זכותיה דרבינו שלמה רעיה מהימנא
רחמנא אידכר לן זכותיה דרבינו שלמה רעיה מהימנא זצוקלה"ה
היינט איז געווען דער יארצייט פונעם רבי'ן זי"ע תמ"ל.
ליידער האט מען נישט געקענט מקיים זיין די הילולא במלוא המובן, צוליב די מצב המגיפה אין שטאט. אונזער בית-החיים איז נאכנישט מסודר מיט די רעגירונג אלס בית-החיים, מען דארף נאך אריינבויען פארשידענע פונקציעס, ווי ביה"כ, וואסער און נאך, מיר פארמאגן נאכנישט די נויטיגע פאפירן דערויף, דעריבער איז דאס אביסל שווערער. דער שטח געפינט זיך אביסל אפגעריקט, מיט א הייוועי דורכצוגיין צווישן בבל און דעם ביה"ח. מען האט דאס יאר געקענט צוגיין, בשעת האלב ציבור איז געגאנגען פרייטאג און אנדערע זענען געגאנגען זונטאג. אזוי צי אזוי זאל מען האבן אויסגע'פועל'ט אלעס גוט.
איך וועל מיחד זיין אן אשכול, וואו מען וועט קענען באשרייבן און ארויסברענגען צדיק מה פעל. אויסער זיינע רוחניות'דיגע מעלות, מסירת-נפש נאך פון קינדווייז אויס פארן באשעפער, גבורות הנפש וואס ער האט ארויסגעוויזן אין זיין מלחמה קעגן ציונות און אידישקייט, כח התפילה, שבת ועוד, איז ער אויך געווען א זעלטן מוכשר'דיגע מענטש, א געלונגענע מענטש מיט פיל טאלאנטן, ער איז באמת געווען א איש אשר רוח בו. ווער עס האט נאר אמאל געשמועסט מיט אים, קען מעיד זיין אז ער האט פארמאגט אויסערגעווענליכע כוחות, פקחות, ישרות ועוד.
איך וועל דא לאזן אויסשמועסן זיין מהות און אייגנארטיגקייט, לתועלת הרבים.
