אשכול אן א טיטל #12866

סקולענע רבי און ליובאוויטשער רבי

וואלווי: ראויים הדברים למי שאמרם... 😂

לגבי לעיקוואד קען איך דיר מחדש זיין, אז די נאמען וואס מוסדות קענען זאגן צו פארשווייגן קריטיק, איז הרב מאיר שטערן שליט"א ראש ישיבת פאסעיק (גראדע, גייט ער נישט קיין פראק). די מוסדות פרעגן זיך נאך אסאך ביי אים, און מ'פאלגט אים.

איך האב געהערט יארן צוריק פון א מתנגד זיינער, אז ער האט א ריזיגע מעלה מעל ומעבר אלע אנדערע, אז ער איז אן 'אומר על דבר שלא שמע, שלא שמע'. ער רעדט נישט וואס ער ווייסט נישט, און ער האט נישט די תאווה זיך צו מישן אין זאכן.

הרב שמואל קמנצקי איז אויך אן אדרעס, פרעג מיר נישט פארוואס.

אחוץ דעם איז די ליטווישע וועלט גאנץ באנקראט אין דער הינזיכט, ואיש כל הישר בעיניו עושה.

וואס הייסט יעדער? אפילו די וואס זענען נישט אין זיין סטאדע? אין לעיקוואד ווייסט יעדער.

אדמו''ר מנאבימינסק איז פון די גרעסטע. ר' ירוחם אלשין איז היבש ארויפגעקוקט. ר' אלי' בער וואכטפויגל.

מ'דארף מבחין זיין פון דעת תורה/פאליטישע גדולים, צו תורה'דיגע/השקפה'דיגע גדולים, ס'איז צוויי אנדערע גרופעס פון מנהיגי הדור.

קען זיין אסאך דא וועלען נישט מודה זיין, אבער ערעב אהרן, האט היבש א למעשה'דיגע אינפלוענס אויפ'ן דור.

ר' יחזקאל רוטה, אלס אן אנגענומענער פוסק הדור ביי א ברייטערע ציבור פון פארשידענע קרייזען.

ר דוד פיינשטיין שליטא און ר פייוול קאהן שליטא בעל בדי השולחן. אמתע גדולי ישראל

ר׳ פייביל כהן ענטפערט נישט, כפי ציווי הדאקטאר. און ער איז זייער שטארק מקפיד דערויף.
הרב דוד פיינשטיין איז מסתמא די מערסטע ארויף געקוקטע ת"ח אין אמעריקא, אבער צו הערן עפעס פון אים, אפילו אין הלכה, איז א בחינה פון תכלת, עס שווימט ארויף איין מאל אין זיבעציג יאר. לעצטענס האט ער ארויסגעגעבן א פסק אויף די קרעדיט יוניאנ׳ס, אבער גיי פראביר דורכצושמועסן די נושא מיט אים. (די פשטות איז טאקע ווי אים, און רוב התירים שנאמרו בדבר קוקן אויס ווי פורים תורה, ואכמ"ל) א קבוצה גייט אים הערן יעדער פרייטאג, ווי ער לערנט פאר מ"ב, ווי אויך זונטאג ווען ער לערנט פאר חומש רש"י. זיי האפן צו באקומען א שייכות און צום סוף עפעס ארויסשווערצן. א שכן מיינער האט גענומען א קינד קיין נ.י. אים צו נוצן אלס סנדק. אבער למעשה האט מען ליידער נישט צופיל פון אים.

הרב א.ב. וואכטפויגל איז אוועילעבל ווען איינער דארף, אבער זיין מיינונג האט נישט קיין איינפלוס. ער נעמט צו ווייניג אחריות אויף זיין ווערטער. דער וואס זוכט אן אילן גדול ליתלות ולהיחנק עליו, נוצט אים. (און איך זאג עס אלס תלמיד).

ר׳ אהרן האט אן איינפלוס, אבער דאס איז נישט צוליב גדלות. ער קען שרייען הויך, א בחינה פון א צייטונג שרייבער. ווען ערנסטע מענטשן רעדן פון א נושא, קומט זיין נאמן נישט ארויף. אזוי ווי מיכל אינדיג קען פארפירן און צומאל אויספירן, אזוי אויך ר' אהרן.

ס'איז נישט דא מער קיין גדולי ישראל וואס זענען אנגענומען ביי יעדעם איינעם, יעדע חסידות און מקום האט זיך זייער רבי ומנהיג.

אנאנים, דער בעל הוועקער!

משמת ר' פרחיה בטלה ההנהגה...

גדליה

ס'איז נישט דא מער קיין גדולי ישראל וואס זענען אנגענומען ביי יעדעם איינעם, יעדע חסידות און מקום האט זיך זייער רבי ומנהיג.

דאס איז מן הסתם אייביג געווען די אמת אין אמעריקע, אנדערש ווי אין ארץ ישראל ווי די דעת תורה/גדולי הדור סטאטוס משוגעת פארנעמט א וויכטיגער פלאץ ביים ציבור, און דאס אויך איז שטארק אינטערגעשטיצט פון די פאליטיק.

משא"כ, אין אמעריקע איז נישטא אזוי שטארק די כסדר'דיגע צורך פון "ועשית ככל אשר יורוך" קאמפיין'ס חוץ פון אפאר שערוריה קאמפיין'ס דא דארט, מילא שאפט זיך נישט דעם ווינט פון א כללית"דיגע מנהיג הדור.

פאר טאג טעגליכע תורה און השקפה איז גענוג די לאקאלע גייסטישער פיגור...

בוני עולם איז א וועלטליכע ארגאניזאציע, און עס איז אונטער די פסק פונעם גדול הדור - הגה''צ ר' מעכיל שטיינמעץ שליט''א

אינעם ישיבישן-חרדיש'ן וועלט איז דער זקן ראשי ישיבות - הגה''צ ר' משה גרין שליט''א - דאס מערסטע אנגענומען ביי אלע קרייזן

אינעם עולם התורה והמוסר וההשפעה, איז - הגה''צ ר' משה וואלפסאן שליט''א - פון די אנערקענסטע ביי אלע קרייזן

און אין עולם התורה והיראה והחסידות והקדושה -- כ"ק אדמו"ר הגה"ק מסקווירא שליט"א וואס כידוע זענען די אלע דריי אויבנדערמאנטע כפוף להוראתו בקודש.

די רבי'ס האבן די מערסטע כוח. ווען זיי פאראייניגן זיך, וואלטען זיי אפשר געקענט אסאך אויפטאן אדער חלילה פארקערט. האט דער רבש"ע געטוהן וואס שטייט אין די משנה, און געמאכט א פירוד, און עס איז נאה להם ונאה לעולם.

נמחק ע"פ בקשת שקד.

איך ווייס נישט צו אין לעיקוואד, בענסאנהירסט, חיים ברלין, פאלסבערג, קליוולאנד וכו׳ האט מען בכלל געהערט פון די נאמען הרב משה גרין. ער איז בכלל נישט קיין באקאנטע פיגטר, און זיין מיינונג קומט זיכער אין ערגעץ נישט אן

אין יעדער סביבה איז דא א ראש, אמאל ווייסט מען ווער דאס איז און אמאל נישט. דער רבי פון באבוב45 וועט נישט נעמן קיין שריט וואס ער קען זיך נישט שטאלצירן דערמיט אי פראנט פון דער רבי פון סקווער, וכן להיפך. קיינער פון זיי איז נישט קיין פירער, און קיינער פון זיי קען קיין הלכה נישט פסקנ׳ן. וכ"ה ביי אלע רביס אן אויסנאם. זיי שמעקן די ווינט. די פסקי הלכה זענען אין די הענט פון אנדערע, וואס פירען גארנישט. ממילא טאנצט מען אהין און צוריק, דער רב וויילט אויס דער פוסק וואס ער דארף, און דער פוסק האט נישט קיין אחריות פאר זיין מעשים.

דאס זיך דורכרעדן, אפילו ווען עס נישט כדי אויסצומיידן פראבלעמן, מיינט נישט אז יענער נעמט אחריות פאר וואס ער זאגט. יעדער קען זאגען א מיינונג, און אסאך האבען קלוגע זאכען צו זאגען. די חכמה איז נעמן אחריות אויף די ווערטער וואס מען זאגט, און אויספירען ריכטיג.

די סבה וואס ארץ ישראל איז אנדערש איז פשוט ווייל די קהלות זענען מער פאראייניגט ווייל די געזעץ הויערט אויף יעדער שריט אין לעבן, און מ׳דארף זיך ספראווען כסדר אלס א פאראייניגטע פאלק. ממילא וועט ארויף שוועבן א דבר אחד לדור, און ברוך השם אז עס איז פארמיטן געווארן די פראבלעמן פון יורשים, גבירים און רעדנערס. עס וואלט סיי ווי נישט געווען די אמעריקאנער איש כל הישר בעיניו

Sent from my LG-K373 using Tapatalk

פארוואס זע איך פונקט דאס פארקערטע?
אין ארץ ישראל זענען דא אויף יעדע זאך שלעגערייען אויף הלכות, צו ס'איז אויערבאך צו ס'איז דער גאב''ד דער ראב''ד.

וועלכע פירוד איז דא אין אמעריקא? ס'כהיום רובם ככולם מיט א אחדות, ס'נישטא קיין חילוקי דיעות צווישן אמעריקאנע גדולים.

איך האב פאר דיר נייעס, גאב"ד ראב"ד איז אן אמעריקאנער זארג

Sent from my LG-K373 using Tapatalk

לכאורה פון זייער שטעלונג אויף וועקסינג קען מען וויסן ווי א גרויסער גדול זיי זענען. די גרעסטע גדולים האלטן אז מוסדות חינוך מוזן אננעמען קינדער סיי געוועקסטע און סיי אומגעוועקסטע און פון דארט איז וואס אלס מער מען איז מחמיר בנוגע וועקסינג אלס קלענערער גדול. לעומת דעם ביי חסידים איז וואס אלס מער מען איז מחמיר אויף עניני טעכנאלאגיע וסמארטפאונס אלס גרעסערער צדיק.

מעשה לסתור.
אלע מוסדות אין לעיקוואד אן אויסנאם האבן ארויס געווארפן די אומוואקסינירטע קינדער, צעטל אהין צעטל אהער.

Sent from my LG-K373 using Tapatalk

חסיד פון ליטא

אין אמעריקע עסט מען ווייניגער טשולנט ממילא איז דא ווייניגער גדולים ופשוט היא.

ס'פאסט נישט אזוי צו שרייבן, ביטע אויסמעקן

א באלאנסירטע גדול בישראל מיט א גרויסע השפעה, מער אין שטילע וואסערן.

וואלווי

קען זיין אסאך דא וועלען נישט מודה זיין, אבער ערעב אהרן, האט היבש א למעשה'דיגע אינפלוענס אויפ'ן דור.

ר' יחזקאל רוטה, אלס אן אנגענומענער פוסק הדור ביי א ברייטערע ציבור פון פארשידענע קרייזען.

פון בערעלע'ס לייק זעה איך אז ער איז מודה. איך האלט אבער נישט אזוי. קען זיין אבער אז אונז זעמיר פשוט נישט אויף די זעלבע פעיזש, איז אפשר קענסטי געבן א דוגמה צוויי