אינגערמאן, היט אפ דיין געלט

א וויכטיגע לעקציע וואס דארף געגעבן ווערן פאר אונזער קאמיוניטי איז די ענין פון שפארן געלט.

די סיבה כ׳ברענג ארויפ די וויכטיגע נושא איז היות ס׳איז מיר אויסגעקומען צו רעדן מיט א פרישע שנה ראשונה אינגערמאן.
ווי מער כ׳האב גערעדט מיט עיהם, אלץ מער האס איך געמיינט כ׳טאנץ ארויס פון מיין הויט.
ער האט נישט געוויסט די חשיבות פון געלט, ס׳איז עיהם נישט אנגעפאלן טראכטען אויף א רעגענדיג טאג, אלץ וואס די בעה״ב האט עיהם געצאלט חודשלך איז געווארן ארויס געפליקט אויפ שוואיל טאג אין שטותים, פון גרויסע קאפי אינדערפרי (האסט מיין ווארט, גיס דארט אריין Y&S coffee ער וועט נישט וויסן די נפק״מ, די עיקור ס׳קומט אין א גרויסע פארפירענע קאפ מיט א דעקעל) ביז פרעסן מיט פרענדס ביינאכט אין טייערע רעסטעראנען. די goal איז געווען אז סוף חודש זאל ער בלייבן מיט א גרויסע זירא אין די עקאונט.

דער דארכשניטליכע אינגערמאן וואס טרעפט א ד׳זאב אין א מזלדיגע שעה אין דארף ליעסן א קאר, תיכף לויפט עיהם די קאפ אויפ א SUV, ער טראכט נישט אפי פון א געהעריגע קאר, וואס הייסט? ער מאכט דאך 6 מאות א וואך,
דער אינגערמאן איז א מומחה אין מאכן חשבונות פארוואס ער דארף די SUV אין פארוואס אין לוינט זיך.
ס׳קאסט ס״ה הונדרעט מער א חודש. דאס קומט אויס 25 א וואך. 4 טולר א טאג. נו כ׳מעג מיר פארגינען 4 טולר א טאג, העכטצענס וועל איך פאר דער חשבון מער נישט קויפן יעדער אינדערפרי מיין אויבען דערמאנטע brewed coffee.
(כ׳וועל נישט אריין גיין אין די פאקט אז חוץ בארא פארק, ווילי, מאנסי, מאנרוי, איז ״כמעט״ נישט געהערט געווארן די מציאות פון ליעסן קארס, א חוץ ביי די גאר רייכע.
יא יא, איר הערט גוט. די דורכשניטליכע גוי וואס מאכט דאבל דיין מאגירע פעי טשעק, אין זיין לעבן קאסט עיהם וויניגער ווי האלב פון דיר, איז פערפעקט אקעי מיט קויפן די ליעס קאר וואס די האסט אויסגעפליקט פאר צוויי יאר.
אונזער אינגערלייט פאלט נישט אן פון קויפן א געניצטע קאר, אדער financing, ער האט קיינמאל געמאכט די חשבון וועלעכע איז טייערע אדער ווי מסעיווט געלט, סאיז א אוטעמאטיש ריפלאקס ״ליעס״)
מטראכט נישט ווי גייט די געלט? איז דא בכלל א באנק אינוואלווד? מווייסט מדארף יעדער חודש צאלן 400 פאר א קאר, אזוי ווי רענט.

זאגט מיר א אינגערמאן לעטצענס אז ער וואינט אין א 3 רומיגע דירה מיט 5 קינדער, אבער ער זוכט א גרעסערע דירה מיט א פלעי רום, א גרויסע דייניג רום.
כ׳פרעג עיהם מיטן גאנצע תמימות האסט ב״ה באקומען א נייע דזאב? סאיז דא א שפע?
ניין, כ׳בין געווארן עפרווד אויפ סעקשען 8, כ׳קען זיך ערלויבן גרעסער, ביז יעצט צאל איך 2000 יעצט אז סעקשען 8 גייט מיר צאלן 1500 דארף איך א דירה פאר 3500.
די האר פון קאפ קען זיך אויפשטעלען סארא טיפוש דער אינגערמאן איז. ס׳איז דיר נישט אנגעפאלן אוועק צו לייגן חודשלך 1500? ס׳איז די גאנץ באקוועם אין די יעצטיגע דירה, איז עפעס א חיוב אז די טשעיס עקאונט זאל זיין סוף חודש א זירא באלאנס?
עטץ כאפסט ווי אזוי דער אינגערמאן קאפ איז געווייערד? ממש א הימל געשריי.

די זעלבע אינגערמאן טוט זיך אויףאז ער גייט יעדער יאר זוממער אין קאנטרי אין זאגט מיט א געווינס אז דע טעקס ריטערן קאווערט עס פונקטליך, ער טוט זיך אויפ אז ער איז א אויסגערעכענטע, ס׳קאסט נישט קיין פעני מער ווי די ריטורן,
קאמאן, די ווייסט אז אין 5 יאר ארום הייבסטו אן חתונה מאכן? סאיז די אנגעפאלן פון אוועק לייגן? אדער די שארסט זיך שוין יעצט צו צום עסקן ער זאל מאכן א פיינע טיי אווענט.

נאך א שגעון. שנה ראשונה וויעקעישען, מ׳גייט קיין ישראל, מגייט ווייזען די ווייב ווי גוט מ׳קען די מדינה נאכן שטיפן דארט דריי יאר.
כמעט נישט שייך די טריפ זאל קאסטן וויניגער ווי 8 אלפים, די טיקיטס אליין קאסטן א הון רב, מיז אינשטיין אין די ווארלדוב היסטאריע ווייל זיי האבן דארט א שענדעיליער פון איטאליע, אין נישט פארגעסען אז דינגען א קאר מיז אויך זיין א ראק אין רויל קאר ווייל אנדריש איז עס נישט וועקעישן, אין אפגערעדט ווי מגייט עסען אין די טייערעסטע רעסטעראנען וואס גראף פאטארצקי האט זיך קום ערלויבט.
פון ווי נעמט דער אינגערמאן די געלט פארן וויעקעישען? איז אזוי, קודם כל מליידיגט אויס די גאנצע סעווינגס וואס דער מיידעל האט אריין געברענגט צום חתונה (טאמער די טאטע האט עס נאך נישט געלקחנט) אין די רעשט קומט פון דרשה געשאנק אין אביסעל טאקע צאלט עמערעקען עקספרעס.
די קענסט מיר מסביר זיין פארוואס מקען נישט גיין וועקעישן דא אין די סטעיטס? ממוז אויס ליידיגן יעדער פרוטה מפארמאגט?

רבותי, כ׳האב שוין נישט קיין כח צו שרייען
כ׳קען אנגיין מיט משלים ביז די טינט וועט אויס גיין,
היוצא לנו מכל זה, אונזער אינגווארג האט נישט קיין בלאסן אנונג די חשיבות פון געלט, ביזן חתונה באקומען מען אלץ מיט א זילבערענע לעפעל, אין נאכן חתונה קנאקט מער ארויס יעדער פרוטה וואס קומט אריין, אז סוף חודש אין א בחינה פון בגפו יבא בגפו יצא.
מדארף לערנען אונזער קינדער אז מדארף נישט האבן אלץ וואס די שכן האט, סאיז פארהאן א זאך ווי א אינוועסטמענט, טריי אריין צו לייגן ערגעץ געלט, סוועט וואקסן וגו׳
מדארף זאגן פאר די קינדער, טאמער האסטו א אייפאון 5 איז עס גוט, די מיסט נישט האבן די 6 צוזאם מיט Tim Cook. די מיסט נישט האבן די שענסטע קאר אויפן בלאק, נאך אלץ ביסטו א קאקא וואס דעקט מיטאמאל די חודש.

שטילע האט זיך גענומען אריינפראקן אינעמוילעם ווי קיינמאל בעפאר.
שניידט, זעגט, האקט, פליקט, שפאלט, שיסט אריין מיט א קראפט וואס נאר די פונעם זיבעציגסטן שטאק פונעם ווארלד טרעיד האבן געזען יענעם ניין דער עלעפטער.

און דאס אלעס איז אלס א @שטילע אינגערמאן

שטילע, דאס ביסעל הנאה וואס מיר האבן וואס ווילסטו אויך אוועקנעמען.
דער בחור איז געזיצען אין ישיבה און אויפגעגעבן אויף אלע תאות עולם הזה , יעצט פיינעלי ער קען שוין אליינס גיין , פארגינסט עם נישט.
די פיינענסעס איז ממילא אין די אדמה, די 10 15 אלפים וועט גייט גרויסע חילוק נישט מאכן. באלד האט ער דריי/דרייצען פיצילך קינדער. אדרבה לאז עם אביסעל אינדזשויען.

כ'וואלט ווען געוואלט קענען זאגן "איך קום שוין פון דארט," למעשה קום איך נאך נישט פון דארט, אבער איך קען מיך אביסל מיט דעם גוי. דער עוורידש גוי אין דער סיטי לדוגמה טוט גארנישט בעסער מיט זיין געלט. צו זיין מזל האט מער עדווענטידשעס הויפטזעכליך צוליב דער בחירה וואס א גוי באקומט משא"כ דער איד. ביים גוי איז באמת בגפו יבא און בגפו יצא, ווערעס דער חסיד וואס האט זיך איבערנאכט געטראפן פארכאפט מיט א דירה, ווייב, קינד און קינדער. אוודאי מוז ער האבן א גרעסערע דירה. און פארוואס זאל ער נישט מעגן גיין וואקאציע ווען ער ארבעט ווי א חמור, ווייל באלד "מוז" ער חתונה מאכן זיינע קינדער וואס ער האט אוודאי אויך אראפגעברענגט אויף דער דאזיגער וועלט צוליב אויסגערעכנטקייט?

למעשה מיין איך אבער אז ס'איז סתם א סטעריאוטייפ. ס'האט גארנישט מיט חסידים, און בד"וו ליעסט מען קארס אינדרויסן פון בארא-פארק, וויליאמסבורג, מאנסי און מאנרוי. אפשר ווייניגער סובערבנס און אדעסיס, און מער בי עם דאבליוס און פיקאפ טראקס. ס'איז פאראן אלע סארט מענטשן, פון זיין קארג, ביז סתם אזוי שפארן, נארמאל און ספענדן אין דער וועלט אריין. כ'קען גענוג אין נאך חסידים וואס שפארן וואו זיי קענען נאר. וואס זאלן זיי טון אז זיי זענען געצווינגען צו לעבן א טייער לעבן? און פליז לאז דעם אינגערמאן גיין אביסל האנימאן. דאס לעבן עהעד איז גענוג באקאקט

דעפרעסטע אשכול דאס,

די אנלי ריעזאן צו גיין האנימאן איז ווייל ס׳לעבן איז באקאקט אין אפאר יאר פון יעצט? שפרינג איך ענדערש פון ברידזש

הייליגער שתקן! וויפיל טייכן טרערן האב איך שוין פארגאסן אויפן ענין, איך שפיר מיט דיין ווייטאג.
איך וועל נאר מוסף זיין איין נקודה אז מיר לעבען אין א זמן ווי עס איז קיין רחמנות נישט פארהאן, נישט דער בוטשער, נישט דער גראסערי, און נישט דער גרויזאמער שכר לימוד קאלעקטאר, נישט קיין קליידער געשעפט, קיינער האט קיין באזינדערע רחמנות אויף דיין ליידיגע קעשענע, זה הכלל אויב צאלסטו נישט באקומסטו נישט, יא קימחה דפסחא זיכער מען וועט דיך פיין מבזה זיין פאר א טיי אווענט, אבער געב מיר פלעין א דיסקאנט, אדער קום פשוט נישט שנארן ביי מיר ווייל איך קלעק קוים דאס נישט, אדער נעמסטו צדקה אדער טיילסטו ווייל דער באשעפער קוקט אוו הערט.

Sent from my VS987 using Tapatalk

פון די וויכטיגסטע און מערסט צום פּונקט אשכולות.

דערמאן איך זיך יעצט ווען איך בין געווען א אינגערמאן (נישט קיין שטילע) און כהאב געוואטשט אויף יעדן פרוטה, אבער היינט שוין גארנישט דא דערפון.... [emoji30] [emoji30] [emoji30]
איך בין נישט געגאנגען האנימאן ווייל א עס פאסט נישט פאר א חסידישע אינגערמאן

"דארף לערנען אונזער קינדער אז מדארף נישט האבן אלץ וואס די שכן האט, סאיז פארהאן א זאך ווי א אינוועסטמענט, טריי אריין צו לייגן ערגעץ געלט, סוועט וואקסן וגו׳
מדארף זאגן פאר די קינדער, טאמער האסטו א אייפאון 5 איז עס גוט, די מיסט נישט האבן די 6 צוזאם מיט Tim Cook. די מיסט נישט האבן די שענסטע קאר אויפן בלאק, נאך אלץ ביסטו א קאקא וואס דעקט מיטאמאל די חודש."

דער בראך ליגט אין חסרון פון עדוקעישאן. אויב דער אינגערמאן וואלט געגאנגען אין קאללעדש און געלערענט וועגען פינאנס און עקאנאמיע, וואלט ער זיך בייהאווענט מיט דער וועלט פון ריספאנסיביליטי און פלענינג כדבעי, און וואלט געווען מער מעטור און מבוגר. למעשה איז ער בדרך כלל א בור ריק וואס אויסער לערנען און אידישקייט וואס ער קען נישט, קען ער אויך נישט קיין נארמאלען ענגליש און האט נישט קיין אהנונג וויאזוי דער ציוויליזירטע וועלט ארבעט. נו וואס ווילט איהר נעבעך פון איהם.
ווען מיר וואלטען זיך געזארגט פאר אונזערע דורות וואלטען מיר אויף געשטעלט "היימישע" קאלידשעס און יוניועערסיטעטן צו העלפען דער יונגער דור זיך אינטעגרירען אינעם פינאנסיעלער ריעליטי פונעם היינטיגען תקופה אזויווי חז"ל זאגען "כאילו מלמדו ליסטות" היינט וואלטען חז"ל געשריבען מלמדו ללסטם את השלטונות..

לכבוד הרב שטילע
איך האב מוראדיג הנאה גהאט צו ליינען וואס די האסט גשריבען פשוט יעדער איינציגסטע ווארט איז אמת
טאקע נישט אלע ווילען עס פארשטיין אבער גרעכט "ביזטו".
איך בין גוועהן א בחור און מירער ישיבה. מען האט גהאקט א לעבן. יעדן טאג זענען מיינע חברים גאגנגען עסן און א צווייטע רוסטורנט איך פלעג ארבייטן רוב טאג און איך פלעג מיט גיין מיט זיי אבער קיינמאל גארנישט געקויפט קיין עסן
זיי האבן אייביג גלאכט ווי א קארגער בחור איך בין, איך פלעג זיי אייביג זאגן יעצט לאכן ענק פון מיר נאכן חתונה גייט מען זעהן ווער עס גייט לאכן פון וועמען.
אונז אלע האבן ב"ה חתונה גהאט איך בין אנגקומען צום חתונה מיט $ 50,000 פון שפארן נאך א שקל מיט נאך א שקל
יעצט לאמיר רעדן תכלית זיי זענען גפארן פיהל מיט outing's און גהאקט א לעבן {איך אויך אבער וואס קאסט נישט קיין געלט} און זיי האבן חתונה גהאט אן קיין דולר און טאש איך וואס איך האב נישט יעדן טאג געגסען שווארמה און גפארן ג'יפים און אן געקומען צום חתונה מיט פופציג טוזנט דולר און טאש אוועק געלייגט צו קויפן א הויז איז ווער די חברה מאן??????????
יעדער איינער זאל מאכן ביי זיך א חשבון פארן פארן האלידעס אז עס איז דא הערליכע פלעצער צו פארן וואס קאסט נישט אסאך {איך זאג נישט מען זאל נישט פארן}
וואס א חילוק די עיקר איז איך ווינטש פאר יעדער איינער זאל מאכן א באנטש געלט קענען הנאה האבן פון די געלט און האקן א לעבן

יואב

ווייל באלד "מוז" ער חתונה מאכן א זאק לחליחות וואס זענען נישט אריבער א קאנדאם?

האט דיין טאטע דיך אנוטערגעפירט די חופה מיט דעם מחשבה?

תורה ומדע

דער בראך ליגט אין חסרון פון עדוקעישאן. אויב דער אינגערמאן וואלט געגאנגען אין קאללעדש און געלערענט וועגען פינאנס און עקאנאמיע, וואלט ער זיך בייהאווענט מיט דער וועלט פון ריספאנסיביליטי און פלענינג כדבעי, און וואלט געווען מער מעטור און מבוגר.

היינט איז שוין פאראן די 'חתנים שיעורים' ווי מען לערנט אסאך די חתנים פון פינאנץ און בודזשעטינג, צו לעבן אויסגערעכנט און זיך היטן פון חובות.

ווי אויך איז שטארק כדאי אז עלטערן זאלן רעדן צו די קינדער בעפאר מען מאכט זיי חתונה (נישט נאכדעם!! הזהרו), זיי אנגרייטן אביסל אין לעבן זיי זאלן וויסן קלאר את אשר לפניהם, ואת הדרך אשר ילכו.

אנטשולדיגט מיר, אבער קאללעדזש קורסן זענען אויף גאר אן אנדערע ניווא.

אודאי אזוי! אבער לכה"פ דער מינימום השגה דערין לערנט מען כאטש אויס, ותן לחכם ויחכם עוד.

ירח בן יומו

יואב

ווייל באלד "מוז" ער חתונה מאכן א זאק לחליחות וואס זענען נישט אריבער א קאנדאם?

האט דיין טאטע דיך אנוטערגעפירט די חופה מיט דעם מחשבה?

וואס פונקטליך ער האט געטראכט אונטער מיין חופה ווייס איך נישט. אפשר א פשט אויף בניך כשתילי זתים, אפשר געמאכט דעם חשבון אז אין אכצן יאר מיט ניין חדשים וועט ער האבן א חתונה פון אן אייניקל, און צי ער וועט שוין דעמאלט מוזן נעמען אפפער לעוול אדער נאך קענען קומען פון לאויער כדרך בני אדם; אפשר פראבירט זיך צו דערמאנען ביי וועמענ'ס חופה פון צווישן די עלף אנדערע קינדער וואס ער האט חתונה געמאכט האט אויך גערעגענט. הפנים אפגעזען וואס ער האט געטראכט ביי מיין חופה, ניין חדשים פאר מיין געבורט האט ער זיכער קיין סך נישט געטראכט.

יואב

ירח בן יומו

יואב

ווייל באלד "מוז" ער חתונה מאכן א זאק לחליחות וואס זענען נישט אריבער א קאנדאם?

האט דיין טאטע דיך אנוטערגעפירט די חופה מיט דעם מחשבה?

וואס פונקטליך ער האט געטראכט אונטער מיין חופה ווייס איך נישט. אפשר א פשט אויף בניך כשתילי זתים, אפשר געמאכט דעם חשבון אז אין אכצן יאר מיט ניין חדשים וועט ער האבן א חתונה פון אן אייניקל, און צי ער וועט שוין דעמאלט מוזן נעמען אפפער לעוול אדער נאך קענען קומען פון לאויער כדרך בני אדם; אפשר פראבירט זיך צו דערמאנען ביי וועמענ'ס חופה פון צווישן די עלף אנדערע קינדער וואס ער האט חתונה געמאכט האט אויך גערעגענט. הפנים אפגעזען וואס ער האט געטראכט ביי מיין חופה, ניין חדשים פאר מיין געבורט האט ער זיכער קיין סך נישט געטראכט.

ווילד! 🙂

פליקער

הייליגער שתקן! וויפיל טייכן טרערן האב איך שוין פארגאסן אויפן ענין, איך שפיר מיט דיין ווייטאג.
איך וועל נאר מוסף זיין איין נקודה אז מיר לעבען אין א זמן ווי עס איז קיין רחמנות נישט פארהאן, נישט דער בוטשער, נישט דער גראסערי, און נישט דער גרויזאמער שכר לימוד קאלעקטאר, נישט קיין קליידער געשעפט, קיינער האט קיין באזינדערע רחמנות אויף דיין ליידיגע קעשענע, זה הכלל אויב צאלסטו נישט באקומסטו נישט, יא קימחה דפסחא זיכער מען וועט דיך פיין מבזה זיין פאר א טיי אווענט, אבער געב מיר פלעין א דיסקאנט, אדער קום פשוט נישט שנארן ביי מיר ווייל איך קלעק קוים דאס נישט, אדער נעמסטו צדקה אדער טיילסטו ווייל דער באשעפער קוקט אוו הערט.

Sent from my VS987 using Tapatalk

אין א רשעותדיגע גרויזאמע קעפטיליסטישע סאסייעטי ווי דער דאללער איז גאט פארלאנגסטו רחמנות פונעם בוטשער? Sweet Dreams מיין פריינד.

יואב

וואס פונקטליך ער האט געטראכט אונטער מיין חופה ווייס איך נישט. אפשר א פשט אויף בניך כשתילי זתים, אפשר געמאכט דעם חשבון אז אין אכצן יאר מיט ניין חדשים וועט ער האבן א חתונה פון אן אייניקל, און צי ער וועט שוין דעמאלט מוזן נעמען אפפער לעוול אדער נאך קענען קומען פון לאויער כדרך בני אדם; אפשר פראבירט זיך צו דערמאנען ביי וועמענ'ס חופה פון צווישן די עלף אנדערע קינדער וואס ער האט חתונה געמאכט האט אויך גערעגענט. הפנים אפגעזען וואס ער האט געטראכט ביי מיין חופה, ניין חדשים פאר מיין געבורט האט ער זיכער קיין סך נישט געטראכט.

ווען נישט איך בין דיין טאטע וואלט איך דיר געלייקט פאר דיין שפראך
אבער וויסן זאלסטו אז ניין חדשים פאר די ביסט געבוירן האב איך גראדע יא געטראכט איך האב געטראכט פון די אבות הקושים און די אמהות הקדושות און פארשטייט זיך פון די רבי ז"ל צורה.

און מ'זעט טאקע וויפיל ס'האט אויפגעטון.

יואב'ס טאטע האט לכאורה געליינט שלום עליכם'ס ווערק יענעם טאג אין כולל אונטער די שו"ע באהאלטנערהייט.

אה דאס מאכט שוין סענס.

איך אויך

אה דאס מאכט שוין סענס.

איך אויך איז relived. ס'טייטש אפילו דער טאטע האט נישט געהאט א סמארטפאון איז נאך פארט פאראן א מקום צו בלעימען פארוואס אזא פראדוקט איז ארויס לאור עולם. ס'איז נישט פשט אז מ'איז געטריי גאט, מ'טוט וואס אן ערליכער איד ברויך צו טון, און ווי פון גארנישט, פון א "טיפה סרוחה," קריכט ארויס א שגץ.

אן ע סיריעס נאויט ווייס איך נישט פארוואס מיין אומשולדיגער פאטער איז געווארן די רעדע דא. די נקודה איז אז ער האט נישט געטראכט אז מ'ברויך זיין גרייט פאר נאך א קינד. די פראצעדור איז געלאפן העכסט-נאטירלעך.

ווייל דו האסט געשריבן א עקלהאפטיגע און העכסט אומסענסיטיווע סענטענסט, ובכגון דא נהוג לומר: ווען דיינע עלטערן וואלטן אנגעהאט א קאנדאם יענע נאכט וואלט די וועלט בעסער געווען.

א רחמנות אויף דיינע קינדער אויב זיי זענען ביי דיר נעבעך נישט מער ווי א זעקל לחלוחית.

איך אויך

ווייל דו האסט געשריבן א עקלהאפטיגע און העכסט אומסענסיטיווע סענטענסט, ובכגון דא נהוג לומר: ווען דיינע עלטערן וואלטן אנגעהאט א קאנדאם יענע נאכט וואלט די וועלט בעסער געווען.

א רחמנות אויף דיינע קינדער אויב זיי זענען ביי דיר נעבעך נישט מער ווי א זעקל לחלוחית.

כ'קלער יעצט אז ביסט אביסל גערעכט אין דעם זין פון דער שפראך וואס כ'האב גענוצט. און נישט ווייל צו "איך אויך" ברויך מען נוצן אן איידעלע שפראך ווייל ער פארנעמט פשוט נישט פראסטע און וואולגארישע טערמינען, נאר באמת, ואלה הצאן מה חטאו. טאקע נישט זייער פראבלעם אז מ'איז זיך צו זיי אומגעגאנגען מיט א קנאפן יישוב הדעת אין יענער צייט ווען די גאנצע עקזיסטענץ זייערע איז נאך געווען אין דער פאזיציע וואס אפילו דער מערסט-צעדרייטער קאנסערוואטיווער וועט איר נאך נישט אנרופן "לייף."

מיין נקודה איז געווען צו אילוסטרירן דאס דוקא אומלאגישע מציאות אין וואס דער אינגערמאן האט זיך אריינגעלאזט איידער ער טאר שוין נישט נוצן זיין אפגעהארוועטע געלטער פאר וואקאציע, איידער ער ווערט באשולדיגט אין שפענדן געלט פאר א גרעסערער דירה, איידער ער איז גאר דער וואס מיטאמאל צייגט מען אים דעם גוי, ער זאל זיך פונעם גוי אפלערנען וויאזוי נארמאלע ציוויליזירטע מענטשן ברויך לעבן.

מיין כוונה איז אוודאי נישט געווען צו נוצן א זלזול'דיגן טערמין אויף די לעכטיגע קינדער, און כאטש כ'האב געמיינט די נקודה וואס כ'האב נארוואס עלעבארירט, האב איך יעצט פארט געטוישט דעם לשון. נישט לכבודך, נישט לכבודי, נאר לכבודם.

יעצט צו דיין נקודה דא אז די וועלט וואלט בעסער געווען ווען מיינע עלטערן וואלטן גענוצט א קאנדאם, קען זיין אז יא, קען זיין אז נישט. פאר מיר פערזענליך וואלט זיכער בעסער געווען. ועל כגון דא שטייט שוין אין דער גמרא, "חבל על דשתכחין ולא אבדין."

חברה, בארואיגט אייך. קאלעדזש עדיוקעישאן וועט גארנישט העלפן, איך קום פון דארט און איך האב שטאדירט פינאנץ און איקאנאמיקס (אגב, מיין פעיוואריט סובזשעקט). איך קען נישט אנצייגן אויף עפעס וואס כ'האב געלערנט אז דאס קאנווינסט איינעם צו סעיוון.

נאר וואס דען?
איך בין ב"ה אויפגעוואקסן אין א שטוב ווי מ'האט געלעבט באלעבאטיש אבער שפארזאם. מ'האט נישט געהאט די שענסטע קאר און די נייעסטע טאיס, אבער מ'האט געלעבט באקוועם און געווען א שמח בחלקו, נישט קוקענדיג וואס די שכן האט.

@שמעקעדיג שרייבט אז די עלטערן דארפן זיך אראפזעצן מיט די קינדער פאר'ן חתונה און מסביר זיין די חשיבות פון געלט. דאס איז נישט ריכטיג. עלטערן דארפן זיין א ראול מאדל פאר די קינדער און זיך אויפפירן אזוי אז ווען די קינדער האבן חתונה ווייסן זיין אליינס וואס צו טון.

מיין דעגרי איז א יסוד פון מיין פינאנציעלער הצלחה, ב"ה.

אלס א יונגערמאן עטליכע יאר נאך די חתונה, אין א קליינע דירה, נישט געפערליכע רענט, א נארמאל באצאלטע דזשאב, כ'פאר נישט אויף קיין טייערע וועקעישן, כ'דרייוו נישט קיין אויפרייסערישע קאר, כ'עס כמעט נישט אין רעסטראנט, כ'קויף נישט יעדע זאך וואס מיין שכן-חבר-קרוב האט וכו'
נישט אז בין קארג, איך טריי צו לעבן מיט א חשבון.
קומט אבער סוף חודש, ב"ה חובות האב איך נישט דאזה"וו, בלייבט גארנישט איבער, ממש וויפיל כ'האב פארדינט אזוי פיל האט מיך עס געקאסט.
איך האב שוין פרובירט אוועק צו לייגן יעדע וואך אפאר דאלער ס'גייט נישט.
וויל איך בעטן, אפשר קען איינער זיין אזוי גוט און מיך מגלה זיין דעם סוד, וואס ברויך איך צו טוהן אז איך זאל מיך נישט טרעפן אין עטליכע יאר פארזינקען אין חובות?
איך וויל נישט בארגען ח"ו און בלייבען שולדיג, איך וויל נישט דארפן צוקומען צו אנדערע.
ווי הייב איך אן?
ווי אזוי היט איך אפ מיין געלט?

איז אזוי קודם זייער חשוב פין דיר אז די האסט א ברייטער בליק אין זארגסט אויף שפעטער.

כהעל פרובירן צו צוטיילן לויט מיין דעת ( פארשטייט זיך מקען מחילוק זיין).

אויב דיינע עקספענסיס זענען מער ווי דיין אינקאם אדער די ברעקסט איווען מיינט עס דיינע אויסגאבעס זענען מער אין עפעס דארף געטאן ווערן אדער נאך א דזאב אדער אנדערע דזאב מיט א העכערע געהאלט אדער קאטן פין דיינע עקספענסיס וואס די זאלסט קאטן גיי איך נישט אין קיינער קען נישט זאגן ווייל פאר יעדעם איינער איז וויכטיג א צווייטער זאך איינער דארף א קאר אפי נישט א טייערע איינער דארף א רעסטעראנט.

פארוואס דארפסט עפעס טועהן איז ווייל עני נישט גערישטע הוצאה קען דיך אריינלייגען אין חובות א שמחה אדער אנדערפעלער.

גם אני מצטרף, עס איז א גרויסע זאך אז דו זארגסט אויף שפעטער, איזהו חכם הרואה את הנולד.
קודם, אז דו האסט נישט קיין חובות איז שוין א געבענטשטע זאך, וויפיל יונגעלייט קענען דאס זאגן אויף זיך.
ליידער זענען מיר אין א מצב וואס עס איז שווער צו פארדינען עקסטערע געלט פון א פשוט'ע דזשאב, ווייל די סטאנדארד פון לעבן איז גאר הויך, און מען באצאלט ווייניג אין די דזשאבס (פארהאלטניסמעסיג).
בלויז די עסן וואס מיר קויפן איין (איין היינטיגע שבת ארדער וואלט געקלעקט פאר אונזערע זיידעס אויף עטליכע חדשים), און נאר די קליידער אליין, און די פרייזן פון רענט קאסט אפ א געוואלד. נאך בעפאר שמחות.

אז ס'איז שייך פאר דיר צו מופן אויף א ביליגערע פלאץ וואלט געווען א גוטע אנהייב (כ'ווייס נישט וואו דו וואוינסט, אבער אין אלע היימישע באזעצטע געגנטער איז זייער טייער, מען דארף קוקן אויף די נייערע געגענטער).
דיין דזשאב זאל לכה"פ האבן א צווקונפט (א פיוטשער), ווי דו זאלסט קענען וואקסן מיט די צייט און שטייגן מעלה מעלה. אויב איז עס נישט שייך, זוך שוין יעצט עפעס אנדערש.
אודאי אויב דו קענסט אריינטאנצן אין עפעס גרעסערס, אייגענס, איז גאר חשוב; אבער למעשה רוב מענטשן זענען נישט געאייגענט פאר דעם, מען דארף זיין דער טייפ צו טאנצן און נעמען א ריסק.
אוועקלייגן איז וויכטיג. אז דו קענסט אפילו בלויז 20 דאלער א וואך, האסטו שוין אנגעהויבן אין די ריכטיגע דירעקציע.

תפלה און סייעתא דשמייא איז די וויכטיגסטע אינגרידיענט, מען זעהט מענטשן וואס פארדינען שיין און עס פאלט ארויף אויף זיי אומגעווענליכע עקספענסעס און מען בלייבט נישט מיט די גרויסע רווחים.
אלענפאלס א מענטש דארף טון די ריכטיגע השתדלות - וואס לויט דיינע ווערטער פרובירסטו עס צו טון, אשרי חלקך - און לאזן השי"ת טון דאס איבריגע, לקיים וברכתיך בכל אשר תעשה.

הצלחה וברכה בכל אשר תפנה.

ש'כח @גרויסע מענטשעלע @שמעקעדיג
גרויסע מענטשעלע, האסט זייער קלאר ארויס געברענגט, פארוואס איך בין באזארגט, די צייט בלייבט נישט שטיין, הצאות וואקסן ב"ה נאר געזונטערהייט.
לגבי חובות, האב איך געהערט פון א קלוגע יוד (קען זיין כ'האב עס דא געליינט...) ענדערש זיין שולדיג פאר זיך ווי פאר א צווייטען, ד.מ. למשל איך וויל קויפן א קאוטש, יעצט האב איך נישט איבריג געלט דערפאר, אנשטאט בארגען און בלייבען שולדיג $500 פאר מיין חבר, בין איך שולדיג פאר מיך א קאוטש. פארשטייט זיך אז מ'דארף וויסן ווי איין און ווי אויס, אבער די כלל האלט איך פאר די אויגן.
וועגן מופן ס'גייט לכאורה נישט געשען אזוי שנעל.
מיין דזשאב האט אפשר פיוטשער, ווי מער צייט גייט דורך, לערן איך מער וועגן די ביזנעס, די סודות און טריקס, מעגליך נאך אפאר יאר קען איך אליינס עפענען, (נאר צו טראכטן פון דעם דרייען זיך די קישקעס אבער ווער ווייסט?)
אוועק לייגן האב איך שוין געטרייט א שטיק צייט $50 יעדע וואך, ס'האט פשוט נישט אריינגעפיט, כ'גיי אנפאנגען נאכאמאל מיט $20 אפשר וועט עס ארבייטען.
און פארשטייט זיך תפילה אן דעם איז גארנישט דא.
למעשה האב איך געזען זייער אן אינטרעסאנטע זאך כמעט יעדע מאל ס'קומט אונטער גרעסערע הצאות קומט פון ערגעץ שפע, למשל פאר יו"ט קומט א באונעס פון די בעה"ב (יעדע מאל אן אנדערע סכום) ממש אייביג איז עס פונקט וויפיל די עקסטערע הצאות קומט אויס, ווען מיין יונגעלע איז געבוירן איז געקומען צו מיך איינער אז ער וויל אויסצאלן די ברית אלס א סגולה פאר... כ'געדענק שוין נישט, און אזוי נאך אסאך אסאך מאל.
איז מיין שאלה דארף איך בכלל עפעס טוהן, אדער לאזן אלעס ווייטער לויפן אזוי ווי ס'איז, און זיין רואיג אז ווען ס'וועט קומען ריזיגע הצאות, ווי למשל חתונה מאכן וכד', וועט שוין דעמאלט עפעס קומען?

ארומנאשנדיג אביסל פון דא און דארט איבער פינאנציעלע ראט, האב איך צוזאמענגעקליבן די פאלגענדע עצות וואס קען יעדן צוניצקומען.


א. באצאל דיינע חובות

דאס איז געוויס דער ערשטע יסוד, אבער עס איז וויכטיג צו האלטן חשבון וועלכע הוצאה קאסט דיר די מערסטע. אלזא ווער קודם פטור פון די קרעדיט קארטלעך אדער אנדערע לאונ'ס מיט הויכע אינטרעסט ראטעס. עס איז איבריג צו באטאנען אז מען זאל זיך היטן פון נייע הלוואות ווי פון פייער.

אויב האסטו אסאך קרעדיט קארד חובות, קען מען סעטלען, קאנסאלידעיטן, אדער ארויסנעמען איין גרויסע הלואה אויף א ביליגע ראטע און באצאלן אלע אנדערע חובות.

אויב מעגליך, עפן א סעיווינגס אקאונט, און מאך וועכנטליך אן אויטאמאטישע דעביט פון דיין טשעקינג אקאונט וואס זאל גלייך אהינגיין, אפילו נאר 20 אדער 30 דאלער א וואך, און פארגעס פון יענע געלט.


ב. שפיל מיט די עקספענסעס, נישט מיט די סעיווינגס

רוב מענטשן וואס מאכן א בודזשעט מאכן דעם חשבון פון זייער אינקאם, דערנאך רעכענען אראפ זייערע הוצאות, און די איבריגע (אויב בלייבט איבער) ווערט פאררעכנט פאר סעווינגס. דאס איז נישט ריכטיג. טו פארקערט. קודם מאך אפ וויפיל דו ווילסט אוועקלייגן, און דאס זאלסטו אוועקלייגן מיט מסירות נפש, אן קיין תירוצים! און דאס איבריגע מיט וואס דו בלייבסט איבער, דאס קענסטו נוצן פאר דיינע הוצאות. עס איז נישט גענוג? פרוביר עס צו מאכן ארבעטן, ווי געשריבן שפעטער. אלזא, ווען דו ערהאלסט דיין פעי טשעק, די ערשטע זאך נעם אראפ (מעשר אויב מעגליך און נאכדעם) די סעיווינגס, און די איבריגע געלט זאל בלייבן צום טאג טעגליכן באנוץ.


ג. עס נעמט צייט ארויסצוקריכן פון א לאך

דאס איז אלץ וויכטיג צו געדענקען, בפרט ווען עס האט זיך געמאכט א גרעסערע לאך. הייב אן אוועקלייגן אין די זייט צו דעקן דעם לאך צעביסלעך, און פארגעס דערפון. ליג נישט אונטער פרעשור טאג און נאכט.


ד. האלט חשבון אויף יעדע הוצאה

עס לאזט זיך נישט זאגן ווי הילפבאר דאס קען זיין. מענטשן מיינען אז זיי ווייסן בערך זייערע הוצאות, אבער עס איז ווייט פון ריכטיג. רוב מענטשן וואס טרעקן זייערע עקספענסעס און שרייבן אפ יעדן דאלער, ווערן איבערראשט נאך אפאר חדשים! אלזא, נעם דיר מיט א בוכעלע וואו אימער דו גייסט און שרייב אפ יעדן איינציגן דאלער, אזוי אויך דיין ווייב, און נאך 2-3 חדשים טו עס קאטעגאריזירן און דו וועסט שאקירט ווערן צו זעהן וויפיל די "קלייניגקייטן" מאכן אויס, און וויפיל דו קענסט זיך שפארן.


ה. פרוביר צו שניידן הוצאות

נאכן האלטן חשבון, קען מען אנהייבן שניידן. ערשטנס שנייד אראפ די אלע אומוויכטיגע זאכן פון דיין ליסטע. דערנאך גיי צו די וויכטיגערע הוצאות, און פון דארט פרוביר אויך צו שניידן וויפיל עס איז מעגליך. מען קען נוצן ווייניגער עלעקטריציטעט, קויפן א ביליגערע קאר (אויב בכלל), ביליגע געז, ביליגערע פראדוקטן אין גראסערי, נישט קויפן אלע נאשערייען און לייען מאטעריאל, קויפן ביליגע קליידער און שיך, קויפן אויף סעיל, נוצן קיופאנ'ס ווען מעגליך, א.א.וו. (און עס איז א מילתא דפשיטא אז אויב קענסטו אוועקמופן פון ברוקלין, טו עס במוקדם האפשרי....)

טרעף דיר אן א חבר אדער משפחה מיטגליד וואס זוכט אלץ די בעסטע דיעלס, און קען די בעסטע טריקס. ער וועט דיר קענען ארויסהעלפן אין דעם הינזיכט ביי פארשידענע הוצאות. צי זאל עס זיין אינשורענס, סעלפאון פלאן, טעלעפאן אינדערהיים, יוטיליטיס, אינטערנעט סערוויס, א.א.וו. מען קען זיך אזוי ארום שפארן הונדערטער דאלער צי מער יעדע יאר.

נאך א טריק וואס איז זייער ראטזאם: גיי אין גראסערי /סופערמארקעט בלויז ווען דו ביסט פולשטענדיג זאט! עס איז נישט קיין וויץ. מענטשן קויפן פיל מער ווען מען איז הונגעריג.


ו. עס אינדערהיים!

עס איז אומגלויבליך וויפיל א מענטש קען זיך שפארן ווען ער עסט אינדערהיים אנשטאט קויפן פארטיג אין געשעפט. לאמיר שוין נישט רעדן וויפיל געזונטער עס איז, די רעסטוראנען נוצן דאך נישט די געזונטסטע אינגרידיענט'ס, מילד גערעדט. אבער חוץ פון געזונטהייט, זענען די קאסטן אסטראנאמיש. בלויז איין סענדוויטש יעדן טאג אנשטאט פרישטאג אינדערהיים מאכט א ריזיגער דיפערענץ. אפגערעדט פון טייערע סאפער'ס ווי מען גייט אין רעסטוראנען זיך לאזן וואווילגיין כיד המלך.


ז. פרוביר צו העכערן דיין אינקאם

נאכן זיין 'סור מרע', גייען מיר צום 'עשה טוב'. ארבעט אריין מער שעות, פארלאנג א רעיז, זוך א סייד דזשאב, גיס מער וואסער ביי נטילת ידים, בענטש אין א סידור, זאג פרשת המן, אפשר קען דיין ווייב בעביסיטן, די ליסטע איז ענדלעסס.

אויב האסטו באקומען א רעיז, נוץ נישט גלייך אויס די איבריגע געלט צו האבן א טייערערע לייף סטייל. פרוביר ווייטער צו לעבן די זעלבע שפארזאם, און לייג ענדערש אוועק די איבריגע געלט.


ח. פרוביר צו לעבן אן קרעדיט קארדס

נאכן פאררעכטן די אלטע לעכער, איז מכאן ואילך חושבנא. ווארף אוועק די קרעדיט קארדס, און נוץ נאר דיין דעביט קארטל. פאר געוויסע טרענזעקשאנ'ס וואו דו מוזט נוצן א קארטל לעת הצורך (צב"ש רענטן א קאר), לאז איבער נאר איינס אדער צוויי מיט ביליגע אינטרעסט ראטעס, און נוץ עס נאר ווען מען מוז, און באצאל עס תיכף דעם זעלבן חודש בעפאר עס קאסט דיר רבית. (עס איז אויך כדאי צו נוצן א קליין ביסל יעדע חודש כדי צו האבן א גוטע קרעדיט סקאור).


ט. איש את רעהו יעזורו ולאחיו יאמר חזק

עס איז גוט אז 2 חברים – אדער אפילו מאן און ווייב – זאלן פרובירן סעיוון אינאיינעם און זיך ארויסהעלפן. ווען דו האסט פלוצלינג א שטארקע תאוה צו ספענדן פאר עפעס, רעד זיך אדורך מיטן שותף. נאך בעסער איז אויב יענער האט די שליסל צו דיין קאסע...

בכלל, אויב וויל מען איינפירן אזא שפארזאמע לייף סטייל, איז זייער וויכטיג עס צו אדורכשמועסן מיטן ווייב. געווענליך זענען די פרויען די ספענדערס (נישט אלץ), אבער אז מען נעמט זיי אריין אינעם בילד, מען ווייזט זיי קלאר וויפיל מען קען אויסגעבן א וואך/חודש, און אז דער מאן אליין וועט אויך מוותר זיין אויף לוקסוס כדי צו שפארן, אין אלגעמיין וועלן זיי זיך פרובירן צוצושטעלן, אדרבה צומאל קענען זיי אריינגיין אינעם שוואונג פון שפארן נאך מער ווי די מענער, און געווענליך זענען די פרויען מער דיסציפלינירט ווי מענער, און פאלן נישט אדורך אזוי שנעל, און אזוי ארום קען מקויים ווערן 'אשתו משמרתו ומצילו מן החטא'...

מיט תפלה, הצלחה און סייעתא דשמיא וועסטו אי"ה זעהן הרחבת הדעת!

פיין און וואיול, אבער דער דורכשניטליכער אידישער פאמיליע פארברענט יעדעס יאהר ציווישען 150 און 175 טויזענט דאללער א יאהר! רוב אמעריקאנער האוסהאולדס מאכען אין דער געגנד פון 50.60 טויזענד. שטעלט זיך די פראגע, מהיכן ירק זה חי? אהנע חובות? אפשר 102 פונעם עולם וואס אין זייאיז נכלל גבירישע קינדערץ אויף דעם האט איהר אויך אן עצה?

10%

תורה ומדע

פיין און וואיול, אבער דער דורכשניטליכער אידישער פאמיליע פארברענט יעדעס יאהר ציווישען 150 און 175 טויזענט דאללער א יאהר! רוב אמעריקאנער האוסהאולדס מאכען אין דער געגנד פון 50.60 טויזענד. שטעלט זיך די פראגע, מהיכן ירק זה חי? אהנע חובות? אפשר 102 פונעם עולם וואס אין זייאיז נכלל גבירישע קינדערץ אויף דעם האט איהר אויך אן עצה?

גראדע מוטשע איך זיך אביסעל מיט די נאמבערס ווייל דערווייל האב איך נאכנישט קיין גרויסע געזונדעל איז די שאלה וויפיל דעגרייכט די יערליכע בודזשעט פון א משפחה וואס פילט אן א מיני וועין? די זאגסט ''ציווישען 150 און 175 טויזענט דאללער א יאהר!'' איך זעה נישט די נומבערס זאלן זיין אזוי הויעך אפשר מאכסטו אן ערכ'דיגען חשבון אז דיינע נומערן זאלען האבען עפעס אן האפט?