שטילע אינגערמאןרימוןדער וואס קען נישט דערליידן א צווייטן זאל זיך שעמען דערמיט און ארבעטן אויף זיין טאלעראנץ און ליבשאפט צו יעדן איד.
עפענען אן אשכול צו פרעדיגן און זיך קאכן אין פיינטשאפט? אזא אשכול במחילת כבוד ר' שטילע, איז וואס איך קען נישט דערליידן.
רימון טייערע, די מיסט אנזעהן אז אונעם וועלט איז נישטא אזא זאך אז איינער זאל ליב האבן יעדער בריה. סאיז נישט פארהאן, נעקסט.
דא אין שטיבעל אז מפאברענגט אין משמוסט מאכט זיך כסדר אז מקען איינער נישט שלינגען, אין לפע״ד איז עס בכלל נישט קיין בושה.
כוואלט צופעליג בכלל נישט געהאט קיין פראבלעים טאמער איינער זאגט מיר ער האט נישט ליב שטילע, סאיז נישט קיין בושה אין מדארף זיך נישט שעמען, השי״ת האט געגעבן פאר יעדער א בחירה, יעדער מענטש האט ״ליב אין פיינט״.
סיי מענטשן, עסען, טרינקען, זאכן, וגו׳
למשל איך האב נישט ליב ״מילגרוים״ סארא בושה איז דאס? כזאג קלאר, כהאב נישט ליב מילגרוים.
איך מוז מודה זיין אז איך 'קען' נישט דעם
@שטילע אינגערמאן אין א וועג צו פארשטיין און אריינלערנען עפעס טיפערס ווי די שווארץ-אויף-בלוי ווערטער. טאמער איז דאס אויסגעשטעלט אלס א סאַרקאַסטיש, וואלט די אשכול געדארפט זיין אין די געלעכטער פארום.
יעדער פארשטייט, אהן דיין מילגרוים משל, אז יעדער האט ליעב עפעס אנדערש, און האט פיינט געוויסע זאכן. ס'איז אבער דא נאך געדאנקן צו נעמען אין באטראכט פארן ארויסשיסן א "איך האב דיך פיינט" פראקלימאציע.
א': ביטע פארשטיי אז די ווארט "האס" וכדומה איז נעגעטיוו ביז גאר, און אין די היינטיגע פראגרעסיווע דור איז עס אראפגעקוקט. אסאך מער איינגענעם איז "איך האב עס נישט אזוי ליעב" וכדומה. איי וועסטו זאגן אז דאס איז נישט אקוראט (ווייל באמת נישט נאר איך האב נישט ליעב דעם מילגרוים; איך האב עס לגמרה פיינט בתכלות השונאה), דער תירוץ איז אז די אקוראטע פיינטשאפט גיבט צו ווייניגער צו סאסייעטי ווי די פאסעטיווערע טאָן.
עס העלפט\שאדט אויך די געזעלשאַפטליכע קשר, וואס איז א ערענסטע מאטיוואציע פאר שמועסעריי אינעם ערשטן פלאץ. א חבר וואס איז אלץ ברוגז און נעגעטיוו האט א באזונדערע פלאץ אינעם מענטש'ס מוח'דיגע דירעקטארי. אסאך מאל וויל מען דוקא הערן פון אזא איינעם ווייל געוויסע זעהען עס אלס א סארט פארוויילונג צו לאכן פון יענעמ'ס [ריכטיגע אדער אויפגעבלאזענע] אנגעווייטאגטקייט, אבער יענער ווערט נישט אנגענומען אלס א ערענסטער, סיי אלס א חבר און סיי אלס א כאראקטער. (דאס איז בדרך כלל, אבער במציאות קען אסאך מאל זיין געוויסע וואס קלאמערן דוקא צו א נעגעטיווער ווייל ער זעהט אים אלס איינער וואס טיילט זיך מיט זיין אייגענעם ווייטאג.)
ב': א מענטש איז נישט א מילגוים. ד.ה. אז אפילו לאמיר שוין זאגן אז מ'טרעפט יא א סיבה פארוואס "ס'לוינט זיך" צו זיין ענדערש אקוראט ווי פאזיטיוו, דארף מען אבער נעמען אין באטראכט יענעמ'ס פילינגס. איך ווייס אז דו זאגסט אז דו "וואלט צופעליג בכלל נישט געהאט קיין פראבלעים טאמער איינער זאגט מיר ער האט נישט ליב שטילע", פארשטייסטו אבער אז נישט יעדער שפירט די זעלבע איבער זיך.
ג': געלויבט דער בורא עולם אז מיר האבן אישי, און אפילו ס'איז געקומען צו א מצב אז נקודה א' און ב' זענען נישט פעליג און דו שפירסט פארפליכטעט צו לאזן דעם ניק וויסען אז ער האט זיך ארויפגעדראפעט צו די "נודניק ליסטע", קענסטו אלץ ניצן די אישי אפציע יענעם צו איבערגיבן די וויכטיגע געפינסן. די רבים'ס מיטהאלטן ברענגט לכאורה נישט מער עקסטאז פארן בעל זכיה.
אין
אן אנדערע אשכול האט מען שוין ארומגערעדט איבער די וויכטיגקייט פון האלטן א ציוויליזירטע טאָן אינעם שטיבל. ממילא, אפילו אויב קיינער פרעזענליך שפירט זיך דא נישט געטראפן ווייל דו האסט נישט געזאגט קיין נאמען, דארף מען אבער נעמען אין באטראכט די נעגעטיווער איינדראק וואס עס לאזט איבער אויפן מאראל פונעם שטיבל.
איך מיין קיינעם נישט פרעזענליך, נאר איך האלט באמת אז מיר דארפן זיך צוריקדרייען צו די ריכטיגע ליניע. איך האב ביז לעצטענס געמיינט אז איך רעדט מיך נאר איין, אבער נאך מיין תגובה אין דער א.ד. אשכול האב איך שוין צוריקגעהערט פון עטליכע חברים אז ס'שטערט זיי אויך.
