היסטאריש! ריזיגע סטאטוע פון פרעה רעמסס געטראפן אין מצרים

<a class="postlink" href="http://news.nationalgeographic.com/2017/03/egypt-pharaoh-ramses-statue-discovered-cairo/">http://news.nationalgeographic.com/2017 ... red-cairo/</a>

מאיז נאכנישט זיכער אויב סאיז פון Ramses The Great דערווייל איז עס נאר א השערה, ער האט געלעבט B.C. 1279-1213.

<a class="postlink" href="http://english.alarabiya.net/en/life-style/art-and-culture/2017/03/12/Egypt-to-complete-Ramses-II-excavation-using-safe-techniques-.html">http://english.alarabiya.net/en/life-st ... ques-.html</a>

וואס טוען די אלע כופרים ווי.. וואס גלייבן נישט אז עס איז געווען אזא זאך ווי פרעה, אפגערעדט יציאת מצרים?

אך אין וויי אויב דיין אמונה איז באזירט אויף אזעלכע געפונונגען.

ווען די וועסט טרעפען זעקס הונדערט רייט וועגאנער אין ים סוף, וואס ב.ד.וו. איז אויך נישט זיכער ווי דאס איז, קען מען רעדן.

פרייוויליג

וואס טוען די אלע כופרים ווי.. וואס גלייבן נישט אז עס איז געווען אזא זאך ווי פרעה, אפגערעדט יציאת מצרים?

זיי מסביר, ווער פונקטליך גלייבט נישט אין פרעה? אויף דעם איז דאך געבליבן עדות, אין מצרים איז געוועהן אסאך פרעה׳ס-קעניגן, דעס לייקענט קיינער נישט ווייל די עגיפטער האבן געהאלטן רעקארדס און סאיז געבליבן עדות. יעצט איז די שאלה געוואנדן צו דיר און אלע גלייביגע, אויב האבן זיי געהאלטן רעקארדס און אראפגעשריבן אינטערסאנטע ערשיינונגען ווי איז די מעשה מיט די צעהן מכות? קריעת ים סוף? מתן תורה???

נישטא גארניקס! זעראו!.

ווי ווילסטו עדות אויף מתן תורה, עס איז דאך געווען פארשטיפט אין א אומבאוויסטער מדבר.
און ווי קען מען ערווארטן איבערבלייבענישן פון די וואנדערונגען ווען געגעסן און געטרונקען האט מען בלויז פון אובערנאטורליכע קראפס, און לויט חז"ל אז די וואלקענס האבן אפגעווישט בערגלעך (ווייל עס האט נישט געקענט אונטערהייבן די אידן) האט עס מסתם אפגעווישט אלע איבערבלייבענישן.

און באשר עשר מכות, אוודאי איז פארהאן עדות, עס איז פארהאו די באקאנטע פאפיראסן וואס שילדערן כאאס אין מצרים דם ואש ותמרות עשן.

און וועגן קריעת ים סוף, שמחה יאקאבאוויטש טענה'ט אז דער ים סוף וואס אידן זענען דורך בחרבה איז בכלל נישט דער סואיץ גאלף פונעם רויטן ים, נאר א טיילווייזער אזערע ביים רצועה צווישן דעם רויטן און אטלאנטישן ים, אמאל איז עס פיל און אמאל ליידיג. ווען די אידן זענען אנטלאפן פון די מצריים האט דאס ביסל וואסער אינעם אזערע געארבעט לטובת בני ישראל און לרעת המצריים.

איך האב אמאל געזעהן א טיווי שאו אויף יציאת מצרים און עשר מכות מיט קריאת ים סוף און דער אטיעסט פראפעסער האט געהאט אלע מין תירוצים פארוואס - אויב עס איז געשעהן איז עס אלס נאטירליך עפ''ל. אזוינע שטותים אז איך ווייס נישט פארוואס ער האט עס פראבירט צו פארענטפערן.

אוודאי איז עשר מכות געווען נאטורליך, דער אבן עזרא זאגט עס קלאר אין חומש, אויך דער אברבנאל האט א גאנצער מהלך וויאזוי אלע מכות זענען געווען נאטורליך. וואס איז דען מכת ארבה אויב נישט נאטורליך?!

אין רמב"ם פ"ח מה' יסודי התורה שמועסט טאקע אויס אז די יודן האבן נישט געגלייבט אין משה מכח די אלע נסים אין מצרים, ווייל המאמין בנסים יש בלבו דופי. די עיקר אמונה איז מכח וואס עינינו ראינו ולא זר ווי הקב"ה רעדט פה אל פה צו משה, ווי עס שטייט אין פסוק וגם בך יאמינו לעולם. עיי"ש.
( נאר אינטערעסאנט צו אנמערקען אז די וואס האבן נישט געגלייבט דערין איז נאר געווען מכח אז ס'וואלט געקענט זיין כישוף, אז ס'זאל קענען זיין טבע דאס איז זיי נישט בייגעפאלן . )
איינמאל ס'נתברר געווארען ביי מתן תורה אנכי ה' אלוקיך וגו' איז דאס א ראיה למפרע אויף אלע נסים אין מצרים איז געווען נסים פונעם אייבערשטען, אין אויף דעם מאכן מיר אונז די אלע זאכן זכר ליציאת מצרים, צו תמיד געדענקען אז יש מנהיג לבירה וואס פירט זיך זיין ווערטשאפט ואית דין ואית דיין. וכמו שהאריך ברמב"ן פ' בא. ס'וועט אייביג זיין וואס גלייבן נישט, ווי דער רמב"ן שרייבט לא יעשה אות ומופת בכל דור לעיני כל רשע וכופר וכו'. אין א זמן פון א מבול פון כפירה דארף מען זיך מער מחזק זיין, אין טאקע איבערגעבען צו די קינדער ווייטער די ריכטיגע השקפה.

עס איז דא א שיינער מאור ושמש איבער דעם ענין, און די רבי אין חידושי תורה ברענגט א נזר הקודש אויסשמועסענדיג דעם ענין באריכות.

דער אבן עזרא טייטשט די מכות פונקט ווי דער מלמד אחן חדר, מער ווייניגער. ער האט גארנישט קיין נאטורליכע וועג מסביר צו זיין וויאזוי וואסער ווערט בלוט. אפשר וועלען אנדערע זאגען אז נשתנו הטבעים.

סתם אזוי, די ׳נאטורליכע׳ פשט איז אוממעגליך און נעריש. היסטאריא איז אייביג געשריבען דורך די וואס האבען געזיגט. די מצריים האבען דורות לאנג געליטען פון זייער דורכפאל און זענען נישט געווען גערעכענט אלס עפעס א וויכטיגע פאלק. זיי האלטען דאך נישט ביים אראפ שרייבען זייער פעלערס.

Sent from my LG-K373 using Tapatalk

דער אבן עזרא זאגט טאקע נישט דירעקט אז די מכות זענען געווען נאטורליך, ער דערמאנט אבער ביי עטליכע מכות אז בדומה צו דער מכה קען פאסירן דורך פגעי הטבע, צ.ב.ש. ביי חושך דערמאנט ער אז בדומה לזה זעהן די שיפס מאטראזן א געדעכטער וואלקן אין ים וואס פארפינסטערט דעם ארום פאר א וויילע. ביי די מן ווארפט ער טאקע שפיזן קעגן חיווי הבלכי וואס וויל ראציאנאליזירן די מן. דער אברבנאל קומט אבער יא מיט א ראציאנאלער מאדעל פאר די מכות. דם ביי אים איז דאכט זיך פון א פיש מלחמה וואס האט פארבלוטיגט און פארפעסטעט די וואסער ביז אלע פיש זענען געשטארבן און די וואסער פרעש זענען ארויס געשפרינגען פון דארטן און געשטארבן אינדרויסן אנמאכנדיג אן עיפוש וואס האט געברענגט לייז, בהמות עפעדימיעס, די טויטע בהמות האבן אנגעברענגט מאסקיטן און פארשידענע חיות נבלות פרעסער, און פון דארטן צו מענטשליכע פאקן. עין שם ותמצא מה שתמצא.

דער ספורנו דאכט זיך זאגט אז מכת דם איז נישט עכטע בלוט, נאר א רויטער קאליר. בלעטער ארום דער מקראות גדולות און דו וועסט טרעפן א סך אינטרעסאנטע פירושים אויף די מכות. נאטורליך ווייסט מען היינט אז אלע צעהן מכות קען זיין יתכן בדרך הטבע. עס מאכט זיך אמאל אז א טייך טוישט קאליר, אמאל צו גרין אמאל צו געהל און אמאל צו בלוט רויט. ניצוץ אחד יוצא מגוגל שלך און דו וועסט זעהן אומצאליגע בילדער פון אזעלעכע אינצידענטן.

חושך געשעט ווען א וואלקאן בארג ברעכט אויס, די אש שטויב קען אמאל פארפינסטערן א שטח גרויס ווי א קאנטינענט. דער צמח דוד ברענגט פון די ספרי העמים אז איינע פון די גרויסע מלכים האט אמאל פארלוירן א מלחמה צוליב א פלוצלינגדיגער פינסטערניש וואס האט פארפינסטערט זיין לאנד פאר עטליכע טעג. אמאל האט מען געמיינט אז דאס נעמט זיך פון די מזלות אדער געטער אדער געטליכע כוחות, היינט ווייסט מען אז די זאכן פאסירן דורך א וואלקאן בארג. שמחה יאקאבאוויטש ווייזט אויף אז בימי יציאת מצרים האט א מעכטיגער וואלקאנאו אויסגעבראכן אינעם קראיטישן אינזל דרום גריכנלאנד.

פון דא גייט מען צו מכת בכורות אויף וואס יאקאבאוויטש טענה'ט (געהערט מפה קדשו) אז עס מאכט זיך אמאל אין יענע געגנטער אז א געדעכטער גאז קומט ארויס פון די ערד און שוועבט בערך א פיס העכער די ערד, די מצרישע בכורות אין מצרים פלעגן אין יענע צייטן שלאפן אינווייניג אויף די ערד כאות כבוד (די יונגערע פלעגן שלאפן אינדרויסן אויף די דעכער).

דו זאגסט אז מצרים איז שפעטער געווען שוואך, איך ווייס נישט פונקטליך וואס דו ווילסט מיט דעם ארויס ברענגען, אבער זיי וויסן אז עגיפטן איז שטענדיג געבליבן א סופער מאכט עד היום הזה כמעט אן הפסק, פון די צייטן פון שישק און נכו, דורך די תלמיים ביז די מאמעלוכן. אפילו ווען עס איז געווען אונטער אנדערע קולטורן און רעדזשימען איז דער מצרישע אידענטיפיקאציע און נאציאנאלער סיסטעם קיינמאל נישט אפגעשוואכט געווארן. כמעט נישטא נאך א לאנד וואס האט פארמאגט אזא לאנגער איבערלעבונגס היסטאריע

שמחה יאקאבאוויטש, מי הוא זה?

אן אמעריקאנער מאדערן ארטעדאקס איד וואס וואוינט אין ארץ ישראל. ער איז אן ארכאלאג וואס טוט בעיקר אין אפיר זיכן ארכילאגישע באווייזן אויף אלטע מיטוסער, אזויווי די עקסידוס (יציאת מצרים), יאשקעס תליה, אטלאנטיס ארץ הפלאים (המוזכר בכתבי אפלטון).

@מושב זקנים אודאי קען די מכות געשעהן נאטירליך.. אבער אז עס זאל געשעהן איינס נאך די צווייטער נאנסטאפ איז נישט מסתבר אז ס'איז געשעהן פון זיך ''נאטירלעך''.

😮

גראף

@מושב זקנים אודאי קען די מכות געשעהן נאטירליך.. אבער אז עס זאל געשעהן איינס נאך די צווייטער נאנסטאפ איז נישט מסתבר אז ס'איז געשעהן פון זיך ''נאטירלעך''.

האסט געזעהן וואס איך האב געברענגט פונעם אברבנאל?

@מושב יא איך האב געזעהן. און? וואס מיינט דעס , אז די גאנצע זאך איז געשעהן פון זיך אליינס און די היברוס האבן גענומען די קרעדיט פאר זייער ג-ט?

און אנדערע ווערטער דו זאגסט אז עס וואלט סיי ווי געדארפט צו געשעהן?

עס איז קלאר אז די ראציאנאלע מהלכים איז זייער נישט היימיש און נישט אויסגעהאלטן מיט די כוונת הכתוב, ווייל ע"פ פשטות הכתוב האבן דא געדארפט פאסירן מורא'דיגע ניסים וואס וועט זיין דער סימבאל פון סאמנסטע מעשה ניסים לדורות. מען זעהט אז משה האט ע"י כוח הנבואה אלעס פאראויס געזאגט, און דווקא דורך פארשידענע פעולות און תנועות זענען די דיזעסטערס געשען, הכלל עס איז קלאר אז דער רצון פונעם כותב התורה איז אז מיר זאלן זעהן די זאכן פון איבערנאטורליכע ברילן. די ראציאנאליסטן זענען אבער געבליבן סטאק מיט די תורה ומצוות אדער גאר זיך פארליבט דערין זעענדיג דערין א מעגליכקייט דאס צו ניצן פאר פילאזאפישע אידעעס, האבן זיי פראבירט צו ראציאנאליזן די מעשה ניסים.

אז ס'איז דא א גאט וואס האט אנגעמאכט די גאנצע מעשה איז עס גאנץ ראציאנאל.

מען טענה'ט אויף די מכות, דאס איז די קלענסטע נס קעגען דער פשוטער נס, וואס ווערט אפילו נישט דערמאנט אלץ נס, דאס אז זעקס הונדערט טויזענט מענטשען גייען צוזאמען, פינף אברעסט (אין די ברייט), איז די שורה ווי לאנג? רעכענט אליין, גיבט יעדעם איינעם דריי פיס, עס שטייט נישט אז מען איז געגאנגן ווי מען טאנצט מיט די הענט אויף יענעמס פלייצע, 375 טויזענט פיס, א חשבון פין בערך 70 מייל, און ווען איינער דארף קטנ'ן, און דער עולם גייט ווייטער, מען קען דען אזוי גיין? פשוט די לגיסטיק וויאזוי דאס זאל ארבעטען איז שטארק נישט בטבע.

מען קען מוסיף זיין קשיות. כהנה וכהנה, אבער עס מאכט נישט אויס, די אלע ענינים די מכות מיט דער גאנצע מעשה, אפילו מען זאל קענען מסביר זיין אפאר מכות בטבע מאכט עס נישט גרינגער צו גלייבען אז די מעשה איז אמאהל געשעהן דברים ככתבן.

ווען די חבדסקע זאגען איך בין א נאר און איך גלויב, זאגען זיי עפעס.

אישתישבי

ווען די חבדסקע זאגען איך בין א נאר און איך גלויב, זאגען זיי עפעס.

ווי זאגן עס די חבד'סקע? ס'איז א סלאנימער ווארט (אויך נישט קלאר נאכגעזאגט.. )

קורקלענד

אז ס'איז דא א גאט וואס האט אנגעמאכט די גאנצע מעשה איז עס גאנץ ראציאנאל.

ראציאנאל מיינט אז עס שטימט מיט באגרייפבארע חוקי הטבע. דער היימישער באשעפערס כח טאר נישט זיין באגרייפבאר, דער באשעפער איז א הייליגער ....

וואס קען טון די אוממעגליכע און אומפארשטענדליכע און דער מקור פון זיין כח איז פארבאטן צו דערגיין.

ראציאנאל מיינט אז ס׳שטימט מיט די חקי הלאגיק, א סארט טראכאסגאנג וואס קען ארייננעמען זאכען וואס די חושים קענען לאו דוקט באגריפען. עי׳ ערך קוואנטום פיזיקס

Sent from my LG-K373 using Tapatalk

ליטוואק פון בודאפעסט

ראציאנאל מיינט אז ס׳שטימט מיט די חקי הלאגיק, א סארט טראכאסגאנג וואס קען ארייננעמען זאכען וואס די חושים קענען לאו דוקט באגריפען. עי׳ ערך קוואנטום פיזיקס

Sent from my LG-K373 using Tapatalk

דו רעדסט פון א פאראדאקס, מען זעט צוויי סתירה'דיגע פאקטן וואס קען לכאורה נישט וואוינען בכפיפה אחת למשל אז מען זאגט "יאך עס בונדאש" אדער אז מען גייט מיט א טשאלנט טאפ הוט צום כותל... וואס על אף עס איז נישט באגרייפבאר איז עס פארט ראציאנאל, ווייל מען האט פאר די אויגן סיי דעם יאך און סיי דעם גולאש, סיי דעם טשולנטאפ-הוט און סיי דעם כותל. יעדער אומפארשטענדליכער זאך איז לכאורה בבחינת פאראדאקס.

דער היימישער באשעפערס אומבאגרייפבארקייט באשטייט פון דעם וואס אפילו יאך מיט עך זענען א סתירה, ד.ה. נישט נאר ווען מען קומט צו א דעד ענד וואס דער תופעה קען שוין נישט פארשטאנען בדרך הטבע, צ.ב.ש. ווען מען זעהט אז מען זאגט סיי ויצמח פרקני און סיי קץ, א זאך וואס די טבע זאגט דרשינו, נאר אפילו ווען מען זעהט איינעם זאגן סיי קץ און סיי זאגן תחנון אום פורים מעזשעבוש זאגט מען אצבע אלוהים הוא און מען פראבירט נישט צו פארשטיין אז עס איז בעצם לאו דוקא נגד הטבע.

דער לאגיק זאגט אונז אז ס'מוז זיין עפעס העכער די גאנצע בריאה, וואס איז נישט באגרעניצט צו די חקי הבריאה. נאר וויבאלד מיר זיינען יא מוגבל צו די געזעצען, איז עס אונז אוממעגליך אויסצומאלען אין אונזער געוויסען אזא זאך וואס איז אומבאגרעניצט, אבער א ברייטער שכל קען עס אייננעמען, אויב נישט איינזעהן.

וועלעכער לאגיק זאגט אונז דאס? אבער אז דו ביסט א גלויביגער איד איז א שאד זיך צו טענה'ן אין דעם ענין.

דער ענין איז נישט אויפווייזען דער לאגיק, נאר צו ווייזען אז לאגיק איז לאו דוקא ראציאנאל און ראציאנאליזם איז נישט דער איינציגסטע וועג פון וויסען אלס. געוויסע זאכען, מחמת חוקי הלאגיק, קענען נישט זיין ראציאנאל, ולא נפלה חלקם במציאות צוליעב דעם, נאר אדרבא היא הנותנת.

בין איך דער איינציגסטער וואס איז שוין סיק-ענד-טייערד ווי יעדער אשכול ווערט געהיידזשעקט פון אפאר ניקס וואס הערן נישט אויף זיך טענה'ן אין אמונה, אידישע היסטאריע, ועוד?

לענינינו, כ'האב א שטיקל שאלה. לויט'ן מדרש איז פרעה געווען א פיצי מידזשעט. שטימט עס מיט דער געפינענעם סטאטוע?

וואס האסטו געוואלט? ער זאל מאכן א פיצי סטאטוע, עס וועט עם נישט ברענגען קיין כבוד

שמעקעדיג

בין איך דער איינציגסטער וואס איז שוין סיק-ענד-טייערד ווי יעדער אשכול ווערט געהיידזשעקט פון אפאר ניקס וואס הערן נישט אויף זיך טענה'ן אין אמונה, אידישע היסטאריע, ועוד?

לענינינו, כ'האב א שטיקל שאלה. לויט'ן מדרש איז פרעה געווען א פיצי מידזשעט. שטימט עס מיט דער געפינענעם סטאטוע?

פרעג דאנאלד טראמפ וואס פארא סטאטיו גייט ער מאכען פאר זיך, אויפ׳ן ציבור׳ס חשבון.

Sent from my LG-K373 using Tapatalk

שמעקעדיג

בין איך דער איינציגסטער וואס איז שוין סיק-ענד-טייערד ווי יעדער אשכול ווערט געהיידזשעקט פון אפאר ניקס וואס הערן נישט אויף זיך טענה'ן אין אמונה, אידישע היסטאריע, ועוד?

לענינינו, כ'האב א שטיקל שאלה. לויט'ן מדרש איז פרעה געווען א פיצי מידזשעט. שטימט עס מיט דער געפינענעם סטאטוע?

דער מהר"ל האט א גאנצער ביאור אז דער מדרש רעדט איבערן מהות פון פרעה און נישט איבערן פיזישן געשטעל, ווייל צו קען דען זיין יתכן א מענטש אן אמה הויעך און אן אמה ברייט?
בהמות בעלי תשובה מאכער וועלן דיר אבער ווייזן בילדער פון אן אריינגאנג צו א פיראמיד וואס איז אן אמה אויף אן אמה.

און מיסטער @שמעקעדיג טאמער ביסטו נישט סובל קיין היסטאריע דאן פארשטיי איך נישט פארוואס דו ביסט דא אריין געקומען און געפרעגט די קשיה, יעדער אויפריכטיגער ענטפער אויף דיין שאלה גייט פירן אדער צו היסטאריע אדער צו אמונות ודעות.

ליטוואק פון בודאפעסט

דער ענין איז נישט אויפווייזען דער לאגיק, נאר צו ווייזען אז לאגיק איז לאו דוקא ראציאנאל און ראציאנאליזם איז נישט דער איינציגסטע וועג פון וויסען אלס. געוויסע זאכען, מחמת חוקי הלאגיק, קענען נישט זיין ראציאנאל, ולא נפלה חלקם במציאות צוליעב דעם, נאר אדרבא היא הנותנת.

דאס האב איך דיר פראבירט צו זאגן, עס איז פארהאן אומפארשטענדליכקייטן נאכן האבן א לאגישער ארגומענט, און פארהאן אומפארשטענדליכקייט אן א האבן א לאגישער ארגומענט. דער אידישער גאט און אלעס ארום איז נישט געבויט אויף "לאגישע אומפארשטענדליכקייטן".

איך מיין אבער אז טאמער ווילן מיר ממשיך זיין אין דעם ויכוח וועלן מיר עס מוזן טון ערגעץ אנדערש ווייל די חברה דא ווערן שוין נערוועיז.

די תלמידי הישיבה זענען זייער נייגעריג וועמען דער ראש ישיבה האט געמיינט

moshav zekeinim

די תלמידי הישיבה זענען זייער נייגעריג וועמען דער ראש ישיבה האט געמיינט

לכאורה מיינט ער מיר, און ער רופט עס ״קנאות״ ווייל איך האב מיך אנגענומען פאר מיין רבין- א קדוש אלקי וואס איז געוועהן ממש ווי א טאטע און זיידע פאר צענדליגער טויזענטער מארמרישער אידן אינדערהיים, און ער רופט מיך א ״קרעציגע פעדער״...

איך ווער זייער נערוועז ווען איך פיהל אז איך טרעט אנדערע מענטשען אויף די הינער-אויגן, איך האב הנאה דא צוזיין און שמועסן מיט ענק, כל זמן סאיז געשמאק, אינטעליגענט, און א ראוהיגע אטאמספארע, איך קען מיך נישט אזוי גיט צושטעלן צו ענקערע ראולס און הלכות ווי למשל ווי מ׳מעג יא רעדן פון דעם און ווי מ׳טאר נישט רעדן נאר מיט א שינוי, און סאיז דא א חשובי ניק וואס ליידט אויף OCD און הערט נישט אויף יענעם צו מוסר זאגן וועגן ער ספעלט נישט די ווערטער גיט...

ענק האבן אישוס, איך וועל אנדערש זיין שטיל און לאזן ליטוואק ענק פארקויפן לאקשן אז דער אהבת ישראל פון וויזניץ איז געוועהן א בעל מחלוקות...

זייטס מיר געזונט און שטארק, ענק זענען אלע לעכטיגע אידישע קינדער- חזק ואמץ!

@אנאנים אנטשולדיגט מיר

עמער מכבד זיין ר' שלום'ן צו דערציילן אביסל מער איבערן חתן דינן דער מלך ירום הודו רעמסס דער גרויסער, וויפיל מלחמות ער האט געהאט מיט די בני חת און וויפיל טעמפלען ער האט געלאזט בויען אין נוב, און פארוואס טאקע איז דער געפינס פון זיין געשטאלט אזא נייעס אין די וועלט. אויך שמעקעדיג קען צולייגן ביד נדיבה.

איך ווייס וואס דער עולם איז אזוי בייז אויף מושב, ער האט זיך לעצטנס שטארק פארבעסערט. זעהט אויס אז די אורות פון פורים האבן סוף סוף יא אן השפעה

שלום איך ווייס נישט וועמען די מיינסט , קען זיין מיך אויכעט ,אבער ס'דא א מימרא מעט מן האור דוחה הרבה מן החושך , די אלע גיטע שרייבערס ווערן דא פארשווינדן קוים וואס מ'הערט עפעס פון זיי שאפט זיך דא א חלל וואס ווערט נתמלא דורך אנדערע מענטשן , זעה אז די אלע אלטע לייבן זאלן זיך אויפוועקן וועט די פלאטץ דא האבן א בעסערע פנים

אפשר מיינסטו מיר?

וועמען מיינט ער? אז דו האסט א פראבלעים מיט איינעם זאג עס ארויס בפה מלא אן רמזים. מען טו מען.

איש את רעהו יאמר חזק

איז את רעהו איז פשוט. ווער איז אבער דער צווייטער מיט איבער צוויי הונדערט הודעות און אלעס טראליש?

פארוואס דארף מען אויספראקן מענטשען ברבים? אז איינער איז טאקע א טראלל איז דא בעסערע וועגן וויאזוי אים שטיל צומאכן, און פארדעם איז דא גבאים, נישט אזוי?

מ'קען שוין טוישן די קעפל, ס'שטעלט זיך אויס אז די סטאטאו איז נישט פון פרעה רעמסס, נאר פון א צווייטע מלך וואס האט געלעבט מיט ארום 600 יאר שפעטער, זיין נאמען איז אריינגעקריצט אינעם שטיין.