טייערע שווארצע ברודער, וועקט אייך אויף.

מינעאַפּאָליס, מינעסאטע – די פאליציי האט דערהאלטן א באריכט, אז א ארטיגע איינוואוינער מיטן נאמען זשארזש פלויד, האט פראבירט צו נוצן א פאלטשע צוואנציגער באקנאט אין א ארטיגער דעלי געשעפט. די פאליציי האט פראבירט אים צו ארעסטירן, אבער ער האט אנגעבליך געשטעלט א ווידערשטאנד. דער פאליציי אפיציר דערעק שאוועין, האט מיט גרויסע שוועריקייטן ענדליך באוויזן אים צו קייטלן די הענד אויף אונטערוויילעכס. נעמליך, אפיציר שאוועין האט זיך נישט באגענוגט מיט דעם, נאר ער האט אים ברוטאליש אראפגעשליידערט אויף דער ערד און ארויפגעלייגט זיין לאפע אויף זיין גענאק. גאנצע זעקס מינוט האט אפיציר שאוועין געהאלטן זיין לאפע אויף די גענאק פון פלויד. פלויד האט זיך באקלאגט אז ער קען נישט אטעמען, זאגאר דער הארצלאזער אפיציר האט זיך נישט געקימערט מיט זיין געוויין נאר ער האט סאדיסטיש ווייטער געהאלטן זיין לאפע מיט דרוק אויף פלויד'ס גענאק פאר נאך א קנאפע דריי מינוט. אין רעזולטאט איז פלויד שפעטער נעבאך געשטארבן.

דער גאנצער ספעקטאל איז סוקסעספול אפגעכאפט געווארן אויף ווידיא דורך א זייטיגער צושויער, און ער האט דאס ארויפגעשטעלט אויף סאציאליע מידיע נעצן... דער ווידיא איז שרעקליך צו זען. דאס ברוטאלע באהאנדלונג פון דעם אפיציר, ווי אזוי ער אינזדעקעוועט זיך אויף א הילפסלאזע מאן טרייסלט אויף דאס הארץ פון יעדע רעכטדענקיגער מענטש. א געשריי פאר יוסטיץ איז געהערט געווארן אין גאנץ אמעריקע אזש ס'האט דערגרייכט ביז וואשינגטאן. די שטאטישע און די פעדעראלע רעגירונגן האבן באלד אונטערגענומען די פאסיגע שריט, און א ברייטע אינערליכע אויספארשונג איז אריין אין קראפט. דער אפיציר שאוועין איז באלד געדאנקט געווארן פון זיין פאסטן, און שפעטער אויך ארעסטירט געווארן אויף הארבע מארד קלאגעס...

די געשיכטע וואלט זיך פילייכט ווען געדארפט אט דא ענדיגען. אבער דאס האט נישט פאסירט... ס'האט זיך ארויסגעשטעלט אז דער פלויד איז געווען א טינקל-הויטיגער און דער אפיציר איז געווען א ווייסער... נאך דאס האט אויסגעפעלט...

ס'איז נישט געהיימעניס אז די שווארצע געמיינדע האט פון שטענדיג אן גאר שטארק געליטן פון פאליציי ברוטאליטעט און פון ראסיסטישע דעקרימינאציע. וויפול מ'האט נאר געטאן און מען טיט נאך אלס דאס אפצושטעלן איז דאס ווייט פון גענוג, עס איז ווירקליך גאר שאנדפול. די אנגעווייטאגטע שווארצע געמיינדע האבן זיך ארויסגעלאזט פראטעסטירן אין די גאסן. נישט בלויז אין מינעאַפּאָליס נאר איבער גאנץ אמעריקע. אין מיט רעכט! לויט די קאנסטאטוציע זענען זיי פולשטענדיג בארעכטיגט צו פרידליך פראטעסטירן.

צום באדויערן האט זיך די לינקע טעראר באוועגונג אנטיפא זיך אריינגעמישט און אנגעהויבן צו מישן דעם טאפ. די אנטיפא טעראר באוועגונג, איז א גרופע וואס פראבירט צו באקעמפן קאָנסערוואַטיזם און ארויפצווינגן מיט מאכט ראדיקאלע לינקע אנטשויאונגען אויף די אמעריקאנער מאסן. זיי רופן פאר אַנאַרכיע און דיסטראקציע און געוואלדטאטן, אין א פרואוו צו באצווינגן דאס לאנד. די דאזיגע נידערטרעכטיגע לינקע טעראריסטן, העצן די שווארצע דעמאנסטרירער דורכצופירן געוואלדטאטען און פלינדערייען, און די אנגעהעצטע שווארצע דעמאנסטרירער פאלן טאקע אריין אין א פאסקע, און זייען כאאס איז די גאסן פון די אמעריקאנע שטעט. זיי פלינדערן געשעפטן און פארמעגנס אויף א מאסנשטאבליכער פארנעם וואס לאזט זיך גארנישט גלייבן. זיי נעמען נישט אין אכט אז דורך זייער נידערטרעכטיגע טאהטן פארלירן זיי די סימפאטיע און שטיצע וואס זיי האבן זיך דעראבערט אין די לעצטע טעג. ס'איז צייט אז זיי זאלן זיך עפענען די אויגן און זען ווי די סאציאליסטישע ליבעראלן פירן זיי אין באד אריין... ס'איז העכסט צייט אז זיי זאלן נישט זיין מער קיין שקלאפן פאר די איצטיגע דעמאקראטישע פארטיי וואס פירט זיי בלויז צו חורבן און דיסטראקציע...

הערט נאר וואס דער אלטער אויסגעוועפטער טיפוש יוסל ביידן האט געזאגט. אז איר זענט שווארץ מוזט אין שטימען פאר מיר און נישט פאר פרעזידענט טראמפ. דער אלטער נער האט נישט געכאפט אז דאס טאר מען נישט זאגן, בלויז טראכטן... יעדער אמעריקאנער בירגער אפגעזען פון קאליר אדער ראסע און רעליגיע האט די רעכט זעלבט צו טראכטן....

ראסיזם איז פארהאן במחשבה, בדיבור, ובמעשה.

ראסיזם במעשה:
דער הויפט מיסברויך פון ראסיזם איז במעשה. די קאנסטעטוציע פארזיכערט פאר יעדע אמעריקאנער בירגער גלייכרעכטיקייט - דאס באדייט איז ס'איז געזעצליך פארבאטן צו דיסקרימינירן אדער אונטערשיידן לויט אפשטאם, געשלעכט, קאליר הויט,פאלק.
ראסיזם בדיבור:
אין די קאנסטאטוציע פארזיכערט פאר יעדע אמעריקאנער בירגער אויסדרוק פרייהייט - דאס באדייט אז א מענטש האט די רעכט צו זאגן וואס אימער ס'געפעלט אים, אפגעזען אז ס'בארירט די געפילן פון אנדערע מענטשן. איך מעג דיר רופן גראבער, זשיד, (און אפילו פארשטינקענע זשיד) שחור, דרעק און דו קענסט מיר גארנישט טאן. קענסט דיר פארשטאפן די אויערן און ווייטער אנגיין מיטן לעבן.
ווי ס'האט זיך ווירקליך ארויסגעשטעלט האט ראסיזם בדיבור געהאט שרעקליכע נאכפאלגן. דער בלוט דארשטיגער כלב אדאלף היטלער ימ''ש האט יארן לאנג געהעצט די וועלט מיט ראסיזם בדיבור. און די נאכפאלגן זענען געווען אז 6 מיליאן אידן זענען פארברענט אויף אש. אין רעזולטאט איז דער וועלט געווארן מער סענסעטיוו צו ראסיזם בדיבור. די וועלט איז געווארן באוויסטזיניג אז מיט ווערטער קען מען ווירקליך הרג'נען מענטשן!
ראסיזם במחשבה איז פילייכט נישט פון די שיינע זיטן מיט וועלכע א אנטשטענדיגער מענטש זאל שטאלצירן דערמיט. אבער זיך צו באנוצן מיטן טערמין פון ראסיזם, צו פארפאלגן אנדערע מענטשן וואס האבן אן אנדערע מיינונג, און איינער איז פערצופאל א שווארצער און דער צווייטער א ווייסער, איז אויסשליסליך אבסורד... נעמליך, די גאנצע ראסיזם במחשבה איז דאך בלויז אסור אז ס'קען קומען צו ראסיזם בדיבור, און ראסיזם בדיבור איז דאך אויך בלויז אסור אז ס'קען צו ברענגן צו ראסיזם למעשה, וואס דאס איז שוין אין קעגנזאץ פון גלייכרעכטיקייט...

דער פאליציי אפיציר אין מינעאַפּאָליס האט ווארשיינליך פראקטערצירט ראסיזם במעשה, און דאס איז ניקסט עקסעפטבאר!
אלזא לאמיר זיך אלע ארויסלאזן אויף די גאסן, און רויבן און פלינדערן און דורכפירן געוואלטאטען, שלאגן פאליציי און ווארפן שטיינער און פלעשער אויף אומשולדיגע פארבייגייער, ווארום בלויז דאס וועט באשיינפערליך לינדערן די אומהויערע פיין פון די שוידערליכער ראסיזם במעשה וואס איז אנגעבליך באגאנגן געווארן. (ווער ווייסט דען? פילייכט איז דער אפיציר שאוועין גארנישט געווען קיין ראסיסט, נאר א פאלנער סאדיסט?) ווי אזוי ס'זאל נאר נישט זיין, דער איינציגסטער רעאקציע איז בלויז רויבן און פלינדערן, און זייען כאאס. דאס איז די געדאנקנגאנג פון אונזער שווארצע ברודער און שוועסטער, אז איר פארשטייט אנדערש? זענט איך ווארשיינליך א וויסטער ראסיסט, און איר זענט חייב מיתה...