בערך ווי מיינע.
א' סליחות
צופרי זעהט אויס אין קרית יואל מער ווי א' סליחות, עס טוט זיך א אנלויף פון אלע מיני קרייזן יעדער מיט פארקנייטשטע פנימ'ער איינער לויפט דאווענען א צווייטער אין מקוה, מנינים שטעלן זיך אויף פלעצער ווי סתם אזוי קען קיין מזומן אויך נישט שטיין, ווי מ'לייגט אראפ א פוס טרעפט מען נאך 4 פאר פוס, עס איז נישט דא ווי זיך צו רירן דער מצב איז אנגעצויגן, אידן ווילן פועל'ן ישועות אין זכות פון דעם גרויסן צדיק.
ארויפגייענדיג זעהט אויס ווי מ'שטייט אין די ליין פאר כפרות שלאגן. די קולות פון די געלט גייער'ס איז עד לב השמים. עס גיסט זיך געלט ווי עריו"כ ביי מנחה, און אז אינמיטן פליען פארביי די קרית יואל'ע קאטשקע משפחה איז עס שוין ממש א בחינה פון כפרות שלאגן...
סוכות
די געלט גייער'ס זיצן אין בודקעלעך וואס דערמאנט פונעם יו"ט סוכות, מאנכע מאכן עס געהעריג ווי א תשבו כעין תדורו, און אזוינע וואס זענען נאר יוצא צו שטיין דערנעבן און מאכן קולות. אויך זיצן תהלים זאגער'ס אין ריזיגע טענט'ס ווי עס שפירט זיך אין א קהל'ישע סוכה
הושענא רבא
אין דעם אוהל הקדוש איז געהעריג די נענועים בתוקפה, מען דרייט זיך הקפות, און מ'שטופט זיך ווי אין א סארדין שאכטל, די קולות זענען הויך, דער תהלים זאגן איז ווי הו"ר ביינאכט, און די געזינגעריי דערמאנט פון די נענועים און הלל הושענא רבא בייטאג...
חנוכה
נעבן דעם ציון הק' איז דא מער לעכט ווי יוצאי מצרים, עס פלאמען די פלעמעלעך, די היץ קען מען שפירן קילאמעטער'ס ווייט, א פרסומי ניסא אויף ווי ווייט דער אויג זעהט.
פורים
אה שיער פארגעסן! ביי איין קרעמל פון די געלט גייער'ס איז געהעריג פורים אינמיטן די גאנצע ערנסטקייט, זיי נעמען אן מיטלען פון געלט רייסעריי ווי מ'טוט נאר שיכורערהייט פורים נאכמיטאג. אבער דער סאטמארער ציבור איז געוואוינט צו טון די מצוה פון צדקה מיטן גאנצן הארץ נישט קיין חילוק די מעטאדן וואס די געלט גייער'ס נעמען אן.
פסח
דאס איז שוין נאך אלעם ווען די געלט גייער'ס זיצן אנגעלענט ווי ביים סדר און רעזיגנירט ווי נאך די אפיקומן, מורמלען זיך נאך אונטער זייערע סלאגאנען אבער ערשעפט און מיד פון די צוויי טעג ארבעט.
דער אשכול דערמאנט מיר א מימרא פון וואודריזשער רב הגר"י לעבאוויטש. וואס איז דאס ענין ביי משה ע"ה ולא ידע איש את קבורתו? משה רבינו זאגט: ביי מיין קבר עט עטץ נישט קומען טרינקען פאנטש מיט קאלעיד. ודפח"ח.
זרעלע איך וואלט דיך געענפערט אבער ליידער ליידסטו פון א גאר שטארקע קעיס פון "אלעס אין די וועלט דרייט זיך ארום די סאטמערע חאזערייען" סינדרום און די וועסט ממילא נישא אנהייבן צו פארשטיין.
איך שפיר פאר א פליכט צו ענטפערן אויף אסאך פון די אויסגעגאסענע טינט אין דעם אשכול.
פאר אלעם וויל איך זיך באדאנקען פארן ברענגען מיינע ווערטער מיט די קרעדיט'ס.
אבער אויף די פראגן איבער דאס גרויסקייט פון כ"ו אב ביים ציון הק' און צו עס איז פארהאנען גרעסערע פארערייען דא אדער דארט, אין מיין האמבל אפיניאן און נאכן זיין אויף פארשידענע גרויסע ציונים, איז דאס וואס מ'זעהט כ"ו אב אין קר"י א אינו בדומה. (איך רעד נישט פון מירון ווי פארשטענדליך)
און אויף די פראגע פארוואס יעדע אשכול דארף צו פארן איבער סאטמאר מר' שמעקעדיג וואלט איך דיר געוואלט אויפמערקזאם מאכן אז א אשכול איבער כ"ו אב איז בעצם א אשכול איבער סאטמאר, סאו איך פארשטיי נישט די פראגע (איך ווייס האסט מיך עס נישט געפרעגט אבער איך שפיר זיך היימיש נאכן זיין דער שרייבער פונעם אריגינעלן אשכול)
און פאר מר. איךאויך נ"י וויל איך נאר מגיב זיין א ווארט: ווען עס איז דא א קהילה מיט קיעיה"ר אזויפיל אידן מאכט זיך אלס א משיגענער וואס וועט רעדן שטותים און זיך אויסדרוקן אומריכטיג, עס איז מורא'דיג קלאר אין סאטמאר און איבער די וועלט וואס מיר האלטן פון רבי'ן און קיינער מיינט נישט אז ער איז געווען דער דברי חיים אדער דער בעש"ט אדער משה רבינו, דאס איז אלעס אויסגעבלאזענע שטותים, וואס מ'כאפט זיך ארויף אויף א ווארט דא אדער דארט וואס קטני דעת דרוקן זיך אויס אמאל. די ווייסט גאנץ גוט אז דאס איז נישט די סאטמארע ווערסיע פון א רבי.
איי וועסטו מיר שוין ברענגען ראיות ברורות פון צייטונג שרייבער וואס האבן געשריבן כהנה וכהנה, וועל איך דיר בעטן זיי דיך נישט מטריח ווייל אויב אויף צייטונג שרייבער'ס וועל איך דיר ברענגען א הויפן שטותים פון דעם מחנה חרדי (איך מיין נישט פרעזענליך בעלזא, עס איז פונקט אזוי איבעראל.. [מיין פארענטפערן קומט פון דעם אינערליכן ציטער וואס איך האב נאך פון ועון איך שרייב אויף אייוועלט ווי עס וואלט שוין לאנג געווארן צענזורירט ממילא פארענטפער איך מיך אזוי... ז"וו]) און פון אנדערע קהלות איינס ביי איינס ווי מ'שרייבט זאכן איבער א רבי'ן וואס פארשאטנט אונזער פלאנעט מיט וואלקענעס פון שטותים. מילא איז ראטזאם בעסער נישט אנצוהייבן.
און דאס וואס מ'שרייבט מופתים און פון דארט טרייבט מען אמאל מיט א שמיטשיקעל אריבער דאס איז א געהעריגע יומען נעטשור אז מ'גיט זיך א צומגזים ווען מ'איז אביסל נלהב.... עס איז בכלל נישט ווייט פון נארמאל, און עס איז דא גענוג און נאך צו שרייבן אן קיין גוזמאות נאר דאס איז דער סדר המענטשהייט.
אלנספאלס בין איך דא א גאס אויף א וויילע, און איך זוך נישט צו מאכן גערודער, אבער דאס האב איך נאר מוסיף געווען צום פארשטיין
און די וואס זענען נאכנישט געווען כ"ו אב אין קר"י זענען געלאדנט צו קומען און זעהן מיט די אייגענע אויגן וואס עס איז שווער מסביר צו זיין....
