"אפילו די גוים זענען מודה"

@אנאנים
איך מוז זאגן איך גלייך זייער דיינע ארטיקלען, אלעמאל א פרישע חידוש, א פרישע נושא, און כמיין אז "אפילו די גוים זענען מודה" אז דאס ברענגט אריין א אינטערסאנקייט אין שטיבעל... קיפ איט אפ!!!!

די פראז "אפי' די גוי איז מודה" מיינט נישט אז דער גוי איז קלוגער, נאר דאס מיינט אז דער גוי וואס איז מער גשמיותדיגע, און ווייניגער מאראליש, איז "אויך" מודה אז דאס און דאס איז נישט ריכטיג וכו", אויף די עשרת הדברות שטייט אויך אז אפי' די גוים האבן מודה געווען אויף עטליכע דברות. במילא איז דאס מחייב אונז אידן דעם עם הנבחר, דער בני בכורי ישראל, בתורת קל וחומר.

אור החיים פרשת יתרו יח פסוק כא:
ונראה כי טעם הדבר הוא להראות ה' את בני ישראל הדור ההוא וכל דור ודור כי יש באומות גדולים בהבנה ובהשכלה, וצא ולמד מהשכלת יתרו בעצתו ואופן סדר בני אדם אשר בחר כי יש באומות מכירים דברים המאושרים, והכונה בזה כי לא באה הבחירה בישראל לצד שיש בהם השכלה והכרה יותר מכל האומות, וזה לך האות השכלת יתרו הא למדת כי לא מרוב חכמת ישראל והשכלתם בחר ה' בהם אלא לחסד עליון ולאהבת האבות.

וואס דו ווייסט, ווייסט מען שוין לאנג אין אייוועלט.

שטאלצער יוד

שמעלקעלע

די פראבלעם וואס איך האב מיט נעיט סילבער איז
די מידיא רעכנט זיך מיט זיינס א ווארט ממש כאילו ס'קומט פון יאשקע אליינס

ביי מיר איז יאקשע פונקט אזוי (נישט) באגלייבט ווי נעט סילווער.

גראדע די נקודה קען מען טרעפן איבעראל למשל
אין סאטמאר וועט מען זאגן אפי' די ציונים זענען שוין היינט מודה אז.....
אין חב''ד וועט מען זאגן אפי' די מתנגדים זענען שוין היינט מודה אז.....
אין סקווירא וועט מען זאגן אפי' די ברסלבע זענען שוין היינט מודה אז.....
אין מזרחיסטן וועט מען זאגן אפי' די לינקע זענען שוין היינט מודה אז.....
אין די חרדישע קרייזן וועט מען זאגן אפי' די אמעריקאנע גוים זענען שוין היינט מודה אז.....
אין קאווע שטיבעל וועט מען זאגן אפי' די חרדים\אייוועלטניקעס זענען שוין היינט מודה אז.....
און ווען משיח וועט קומען וועט מען זאגן אפי' די גאנצע וועלט זענען שוין היינט מודה אז.....

ס'קען אפשר זיין אז דו קוקסט אויס באפיצט און געשעווטע בארד און באשמעקט מיט א באטל דיאדריענדט, בקיצור: קיההל. האט דיין חבר פרובירט זיין לאק מיט דעם אז גוים זענען אויך מודה... אזוי אפשר וועסטו טוישן מיינד

באט איי פיל די ווייטאג אלס א סאטמארער ווען סאטמורעם פרייען זיך ווען עפעס א ר''י אין אר''י איז מודה אז מ'טאר נישט גיין צום כותל. אזוי פארקלאמפעקסט צו זיין?

קאמענטירער: פארשטייט זיך, גויים וועלכע פארשטייען אידיש און קענען ליינען העניך'ס ארטיקלען... 😂

@אנאנים
כמיין אז דו ווילסט פראווען נאך א פוינט, אז גוים איז נישט קיין הגדרה, ווייל סאיז דא פארשידענע פעלקער וואס סאיז נישט גילטיג ביי זיי דאס וואס מבאקליידעט די ווארט גוים. ריכטיג? אויב יא דאן דארפסטו צוטיילען די ארטיקעל..

פון די קינדערישע פיקחות מעשיות געדענק איך מעשיות וואס הייבן זיך אן אזוי: געווען אמאל א איד, אן אראבער, און א גוי.

א גוי ביי אשכנזישע אידן מיינט א ווייסער קריסט. געווענדליך מיט שוואכע רעליגיעזע סמנים.

אגב, דער מושג Gentile אדער זר איז אוודאי דא ביי אנדערע פעלקער. ביי ציוויליזירטע שומרי תורה ניצט מען דעם אויסדרוק non-jew אדער נישט-איד.

מען קען לעבן העכער אן תורה? מעדיטאציע און תענותים איז נישט העכער די תורה.

ס'ווענט זיך און וועלכן קאנטעסט מען זאגט עס
1.גוים האבן סיייענס משא"כ יודישע סייענטיסטס איז ווייניג דא צו באקומען
2. סאיז דא מצות שכליות אזוי ווי כיבוד אב ואם וכו. וואס אונז טוען עס מחמת מצוה און זיי מכח שכל.

אבער זייערע גלחים קומען נישט ארויס יעדן שני וחמישי דרשנ'ען אז דיאדארענטס איז טריפה, אסור און טוט מעביר על הדת זיין זייערע צאן מרעיתם. דער וועלכער איז א שמוציגער און א שטינקער טוט אזוי על דעת עצמו. נישט אין נאמען פון זיין רעליגיע. משא"כ ביי א טיל פון אונז, לייגט מען אריין דאס פוילקייט זיך צו האלטן ריין און מקפיד זיין אויף כבוד הבריות אין די רעליגיע און פרומקייט...!
איך סאונד שוין באלד אזוי ווי דער אנטיסעמיט און זעלבסט-האסנדער יונג וועלכער שטאמט (ליידער) פון אידישן פאלק...איך בין נישט אזוי זיכער... 🙄

א איד גלויבט (צומאל) אין חכמת הפרצוף ווייל דער זוהר אין פרשת יתרו דערמאנט עס. אפילו דער גוי וואס האט נישט קיין זהר, און אין דעם זענען אלע גויים אייניג, גלויבט אויך אין דעם.
דאס האט דיין (געוועזענעם) חבר געמיינט.

מ'זאגט א ווערטעל - פארוואס ווען א קינד קומט אריין צום ברית מאכט מען א גאנצע טאראראם מיט א ברוך הבא און ווען ער גייט ארויס רוקט מען איהם נישט אן?
ווייל ווען ער קומט אריין, איז ער נאך אן ערל!

ס'דא פון ר' חיים וויטאל ועוד תלמידי האריה"ק עדיות אויפן אריה"ק אז ער פלעג קוקן איינעם אויפן פנים האט ער באלד באמערקט אלע זיינע עוונות ופשעים.
ס'יכול'ט להיות אז דאס איז מער א העכערע זאך און נישט די פשוטע חכמת הפרצוף וואס מיר זענען באקאנט מיט, אבער ר' חיים איז מעיד בהקדמתו אויף אלע חכמות וואס ער איז געווען בקי בהם ובתוכם חכמת הפרצוף.

אין דעם ענין פון זיך האלטן קליען. און נישט דער היפוך. די נפקא מינה פון אידן און גויים.
כ'דערמאן מיך ווען איך בין געווען אין או.די.עי. מעדיקל סענטער אין וויליאמסבורג. אין דאקטאר סטערנבערג'ס אפיס איז געווען א סיין אויף אידיש און ענגליש אז...דעם טאג וואס מ'האט אן אפוינטמענט זאלל מען נעמען א שאוער און אנטון ריינע אונטערוועש מיט א העמעד...!

אנאנים: לאמיר אביסל צוריקדרייען דאס רעדל פון היסטאריע. בשעתו ווען די סקאנדאלן אויפ'ן פרעזידענט בילל קלינטאן ירום הודו זענען ארויסגעקומען, זענען געווען אין קאנגרעסס און אין סענאט געוויסע רעפרעזענטאטיוו'ס וועלכע האבן זייער שטארק געפייערט אקעיגן איהם. האבן א פאר פלינקע זשורנאליסטן אנגעוויזן אז די אלע, ממש אלע וועלכע האבן ארויסגעטרעטן שארף אקעיגן איהם, זענען אליין געווען פארמישט אין ענליכע אדער ערגערע סקאנדאללן. דאמאלס זענען עטליכע קלוגע אידן געקומען צו די מסקנא אז ס'איז נישט דא קיין קדושה ביי גויים. און די וועלכע פייערן אקעיגן א צווייטן און מאכן זיך פרום זענען נישט מער ווי גרויסע היפאקריטן...!