שבת אחיםהייסט עס ראש חודש איז שולדיג פאר די טראגעדיע. גוט צו וויסן כוועל זאגן מיינע קינדער זאלן זיין גרייט יעדע ראש חודש מיט א פייער עקסטינגווישער און פייער-פראוו הויזן.
אפשר איז ראש חודש אין הימל אזויווי סוף חודש ביי די פאליס ווען ס׳טיילן די מערסטע טיקעטס.
סגעפעלט מיר ווי מענטשען מאכן חשבונות אה דעס איז געשהען ראש חודש און יענע איז אויך געוועהן ראש חודש מוז זיין אז משיח גייט קומען תשצ״ק. מאטיאש אין ווילימסבורג איז גאר געוועהן פסח ביינאכט, די ברך משה׳ס אייניקלעך שבועות ביינאכט.
שבת אחים: ייש"כ. דו ברענגסט ארויס זייער א גוטע נקודה. ווען ס'געשעהט ח"ו א טראגעדיע ווערן מענטשן באלד צוהיצט און די היפאקריטן האבן ווי מ'זאגט אויף ענגליש א פיעלד דעי. זיי טייטלען גלייך מיט די פינגער פאר דעם אדער פאר יענעם חטא און עבירה פלונית וואס
יענער באגייט. אבער קיינמאל נישט וואס ער און זיין גרופ באגייען. אמאל איז עס די רויטע טורבאנס ואס די פרויען טראגן. אדער גאר דער עירוב. אבער קיינמאל נישט, ח"ו די פאלשע שערעידס , די פורים שפיעלן וואס זיי רופן אן ..."דין תורה'ס"...אדער זייער קארופשן ביי השגחות. מ'פאטשט זיך אויפ'ן בויך ביי מיר און מיין גרופ איז אלעס ב"ה אין בעסטן ארדענונג. יענער איז דער שייגעץ. צוליעב איהם קומט דער חרון אף. זיכער. צו זאגן אויף א יעדע זאך ..."מקרה הוא"... דאס טויג אויך נישט. אבער נאכ'ן מפשפש זיין במעשים א יעדער איינער ביי זיך אליינס, דארף מען זעהן צו לערנען דעם עולם אז סעיפטי קומט צוערשט פאר אלעמען. און די תוה"ק הייסט נישט פאר א יוד אז ער זאלל מקיים זיין די מצוות אויף אן אופן וואס ער קען דורכדעם ח"ו קומען לידי סכנה. צי זאלל דאס זיין ביי חנוכה לעכט אדער ביי בדיקת חמץ. אדע גאר די לעכט אין די סוכה. אדער זיך באנוצן מיט אן עלעקטרישע פלאטע אום שבת ויום טוב. מיט עטליכע יאר צוריק איז נעבעך געווען א טראגעדיע אום שמיני עצרת ווען א משפחה האט זיך באנוצט מיט אן עלעקטרישע פלאטע וואס איז געלייגט געווארן אויף א האלצערנעם קאונטער אין די קאך. דער קאונטער האטציך אנגעצינדן און געמאכט א שריפה ל"ע פן וואס עטליכע קינדער זענען אומגעקומען. אדער ווען א טאטע וויל שטארק מחמיר זיין ביי בדיקת חמץ און ער גייט ארום מיט'ן לעכטל בודק זיין בחורים ובסדקים. נאר אויפ'ן וועג אהין רירט ער אן די סחורה פון די פירהענג אדער די בעטגעוואנט. און די פיייער צושפרייט זיך ח"ו. דארף מען וויסן אז אין סכנות'דיגע פלעצער מעג מען זיך באנוצן בודק צו זיין מיט א פלעשלייט. בכל אופן, מ'וואלט געדארפט געבן קורסעס פאר'ן עולם וועלכע זאללן זיין א קלארע חוות דעת וואס צו טון עפ"י התורה. און וויאזוי זיך באנוצן מיט די אלע הויזהאלט כלים אום שבת ויו"ט אז מ'זאלל נישט קומען לידי סכנה...!
