זמן חורבן בתי מקדשים - עפ"י חז"ל - ולפי חוקרי זמנינו
37 פאסטס אין ארכיוו · אשכול #12920
זמן חורבן בתי מקדשים - עפ"י חז"ל - ולפי חוקרי זמנינו
בנוגע די געננויע זמנים פון זמן חורבן בתי מקדשים - עפ"י חז"ל - ולפי חוקרי זמנינו איז פאראן א שטארקע דיפערענץ.
א דיפערענץ פון איבער 150 יאר א חילוק, וואס נעמט ארום די פאלגענדע ענינים וואס זענען נוגע פאר כלל ישראל:
בניית בית המקדש הראשון:
חז"ל: ב' תתקכ"ח (832- לפה"ס)
חוקרי זמנינו: ב' תת"י (950- לפה"ס)
חילוק בניית בית המקדש הראשון - 118 יאר
חורבן בית המקדש הראשון:
חז"ל: ג' של"ח (422- לפה"ס)
חוקרי זמנינו: ג' קע"ד (586- לפה"ס)
חילוק בחורבן בית המקדש הראשון: - 164 יאר
עמידת בית המקדש ראשון:
חז"ל: 410 יאר.
חוקרי זמנינו: 364 יאר
חילוק בעמידת בית המקדש ראשון: 46 יאר
70 יאר גלות בבל.
אין דעם איז נישט פאראן קיין ערנסטע מחלוקה.
בניית בית המקדש השני:
חז"ל: ג' ת"ח (352- לפה"ס)
חוקרי זמנינו: ג' רמ"ד (516- לפה"ס)
חילוק בבניית בית המקדש השני: 164 יאר
חורבן בית המקדש השני
חז"ל ג' תתכ"ח (68 למס')
חוקרי זמנינו: ג' תת"ל (70 למס')
חילוק בחורבן בית המקדש השני: 2 יאר
עמידת בית המקדש השני:
חז"ל: 420 יאר.
חוקרי זמנינו: 586 יאר
חילוק בעמידת בית המקדש השני: 166 יאר
ווי מיר זעהן דא זענען פאראן פונדעמענטאלע חילוקים וועלכע נעמען ארום מערערע יסודות'דיגע ענינים:
ימי מלכי יהודה ביז'ן חורבן.
ימי מלכי בבל
ימי מלכי פרס
לויט די חקרי זמנינו האט נבוכדנצר השני, שוין לאנג נישט געלעבט בשנת ג' של"ח (422- לפה"ס). לשיטתם איז ער שוין געווען לאנג טויט ווען מיר רעכנען דעם חורבן הבית.
לויט די חקרי זמנינו, איז שוין דער צווייטער בית המקדש לאנג געשטאנען - ווען לחז"ל איז נאך דער ערשטער בית המקדש געשטאנען בתפארתו.
די פלא גדול איז: אז ווען עזריה מן האדומים (דע ראסע) בספרו מאור ענינים האט געקריגט אויף חז"ל מיט פיל קלענערע ציפערן, וואס לויט זיין חשבון זענען געווען מער קעניגן למלכי בבל ופרס, און האט געטוישט פארשידענע זמנים, איז עס ממש בלאס קעגן די חילוקים וואס די היינטיגע גויאישע חוקרים, היסטאריקער און פארשער לייגן ארום. עזריה מן האדומים האט זיך געשפילט מיט 30 יאר. דער אברבנאל מיט 15 יאר בערך, אבער קיינער פון די אמאליגע אידישע חוקרים איז בכלל נישט צוגעקומען צו די 164 יאר דיפערענץ איבערן חורבן בית הראשון, און בניית בית המקדש השני - וואס איז ממש מרפסין איגרא.
איך שטעל דא צו א שטיקל טשארט טאבעלע, וואס מאכט גרינגער צו זעהן דעם חילוק פון חז"ל ביז די היינטיגע היסטאריקער.
📎 Time Frame.jpg
שכוח זוכער! עס איז שוין לאנג נישט געווען אזא אינהאלטסרייכע זאכליכע הודעה דא אינעם שטיבל.
צום טאפיק:
די יארן זענען אייגענטליך נישט לויט חז''ל נאר די יארן שטימען לויט די פסוקים פונעם תנ''ך. דער תנ''ך איז מערווייניגער אנגענומען אלס גאנץ קראנט ביי די אידן און ביי די קריסטן.
און אויף וואס איז באזירט די חשבן פון די חוקרים? אויף היסטאריע ביכער? דאן קען איך דאך ענדערש גלייבן דעם תנ''ך! איז דער חשבון פון די פארשער געבויעט אויף סייענטיפשע אדער ארכאלאגישע פארשונגן?
קאך_לעפלשכוח זוכער! עס איז שוין לאנג נישט געווען אזא אינהאלטסרייכע זאכליכע הודעה דא אינעם שטיבל.
צום טאפיק:
די יארן זענען אייגענטליך נישט לויט חז''ל נאר די יארן שטימען לויט די פסוקים פונעם תנ''ך. דער תנ''ך איז מערווייניגער אנגענומען אלס גאנץ קראנט ביי די אידן און ביי די קריסטן.
און אויף וואס איז באזירט די חשבן פון די חוקרים? אויף היסטאריע ביכער? דאן קען איך דאך ענדערש גלייבן דעם תנ''ך! איז דער חשבון פון די פארשער געבויעט אויף סייענטיפשע אדער ארכאלאגישע פארשונגן?
די היסטאריקער טוישן אלעס ארום. לויט זייערע יארן איז די מלוכה פון נבוכדנצר געווען מיט 164 יאר פריער,
נאך אים אויל מרודך,
נרגל-שראצר
די היסטאריקער לייגן בלשאצר וואס לויט חז"ל האט ער זיך משתמש געווען בכלי בית המקדש נאכן חורבן צו 540- לפה"ס, דאס איז 120 יאר פאר'ן חורבן.
די גאנצע וועלט'ס היסטאריע וועלכע נעמט ארום צענדליגער קעניגן, פעלקער, מלחמות, רעוואלוציעס פון די גרעסטע וועלטס-מאכטן בימים ההם, זענען אלע פאררוקט מיט 164 יאר.
יא, מיר מוזן גלייבן חז"ל! (פינטל)
אבער ווער וויל נישט דען נישט פארשטיין וואס דא קומט פאר, און אפשר פראבירן אויסגלייכן די היסטאריע אויב ס'איז נאר מעגליך?
[ציטאט אראפגענומען]
דאנקע שיין @אנאנים.
דא איז שוואב'ס לאנגערע טעזיע:
<a class="postlink" href="http://www.aishdas.org/avodah/vol11/v11n018.shtml#03">http://www.aishdas.org/avodah/vol11/v11n018.shtml#03</a>
Re: זמן חורבן בתי מקדשים - עפ"י חז"ל - ולפי חוקרי זמנינו
א דאנק פארן עפענען דעם אשכול.
נישט לאנג צוריק האב אריינגעזעצט אין דעם צומעשעניש, און די יארן האט נישט אנגעהויבן צו קלאפן. איך האב מיר געבראכן קאפ א האלבע נאכט צו זעהן וואס דא גייט פאר ביז כבין געוואור געווארן אז דאס קלאפט אפיציעל נישט..
איך האב נאך נישט געליינט די אנגעצייכענטע לינקס, איך האב געטראפן גאנץ אן אינפארמאטיוון ארטיקל אויף וויקיפידיא
<a class="postlink" href="https://en.wikipedia.org/wiki/Missing_years_%28Jewish_calendar%29?wprov=sfla1">https://en.wikipedia.org/wiki/Missing_y ... prov=sfla1</a>
בנוגע וועמען צו גלייבן בין איך מסופק, ווייל בדרך כלל קען מען אפטייטשן די פסוקים אויף עטליכע אופנים, ובפרט אין די חשבונות פון די יארן איז מבואר אין גמרא מגילה אז זייער אסאך האבן זיך טועה געווען מיט די חשבונות פון יארן. ווי אויך אויף אסאך ערטער האב איך געטראפן אין די מפרשים אויף נ"ך וואס דינגן זיך אויף חשבונות פון סדר עולם און אויך אויף די גמרא, אשר על כן אויב די ארכעאלאגישע אויפדעקונגען זענען באמת קראנט זעה איך נישט קיין גרויס אישו מיטן אננעמען ווי זיי. אבער בדרך כלל זענען זייערע געפונסן נישט קיין הונדערט פראצענדיגע באווייזן, נאר איז צוזאמענגעשטעלט פון אסאך חלקים און אסאך השערות דערפאר איז דאס עפעס וואס מיר וועלן לכאורה קיינמאל וויסן אויף זיכער.
אן אלגעמיינע באמערקונג: (באותו ענין): אין די באשרייבונג פון די געשעענישן ארום דעם חורבן בית שני, איז דא זייער א גרויסער חילוק (ממש סתירה'דיג) פון וויאזוי דער יוסיפון (יאזעפוס פלאוויוס) באשרייבט עס. און להבדיל, חז"ל. אין מס' גיטין...!
לויט יאסעפוס פלאוויוס, וועלכער איז אריבער צו די רוימישע זייט, ווען ער האט געזעהן אז זיין גדוד איז פארלוירן, איז טיטוס בכלל נישט געווען קיין שלעכטער מענטש און א רשע. נאר אן האנאראבל מיליטערישער פיהרער. וועלכער האט זיך באצויגן צו די יודישע סאלדאטן, וועלכע האבן זיך אונטערגעגעבן, מיט גרויס רחמים. ער האט באשיצט זייער לעבן. און ער האט זיי געגעבן צו עסן און טרינקען. נאכמער. ער האט געשריגן מיט אלע זיינע כוחות צו די דיוויזיעס פון די אידישע סאלדאטן אז זיי זאללן זיך אונטערגעבן. ביז ער איז הייזעריג געווארן...!
און להבדיל, חז"ל. באשרייבן דעם מצב אינגאנצן אנדערש. גאר פארקערט. און די מעשה מגונה וואס ער האט אפגעטון אין ביהמ"ק אויף דעם פרוכת אין בית קודשי הקדשים...!
ווען ס'איז א קאנטעסט צווישן פלאוויוס און די חז"ל, ביניך נוטה ענדערש צו גלייבן די באשרייבונג פון חז"ל...!
די תמיהה וואס רופט זיך "The Missing Years", טרעפט מען אין נאך פלעצער אויך, נישט נאר אין אידישע היסטאריע. ס'דא די אכצן יאר פון יאשקע וואס זענען נישט קלאר, דאכצעכמער אז אויך ביי שעיקספער ברעכט מען זיך קאפ. ס'איז א נארמאלע זאך אז געוויסע זאכן ווערן אומקלאר און פארגעסן במרוצת הזמן, און אין א געוויסע פונקט אין היסטאריע כאפט מען זיך ביים קאפ אז עפעס שטימט נישט. דאס אז אונז האבן א ברייתא וואס זאגט איין וועג, מיינט נאכנישט אז ס'איז הונדערט פראצענט אזוי. רוב מדרשים און ברייתות זענען פארלוירן געגאנגען אין גלות, די גמרא זאגט אז ס'געווען א מדרש אויף דברי הימים מיט'ן נאמען ספר יוחסין, און ברוריה האט געלערנט אין דעם דריי הונדערט ברייתות א טאג פאר דריי יאר, און זי האט עס נישט געענדיגט (פסחים סב:). ס'איז כמעט ברור, אז פונקט ווי יעדע זאך אין אידישקייט איז א מחלוקת, איז דא אויך געווען פארשידענע ברייתות מיט פארשידנארטיגע טיימליינס, און צו אונזער שלעכטע מזל זענען אונז נאר איבערגעבליבן מיט די איינע ברייתא וועלכע שטעלט זיך ארויס אלץ אומריכטיג. יוסיפין האט אויך אן אנדערן חשבון ווי די ברייתא, און בפשטות איז ער נישט געווען דער איינציגסטער וואס האט געהאט אזא חשבון, מן הסתם איז געווען א ברייתא אזויווי אים אויך.
berlbalagulehווען ס'איז א קאנטעסט צווישן פלאוויוס און די חז"ל, ביניך נוטה ענדערש צו גלייבן די באשרייבונג פון חז"ל...!
דאכצעכמער אז די סתירות צווישן חז"ל און פלאוויוס, זענען מער מיינונגספארשידנהייטן ווי א מחלוקת אין די פאקטן. מ'קען זיך דינגען ווער ס'איז מער באגלייבט צו זאגן א מיינונג, אבער לגבי די פאקטן זענען זיי מער ווייניגער איינשטימיג.
Re: זמן חורבן בתי מקדשים - עפ"י חז"ל - ולפי חוקרי זמנינו
איך געדענק זעהן ברענגען פון רבי עזריה מן האדומים אז די חשבונות פון חז"ל מוז נישט זיין אקוראט. כטרעף נישט יעצט די מראי מקום. דאס שטומט זייער גוט לשיטתו אויף זיין כללית'דיגע בליק איבער חז"ל און מדע כמבואר באריכות לאורך הקאווע שטיבל.
זעה <a class="postlink" href="https://he.wikipedia.org/wiki/%D7%A1%D7%93%D7%A8_%D7%A2%D7%95%D7%9C%D7%9D?wprov=sfla1">https://he.wikipedia.org/wiki/%D7%A1%D7 ... prov=sfla1</a>
ווי זיי ברענגען זיין שיטה, אבער אהן קיין ציון. זעה אויך דעם וויקיפידיא בלאט אויף ענגליש פאר א לענגערע אנאליז אויפן סדר עולם און איבער די פארלוירענע יארן.
נעגעל וואסעראיך געדענק זעהן ברענגען פון רבי עזריה מן האדומים אז די חשבונות פון חז"ל מוז נישט זיין אקוראט. כטרעף נישט יעצט די מראי מקום. דאס שטומט זייער גוט לשיטתו אויף זיין כללית'דיגע בליק איבער חז"ל און מדע כמבואר באריכות לאורך הקאווע שטיבל.
איך פארשטיי בכלל נישט דעם דיון דא, ממה נפשך, אויב גלייבסטו חז"ל, דארפסטו זיי אויך גלייבן אז זיי האבן מודה געווען צו די חכמי אומות העולם אין געוויסע זאכן. און ווען די גמרא ברענגט א טוץ מימרות איבער ענייני הטבע און פרעגט זיי אלע אפ אין פסחים צד., דארפסטו זיי גלייבן אז זיי זענען טאקע אפגעפרעגט. אויב אבער גלייבסטו נישט חז"ל, דאן פארוואס די אנדערע זאכן גלייבסטו יא? וואספארא פארמיולע נוצטו אפצומאכן וואס יא אפצוקויפן און וואס נישט? מ'דארף עפעס א שיטה אויף דעם?! אויב שיטה דארף די אנדער צד א שיטה א הסבר אויף זייערע קרומע מיינונגען.
איך ווייס נישט צו עס איז ריכטיג צו שרייבן וואס איך גיי שרייבן.
עס איז דא וואס טענה'ן, אז טאמער איז אמת אז די יארן זענען עלימינירט געווארן, צו נשתנה געווארן, פין אונזער חשבון, איז עס ווייל עפעס איז געשעהן דעמאלט וואס מען האט נישט געוואלט מען זאל וויסן.
וואס איז דעמאלסט געשעהן איז לדעתם די התפתחות פין תורה שבכתב.
עד כאן.
רביה''ק זי''עberlbalagulehווען ס'איז א קאנטעסט צווישן פלאוויוס און די חז"ל, ביניך נוטה ענדערש צו גלייבן די באשרייבונג פון חז"ל...!
דאכצעכמער אז די סתירות צווישן חז"ל און פלאוויוס, זענען מער מיינונגספארשידנהייטן ווי א מחלוקת אין די פאקטן. מ'קען זיך דינגען ווער ס'איז מער באגלייבט צו זאגן א מיינונג, אבער לגבי די פאקטן זענען זיי מער ווייניגער איינשטימיג.
רביה"ק זי"ע: אבער דארט אין די אפטיילונג..."מלחמת היהודים"...(וואס איך האב יעצט נישט פאר מיר) ברענגט פלאוויוס אינגאנצן אנדערע פאקטן ווי חז"ל. וועלכע שילדערן דעם גענעראל טיטוס אלס א פיינעם, ארנטליכן מיליטערישן פיהרער. און נישט אלס א רשע. פארקערט ווי חז"ל. דאס איז נישט קיין אפיניאן. נאר פאקטן פון די היסטאריע...!
A fact is a statement that can be proven true, an opinion expresses someone’s belief, feeling, view, idea, or judgment about something or someone
דאס איז אויסער די פאקט, אז רשע מיט ארנטליך זענען בכלל נישט קיין סתירה, עיין ערך אדאלף היטלער.
רביה"ק זי"ע: מיין טעיק אויף דעים איז, אז די חכמים ברענגען אנדערע כראנאלאגישע פאקטן, וואס לויט דעם קומט אויס אז דאס בארעכטיגט זייער אנרופן איהם, רשע. און לויט ווי פלאוויוס פארציילט די פאקטן (נישט קיין מיינונג), איז ער, טיטוס געווען א פיינער, ארנטליכער מיליטערישער פיהרער. לויט די אנגענומענע סטאנדארטן פון די וועלט...!
פעסט פארווארד צוויי טויזענט יאר, די וויסנשאפטלער ברעכן זיך קאפ איבער די מניעות פון אדאלף היטלער. פון איין זייט האט מען געטראפן אפאר אלטע אידישע געשרייבעכצער וועלכע מאלן אראפ דעם היטלער ווי א בלוט-דורשטיגע רוצח און מאסן-מערדער, א משוגענער א מטורף מיט וועם מ'קען נישט שטיין אין ווארט. פון די אנדערע זייט האט מען געטראפן אפאר פון זיינע ווערק, וואו ער איז מסביר זיין שיטה בטטו"ד. אלע וואוסנשאפטלער באוואונדערן זיין אויסגערעכנטקייט און קלוגע שריט ביים צווייטן וועלט קריג, און זיינע נאנטע מענטשן בשרייבן אים מיט גאלדענע אותיות.
פארשטייסטו מיר? סטעיטמענטס איבער א מענטש'ס מניעות זענען אפיניענס, נישט פאקטן, יעדער איינער קוקט עס אן אנדערש. ס'איז א פשוטע זאך אז די אידן וואס האבן זיך צאמגעליטן פון דעם טיטוס צרות צרורות, זאלן אים אראפלייגן מיט די טונקלסטע פארבן. און פלאוויוס וואס איז געווען גאנץ היימיש מיט יענע חברה, זאל האבן א גינסטיגע בליק אויף אים. דאס אז מענטשן האבן אנדערע מיינונגען אויף די זעלבע מענטש איז קיין קשיא נישט, אזוי לאנג ווי אויף זיינע פאקטישע מעשים זענען אלע איינשטימיג.
רביה"ק זי"ע: ס'איז פונקט אזוי ווי ביי די געשעענישן פון 9/11 זענען דא מיינונגס פארשידנהייטן איבער ווער ס'איז געשטאנען אונטער דעם. אבער דעם פאקט אז 2 עראפלאנען האבן אריינגעקראכט אין די בילדינגס, איז א פאקט. און דאס קען קיינער נישט פארלייקענען. די מחלוקת איז נאר איבער די מאטיוון. און די גרופעס וועלכע זענען געשטאנען אונטער דעם...!
אויך: ביי היטלער ,ימ"ש. ער האט געהאט די פאקטן. ס'איז אמת אז די אידן אלס עטנישע גרופ אדער ראסע (לשיטתו) זענען געשטאנען אין שפיץ פון א יעדן טייל פון די דייטשע קולטור אין יענע צייט...!
קאך_לעפלשכוח זוכער! עס איז שוין לאנג נישט געווען אזא אינהאלטסרייכע זאכליכע הודעה דא אינעם שטיבל.
נאכן ליינען אלע חומר וואס מ'האט דא אנגעברענגט איבער די נושא, שטעלט זיך ארויס אזוי:
יעדער רעדט כמעט נאר פון די 164 יאר דיפערענץ פון בית מקדש השני. צי דאס איז געבויעט געווארן אין יאר 350 לפה"ס כשיטת חז"ל
אדער יאר 586 לפה"ס כשיטת החוקרים.
עס איז א גרויסע מבוכה איבער די מלכי מדי, צי ס'איז געווען 4 מלכים צי פיל מער לויט די היסטאריקער, און מיר ווערן געשטעלט פאר א שווערע דילעמע:
צי נעמען מיר אז חז"ל האבן פארדרייט דיה יסטאריע און אראפגענומען 164 יאר די יארן, צוליב עפעס אן אומבאקאנטע סיבה, און פארדרייט אלע יוצרות, צו ביודעים אדער בלא יודעים.
צי נעמען מיר אן אז די אלגעמיינע היסטאריקער האבן א פאדרייטע היסטאריע, און זיי פראבירן מיט כח צו אינפלעיטן, אויפבלאזן און טרייבן אריין איבריגע 164 יאר, צוליב א דראנג וואס יאגט זיי.
אין דעם גרויסן געווירבל מיט דאטומען, קעניגרייכן, דאפלטע קעניגן, ווערן פארזעהן א גרויסער עיקר, וואס ווערט ממש פארזעהן פון אלע אנאלאטיקער, חוקרים, פארשער און היסטאריקער.
בנין בית המקדש הראשון, חורבן בית המקדש הראשון וזמן עמידתה.
לויט חז"ל איז עס געבויעט געווארן אין ב' תתקכ"ח, 2928, 832- לפה"ס.
לויט די היסטאריקער רוקן זיי עס ארויף צו ב' תת"י, 2810, 950- לפה"ס.
חורבן בית המקדש הראשון, ווערט לויט די וועלטליכע היסטאריקער גאר ארויפגעריקט פון אונזער ג' של"ח, ביז ג' קע"ד, מיט 164 יאר צוריקציוועגס. און עס קלאפט א ציפער פון בלויז 364 יאר וואס דער בית המקדש איז געשטאנען, אנשטאט 410 ווי חז"ל באהויפטן.
אין קאנטראסט צום צוייטן בית המקדש, וועלכע ווערן נישט געהעריג דאקומענטירט אין תנ"ך, זענען די יארן פון ערשטן בית המקדש פול געקאווערט מדאשקע לדאשקע. אלע מלכי יהודה וישראל, ווי לאנג יעדער קעניג האט רעגירט איז אלעס דאקומענטירט, אזוי אז מ'קען פון די 410 יאר גארנישט אראפנעמען קיין איין טאג.
פארקערט גאר, דער אברבנאל שרייט אז לויטן חשבון איז דער ערשטער בית המקדש געשטאנען 425 יאר, און טרעפט עפעס נישט דעם חשבון אויף 15 יאר. וועלכע ווערט אבער פארענטפערט מיט אמציה'ס יארן וועלכע ווערן איינגעשלונגען אין די יארן פון זיין זון עוזיה / עזריה (רש"י מלכים-ב: יד כב).
נניח אז מ'האלט יעצט אז די היסטאריקער האבן פשוט ארויפגעריקט נבוכדנצר'ן און זיינע חיילות, אריינגעריקט פרס'ישע קעניגן און אריינגעשמאלצן א נישקשה'דיגע 164 יאר צום קאלענדער. זיי האבן אבער גלייכצייטיג אויך ארויפרויקט דעם בנין בית המקדש הראשון מיט 118 יאר.
דאס טייטש אז מ'דארף אראפציפן פון די שופטים און די מלוכה פון שאול און דוד 118 יאר - כדי צו לאזן שלמה'ן בויען גאטס הויז אין ב' תת"י דארף מען קאטן גרויסע שטיקער צייט פון די פריערדיגע, און שינדן די הויט פון א גענויע דעאטלירטע כראנאלאגיע וואס מיר האבן אין שופטים במשך די 440 יאר פון יהושע איז אריבער דעם ירדן ביז בנין בית המקדש הראשון לשיטת חז"ל.
לשיטת חז"ל
ב' תפ"ח איז מען אריבער דעם ירדן.
ב' תתקכ"ח האט מען געבויט דעם בית המקדש הראשון.
דער געדוכטער נעפל פירט אונז צו א מסקנא: אדער חז"ל האבן במכוון אויסגעשניטן 164 יאר, צוליב די נביאה פון דניאל, אדער צוליב אריינקוועטשן ב' אלפים ימות המשיח.
אדער אן אנדערע טעאריע איז פאראן, איז די נוצרים האבן געפאטשקעט מיט די יארן, אז עס זאל שטימען מיט די 490 נביאה פון דניאל אויפן געבורט פון יעזוס, און דערפאר האבן זיי במשך די 2 אלפים יאר גערוקט בערג, קעניגן און גענעראציעס אז עס זאל בעסער שטימען.
(במאמר המוסגר: טעאריעס אז חז"ל האבן אויסגעפליקט 164 יאר שפעטער, און אריינגעריקט מער יארן פון שופטים, אפגערוקט בנין בית המקדש הראשון מיט 118 און סאמהאו דאך געגעבן 410 יאר, לייגן זיך זייער שווער אויפן שכל - ווייל די וועלטליכע כראנאלאגיע שניידט פשוט אויס פיל יארן פון די פריערדיגע גענעראציעס, וועלכע אפקטירן פיל יארן איידער דניאל איז בכלל געבוירן - און לייגט אריין מער יארן שפעטער).
דערווייל האלטן מיר ביים שוועל פון אנרירן דעם אלף.
די נושא פון די יארן פון בית שני און די פרסיים איז געווארן אויסגעשמועסט באריכות נפלא אויף עצכח אויף איבער 40 בלעטער מיטן באטייליגונג פון אסאך חוקרים וידענים
זע דא פאר עצכח
https://www.bhol.co.il/forums/topic.asp?cat_id=24&topic_id=3044533&forum_id=1364און זע דא פאר א סיכום פון אבי דטלנסקי אברם העברי
ivri.org.il/2014/03/in-search-of-lost-time-1/מיימוןדי נושא פון די יארן פון בית שני און די פרסיים איז געווארן אויסגעשמועסט באריכות נפלא אויף עצכח אויף איבער 40 בלעטער מיטן באטייליגונג פון אסאך חוקרים וידענים
זע דא פאר עצכח
https://www.bhol.co.il/forums/topic.asp?cat_id=24&topic_id=3044533&forum_id=1364און זע דא פאר א סיכום פון אבי דטלנסקי אברם העברי
ivri.org.il/2014/03/in-search-of-lost-time-1/
נישטא קיינער פון די מימינים ומשמאילים וועלכע שענקען א בליק אויף די ערשטע 440 יאר פון ב' תפ"ח ביז ב' תתקכ"ח.
צי גאר אויף דעם גרויסן בילד פון 850 יאר - פון ב' תפ"ח ביז ג' של"ח. און אז די גענעראציעס פון אלע שופטים און מלכי יהודה זענען פארדרייט און לויט די חוקרים און היסטאריקער האבן זיי ארויסגעשניטן 118 יאר.
רביה''ק זי''ענעגעל וואסעראיך געדענק זעהן ברענגען פון רבי עזריה מן האדומים אז די חשבונות פון חז"ל מוז נישט זיין אקוראט. כטרעף נישט יעצט די מראי מקום. דאס שטומט זייער גוט לשיטתו אויף זיין כללית'דיגע בליק איבער חז"ל און מדע כמבואר באריכות לאורך הקאווע שטיבל.
איך פארשטיי בכלל נישט דעם דיון דא, ממה נפשך, אויב גלייבסטו חז"ל, דארפסטו זיי אויך גלייבן אז זיי האבן מודה געווען צו די חכמי אומות העולם אין געוויסע זאכן. און ווען די גמרא ברענגט א טוץ מימרות איבער ענייני הטבע און פרעגט זיי אלע אפ אין פסחים צד., דארפסטו זיי גלייבן אז זיי זענען טאקע אפגעפרעגט. אויב אבער גלייבסטו נישט חז"ל, דאן פארוואס די אנדערע זאכן גלייבסטו יא? וואספארא פארמיולע נוצטו אפצומאכן וואס יא אפצוקויפן און וואס נישט? מ'דארף עפעס א שיטה אויף דעם?! אויב שיטה דארף די אנדער צד א שיטה א הסבר אויף זייערע קרומע מיינונגען.
רביה"ק זי"ע: דארט אין מס' פסחים רעדט זיך איבער ענייני הטבע. צי די וועלט דרייטציך ארום די זון אדער די זון דרייט זיך ארום די וועלט. קענמען זיך דינגען ווער ס'איז גערעכט. צי די חז"ל אדער די חכמי אומות העולם. אבער וואו מ'פארציילט כראנאלאגישע פאקטן פון היסטאריע איז נישט שייך זיך צו דינגען. נאר ווער ס'איז אביעקטיוו. און ווער ס'האט א נגיעה צי מכח פחד אדער אנדערע מאטיוון צו פארדרייען די אמת'ע פאקטן. מעגליך אז יאסעפוס פלאוויוס איז געווען געפאנגען ביי די רומיים. און ער האט געמוזט שרייבן די היסטאריע לויט זייער געשמאק. די חז"ל האבן נישט געהאט קיין אגענדא. און זיי האבן פארציילט דעם אמת כמות שהיא...! מכלל הן אתה שומע לאוו...דאס איז געזאגט געווארן פאר די אלע וועלכע פרעטענדירן צו זיין אויפגעקלערטע פילאזאפן. די פסעוודא-אינטעלעקטואלן. וועלכע האבן אפשר אדורכגעליינט אנדערטהאלבן אפיקורס'ישע ביכלעך. און זיי האלטן אז זיי זענען די קלוגסטע אין די וועלט. און די ערשטע זאך וועלכע זיי זענען פוגע איז די באגלייבטקייט פון די דברי חז"ל...!
זייער א שייינע מאמר איבער די אויבנדערמאנטע נושא
https://drive.google.com/file/d/0B3H1dyyLbr05NF9RdmZlV1RkTmM/view
דאס איז זייער נוגע צו די מעשה פון פורים, ווי אברם העברי איז שיין מבאר
דא berlbalaguleh רביה''ק זי''ע נעגעל וואסעראיך געדענק זעהן ברענגען פון רבי עזריה מן האדומים אז די חשבונות פון חז"ל מוז נישט זיין אקוראט. כטרעף נישט יעצט די מראי מקום. דאס שטומט זייער גוט לשיטתו אויף זיין כללית'דיגע בליק איבער חז"ל און מדע כמבואר באריכות לאורך הקאווע שטיבל.
איך פארשטיי בכלל נישט דעם דיון דא, ממה נפשך, אויב גלייבסטו חז"ל, דארפסטו זיי אויך גלייבן אז זיי האבן מודה געווען צו די חכמי אומות העולם אין געוויסע זאכן. און ווען די גמרא ברענגט א טוץ מימרות איבער ענייני הטבע און פרעגט זיי אלע אפ אין פסחים צד., דארפסטו זיי גלייבן אז זיי זענען טאקע אפגעפרעגט. אויב אבער גלייבסטו נישט חז"ל, דאן פארוואס די אנדערע זאכן גלייבסטו יא? וואספארא פארמיולע נוצטו אפצומאכן וואס יא אפצוקויפן און וואס נישט? מ'דארף עפעס א שיטה אויף דעם?! אויב שיטה דארף די אנדער צד א שיטה א הסבר אויף זייערע קרומע מיינונגען.
רביה"ק זי"ע: דארט אין מס' פסחים רעדט זיך איבער ענייני הטבע. צי די וועלט דרייטציך ארום די זון אדער די זון דרייט זיך ארום די וועלט. קענמען זיך דינגען ווער ס'איז גערעכט. צי די חז"ל אדער די חכמי אומות העולם. אבער וואו מ'פארציילט כראנאלאגישע פאקטן פון היסטאריע איז נישט שייך זיך צו דינגען. נאר ווער ס'איז אביעקטיוו. און ווער ס'האט א נגיעה צי מכח פחד אדער אנדערע מאטיוון צו פארדרייען די אמת'ע פאקטן. מעגליך אז יאסעפוס פלאוויוס איז געווען געפאנגען ביי די רומיים. און ער האט געמוזט שרייבן די היסטאריע לויט זייער געשמאק. די חז"ל האבן נישט געהאט קיין אגענדא. און זיי האבן פארציילט דעם אמת כמות שהיא...! מכלל הן אתה שומע לאוו...דאס איז געזאגט געווארן פאר די אלע וועלכע פרעטענדירן צו זיין אויפגעקלערטע פילאזאפן. די פסעוודא-אינטעלעקטואלן. וועלכע האבן אפשר אדורכגעליינט אנדערטהאלבן אפיקורס'ישע ביכלעך. און זיי האלטן אז זיי זענען די קלוגסטע אין די וועלט. און די ערשטע זאך וועלכע זיי זענען פוגע איז די באגלייבטקייט פון די דברי חז"ל...!
איך האב אדורכגעליינט דעם מאמר און ס'איז מיר געפעללן וואס דער שרייבער זאגט. איך האב איהם געוואלט געבן א לייק. נאר איך האב באמערקט אז אני הקטן בין דער שרייבער פון די תגובה. און (דערווייל) קענמען נישט געבן א לייק פאר די אייגענע תגובה...! ס'וואלט כדאי געווען אז מ'זאלל קענען געבן א לייק פאר די אייגן געשריבענע תגובה אדער מאמר. נאך א שטיק צייט...!
מען זעהט דאך אז די גוזמאות פין רבה בר בר חנה מוז מען נישט אננעמען כפשוטו, איז דער שאלה צו אפשר לגבי דער יארן פין דער היסטאריע איז אויך שייך אזוי צו זאגען. ווען איז דער גדר?
עס איז באקאנט דער תשובת הרשב"א וועגען די וואס ווילען האלטען לגבי די מעשיות אין די תורה אז עס מוז נישט האבען געוועהן, עס קומט נאר מרמז זיין אויף העכערע ענינים. ווען מען זעהט ווי אונז היינט האבען רמזים און ענינים אויף יעדעס פרט, איז דער אמת נישט נוגע מער, ווייל די רמזים בלייבען ווייטער.
פארוואס איז באמת א נפק"מ ווען דער חורבן איז געוועהן? אין דער יאר צו אין דער יאר? פונקט ווי אזעלכע וואס זענען מעורר צו די זעקס מיליאן אידען זענען פונקטלעך אדער נישט. וואס איז א חילוק? אויב איז געוועהן זיבען מיליאן, ווען מען צולייגען א טרער? און אויב איז נאר געוועהן איין מיליאן, איז דער חורבן נישט ראוי צו וויינען?
און טאקע דער מאור עיניים, ווען ער טענה'ט אויף בריאת העולם אז עס איז נישט מדוייק, לויט זיינע חשבונות, וואס איז א חילוק? אויב איינער גלייבט נישט אז בראשית ברא אלקים קומט זאגען עפעס אסאך טיפער און גרעסער ווי דער פשוטע פשט, און דערפאר האט ער א פראבלעם מיט עוואלוציע, איז ער שוין ממילא פארקראכען.
Re: זמן חורבן בתי מקדשים - עפ"י חז"ל - ולפי חוקרי זמנינו
זייער שיין. עס איז אבער דא א חילוק צווישן אגדתא וואס איז מלכתחלה געשריבן געווארן פאעטיש, צו קעניגן און יארן וואס די גמרא לייגט אראפ אלס א פאקט.
אזוי אויך איז עס נישט אינגאנצן דומה צו דברים טבעיים הנזכרים בגמרא וואס איז ס''ה טעאריעס אדער עקספערעמענטן, אבער די קעניגן און יארן וואס די גמרא דערציילט זענען לכאורה א מסורה דור אחר דור, ענדערש ווי א טעאריע.
*
מענין לענין, אויף וויקיפעדיע ערך מגילת אסתר האב איך געזען אז עס איז דא חוקרים וואס טענה'ן אז די מגילה איז ארגינעל געשריבן געווארן אלס א קאמאדי. כ'האב עס איבערגעזאגט פאר איינעם און ער האט זיך גערעגט אז ס'איז כפירה. זאג איך אים: "קוק ווי ווייט די קאמעדי גייט"...
כרם זית
מענין לענין, אויף וויקיפעדיע ערך מגילת אסתר האב איך געזען אז עס איז דא חוקרים וואס טענה'ן אז די מגילה איז ארגינעל געשריבן געווארן אלס א קאמאדי. כ'האב עס איבערגעזאגט פאר איינעם און ער האט זיך גערעגט אז ס'איז כפירה. זאג איך אים: "קוק ווי ווייט די קאמעדי גייט"...
דערמנסט מיר פון וואס כ'האב אמאל געהערט, אז גאר אסאך פון די אלע סיפורי מעשיות וואס מיר האבן אויף די תלמודי בעש"ט, איז פשוטע פאנטאזיעס וואס די משכילים האבן געשריבן אלס א קאמעדי, צו שפעטן וויאזוי די תמימות'דיגע חסידים גלייבן אין האר אויפשטעלנדע פאנטאסטישע מעשיות. זענען געגאנגען די חסידים און נאך אפגעקויפט די אלע מעשיות פאר גוט געלט כאילו ס'איז אלעס תורת אמת...
Re: זמן חורבן בתי מקדשים - עפ"י חז"ל - ולפי חוקרי זמנינו
דוד אסף שרייבט טאקע אין 'נאחז בסבך' אז די נאמען אלעקסיי אלס בעל עגלה פון דער בעש''ט ווערט די ערשטע דערמאנט אין א סאטירע פון יוסף פערל.
כרם זיתזייער שיין. עס איז אבער דא א חילוק צווישן אגדתא וואס איז מלכתחלה געשריבן געווארן פאעטיש, צו קעניגן און יארן וואס די גמרא לייגט אראפ אלס א פאקט.
אזוי אויך איז עס נישט אינגאנצן דומה צו דברים טבעיים הנזכרים בגמרא וואס איז ס''ה טעאריעס אדער עקספערעמענטן, אבער די קעניגן און יארן וואס די גמרא דערציילט זענען לכאורה א מסורה דור אחר דור, ענדערש ווי א טעאריע.
די פרס'ישע תקופה האבן חז"ל נישט געשריבן מיט א מסורה, והא ראי' אז זיי האבן טאקע נישט געוואוסט דעם אמת. נאר עס איז געבויט אויף די פירוש הפסוקים אין דניאל, ווי חיים מיליקובסקי שמועסט עס הערליך אויס אין זיין ביאור אויף סדר עולם
📎 חיים מיליקובסקי, פרק כח נספח א מלכות פרס בסדר עולם.pdf
כרם זיתמענין לענין, אויף וויקיפעדיע ערך מגילת אסתר האב איך געזען אז עס איז דא חוקרים וואס טענה'ן אז די מגילה איז ארגינעל געשריבן געווארן אלס א קאמאדי. כ'האב עס איבערגעזאגט פאר איינעם און ער האט זיך גערעגט אז ס'איז כפירה. זאג איך אים: "קוק ווי ווייט די קאמעדי גייט"...
מ'פארציילט אז עמיצער האט אמאל געפרעגט ר' גדליה נדל אויף געוויסע זאכן אין מגילת אסתר וואס שטימען נישט, האט ער גענטפערט "עס איז א פורימ'דיגע מעשה" ודפח"ח (ניבא ולא ידע מה ניבא?)
Re: זמן חורבן בתי מקדשים - עפ"י חז"ל - ולפי חוקרי זמנינו
יישר כח. מסתבר אַז ר'גדליה האט געוויסט וואס ער איז מתנבא.
כרם זיתיישר כח. מסתבר אַז ר'גדליה האט געוויסט וואס ער איז מתנבא.
איך גלייב נישט אז ער האט געהאלטן אז די מעשה האט נישט באמת פאסירט
מ'פארציילט אז עמיצער האט אמאל געפרעגט ר' גדליה נדל אויף געוויסע זאכן אין מגילת אסתר וואס שטימען נישט, האט ער גענטפערט "עס איז א פורימ'דיגע מעשה" ודפח"ח (ניבא ולא ידע מה ניבא?)
אוי האט ער געוויסט.
כרם זיתדוד אסף שרייבט טאקע אין 'נאחז בסבך' אז די נאמען אלעקסיי אלס בעל עגלה פון דער בעש''ט ווערט די ערשטע דערמאנט אין א סאטירע פון יוסף פערל.
די משכילים האבן דאס געטוהן מיט דער גר"א אויך. אינווענטירט גאנצע מעשה'לעך, וואס מען פארציילט זיי היינט נאך מיט א יראת הכבוד.
די משכילים האבן געמאכט אזעלכע גוטע מעשה'ס אז עס איז נישט געוועהן קיין סיבה עס נישט אנצונעמן פאר "עכט".
אבער דאך זעהט נישט אויס אז דאס זאל האבן געשעהן מיט חורבן הבית.
Re: זמן חורבן בתי מקדשים - עפ"י חז"ל - ולפי חוקרי זמנינו
@פנחסבןאלעזר, אפשר ביסטו מפרט די מעשה פון די גר''א? מיינסט די מעשה פון שלמה מיימון?
יא. דער מעשה האב איך געזעהן א לאנגע בירור אז דער מעשה האבן געשריבן משכילים זעלבסט אויף אפצוחוזק'ן דער מהלך המחשבה. דער מעשה ברענגט ארויס דער רוח הקודש פין דער גר"א, און ווי ער האט געהייסן געבן מלקות ווייל ער האט זיך געוואגט צו זאגן אז דרש איז נישט פשט. דער מעשה האט געשלאגן ווארצלן ביז דער לעצטיגע מערכה מיט דער פשוטו של מקרא חומש, שלא ביודעים, איך האב נישט געזעהן איינער זאל אנווייזן דער מעשה אויף דעם. אבער ביי מיר איז א דבר פשוט אז די משכילים זענען שולדיג מיט זייער חוזק, אויף אסאך פין אונזערע חמורות. ווען זיי זאלן וויסן אז זייער חוזק גייט ווערען ערענסט, וואלטן זיי עס אפשר נישט געטוהן.
פנחסבןאלעזריא. דער מעשה האב איך געזעהן א לאנגע בירור אז דער מעשה האבן געשריבן משכילים זעלבסט אויף אפצוחוזק'ן דער מהלך המחשבה. דער מעשה ברענגט ארויס דער רוח הקודש פין דער גר"א, און ווי ער האט געהייסן געבן מלקות ווייל ער האט זיך געוואגט צו זאגן אז דרש איז נישט פשט. דער מעשה האט געשלאגן ווארצלן ביז דער לעצטיגע מערכה מיט דער פשוטו של מקרא חומש, שלא ביודעים, איך האב נישט געזעהן איינער זאל אנווייזן דער מעשה אויף דעם. אבער ביי מיר איז א דבר פשוט אז די משכילים זענען שולדיג מיט זייער חוזק, אויף אסאך פין אונזערע חמורות. ווען זיי זאלן וויסן אז זייער חוזק גייט ווערען ערענסט, וואלטן זיי עס אפשר נישט געטוהן.
קענסט צוצייכענען צו דעם בירור?
Re: זמן חורבן בתי מקדשים - עפ"י חז"ל - ולפי חוקרי זמנינו
לויט ווי איך ווייס איז די מעשה געווען פינקט פארקערט. ר'הערשל לעווין האט געדרוקט די מעשה אין 'עליות אליהו' און די משכילים האבן עס אפגעלייקנט. בכלל איז נישט מסתבר אַז די משכילים זאלן פארקויפן אזאלכע מעשיות אויף דער גר''א, וויבאלד זיי האבן אים געהאלטן אלס זייעריגער.