וואס פאסירט מיט די דעמעקראטישע פארטיי?

א פולשטענדיגער סומאטאכע בושעוועט אינערהאלב די דעמעקראטישע פארטיי, שוידערליכע סקאנדלן אנטוויקלונגען זיך דארט ווי שוואמען נאך א רעגן, אזש מענטשען הייבן זיך די ברעמן מיט שטוינונג און פרעגן מיט זארג וואס פאסירט דא? איז דאס טאקע די זעלבע פארטיי פונעם אלעמען-געשעצטן לעגענדארן פרעזידענט דזשאן עף. קענעדי?

1. די ראסיסטישע בילדער פונעם גיבערנאטור פון ווירדזשיניע ראָלף נאָרטהאַם און פון זיין יוסטיץ מיניסטער מארק הערינג. און דאן די שטאנדהאפטיגע קלאנגן אז דער וויצע-גיבערנאטור פון ווירדזשיניע מר. דזשאסטין פעירפאַקס האט פארגעוואלדיגט צוויי מוידן מיט די געוואלד. און צום גרויס שאנדע דינען נאך די אלע דריי פאסקודניאקעס אויף זייער עהרנפולע פאזיציעס.
2. די העסליכע אנטיסמיטישע רעטאריק פונעם רעפרעזאנטרין אילהאַן אָמאַר. יא זי האט געזאגט סארי... ווער ס'האט נאר אויגן אין קאפ פארשטייט גלייך אז איר אנגעבליכער אנטשולדיגונג איז בלויז א אנגעשטעלטע פאליטישע שריט, צו פארשטילן אירע קריטיקירער אינערהאלב פון איר אייגענע פארטיי. זי איז א וויסטע אידן-האסערן וואס האט באקומען אירע אנטשואונגען אין די טעראר קלאסן אינעם אוניווערזיטעט וואו זי האט שטודירט. זי איז א געפארפולע אנטיסמיטקע און א אויסטערלישער שאנדע פארן רעפרעזאנטן הויז פון די פאראייניגטע שטאטן.
3. די באשטעטיגונג פון סענעטראשע קאַמאַלאַ הערריס אז זי האט אין איר יוגענט גערייכערט חשיש אין גרויסן. און זיך נאך אויסגעדרוקט מיט טיפשות אז ביי דזשאַמאַיקיא-אפשטאמיגע איז דאס א נארמאלע ערשיינונג, אפגעזען אז ס'איז געזעצליך פארבאטן. א ציטאט וועלכע האט אפילו איר אייגענעם פאטער גענצליך ארויסגענומען פונעם גלייכגעוויכט. און ער האט דאס גאר שטארק פארדאמט, און זי האט נאך די פרעכהייט צו לויפן פאר אונזער פרעזידענט.
4. די העסליכע שריט פון אלעקסאנדריע קאָרטעז מיטן באראבעווען די ניו יארקער איינוואוינער פון 25 טויזענט ארבייט שטעלעס! אן קיין שום זאכליכע עקלערונג, בלויז צילוב איר פארקרימטע סאציאליסטישע און מארקסיסטישע אידאלאגיע. אפילו די דעמעקראטן שימפן אויף דעם געמיינעם קערל, זי שטעקט זיי ווי א ביין אין האלץ נישט אויסצושפייען און נישט אראפ צו שלינגען.

אנשטאט אז די דעמקראטן זאלן אריין וועלן אויף פאליטישע אמטן און רעגירונג שטעלעס פּראָמינענטע פערזענליכקייטן, שטאטסמענער מיט ערפארונג און גלייכע פארשטאנדן, וועלן זיי אין ערזאץ אריין יונגע רייפע קורצזיכטיגע שמויטעפונאס, וואס ווען נישט זייערע נשמות וואלט מען זיי ווען שוין פון לאנג ווען געדאמפט אין שמות. מאנכע פון זיי זענען נאך מער צוקניידעלט ווי זיי אויסערליכער אויסקוק. א אנגעזענע נאבעלע פארטיי מיט שיינע ווירדן איז צום באדויערן פארוואנדלט געווארן צו א פארטיי פון סאציאליסטן און מארקיסטן, פונסטערע אנטיסמיטן, געמיינע ראסיסטן, פרויען פארגעוואלדיגער און חשיש באנוצער, א ברויט פארכאפער. סארא שאנדע...די לעגענדארע דעמעקראטישע טאטעס א שטייגער ווי זשעקסאן, רוזעוועלט, און קענעדי ווארפן זיך אצינד אין קבר זעענדיג ווי נידעריג זייער פארטיי איז געפאלן און פאלט נאך ווייטער. אוי גייט דער טראמפ אפהאלטן א געווינס אין יארע 2020 ' למספ'...

ווען מען פילעוועט עטוואס אין נביא, אנטפלעקט מען זיך נאכאנאנד מיט די גוט-צוגעפאסטע שטראפן וואס ג-ט האט אויסגעקליבן צו באשטראפן זיין ווידערשפעניגער פאלק. און א טייל מאל רופט דאס ארויס שטוינונג ווען מ'זעט באשיינפערליך מיט די אויגן ווי מאכטפול און צוגעפאסט דער שטראף איז.

ועל ידי עבדיך הנביאים כתוב לאמר, אט לערנט א קאפיטל אין ישעיהו:
און אט דער הער ג-ט איבער אלע הערשאפטן טיט אפ פון ירושלם און פון יהודה אירע שטארקע און שוואכע אונטערלאנערן, אלע ברויט און וואסער אונטערלאנער, העלדן און קריגס-לייט, ריכטער און ג-ט-שפרעכער, מאַדזשינערן און באזעצענע-לייט, הערן איבער פיפציג און אנגעזענע לייט, ראטגעבער און ראציאנאלע-טראכטער, אפשפרעכער-פארשטייער. יונגאשעס וועלן הערשן אויף אייך, און זייערע העינקי פעינקיס וועלן געוועלטיגן אויף זיי. ווי רבי מאיר לייביש עקלערט דאס, אז די דורכגעפוילטע אנטשואונגען און קאפריזן פון די יונגאשעס וועלן באהערשן די אלגעמיינע באפעלקערונג, ווארום זיי וועלן שטיין אין שפיץ פון פאלק. (ווי דער פאלקס-געשיכטע לויטעט, אז דער פרוי פונעם גובערנאטור פארכט זיך פון קעץ, און דער גובערנאטור פארכט זיך פון זיין פרוי, און די איינוואוינער פונעם גובערניע פארכטן זיך פונעם גובערנאטור, דאס באדייט אז דער גאנצער גובערניע פארכט זיך פון קעץ...) דער נביא זאגט ווייטער: אנשטאט איטליכער זאל גארן אז די פאליטיקער און הערשער פון לאנד זאלן זיין פון זיין פאמיליע, וועט יעדער שרייען ניין! קיינער פון מיין פאמיליע זאל נישט זיין א הערשער און א פאליטיקער אין אזא קאראפטירטע לאנד.

לערנענדיג דעם קאפיטאל אין ישעיהו, איז מיר באלד ארויפגעשווימען אויף די געדאנקן, דעם היי יאריגער סטעיט אוו די יוניאן. פון איין זייט זענען געזעצן ערוואקסענע פּראָמינענטע פערזענליכקייטן, מיט לאנגע יארן ערפארונג אין געזעץ און פאליטיק, און פון די אנדערע זייט זענען געזעצן א כאפטע אומערפארענע יונגאשעס, וואס האבן נישט די מינדעסטע אנונג וואס עס טיט זיך מיט זייער לעבן, אזעלכע וואס דאס טיפשות שיינט אראפ פון זייער צארטע און יונגע געזיכטער. די דאזיגע האבן מיט זייער נארישע קינדערישע ספעקטאלן, פארוואנדלט דעם סטיעט אוו די יוניאן מאַניפעסטאציע, צו א צורקוס און א קינדער גארטן, וואס פאסט זיך אינגאנצן נישט פארן העכסט-רעספעקטירטע רעפרעזאנטען זאל.

דער פאקט אז א כאפטע נארישע אומערפארענע יונגאשעס האבן זיך דערשלאגן צו די מאכט, און זענען געווארן די געזעץ געבער אינעם לאנד, ווארפט א פחד און א שרעק אויף יעדן רעכטדעקיגער באשעפעניש, דער געטליכער נביאה פון ישעיהו ווערט פארווירקליכט נישט אין יהודה און ירושלים, נאר דא אין אונזער אמעריקע. די נאכפאלגן זענען פאטאל. שוין איצט האט ניו יארק פארלוירן גאנצע 25 טויזענט ארבייט-שטעלעס צוליב איינע פון די דאזיגע אומערפארענע יונגאשעס מיט פארקרימטע אנטשואונגען, אנטסמיטישע לאזונגן זענען געפייגלט געווארן אויפן געוועב דורך איינע פון די דאזיגע פאסקודניאקעס. און ווער ווייסט וואס נאך ס'קומט...

א פירערשאפט פון יונגע נארישע אומערפארענע פאסקודניאקעס, אפגעפיקעוועט מיט פארפוילטע אנטשואונגען ברענגט דער גרעסטער חורבן אויף אונזער אמעריקע.

א מאדנער סעפעקטאל האט זיך אפגעשפילט אין א געריכט הויז אין רוסלאנד. א ריכטער האט פאראורטיילט עמיצען צען יאר טורמע און פינף יאר שווערע צוואנגס ארבייט אין פארפרוירענעם סיביר... דער פאראורטיילטער פרעגט דעם ריכטער, פארוואס ער באקומט אזא הארבע שטראף? ענטפערט אים די ריכטער, איך ווייס נאך נישט גענוי, די אויספארשער ארבייטן נאך אויף די קלאגעס...

אקוראט דאס זעלבע שפילט זיך אצינד אין אונזער אמעריקע...

מיטוואך פרשת לך לך תשע''ז האט זיך דאס אמעריקאנער פאלק אויפגעוועקט מיט א פרישער פרעזידענט, דער קאָנטראָווערסיאַלער רייכער געשעפטס מאן דאנאלד טראמפ, איז אריין געוועלט געווארן דורכן פאלק, צו דינען אלס דער 45טער פרעזידענט פון די פאראייניגטע שטאטן פון אמעריקע. די נייעס האט געשלאגן ווי א דינער אין מיטן העלן טאג, ס'איז כמעט נישט געווען קיין פּראָמינענטער פאליטיקער וואס האט געהאלטן אז דאס אמעריקאנער פאלק וועט ווירקליך אריין וועלן אזא סארט פיגור ווי אונזער טראמפ, אלע זענען געווען ביי די מיינונג אז דאס פאלק וועט אריין וועלן פרוי קלינטאן, זאגאר דאס אומגלויבליכס האט ווירקליך פאסירט, דאנאלד טראמפ איז דער פרעזידענט פון אמעריקע.

די ליבעראלן קענען נישט אראפשלינגן דער פאקט אז דער פאלק האט אויסגעקליבן דאנאלד טראמפ פאר זייער פרעזידענט, און נישט זייער ליבלונג פרוי קלינטאן.

די העכסטע שפיצן פונעם יוריסדיקציע מיניסטעריום און די עף.בי.איי. א שטייגער ווי דזשעמס קאומי, ראד ראזענשטיין, און ענדרוי מאקאובי האבן אנגעהויבן וועבן געהיימע פלענער דורכצופירן א עמליכער פוטש אין לאנד, און אראפווארפן פון בענקל דעם פרעזידענט וואס דער פאלק האט אריין געוועלט אין אמט! ס'הערט זיך עטוואס אומגלויבליך, דריי פאסקודניאקעס וואס דארפן אפיציעל שיצן אויפן געזעץ, האבן אין געהיים קאנספערירט דורך צו פירן א פוטש, אן אויפשטאנד, אראפצוווארפן דעם פרעזידענט פון די פאראייניגטע שטאטן, פונעם בענקל אויף וועלכע דער פאלק האט אים ארויפגעזעצט.

און די זעלבע צייט האבן די זעלבע פאסקודניאקעס אנגעהויבן צו זען רויטע רוסן איבעראל, א האסטיגער געשריי רוסלאנד! רוסלאנד! רוסלאנד! רוסלאנד! הערט זיך איבערן גאנצן לאנד. זיי זענען ווארשיינליך געקומען צום אויספיר אז ס'איז גארנישט מעגליך אז דער פאלק זאל האבן אריין דערוועלט טראמפ אלס זייער פרעזידעט, דערפאר מוז גאר זיין אז די לאנג-יאריגע טראדיציאלע פיינט פון די פאראייניגטע שטאטן, די פארהאסטע רוסן האבן דא געמישט דעם טאפ, דערפאר האבן זיי אנגעהויבן מיט א ווילדען שדים געיעג, אפיר צו זוכן די אנגעבליכע רוסישע קאלאבאראציע. און דאס גאנצע פאלק איז מיטגעכאפט געווארן מיט דעם דאזיגער רוסישער פיבער... און ביז צום היינטיגן טאג האט מען נאך גארנישט געטראפן, אבער דער צוויי יאריגער שדים געיעג גייט נאך אלס אן מיט א שטארקייט. אידלעך שרייט רוסלאנד! רוסלאנד! אידלעך שרייט רוסלאנד! רוסלאנד!...

ווען די ליבעראלן האבן אנגעהויבן צו פארדעכטיגן אז דער אנגעבליכער רוסישער בערן געפונען זיך פילייכט נישט אינטערן בעט פונעם פרעזידעט אינעם לינקלען צימער, האבן זיי אנגעהויבן מיט נייע טאקטיק. זיי האבן אפיר געקראצט דעם קאנסטעטוציע פון די פאראייניגטע שטאטן, און זיי האבן דארט געטראפן דייטליך שטיין אז דער רעפרעזאנטן הויז זאל איבערזיכטן דעם עקזעקעטיווע פליגל. אה. זיי האבן געטראפן וואס זיי האבן געזוכט... זיי האבן באלד אפגעלערנט אז איבערזיכטן באדייט גאר זוכן צו אומפוטשען. זאגאר צו אומפוטשען א פרעזידענט דארף דער פרעזידענט האבן באגאנגן קרימינאלע שריט, און וואס פאר א קרימינאלע שריט איז דער פרעזידענט באגאנגען? אויף דעם איז דער ענטפער: אז מ'ווייסט נאך נישט גענוי, מ'נישטערט אין זיינע געשעפטן, מנישטערט אין זיין פאמיליע, מ'זוכט און מ'זוכט מ'איז בודק חמץ בחורים ובסדקין, מ'האפט אז מ'וועט כאטש עפעס אפיר קראצן. יעדען טאג באזונדער רעכטן די ליבעראלען אפ א ספעציעלע געבעט צום אלמעכטיגער ג-ט, אז מ'זאל טרעפן א קרימינאלע אקט וואס דער פרעזידענט איז באגאנגן, אזוי אז מ'זאל האבן אן אויסרייד אים צו אומפוטשען, איז בידערווייל ענטפערט נישט ג-ט זייערע געבעטן. גענוי ווי דער ריכטער אין רוסלאנד: דער פרעזידענט איז א קרימינאל, פארוואס? מ'זוכט נאך... מ'האפט אויפצוקומען מיט עפעס...

די אלע שדים טאנצן פון די האס-אנגעגעסענע ליבעראלן פאראורזאכט אומהוירע שאדן פאר אמעריקע, און די גאנצע וועלט קוקט מיט שטוינונג ווי די אמעריקאנע געזעץ געבער האבן נישט וואס צו טאן מיט זייער צייט, און זענען בלויז פארנומען אפיר צו זוכן קרימינאלע אקטן וואס זייער פרעזידענט איז אנגעבליך באגאנגען... די דאזיגע וואנזיניגע אויפירונג פון די דעמעקראטן וועט גאר שטארק בייהילפיג זיין פארן פרעזידענט אין די בעפארשטייענדע וואלן...

דאס נעכטיגער טאג איז געווען א שאנדפולע טאג פאר די פאראייניגטע שטאטן פון אמעריקע.

ס'האט זיך דייטליך ארויסגעשטעלט אז די פארשאלטענע סאציאליסטן האבן פארכאפט די דעמעקראטישע פארטיי, און נוצן אויס די פארטיי פאר זייערע געמיינע אמביציעס.

סיי די דעמעקראטן און סיי די רעפאבליקאנער, האבן אין אנהייב פארדאמט אויפן הארבסטען פארנעם, דעם פינסטערן אידן האסערן און וויסטער אנטיסמיטקע, אילהאַן אָמאַר. דער רעפרעזאנטן הויז האט זיך געגרייט דורכצופירן א אומפארטייאישע רעזעלוציע צו פארדאמען אנטיסמיטיזם, און קאנגרעס-פרוי אילהאַן אָמאַר פאר איר נאכאנאנדע גרויליגע ריטאריק קעגן אידישן פאלק.
אבער ווי אנטוישט איז דער אמעריקאנער באפעלקערונג געווארן, ווי די פארהאסטע סאציאליסטן האבן ווידעראמאל באוויזן אויסצואיבן אומהויערע דרוק אויפן פארזיצערן פונעם רעפרעזאנטען הויז נענסי פּעלאָסי, אז זי זאל ענדערן די רעזעלוציע צו א לופטיגע אלגעמייינע אנטי-האס רעזעלוציע, און אן דערמאנען די נאמען פונעם אנטיסמיטקע אָמאַר. א שריט וואס האט באשיינפערליך גענצליך פארוואנדלט די רעזעלוציע צו א אלגעמיינע ליפטיגע לעגיסלאטורישע רעוואלוציע. און די מרשעת אילהאַן אָמאַר האט נישט געליטן קיין זאכליכע קאנציקווענצן פאר אירע געמיינע אקטן. נאך מער, פרוי פּעלאָסי האט אין א פרעצעדענטלאזע שריט גאר אוועק געמאכט די אנטיסמיטישע ריטאריק פון די די מרשעת אָמאַר. פרוי פּעלאָסי טיט אלעס אויף דער וועלט צו געפעלן פאר די הייפעלע סאציאליסטישע מיידליך וואס האבן די ווארט אין די דעמעקראטישע פארטיי. סארא שאנדע.
די נעכטיגע רעזעלוציע האט דייטליך געצייגט אז די פארשאלטענע סאציאליסטן האבן א מאסגעבנדע ווארט אויף די פירערשאפט פון די דעמעקראטישע פארטיי. און אז מ'קען ארויסלאזן אנטיסמיטישע רעטאריק אינעם רעפרעזאנטן הויז, אן ליידן פון די קאנציקווענצן, ווי לאנג מ'איז א געטרייער סאציאליסט, אלעס דרייט זיך ארום סאציאליזם.

והעיר וואשינגטאן נבוכה....

וואשינגטאן – נעכטן האבן זיך די ברעמען ביי אלעמען געהויבן מיט גרויס וואונדער. נענסי פּעלאָסי האט דערקלערט, אז לויט איר פאליטישער מיינונג, איז דורכצופירן א פוטש קעגן פרעזידענט, נישט קיין קליגע און פראקטישע שריט, עס וועט מער צוטיילן דאס לאנד. אויסער אין פאל אז דער פרעזידענט באגייט א פרעצעדענטלאזע קרימינאלע אקט. זי האט ווי איר שטייגער בייסיג צוגעלייגט, אז אין יעדן פאל איז ער דאס נישט ווערט.
פרוי פּעלאָסי איז באוויסט פאר א הארצלאזע שלעכטע און געמיינע פרוי, זי איז א בייסיגע פאליטיקער און א מאכט-הונגעריגע פרוי. ס'איז פאר קיינעם נישט קיין צווייפל, אז זי וויל זען דעם פרעזידענט נישט בלויז אראפ פון בענקל, נאר זי וואלט אים גענומען און געווארפן צו די הונט א לעבעדיגער, איר וויסטע האס צום פרעזידענט איז גרעניצלאז. טאקע דערפאר האט איר פליצלונגע פוטש פראקאלאמאציע ערשט ארויסגערופן שטוינונג אין וואשינגטאן. אבער נאך א וויילע האט זיך יעדער געכאפט וואס איר געמיינע סטראטעגיע איז דא.

די דעמעקראטן געפונען זיך אצינד אין א קאמפליצירטע סיטואציע. זיי קענען זיך נישט פאראייניגן אויף קיין שום געמיינזאמע אגענדע. זייער אגענדע איז בלויז א נעגאטיווע, אונטערצוברענגן דעם פרעזידענט וועם זיי האסן צום טויט. זיי זענען טאג איין און טאג אויס פארנומען, מיטן וועבן מיסטיריעזע קאנספיראציעס און נישטערן שמוץ אויפן פרעזידענט. און אויפן פאזיטיווער פראנט האבן זיי בלויז צו פארקויפן סאציאליזם! א אידעלאגיע וואס איז נישט צו שטארק פאפולער ביי די אלגעמיינע אמעריקאנע מאסן, און אויך ברייטע רעכטן צו הינריכטן פיצלעך קינדער רח''ל.
די אמעריקאנער באפעלקערונג האבן זיך זייערע מיינונגען אויפן פרעזידענט, און זיי קימערן זיך גאנץ קנאפע מיט די לופטיגע העסליכע פראפעגאנדע וואס ווערט נאכאנאנד געלופטערט דורך די ליבעראלע מידיע נעצן. די שטעלונג פון די אלגעמיינע באפעלקערונג איז, אז ווי לאנג די אגענדע פונעם פרעזידענט איז גינסטיג פאר אמעריקע און פאר זיי, אינטערסירט נישט קיינעם אז ער האט געגעבן א באקשיש פאר רעבעצין סטאָרמי, אדער אז ער האט נישט געזאגט דעם גאנצן אמת פאר די שטייער אגענטורן, אדער געבויעט טורעמס אין מאָסקווע... ווי לאנג ער פארזיכערט די אמעריקאנע גרעניצן, און הייבט די אקאנאמיע אין לאנד, און באהאנדלט דעם רינעכדיגער רויטן קאמסאר פון צפון קאריעא ווי עס געהער צו זיין, איז ער דער פאסיגסטע מאן אין אמט.

פרוי פּעלאָסי שטייט הילפלאז, זי קען נעבאך גארנישט טאן צו ענדערן די זויערהאפטיגע אגענדע פון איר פארטיי, ווארום זי איז ארום גערינגלט מיט די געמיינסטע פון וואס די מענטשהייט פארמאגט. א כאפטע פון מאכט-הונגעריגע אוממענטשן געוועלטיגן אינעם רעפרעזאנטן הויז, מענטשען וואס לעכצען פאר אויפמערקזאמקייט און אנערקענונג, מענטשן וואס לייגן זייערע פערזענליכע אמביציעס בעפאר די געברויכן פונעם פאלק. אנגעהויבן פון שיף און נאַדלער, און גענדיגט ביי די סאציאליסטישע מאלפעס אלעקסאנדריע קאָרטעז און די וויסטע-אנטיסמיטקע אילהאַן אָמאַר, וועלכע זענען אויסן ארויפצוצווינגן זייערע דורכגעפוילטע סאציאליסטישע אידילאגיע אויפן אמעריקאנער פאלק. אזא פארפוילטע און נארישע אגענדע איז עטוואס אוממעגליך צו פרעזענטירן פארן אמעריקאנער פאלק, און אט דערנענטערט זיך שוין די וואלן פון יאר 2020 למספ'. פּעלאָסי געפונט זיך אין א שווערע סיטואציע...
דערפאר האט זיך אנגעהויבן מיט איר ווייט-גרייכענדע סטראטעגיע. אצינד וויל זי אויסשליסליך נישט דורך פירן דעם פוטש קעגן פרעזידענט! זי וויל די אומצאליגע אויספארשונגען זאל זיך ציען, כאטש ביז צו די וואלן. אזוי אז וואס מער קאנספיראציעס זאלן ביסלעכווייז אנהייבן צו קלעבן ביי די באפעלקערונג. און צוגאב וויל זי גלייכצייטיג אויך, אז די לאנג-אנגייענדע אויספארשונגען זאלן גענצליך אוועק נעמען דעם קאפ פונעם פרעזידענט, אזוי אז ער זאל נישט קענען געהעריג אויספירן זיינע פרעזעדענליכע פונקציעס, און ארבייטן פארן וואוילזיין פונעם אמעריקאנער פאלק. און אזוי ארום טרוימט זי צו פארזיכערן א זיג פאר די דעמעקראטן אין די בעפארשטייענדע וואלן.

צום באדויער פון פּעלאָסי, לעכצן די צוויי באגאבונדן שיף און נאַדלער אויסטערליש שטארק פאר אויפמערזאמקייט און אנערקענונג, און זענען אויסן וואס שנעלער דורכצופירן דעם פוטש קעגן פרעזידענט. אפילו עס געלונגט זיי דורך צו פירן זייער געגארטע פוטש, וועט זיך דער פוטש פולשטענדיג אפגעשטעלן אינעם העכערן רעפרעזאנטן הויז וואסאיז קאנטראלירט דורך די רעפובליקאנער, ווי ס'האט איגענטליך פאסירט ביים פוטש קעגן פרעזידענט קלינטאן. ווי אויך זעט זיך נישט אויפן האריזאנט ווי די מאלפע קאָרטעז וועט אמאל אויפהערן צו שפייען איר סאציאליסטישע אפפאל, און דאס העליש אנטיסמיטזם פייער וואס טוליעט אינעם סמאלישע הארץ פון מאלפע אָמאַר וועט זיך ווארשיינליך נישט אזוי שנעל פארלעשן. אזש ס'שווער פאראויסזאגן צו דער קאנספיראציע פון שקלאפטע פּעלאָסי וועט זיך ווירקליך אויסארבייטן.

עס איז צום האפן אז דער פרעזידענט זאל זיך נישט לאזן פארטושן דעם מוח מיט די זינלאזע און ענדלאזע פייניגערייען, און ווייטער פירן דאס לאנד מיט שטארקייט ווי ביז היינט, און אזוי ארום זיך דעארבען א מעכטיגער זיג אין די בעפארשטייענדע וואלן...

די ליבעראַלען אין וואשינגטאן גייען אינגאנצן כאדאראם, אזש מ'קען גאר ווייינען פאר געלעכטער. די געזעץ געבער אינעם רעפרעזענטן הויז אנשטאט זיי זאלן זיין פארנומען צו שאפן נייע געזעצן, מ'רעדט פון ליבעראַלע געזעצן, פון וועלכע דאס פאלק ווען קען עטוואס געניסן, זענען זיי בלויז פארנומען מיט אונטערברענגן פרעזידענט טראמפ. זייער האס צום פרעזידענט איז אזוי גרויס אזש עס טרייבט זיי צו טאטאלע משוגעת רח''ל. אזעלכע געזעץ געבער ווי דזשעראָלד נאַדלער פון ניו יארק, אדם שיף פון קאַליפאָרניע, אליהו קוממינגס פון מאַרילאַנד, און ריטשארד ניעל פון מאסאטשוסעטס האבן זיך גענומען בלויז איין מיסיע אין לעבן, גענצליך צו פארניכטן פרעזידענט טראמפ און זיין פאמיליע, פארוואס? ווייל צוליב זייער לינקע אנטשואונגען האבן זיי זייער געגארט אז די סקאנדאל-געפלאגטע פרוי קלינטאן זאל ווערן פרעזידענט פון אמעריקע, און בלויז ווייל דאס אמעריקאנער פאלק האט געוואלט אנדערש, נעמען זיי אצינד נקמה אינעם אמעריקאנער פאלק, מיטן פאלאזירן דעם רעפרעזאנטן הויז און שטערן ארענטליכע געזעץ-געבער אויסצופירן זייער לעגיסלאטיווע פליכטן, וואס דאס איז אייגענטליך דער הויפט אויפגאבע פונעם רעפרעזענטן הויז. די דאזיגע פאסקודניאקעס האבן פארוואנדלט דעם קאנסטאטוציאלע פליכט צו האלטן איבערזיכט אויפן עקזעקוטיווער פליגל פאר דעם סאמע הויפט מיסיע פונעם רעפרעזענטן הויז, ווען אין ריאליטעט איז דער הויפט מיסיע פונעם רעפרעזענטן הויז הויפטזעכליך צו שרייבן געזעץ. זיי טוען בייזוויליג פארדרייען דעם ווירקליכע אפטייטש פון האלטן איבערזיכט, און רעזערווירן זיך ברייטע רעכטן צו פארפאלגן און צו פייניגן דעם פרעזידענט מיט זיין פאמיליע אן קיין שום זאכליכע אורזאך, בלויז צוליב פונסטערע האס...

אדם שיף וואס דינט אלס דער פארזיצער פונעם שפיאנאזש קאמיטע, פארפירט שרעקליך אז דער אלגעמיינער אדוואקאט מוז אים זאפארט צייגן דעם גאנצע מוללער באריכט, אריינגערעכנט די געהיימע טיילן וואס דארפן געזעצליך פארמעקט ווערן צוליב נאציאנאלע זיכערהייטס... ער שרייט אז אינעם מוללער באריכט ליגט באהאלטן העכסט געהיימע אינפארמאציע אז ס'איז ווירקליך יא געווען צוזאמשטויסן מיט רוסלאנד... אפגעזען פון דעם וואס דער אלגעמיינער אדוואקאט האט דייטליך געשריבן אז דער באריכט צייגט קאפויער. דער וואנזיגער שיף איז אויסן צו געפונען עפעס צוזאמשטויסן מיט רוסלאנד, אפגעזען אז ס'האט ווירקליך קיינמאל נישט פאסירט, זיין ארגאנץ און פרעכהייט טרייבט אים פארצוזעצן מיט די רוסלאנד סמוטאכע אפילו יעדער איז שוין איבערגעצייגט אז ס'איז בלויז געווען א ליבעראַלע קאנספיראציע.
זיין קאמעראד נאַדלער וואס דינט אלס דער פארזיצער פונעם דזשודישיערי קאמיטע איז גארנישט ווייניגער וואנזיניג ווי אים, ער שרייט אויך אז דער אלגעמיינער אדוואקאט מוז אים זאפארט צייגן דעם גאנצען באריכט, אריינגערעכנט די געהיימע עדותשאפטן פון פריוואטע מענטשען וואס דארף געזעצליך געהאלטן ווערן אין געהיים. נאַדלער וויל נישט וויסן פון גארנישט אויף דער וועלט, יא געזעצליך, נישט געזעצליך. איך מוז זאפארט זען דעם גאנצן באריכט... פארוואס? ווייל איך מוז טרעפן עפעס שמוץ אויפן פרעזידענט... ער קען אפילו נישט ווארטן קיין צוויי וואכן, אזוי קריטיש איז דער מיסיע פון טרעפן שמוץ אויפן פרעזידענט.

ביזדערווייל האלט זיך דער אלגעמיינער אדוואקאט הער באר פעסט צו צום געזעץ, און ער לאזט זיך נישט שאנטאזשירן פון שארלאטישע ליבעראַלע קאנספיראציע זיכער... אפגעזען פון די אויסטערלישע דרוק פון די לינקע מידיא מיט וועלכע די ליבעראַלע קאנספיראטן באנוצן זיך אויסצואיבן דרוק אויף אים.

אין די זעלבע צייט קעמפן די ליבעראַלע געזעץ געבער אויף נאך צוויי פראנטן. אליהו קוממינגס וואס דינט אלס דער פאזיצער פונעם איבערזיכט קאמיטע, פארפירט שרעקליך אז ער מוז וויסן מער איבער די זיכערהייטס צוטריט פראצודור מיט וועלכע דער ווייסע הויז באנוצט זיך. א זאך אין וועלכע דער לעגיסלאטיווע פליגל האט גארנישט וואס אריינצורעדן אין דעם. דער ברייט-ביינערדיגער קוממינגס רעזערווירט זיך די ברייטע רעכטן, צו האבן א מיינונג איבער דעם אויך. ביזדערווייל ווייזט אים דער ווייסער הויז א גרויסער פייג.
און אצינד האט זיך נאך א ליבעראַלער געזעץ געבער אויפגעוועקט פון זיין בערן שלאף. ריטשארד ניעל, דער פארזיצער פונעם 'וועגן און מיטלן' קאמיטע, האט אנגעהויבן צו פארפירן אז דער פרעזידענט איז פארפליכטעט אים צו צייגן זיינע איינקנופט און שטייער צייגענישן, אפגעזען אז לויטן געזעץ איז דער פרעזידענט אויסשליסליך נישט פארפליכטעט צו צייגן פאר קיינעם זיין פריוואטע איינקנופט און שטייער צייגענישן. אבער פארזיצער ניעל וויל עס פארט יא זען, פארוואס? ווייל פילייכט דארט וועט מען געפונען עטוואס פינאנציאלע מיסברויכן וואס דער פרעזידענט איז אנגעבליך באגאנגען...

עס איז ממש אומגלויבליך ווי אזוי די ליבעראַלען האבן אין אזא קורצע עפאכע באוויזן צו פארוואנדלן דעם רעפרעזאנטן הויז צו א שווארצער טייוול הויז. דער רעפרעזאנטן הויז איז צום באדויערן פארוואנדלט געווארן צו א פולקאמער אומגעזצליכער שמוץ פאבריק. די לעגיסלאטיווען האבן דעזערטירט פון זייערע לעגיסלאטיווע פליכטן, און זענען היינט צו טאגס בלויז פארנומען צו פרעדיגען סאציאליזם, אנטיסמיטיזם, און פעמיניזם. און הויפזעכליך צו גרובן און נישטערן שמוץ און וועבן קאנספיראצעס אויפן פרעזידענט און זיין פאמיליע. אין די ווירקליכקייט האט דער רעפרעזאנטן הויז קיינמאל נישט אויסגעזען צופול בעסער, ס'איז אלעמאל געווען דאס מערסט-קראפטירסטע און דורכגעפוילסטע פליגל פון די רעגירונג, אבער דאס אז דער רעפרעזאנטן הויז זאל זיך דערקיילקלן צו אזא נידעריגע שטופע אין אזא קורצע עפאכע, איז קיינעם קיינמאל נישט געקומען אויף די געדאנקן...